پاكيستاننىڭ باتىس وڭتۇستىك بولەگىندە ءبىر جولاۋشىلار اۆتوبۋزى كوپىردەن قۇلاپ، كەم دەگەندە 40 ادام ولگەن

2023.01.30 13:25   كەلۋ قاينارى : حالىق تورابى

　　شينحۋا اگەنتتىگىنىڭ 1 – ايدىڭ 29 - كۇنى يسلامابادتان بەرگەن حابارى: پاكيستان اقپارات قۇرالدارىنىڭ حابارىنا قاراعاندا، ءبىر جولاۋشىلار اۆتوبۋزى 1 – ايدىڭ 29 – كۇنى تۇستەن بۇرىن پاكيستاننىڭ باتىس وڭتۇستىگىندەگى بالوچيستان ولكەسىندەگى ءبىر كوپىردەن قۇلاپ، كەم دەگەندە 40 ادام ولگەن.

　　حاباردا بىلاي دەلىنگەن: بۇل جولاۋشىلار اۆتوموبيلى سول كۇنى بالوچيستان ولكەسىنىڭ لاسبەلا ايماعىنداعى ءبىر بەكەتتىڭ ماڭىندا ارتىنا بۇرىلماقشى بولعاندا كوپىردەن قۇلاپ ءورت كەتكەن، اۆتوبوزعا 50 گە تاياۋ جولاۋشى وتىرعان. جەرگىلىكتى ءمانساپتىلار بۇل وقيعانى كەلتىرىپ شىعارعان سەبەپ جولاۋشىلار اۆتوبۋزى جوعارى قارقىنمەن جۇرگەندىكتەن دەگەندى ايتتى.

　　قۇتقارۋشىلار شىرعالاڭ تۋىلعاننان كەيىن دەرەۋ ناق مايدانعا جەتكەن، قازىرگە دەيىن ءۇش جارالانعان ادامدى قۇتقارىپ شىققان.

　　پاكيستاندا قاتىناس شىرعالاڭى ءجيى تۋىلادى، مۇنىڭ سەبەبى كوبىنەسە اۆتوكولىكتەر كونەرگەن، جول جاعدايى ناشار، سونداي - اق شوفەرلەردە حاۋىپسىزدىك تانىمى كەمشىل.

　　كەلۋ قاينارى: حالىق تورابى