پارتيا 20 - قۇرىلتايىنىڭ اقپارات ورتالىعى سىرتقا قاراتىلعان قابىلداۋ قىزمەت وتەۋىن رەسمي باستادى

2022.10.13 18:40   كەلۋ قاينارى : حالىق تورابى

　　شينحۋا اگەنتتىگى، 10 - ايدىڭ 12 – كۇنى، بەيجيڭ (ءتىلشى پان جيە). 10 - ايدىڭ 12 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ اقپارات ورتالىعى سىرتقا قاراتىلعان قابىلداۋ قىزمەت وتەۋىن رەسمي باستادى، الداعى جەردە ەل ءىشى - سىرتىنداعى تىلشىلەردىڭ 20 - قۇرىلتايعا تىلشىلىك ىستەۋىن قىزمەت وتەۋ جاعىنان قامتاماسىزداندىرادى.

　　اقپارات ورتالىعىنىڭ نەگىزگى فۋنكتسيالىق رايونى بەيجيڭ مەديا ورتالىعى مەن بەيجيڭ جاڭا عاسىر رىحاڭ قوناق ۇيىنە ورنالاستىرىلعان، بۇل جەرلەردە تىلشىلەر قابىلداۋ رايونى، اقپار جاريالاۋ رايونى، تىلشىلەر قىزمەت رايونى، اقپارات قۇرالدارى قىزمەت رايونى، ماتەريال قىزمەت وتەۋ رايونى، بەينە ەكران سۇحپات بولمەسى، راديو - تەلەۆيزيا سيگنالى قىزمەت وتەۋ بولمەسى، تور قىزمەت وتەۋ بولمەسى، سۋرەت قىزمەت وتەۋ بولمەسى سياقتىلار ورنالاستىرىلىپ، تىلشىلەر ءۇشىن اقپاراتتىق تىلشىلىك ىستەۋ، ماتەريال سۇراستىرۋ، الەۋمەتتىك راديو - تەلەۆيزيا سيگنالى سياقتى جاقتاردان قىزمەت وتەلەدى جانە قامتاماسىزداندىرىلادى.

　　20 - قۇرىلتاي اقپارات ورتالىعىنىڭ جاۋاپتىسى تانىستىرىپ بىلاي دەدى: ىندەتتەن ساقتانۋ - تىزگىندەۋ قىزمەتىن جاقسى ىستەۋمەن بىرگە، اقپارات ورتالىعى ناق مايداندا تىلشىلىك ىستەۋ، توراپتىق بەينە ەكران ارقىلى تىلشىلىك ىستەۋ، جازباشا تىلشىلىك ىستەۋ سياقتى كوپ ءتۇرلى تاسىلدەر ارقىلى ەل ءىشى - سىرتىنداعى تىلشىلەردى باي مازمۇندى، ىقىلاستى، جان - جاقتى قىزمەت وتەۋمەن قامدايدى. ءماجىلىس كەزىندە اقپارات ورتالىعى ەل ءىشى - سىرتىنداعى تىلشىلەردى ءماجىلىستىڭ ءىشىنارا ماڭىزدى كەڭەستىك تارتىپتەرىنە ناق مايداندا تىلشىلىك ىستەۋگە ۇيىمداستىرادى، پارتيا ۋاكىلدەرى جولىندا تىلشىلىك ىستەۋ قيمىلىن ۇيىمداستىرادى، كوپ رەت اقپار جاريالاۋ ءماجىلىسىن، تىلشىلەردى قابىلداۋ ءماجىلىسىن جانە كوللەكتيۆ تىلشىلىك ىستەۋ قيمىلىن ۇيىمداستىرادى، شەكارا ءىشى - سىرتىنداعى تىلشىلەردى بەيجيڭ قالاسىندا ەكسكۋرسيالاۋعا، تىلشىلىك جاساۋعا ۇيىمداستىرادى، شەكارا سىرتىنداعى تىلشىلەردى جينالىستىڭ ۋاكىلدەرىنە ءىشىنارا تىلشىلىك ىستەۋگە سايكەستىرەدى، ورنالاستىرادى. اقپارات ورتالىعى ارناۋلى توراپتىق بەينە ەكران تىلشىلىك جۇيەسىن قۇردى، تىلشىلەردىڭ جاڭا عاسىر رىحاڭ اۆياتسيا قوناق ۇيىندە توراپتىق بەينە ەكران ارناۋلى لەنياسى ارقىلى حالىق سارايىنىڭ اقپار جاريالاۋ زالىمەن، مەديا ورتالىعىنىڭ اقپار جاريالاۋ زالىمەن، سونداي - اق ۋاكىلدەر ۇيىرمەسى تۇرعان جەردەگى بەينە ەكران سۇحپات بولمەسىمەن بايلانىس جاساپ، تىلشىلىك ىستەۋىنە بولادى. اقپارات ورتالىعى تاعى ەل ءىشى - سىرتىنداعى تىلشىلەردىڭ جاتىن ورنىنا جانە قاتىناسىنا قىزمەت وتەپ، تىلشىلەردىڭ اقپارات ورتالىعى ۇيىمداستىرعان ماڭىزدى تىلشىلىك قيمىلىنا قاتىناسۋىنا قولايلىلىق تۋدىرادى.

　　20 – قۇرىلتاي اقپارات ورتالىعى اقپارات ورتالىعىنىڭ رەسمي توراپ بەكەتىن جانە قاتىستى تۇعىر نومىرلەرىن اشتى. ەل ءىشى - سىرتىنداعى تىلشىلەردىڭ اقپارات ورتالىعىنىڭ قىزمەت وتەۋ مازمۇنى مەن شارالارىن ۋاعىندا ۇعىسۋىنا، سونداي - اق رەسمي توراپ بەكەتىنىڭ «تىلشىلەر ارناۋلى اۋماعى» ارقىلى اناعۇرلىم كوپ تىلشىلىك ماتەريالىنا قول جەتكىزۋىنە بولادى. اقپارات ورتالىعى تاعى شەكارا سىرتىنداعى تىلشىلەردى تىركەۋگە الدىرۋ جۇيەسى مەن ۋاكىلدەرگە تىلشىلىك ىستەۋدى ءوتىنىش ەتۋ جۇيەسىن اشىپ، شەكارا سىرتىنداعى تىلشىلەردىڭ ماجىلىسكە تىلشىلىك ىستەۋگە تىزىمدەلۋىنە، سونداي - اق قۇرىلتاي ۋاكىلدەرىنە تىلشىلىك ىستەۋ ءوتىنىشىن تاپسىرۋىنا قولايلىلىق جاسادى.

　　كەلۋ قاينارى: حالىق تورابى