شينجياڭ ءوندىرىس – قۇرىلىس بيڭتۋانىنىڭ بۇرىنعى ورىنباسار سىليڭيۋانى ياڭ فۋليندى ءبىرىنشى سوتتا 30 ميلليون 490 مىڭ يۋاننان استام پارا العان دەپ ايىپتادى

2022.09.09 15:30   كەلۋ قاينارى : حالىق تورابى

　　جۇڭگو اقپارت تورابىنىڭ 9 – ايدىڭ 8 – كۇنى بەرگەن حابارى. شاندۇڭ ولكەسى جينان قالالىق ورتا دارەجەلى حالىق سوت مەكەمەسىنىڭ ۇكىمەتتىك ميكرو بلوگىنىڭ حابارىنا قاراعاندا، 2022 – جىلى 9 – ايدىڭ 8 – كۇنى، شاندۇڭ ولكەسى جينان قالالىق ورتا دارەجەلى حالىق سوت مەكەمەسى شينجياڭ ءوندىرىس - قۇرىلىس بيڭتۋانىنىڭ بۇرىنعى ورىنباسار سىليڭيۋانى، پارتكومىنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى ياڭ فۋليننىڭ پارا الۋ دەلوسىن ءبىرىنشى سوتتا اشىق سوت اشىپ قاراعان.

　　جينان قالالىق حالىق پروكۋراتۋراسىنىڭ ايىپتاۋى: 2001 - جىلدان 2020 - جىلعا دەيىن، ايىپكەر ياڭ فۋلين شينجياڭ ءوندىرىس – قۇرىلىس بيڭتۋانى اۋىل شارۋاشىلىق 6 - ديۆيزياسى پارتكومىنىڭ تۇراقتى مۇشەسى، ورىنباسار شىجاڭى، بيڭتۋان اۋىل شارۋاشىلىق 14 - ديۆيزياسى پارتكومىنىڭ شۋجيى، ساياسي كوميسسارى، شىجاڭى، بيڭتۋان 3 - ديۆيزياسى پارتكومىنىڭ شۋجيى، ساياسي كوميسسارى، تۇمسىق قالالىق پارتكومىنىڭ شۋجيى، بيڭتۋاننىڭ ورىنباسار سىليڭيۋانى، پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى قاتارلى مىندەتتەردى وتەگەن كەزىندە قىزمەت قولايلىلىعىنان پايدالانىپ ينجەنەريانى كوتەرمەگە بەرۋ، قىزمەت مىندەتىن ءوسىرۋ، دەلونى ءبىر جاقتى ەتۋ سياقتى ىستەردە قاتىستى ورىندار مەن جەكەلەرگە كومەكتەسىپ، تىكەلەي نەمەسە تۋىس - تۋعاندارى ارقىلى زاڭسىز العان مال - مۇلكى حالىق اقشاسىنا سىندىرعاندا 30 ميلليون 490 مىڭ يۋاننان اسقان.

　　سوت تەرگەۋىندە الەۋمەتتىك ايىپتاۋ ورگانى قاتىستى دالەل - ىسپاتتاردى كورسەتتى، جاۋاپكەر ياڭ فۋلين جانە ونىڭ اقتاۋشىلارى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتىستى، ياڭ فۋلين ەڭ سوڭعى ٴسوزىن ايتتى، سونداي - اق سوت ۇستىندە قىلمىسىن تانىپ، رايىنان قايتاتىندىعىن ءبىلدىردى. سوت تەرگەۋىنىڭ سوڭىندا سوتتىڭ ءۇزىلىس جاساعاندىعىن، كەيىن ۇكىم جاريالايتىندىعىن ايتتى.

　　حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات تىلشىلەرىنەن جانە ءار سالاداعى بۇقارادان 10 نەشە ادام سوت تەرگەۋىن سىرتتاي تىڭدادى.

　　كەلۋ قاينارى: حالىق تورابى