بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

جۇڭگو قۇتقارۋ اترەتى تۇركيانىڭ قۇتقارۋ اترەتىمەن سەلبەسىپ، امان قالعان ايەلدى قۇتقاردى

2023.02.10 14:10   كەلۋ قاينارى : حالىق تورابى



  شينحۋا اگەنتتىگىنىڭ 2 – ايدىڭ 9 – كۇنى انتاكيادان بەرگەن حابارىنا نەگىزدەلگەندە، تۇركيانىڭ وڭتۇستىگىندەگى جەر سىلكىنسى اپاتى تۋىلعان رايونداعى حاتاي ولكەسىنىڭ انتاكيا قالاسىندا جۇڭگو قۇتقارۋ اترەتى 2 – ايدىڭ 9 – كۇنى كەش تۇركيانىڭ قۇتقارۋ اترەتىمەن سەلبەسىپ، قۇلاعان بينانىڭ قيراندىسىنىڭ استىندا امان قالعان تاعى ءبىر ايەلدى قۇتقارعان.

  ۇعىسۋعا قاراعاندا، بۇل ايەلدى قۇتقارعان كەزدە اپات تۋىلعاننان كەيىنگى قۇتقارۋدىڭ التىن ۋاقىتى سانالاتىن 72 ساعاتتان اسىپ كەتكەن. جۇڭگونىڭ قۇتقارۋ اترەتى ىزدەۋ – قۇتقارۋ بارىسىندا ادامنىڭ ءتىرى ەكەندىگىن باقىلايتىن جىلانكوز باقىلاۋ اسپابى ارقىلى قيراندىنىڭ استىندا قالعان وسى ايەلدى بايقاعان، ونى قۇتقارىپ شىققاندا ول قۇتقارۋ قىزمەتكەرلەرىمەن سويلەسە الاتىن جاعدايدا ەكەن.

  بۇل جۇڭگو قۇتقارۋ اترەتىنىڭ ءبىر كۇن ىشىندە تۇركيا قۇتقارۋ اترەتىمەن سەلبەسىپ قۇتقارىپ شىققان ءۇشىنشى امان قالعان ادامى، بۇل ۇشەۋى دە ايەل ادام ەكەن. وسىدان بۇرىن جۇڭگو قۇتقارۋ اترەتى مەن تۇركيا قۇتقارۋ اترەتى سەلبەسۋ ارقىلى 2 – ايدىڭ 9 – كۇنى تاڭعا جاقىن قيراندىنىڭ استىنان ءبىر جۇكتى ايەلدى قۇتقارىپ شىققان، 2 – ايدىڭ 9 – كۇنى تۇستەن كەيىن قيراندىنىڭ استىندا امان قالعان تاعى ءبىر ايەلدى قۇتقارىپ شىققان. (سۋرەتتى شينحۋا اگەنتتىگىنىڭ ءتىلشىسى سادات تۇسىرگەن)

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : مانەپ ەربول ۇلى