قانداي اسەم كورىنىس! اتتى ساقشى اترەتى شارلاۋ جۇرگىزۋ بارىسىندا، مارال ۇيىرىنە كەزدەستى

2023.01.30 13:25   كەلۋ قاينارى : حالىق تورابى

　　جۋىردا، ىشكى موڭعۇل شەكارادان كىرىپ – شىعۋدى باسقارۋ پۋنكتى شەكارالىق قورعانىستىق تەكسەرۋ باس پۋنكتىنىڭ اتتى شارلاۋشى ساقشىلارى شەكارا وڭىردە شارلاۋ جۇرگىزىپ جۇرگەندە، 300 نەشە تۇياق جابايى مارالعا جولىققان.

　　اترەت باستىعى حۋبۋچيدىڭ تانىستىرۋىنشا، بۇل مارال ءۇيىرى بىلتىر 12 – ايدا ولاردىڭ باسقارۋىنداعى وڭىرگە كىرگەن، مەجەمەن بيىل 4 – ايعا دەيىن وسى وڭىردە بولادى، بۇرىنعى جىلدارى ەڭ كوپ بولعاندا 50 نەشە تۇياق بايقالعان، بۇل جولعى سانى بۇرىنعى جىلدارداعىدان كوپ بولعان.

　　مارال — مەملەكەتتىك 2 – دارەجەلى قورعالاتىن حايۋانات، اسقار تاۋداعى ورماندى، جايىلىمدى وڭىرلەردە تىرشىلىك ەتەدى، ءتۇرلى شوپتەردى، اعاش جاپىراعىن، جاس بۇتاقتاردى، اعاش قابىعىن جانە جەمىستەردى ازىق ەتەدى.

　　جۋىرداعى جىلداردان بەرى، جەرگىلىكتى ورىنداعى قاتىستى تاراۋلار جايىلىم ەكولوگياسىنا قاتىستى قوسىمشا سيلىق قاراجات بەرۋ ساياساتىن جاپپاي تياناقتاندىرپ، مەملەكەت مەنشىگىندەگى ورمان الاڭدارىن كوركەيتۋدى ىلگەرىلەتىپ، «وزەن، كول باستىعىنىڭ» شارلاۋ جۇرگىزۋى، شارلاپ قورعاۋ مەحانيزمى قاتارلى ءبىرقىدىرۋ شارالاردى بەلگىلەدى جانە كەمەلدەندىردى، جەرگىلىكتى ورىننىڭ ەكولوگيالىق ورتاسى بارعان سايىن جاقسارىپ، بۇل جەرگە كەلەتىن مارال ءۇيىرى جىلدان – جىلعا ارتا ءتۇستى.

　　كەلۋ قاينارى: حالىق تورابى