2024 - جىلعى پاريج وليمپياداسى مەن مۇگەدەكتەر وليمپياداسىنىڭ قۇت بەلگىسى جاريالاندى

2022.11.15 16:02   كەلۋ قاينارى : حالىق تورابى

　　سۋرەتتە: 2024 - جىلعى پاريج وليمپياداسى مەن مۇگەدەكتەر وليمپياداسىنىڭ قۇت بەلگىسى «فريگەس». شينحۋا اگەنتتىگى (پاريج وليمپيادانى ۇيىمداستىرۋ كوميتەتى بەرگەن سۋرەت)

　　شينحۋا اگەنتتىگىنىڭ ءتىلشىسى شياۋ ياجو 11 - ايدىڭ 14 - كۇنى پاريجدەن حابارلايدى. پاريج وليمپيادا كوميتەتى 11 - ايدىڭ 14 - كۇنى 2024 - جىلعى وليمپيادا مەن مۇگەدەكتەر وليمپياداسىنىڭ قۇت بەلگىسى «فريگەستى» جاريالادى، پاريج وليمپياداسى جانە مۇگەدەكتەر وليمپياداسى ۇقساس قۇت بەلگىسىنىڭ وبىرازىن قولدانادى، الايدا، ناقتى جوبالاۋ بارىسىندا ازداعان پارىقتار بولادى.

　　ۇيىمداستىرۋ كوميتەتىنىڭ تانىستىرۋىنشا، قۇت بەلگىسىنىڭ نەگىزگى تۇلعاسى ءۇشبۇرىش فورماسىندا بولىپ، رەڭى قىزىل ءتۇستى نەگىز ەتىپ، قوسىمشا كوك ءتۇس پەن اق ءتۇس قولدانىلادى، بۇل فرانسيانىڭ مەملەكەت تۋىنداعى ءۇش رەڭگە ساي كەلەدى.

　　پاريج وليمپياداسىنىڭ قۇت بەلگىسىنىڭ كەۋدە تۇسىنا پاريج وليمپياداسىنىڭ جارىس بەلگىسى، سونداي - اق، بەس شەڭبەر بەلگىسى سالىنادى، ال، مۇگەدەكتەر وليمپياداسىنىڭ قۇت بەلگىسىندە بەس شەڭبەر بەلگىسى حالىقارالىق مۇگەدەكتەر وليمپياداسى كوميتەتىنىڭ بەلگىسىنە اۋىستىرىلادى. مۇنان سىرت، ەكى قۇت بەلگىنىڭ تاعى ءبىر پارقى — مۇگەدەكتەر وليمپياداسىنىڭ قۇت بەلگىسىنىڭ ءبىر جاق «اياعىن» جاساندى اياق فورماسىندا جوبالاعان.

　　پاريج وليمپياداسىن ۇيىمداستىرۋ كوميتەتىنىڭ ءتوراعاسى توني ەستانگۋە: «وليمپيادا سپورتى جونىنەن ايتقاندا، قۇت بەلگىسى ەرەكشە ماڭىزدى ءمان الادى. ول سپورت جينالىسى مەن حالىقتى تىعىز بايلانىستىرادى، جارىس الاڭىنىڭ ءىشى - سىرتىندا وليمپيادانىڭ تاماشا رايىن، سالتاناتتى مەرەكەلىك رايدى قالىپتاستىرىپ، توتەنشە زور قۇن جاراتتى»، — دەدى.

　　كەلۋ قاينارى: حالىق تورابى