بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

2022 – جىلعى بەيجيڭ مارافون جارىسى وتكىزىلدى

ەرلەر، ايەلدەر گرۋپپاسى بويىنشا اعا جۇلدەگەر بولعاندار وزدەرىنىڭ ەڭ جاقسى ناتيجەسىن جاراتتى

2022.11.07 15:49   كەلۋ قاينارى : حالىق تورابى



  سۋرەتتە: 11 – ايدىڭ 6 – كۇنى، انۋبەك كۋان ۇلى جارىستا مارەگە جەتتى. ول ەكى ساعات 14 مينۋت 34 سەكۋندتىق ناتيجەمەن ەرلەر گرۋپپاسىندا 1 – ورىنعا يە بولدى. سول كۇنى، 2022 – جىلعى بەيجيڭ مارافون جارىسى بەيجيڭدە وتكىزىلدى. شينحۋا اگەنتتىگىنىڭ ءتىلشىسى جۇي حۋانزۇڭ فوتوسى

  شينحۋا اگەنتتىگىنىڭ ءتىلشىسى ۋ جۇنكۋان، ساۋ يبو بەيجيڭنەن حابارلايدى. 2022 – جىلعى بەيجيڭ مارافون جارىسى 11 – ايدىڭ 6 – كۇنى وتكىزىلدى. ەرلەر، ايەلدەر گرۋپپاسى بويىنشا اعا جۇلدەگەر بولعان جۇڭگولىق جۇيرىكتەر انۋبەك كۋان ۇلى مەن شيا يۇييۇي ەكەۋى دە وزدەرىنىڭ ەڭ جاقسى ناتيجەلەرىن جاراتتى.

  بەيجيڭ مارافون جارىسى 1981 – جىلدان باستاپ وتكىزىلگەن، بيىل 40 – رەت وتكىزىلۋى. ەرلەر گرۋپپاسىنداعى جارىستا، انۋبەك كۋان ۇلى، حى جيە، ياڭ چۇنلۇڭ جانە سۇن شياۋياڭ سىندى ەرەكشە ۇسىنىس ەتىلگەن ءتورت سپورتشى بەس كيلومەتردەن سوڭ باسقا سپورتشىلاردان قارا ءۇزدى. وسىدان سوڭ، تورتەۋىنەن قۇرام تاپقان ەڭ الدىڭعى توپ 20 كيلومەترگە دەيىن جۇبىن جازبادى، سۇن شياۋياڭ 25 كيلومەترلىك جەردەگى قامداۋ ورنىندا ەڭ الدىمەن قاتاردان قالىپ قويدى. 28 كيلومەتردەن سوڭ، جارىسقا قاتىناسقانداردىڭ اراسىندا ناتيجەسى ەڭ جاقسى سپورتشى حى جيە دە بىرتىندەپ الدىڭعى توپتان شەگىنە باستادى.

  1996 – جىلدىڭ تۇلەگى انۋبەك كۋان ۇلى 30 كيلومەتردەن سوڭ قارقىنىن ۇدەتە ءتۇستى ءارى باستان – اياق وزىمەن تەڭ جۇگىرىپ كەلە جاتقان ياڭ چۇنلۇڭدى ارتقا تاستادى. وسىدان سوڭ، انۋبەك كۋان ۇلىنىڭ باسىمدىلىعى بارعان سايىن ايقىندالا ءتۇستى، سوڭىندا ول ەكى ساعات 14 مينۋت 34 سەكۋندتىق ناتيجەمەن ەڭ الدىمەن مارەگە جەتىپ، ءوزىنىڭ ەڭ جاقسى ناتيجەسىن بەس مينۋتتان استام جوعارىلاتتى.

  ياڭ چۇنلۇڭ ەكى ساعات 19 مينۋت 11 سەكۋندتىق ناتيجەمەن ەكىنشى ورىنعا يە بولدى. حى جيە ءۇشىنشى بولىپ مارەگە جەتتى، ناتيجەسى ەكى ساعات 21 مينۋت 26 سەكۋند.

  ايەلدەر گرۋپپاسى بويىنشا، چيڭحۋا داشۋەسىنەن كەلگەن شيا يۇييۇي مەن ەرەكشە ۇسىنىس ەتىلگەن لي يىڭمەي، ۋاڭ مين ۇشەۋى باستاعان الدىڭعى توپ تا باسقا سپورتشىلاردى ءاۋ باستان ارتقا تاستادى. 22 كيلومەتردەن سوڭ، ۋاڭ مين اعا جۇلدەگەرلىكتەن ۇمىتكەرلەردىڭ قاتارىنان الدىمەن شەتتەپ قالدى. 35 كيلومەترگە جاقىنداعاندا، ەرەكشە ۇسىنىس ەتىلمەگەن سپورتشى شيا يۇييۇي لي يىڭمەيدى دە ارتقا تاستادى. ەڭ سوڭىندا، «توسىن جەڭىمپاز» شيا يۇييۇي ەكى ساعات 28 مينۋت 57 سەكۋندتىق ناتيجەمەن اعا جۇلدەگەر بولدى ءارى ءوزىنىڭ ەڭ جاقسى ناتيجەسىن زور مولشەردە جوعارىلاتتى.

  لي يىڭمەي ەكى ساعات 30 مينۋت 44 سەكۋندتىق ناتيجەمەن ەكىنشى ورىنعا يە بولدى، ۋاڭ مين ەكى ساعات 33 مينۋت بەس سەكۋندتىق ناتيجەمەن ءۇشىنشى ورىنعا يە بولدى، ەكەۋى دە وزدەرىنىڭ ەڭ جاقسى ناتيجەلەرىن جاڭالادى.

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى