رومانتيك ادەبيەت مۇعالىمى: ساباقتى توقتاتا تۇرىپ، الۋان رەڭدى بۇلتتاردى تاماشالاپ كەلەيىك ...

2022.09.01 15:27   كەلۋ قاينارى : حالىق تورابى

　　جۋىردا، يۇننان ولكەسى جاۋتۇڭ قالاسىنداعى مەكتەپتە ادەبيەت ساباعىن ءوتىپ جاتقان لي مۇعالىم كوك جۇزىندە الۋان رەڭدى بۇلتتاردىڭ بايقالعانىن كورىپ، ساباقتى دەرەۋ توقتاتىپ، وقۋشىلارمەن بىرگە كلاستان شىعىپ، دالىزدە تۇرىپ كوركەم كورىنىستى تاماشالاعان.

　　«الۋان رەڭدى بۇلتتاردى تاماشالاۋدىڭ ءوزى ءبىر باقىتتى، تالەيگە بۇيىرعان ءىس، وسىنداي تاماشا ءساتتى نەگە كوپشىلىكپەن بىرگە تاماشالاماسقا؟» — دەيدى ول.

　　لي مۇعالىمنىڭ بۇل ءسوزىن توراپتاستار ماقتادى، # رومانتيك ادەبيەت مۇعالىمى # دەگەن ءسوز ينتەرنەتتە كوپ ىزدەلگەن سوزدەر قاتارىنان كورىندى، لەبىز جازۋ ورنىندا توراپتاستار وزدەرىنىڭ مۇعالىمدەرى مەن مەكتەپتەگى تاماشا ساتتەرىن ەسكە الدى. كەيبىرەۋى: «بۇلتتى تاماشالاپ بولعان سوڭ، ماقالا جازدىرمايتىن شىعار»، — دەپ قالجىڭدادى.

　　تاعى بىرەۋلەر جياڭسۋ داشۋەسى ادەبيەت فاكۋلتەتىنىڭ مۇعالىمى جوۋ حىڭنىڭ وقۋشىلارعا ايتقان ءسوزىن ەسكە ءتۇسىردى: «مەن سەندەرگە ەكى رەت ساباقتان قالاتىن وراي بەرەمىن، ساباق وقۋدان دا ماڭىزدى ىستەر بولادى، مىسالى: عيمارات ماڭىنداعى قۇراق، ياكي، اقشامداعى اي». جوۋ حىڭ مۇعالىمنىڭ ءوزىنىڭ بەرگەن ۋادەسىن ورىنداعان كەزدەرى بولعان، شىنىمەن دە، كەيبىر وقۋشىلار جيميڭسى بۇتحاناسىندا اعاشتار گۇلدەپتى دەگەن سەبەپپەن ودان رۇقسات سۇراعان ءارى ول رۇقسات بەرگەن.

　　ساباقحاناداعى ءبىلىم وتە ماڭىزدى. الايدا، ومىردەگى كوركەمدىكتەردى بايقاۋ مەن سەزىنۋ دە بىردەي ماڭىزدى. توراپتاستاردىڭ لەبىز قالدىرعانىنداي: جىلداردىڭ وتەۋىمەن بالالار تەكستىڭ سويلەمدەرىن ۇمىتۋى مۇمكىن، الايدا، كلاس تەرەزەسىنىڭ سىرتىنداعى كورىنىستى جانە سول كورىنىستى بىرگە تاماشالاعان ادامداردى ۇمىتپايدى.

　　كۇزگى وقۋ ماۋسىمى كەلىپ قالدى، مەكتەپتەگى ساتتەرىڭىزدى قاستەرلەڭىزدەر، جاڭا وقۋ ماۋسمى شاتتىققا تولى بولسىن!

　　كەلۋ قاينارى: حالىق تورابى