ماتەريالدىق سۋرەت: جانارماي پۋنكتى. جۇڭگو اقپارات تورابى قازىنا – ەكونوميكا ارناسىنىڭ ءتىلشىسى گى چىڭ حابارلايدى
جۇڭگو اقپارات تورابى قازىنا – ەكونوميكا ارناسىنىڭ ءتىلشىسى گى چىڭ 9 – ايدىڭ 21 – كۇنى حابارلايدى. جۋىردا عانا قىمباتتاعان جانارماي باعاسى قايتادان تومەندەپ، بيىل «جەتىنشى رەت ارزانداۋى» مۇمكىن.
9 – ايدىڭ 21 – كۇنى ساعات 24 تە، ەل ىشىندە جاڭا كەزەكتى وڭدەلگەن مۇناي باعاسىن رەتتەۋ تەرەزەسى اشىلادى. حالىقاراداعى مۇناي باعاسىنداعى وزگەرىستىڭ ىقپالىنا ۇشىراعاندىقتان، ەل ىشىندەگى وڭدەلگەن مۇناي باعاسى تاعى ءبىر رەت از مولشەردە ارزانداۋى مۇمكىن.
جينليانچۋاڭ سەرىكتەستىگىنىڭ وڭدەلگەن مۇناي باعاسىنا تالداۋ جاساۋشىسى ۋاڭ شاننىڭ ايتۋىنشا، وسى كەزەكتى باعا ەسەپتەۋ پەريودى باستالعاننان بەرى، حالىقارادا شيكىزاتتىق مۇنايدىڭ باعاسى جالپى جاقتان ءالى دە ءبىرشاما تومەن ورەدە بولىپ، ورتاشا باعاسى الدىڭعى كەزەڭدەگىمەن سالىستىرعاندا قايتادان تومەندەگەن. شيكىزاتتىق مۇناي باعاسىندا قامداۋ بولاشاعىنداعى تۇراقسىزدىق ءالى دە ءبىرشاما زور بولعانىمەن، ەۆروپا مەن ا ق ش – نىڭ ءوسىم ۇستەمەلەۋ ىقتيمالدىعىنىڭ ارتۋىنا بايلانىستى، دۇنيە ءجۇزى ەكونوميكاسىنىڭ دامۋىنىڭ باياۋلاۋى جونىندەگى الاڭداۋشىلىق مۇناي باعاسىنا قىسىم تۇسىرۋدە.
قۇرىلىمداردىڭ ەسەپتەۋىنشە، 9 – ايدىڭ 20 – كۇنىنە دەيىن، اتاپ ايتقاندا، وڭدەلگەن مۇناي باعاسىن رەتتەۋ پەريودىنىڭ توعىزىنشى قىزمەت كۇنىنە دەيىن، شيكىزاتتىق مۇناي تۇرلەرىنىڭ نەگىزگە الۋعا بولاتىن باعاسى ءار باررەلىنە 88.90 ا ق ش دوللارى بولىپ، وزگەرىس مولشەرى %6.25- بولعان، مەجەمەن ەل ىشىندە بەنزين مەن ديزەل مايىنىڭ باعاسىن تومەندەتۋ مولشەرى ءار تونناسىنا 280 يۋان بولادى، بەنزين مەن ديزەل مايىنىڭ ءار ليترىنە سىندىرىپ ەسەپتەگەندە 0.2 يۋان اينالاسىندا ارزاندايدى. وسى رەت جانارماي باعاسىنا رەتتەۋ جۇرگىزىلگەن سوڭ، 95 – ءنومىرلى بەنزيننىڭ جاپپاي 9 يۋاننان تومەن دەڭگەيگە تۇسۋىنەن ءۇمىت زور.
«الداعى بازار جاعدايىنا قاراعاندا، حالىقاراداعى شيكىزاتتىق مۇناي باعاسى زور مولشەردە تولقۋ بەتالىسىن ساقتايدى، مەجەمەن شيكىزاتتىق مۇناي باعاسى ءار باررەلىنە 87 ا ق ش دوللارى اينالاسىندا تولقيدى»، — دەيدى جينليانچۋاڭ سەرىكتەستىگىنىڭ مۇناي باعاسىنا تالداۋ جاساۋشىسى بي ميڭشين، 9 – ايدىڭ سوڭعى شەنىندە، ءوندىرۋشى جاقتار ساتىلىم مولشەرىنە ىلەسۋگە ءمان بەرەدى، حالىقارادا شيكىزاتتىق مۇناي باعاسىندا قىسقا مەرزىم ىشىندە باعانى ارزانداتۋعا ءتيىمدى بەتالىس جالعاسىن تابادى.
مەجەلەۋگە قاراعاندا، ا ق ش فەدەراتسيالىق زاپاس قور جۇيەسى وسى اپتادا تاعى دا ءوسىمدى ارتتىرىپ، 40 جىلدان بەرى ەڭ جوعارى بولعان اقشانىڭ قۇنسىزدانۋىن تەجەۋگە ارەكەتتەنۋى مۇمكىن. «قازىر كوپ ساندى ماماندار ا ق ش فەدەراتسيالىق زاپاس قور جۇيەسىنىڭ 9 – ايدىڭ 21 – كۇنگى ماجىلىستە ءوسىمدى 75 نەگىزدىك تۇيىننەن جوعارىلاتۋىنىڭ ىقتيمالدىعى زور، 100 نەگىزدىك ءتۇيىن بويىنشا ءوسىم ارتتىرۋ ىقتيمالدىعى دا بار دەپ قارايدى»، — دەيدى جينليانچۋان سەرىكتەستىگىنىڭ شيكىزاتتىق مۇناي باعاسىنا تالداۋ جاساۋشىسى حان جىڭجي، سوندىقتان، قارجىگەرلەر زور مولشەردە ءوسىم ارتتىرۋدىڭ دۇنيە ءجۇزى ەكونوميكاسىنىڭ ارتۋى مەن جانارمايعا بولعان قاجەتسىنۋدى تەجەۋىنەن الاڭدايدى.
كەلۋ قاينارى: حالىق تورابى