تۇركيانىڭ وڭتۇستىگىندە 6.4 بال جەر سىلكىندى

2023.02.21 14:29   كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى شيۇڭ سىحاۋ 2 – ايدىڭ 20 – كۇنى انكارادان حابارلايدى. تۇركيانىڭ وڭتۇستىگىندەگى قاتاي ولكەسىندە 2 – ايدىڭ 20 – كۇنى 6.4 بال جەر سىلكىنىپ، سيريا، ليۆان، يوردانيا قاتارلى توڭىرەگىندەگى كوپ ەلدە سىلكىنىس ءدۇمپۋى سەزىلگەن.

　　تۇركيانىڭ اپات جانە شۇعىل جاعدايلارعا قاتىستى قىزمەتتەردى ءبىر جاقتى ەتۋ باسقارماسىنىڭ 2 – ايدىڭ 20 – كۇنى ايتۋىنشا، وسى رەتكى جەر سىلكىنىسى جەرگىلىكتى ۋاقىت بويىنشا ساعات 20 دان 4 مينۋت وتكەندە (بەيجيڭ ۋاقىتى بويىنشا 2 – ايدىڭ 21 – كۇنى ساعات بىردەن 4 مينۋت وتكەندە) تۋىلعان، سىلكىنىس ورتالىعى قاتاي ولكەسى دەفنە رايونىندا، سىلكىنىس قاينارى 16.7 كيلومەتر تەرەڭدىكتە. 3 مينۋتتان كەيىن، اتالعان ولكەنىڭ سامانداگ رايونىندا 5.8 بال قايتالامالى سىلكىنىس تۋىلعان، سىلكىنىس قاينارى 7 كيلومەتر تەرەڭدىكتە.

　　تۇركيا اقپارات قۇرالدارىنىڭ كوزىمەن كورگەندەردىڭ سوزىنەن سيتات كەلتىرىپ حابارلاۋىنشا، ەكى اپتانىڭ الدىندا تۇركيانىڭ وڭتۇستىگىندە تۋىلعان كۇشتى جەر سىلكىنىسىندە بۇلىنگەن كەيبىر عيماراتتار سول كۇنى كەشتە قۇلاعان. تۇركيانىڭ ورىنباسار زۇڭتۇڭى وكتايدىڭ ايتۋىنشا، وسى رەت تۋىلعان جەر سىلكىنىسىندە كەمىندە 8 ادام جارالانعان، قۇتقارۋ – كومەكتەسۋ اترەتى قازىر قۇرىلىستاردىڭ ءبۇلىنۋ جاعدايىن جانە ادامداردىڭ جارالانۋ، قازا بولۋ جاعدايىن تەكسەرۋدە. ول جۇرتقا بۇلىنگەن قۇرىلىستاردان الىس ءجۇرۋدى ەسكەرتكەن.

　　تۇركيانىڭ وڭتۇستىگىندەگى سيريامەن شەكارالاسقان وڭىرىندە وسى ايدىڭ 6 – كۇنى 7.7 بال جەر سىلكىنگەن، قاتاي ولكەسىندە اپات جاعدايى ءبىرشاما اۋىر بولعان. ۇكىمەت جاقتىڭ ەڭ جاڭا ساناق مالىمەتىنە قاراعاندا، جەر سىلكىنىسىندە تۇركيادا كەمىندە 41156 ادام قازا بولىپ، 105505 ادام جارالانعان، اپات تۋىلعان جەردە 84 مىڭنان استام قۇرىلىس قۇلاعان، اۋىر دارەجەدە بۇلىنگەن نەمەسە شاعۋدى شۇعىل قاجەت ەتەتىن دەڭگەيگە جەتكەن.

　　تۇركيا جەر سىلكىنىسى كوپ تۋىلاتىن بەلدەۋگە ورنالاسقان. 2011 – جىلى تۇركيانىڭ شىعىسىنداعى ۆان ولكەسىندە 7.2 بال جەر سىلكىنىپ، 644 ادام قازا بولعان. 2020 – جىلى تۇركيانىڭ باتىسىنداعى ەگەي تەڭىزىندە 6.6 بال جەر سىلكىنىپ، 116 ادام قازا بولعان.

　　كەلۋ قاينارى: حالىق تورابى