بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

2027 – جىلعى ازيا چەمپيوناتى ساۋد ارابياسىندا وتكىزىلەدى

2023.02.02 14:00   كەلۋ قاينارى : حالىق تورابى



  سۋرەت ازيا فۋتبول بىرلەستىگىنىڭ رەسمي تورابىنان الىنعان

  شينحۋا اگەنتتىگىنىڭ 2 – ايدىڭ 1 – كۇنى ماناماحتان بەرگەن حابارى. 2 – ايدىڭ 1 – كۇنى، باحرەيندە وتكىزىلگەن ازيا فۋتبول بىرلەستىگىنىڭ 33 – كەزەكتى ۋاكىلدەر قۇرىلتايىندا 2027 – جىلعى ازيا فۋتبول چەمپيوناتىن ساۋد ارابياسىندا وتكىزۋ رەسمي تۇراقتاندىرىلدى.

  ۇعىسۋعا قاراعاندا، باسقا مەملەكەتتەردىڭ ءوتىنىش بەرۋشىلەر قاتارىنان شەگىنىپ شىعۋىنا بايلانىستى، ساۋد ارابياسى ەڭ سوڭىندا 2027 – جىلعى ازيا چەمپيوناتىن وتكىزۋگە بىردەن – ءبىر ءوتىنىش بەرگەن ەل بولعان.

  ساۋد ارابياسى سپورت مينيسترلىگىنىڭ مينيسترلىگى ابدۋللا فايسال: «2027 – جىلعى ازيا فۋتبول چەمپيوناتىن وتكىزەتىن ەل بولۋ ساۋد ارابياسىنىڭ فۋتبول سالاسى ءۇشىن ايتقاندا تاريحي سيپاتتاعى، جەلپىندىرەرلىك ءسات»، — دەگەن.

  ول: «ءبىز ازيا فۋتبولىنىڭ ەڭ جاقسى كۇندەرىنىڭ ءالى الدا ەكەنىنە سەنەمىز، ءبىز وسى كەزەكتى جارىستى جاقسى وتكىزۋدى بارلىق تارتىمدى تۇستارىمىزدى ايگىلەيتىن وراي دەپ بىلەمىز. ءبىزدىڭ كولەمدى سپورت جانە كوڭىل اشۋ قيمىلدارىن ۇيىمداستىرۋ جاعىنداعى تاجىريبەلەرىمىز ءبىزدىڭ دايىندالىپ بولعانىمىزدى كورسەتەدى، ازيانىڭ جانە دۇنيە ءجۇزىنىڭ جەر – جەرىنەن كەلەتىن فۋتبول جانكۇيەرلەرىن شىن ىقىلاسپەن قارسى الۋعا دايىنبىز»، — دەدى.

  بۇل ازيا چەمپيوناتىنىڭ تۇڭعىش رەت ساۋد ارابياسىندا وتكىزىلۋى. ساۋد ارابياسىنىڭ مەملەكەت كومانداسى 1984 – جىلى، 1988 – جىلى جانە 1996 – جىلى ءۇش رەت ازيا چەمپيوناتىنىڭ اعا جۇلدەگەرى بولعان.

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى