قالا – قالاشىقتاعى كونە شاعىن اۋماقتاردى جاڭالاۋ بەلسەندىلىكپەن ىلگەرىلەتىلدى

− تۇرعىن ءۇي جانە قالا - اۋىل قۇرىلىسى مينيسترلىگى ۋاكىلدەر مەن مۇشەلەردىڭ ۇسىنىس - جوبالارىن تياناقتاندىرۋدى تىڭعىلىقتى ىلگەرىلەتتى

2023.02.27 16:17   كەلۋ قاينارى : حالىق تورابى

2022 - جىلى 4 - ايدىڭ 29 - كۇنى يۇنناننىڭ يۇيشي دەگەن جەرىندە «داۋال سۋرەتشىلەرى» ۇسىنىس بويىنشا جاڭارتۋ جۇرگىزىلگەن قالا - قالاشىقتاعى كونە شاعىن اۋماقتاردىڭ داۋال قابىرعاسىنا سۋرەت سالۋدا. سۋرەتتى شينحۋا اگەنتتىگىنىڭ ءتىلشىسى حۋ چاۋ تۇسىرگەن

　　شينحۋا اگەنتتىگى، 2 - ايدىڭ 26 - كۇنى، بەيجيڭ. تاقىرىبى: قالا – قالاشىقتاعى كونە شاعىن اۋماقتاردى جاڭالاۋ بەلسەندىلىكپەن ىلگەرىلەتىلدى

　　− تۇرعىن ءۇي جانە قالا - اۋىل قۇرىلىسى مينيسترلىگى ۋاكىلدەر مەن مۇشەلەردىڭ ۇسىنىس - جوبالارىن تياناقتاندىرۋدى تىڭعىلىقتى ىلگەرىلەتتى

　　شينحۋا اگەنتتىگىنىڭ ءتىلشىسى ۋاڭ يوۋليڭ

　　ليفت ورناتىلدى، اۆتوكولىك توقتاتۋ ورنى سىزىلدى، بەلگىلەمەگە قايشى سالىنعان قۇرىلىستار بۇزىپ تاستالدى، جول بەتى وزگەرتىلدى، جاسىلداندىرۋ اۋماعى كوبەيتىلدى... تاياۋ جىلداردان بەرى جەر - جەر قالا – قالاشىقتاعى كونە شاعىن اۋماقتاردى جاڭالاۋدى جاپپاي ىلگەرىلەتىپ، قيىن تۇيىندەردى، بوگەتتەردى ۇزدىكسىز اشىپ، مەحانيزمدىك كەدەرگىلەردى الاستاپ، حالىقتىڭ كوڭىلىنەن شىعىپ، بۇقارانىڭ تابىس سەزىمىن جوعارىلاتتى.

　　2020 - جىلعى مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى كەزىندە مەملەكەتتىك ساياسي كەڭەستىڭ مۇشەسى جوۋ لان بازار كۇشتەرىن قالا – قالاشىقتاعى كونە شاعىن اۋماقتاردى جاڭالاۋعا ات سالىسۋعا شابىتتاندىرۋ جونىندەگى ۇسىنىس جوبانى تاپسىرىپ، قالا – قالاشىقتاعى كونە شاعىن اۋماقتاردى جاڭالاۋ بارىسىندا تۇرعىنداردى جۇمىلدىرۋ مەحانيزمىن ورناتىپ، «قۇرىلىس پەن باسقارۋدى ءبىر تۇلعالاندىرۋ» رەفورماسىن ىلگەرىلەتۋ سياقتى ۇسىنىستاردى العا قويدى.

　　«جەر - جەر كونە شاعىن اۋماقتاردى جالپىلىق رەتتەۋ - وڭاۋدى، جاقسارتۋدى ىلگەرىلەتۋ بارىسىندا تاجىريبە توپتادى، الايدا بازارعا قاتىناسۋ قيىندىعى زور بولۋ، وزگەرتكەننەن كەيىنگى باسقارۋ قيىن بولۋ سياقتى رەال ماسەلەلەر دە ورىن تەۋىپ وتىر. بۇل ماسەلەلەر مەملەكەتتىك ەكى ماجىلىستە ۋاكىلدەر مەن مۇشەلەر كوڭىل بولەتىن تاقىرىپقا اينالدى ءارى قاتىستى تاراۋلاردىڭ قىزمەت ءتۇيىنى بولدى» دەدى جوۋ لان.

　　ۇسىنىس جوبانى تاپسىرىپ العاننان كەيىن تۇرعىن ءۇي جانە قالا - اۋىل قۇرىلىسى مينيسترلىگى بەلسەنە كۇش ۇيىمداستىرىپ، قاتىستى ماسەلەلەرگە تەكسەرۋ - زەرتتەۋ جۇرگىزىپ، جاۋاپ قايتارىپ مىنانى ءبىلدىردى: قوعامدىق كۇشتەردى قالا – قالاشىقتاعى كونە شاعىن اۋماقتاردى وزگەرتۋگە ات سالىسۋعا بەلسەنە جەتەكتەپ، كولەمدەنگەن اتقارۋ نەگىزگى تۇلعاسىن جەتىلدىرىپ، باياندى وزگەرتۋ اينالىم ۇلگىسىن قاراستىرىپ، كوشىرۋگە، جالپىلاستىرۋعا بولاتىن تاجىريبەلەردى ەرتەرەك قالىپتاستىرامىز.

　　2018 - جىلدان باستاپ قالا – قالاشىقتاعى كونە شاعىن رايونداردى جاڭالاۋ ءۇرتىس 5 جىل ۇكىمەت قىزمەتىنەن بايانداماعا ەنگىزىلدى. 5 جىلدان بەرى تۇرعىن ءۇي جانە قالا - اۋىل قۇرىلىسى مينيسترلىگى قالا – قالاشىقتاعى كونە شاعىن اۋماقتاردى جاڭالاۋ جونىندەگى 100 نەشە ۇسىنىس - جوبانى تاپسىرىپ الدى، ۋاكىلدەر مەن مۇشەلەر ۇسىنىس - جوبالاردا كونە شاعىن اۋماقتاردى جاڭالاۋ سەرپىنىن ارتتىرىپ، قارجىلىق قولداۋ سەرپىنىن ارتتىرىپ، شارت - جاعدايى بار عيماراتتارعا ليفت ورناتۋدى ىلگەرىلەتىپ، كەدەرگىسىز قۇرىلىس، قارتتارعا قولايلى ەتىپ جاڭالاۋ سياقتى حالىققا ءتيىمدى نىسانداردى ورىستەتۋگە ۇندەدى.

　　ءتىلشىنىڭ ۇعىسۋىنشا، تۇرعىن ءۇي جانە قالا – اۋىل قۇرىلىسى مينيسترلىگىنىڭ پارتگرۋپپاسى ۇسىنىس جوبالاردى ءبىر جاقتى ەتۋ قىزمەتىنە ايرىقشا ءمان بەرىپ، مينيسترلىك پارتگرۋپپاسى ءبىر تۇتاس ورنالاستىرۋ جاساۋ، مينيسترلىك باسشىلارى جۇمىس ءبولىسى بويىنشا جاۋاپتى بولۋ، ۇستىنە الىپ جۇرگىزۋگە جاۋاپتى تارماق مەكەمەلەر ناقتى تياناقتاندىرۋ، كەڭسە مەڭگەرمەسى سايكەستىرىپ قۋزاۋ قىزمەت مەحانيزمىن ورناتقان، مينيسترلىك باسشىلارى جاۋاپتى بولعان سالالارداعى ۇسىنىستاردى ءبىر جاقتى ەتۋ ساپاسىن تەكسەرىپ وتكەلدى يگەرۋدى كۇشەيتىپ، ءبىر جاقتى ەتۋدىڭ ساپاسى مەن ونىمدىلىگىنە كەپىلدىك ەتكەن.

　　تانىستىرۋعا قاراعاندا، تۇرعىن ءۇي جانە قالا - اۋىل قۇرىلىسى مينيسترلىگى ۋاكىلدەرمەن، مۇشەلەرمەن ىرىقتى تۇردە بايلانىس جاساپ، ارناۋلى تاقىرىپتا تەكسەرۋ - زەرتتەۋ جۇرگىزىپ، قاتىستى ۇسىنىستاردى رەفورمانى تەرەڭدەتۋدىڭ، قيىن ماسەلەلەردى شەشۋدىڭ ساياساتتىق شارالارىنا اينالدىرىپ، قوعام نازار اۋدارىپ وتىرعان ماسەلەلەرگە دەر كەزىندە جاۋاپ قايتارعان. سونىمەن بىرگە، ءبىر تۇتاس جوسپارلاپ سايكەستىرۋدى كۇشەيتىپ، ۇسىنىس جوبالاردى ءبىر جاقتى ەتۋ ءتارتىبىن ارناعا ءتۇسىرىپ، ينفورماتسيالانعان باسقارۋ جۇيەسىن ىسكە قوسىپ، ءبىر جاقتى ەتۋ قارقىنىن دەر كەزىندە يگەرىپ، شەكتى ۋاقىتتا قۋزاپ ءبىر جاقتى ەتىپ، ءبىر جاقتى ەتۋ ناتيجەسىن دەر كەزىندە اشىق جاريالاپ، قوعامنىڭ باقىلاۋىن ىرىقتىلىقپەن قابىلداعان.

　　بۇل ۇسىنىس جوبالار قاتىستى ساياساتتىق شارالاردى كەمەلدەندىرۋدە ماڭىزدى رول اتقاردى. 2019 - جىلدان بەرى تۇرعىن ءۇي جانە قالا - اۋىل قۇرىلىسى مينيسترلىگى ءار جىلى مەملەكەتتىك دامۋ - رەفورما كوميتەتى، قازىنا مينيسترلىگى سياقتى تاراۋلارمەن بىرگە ارناۋلى قۇجات باسىپ تاراتىپ، جەر - جەردىڭ «ءبىر توبىن اتقارۋ، ءبىر توبىن جوبالاۋ، ءبىر توبىن زاپاس ساقتاۋ» پرينسيبى بويىنشا جىلدىق جاڭالاۋ جوسپارى مىندەتىن جوعارىدان تومەنگە دەيىن اقىلداسىپ تۇراقتاندىرىپ، فاكتورلارمەن قامتاماسىز ەتۋدى كۇشەيتىپ، ساتىلار بويىنشا اتقارۋدى ىلگەرىلەتۋىن ورنالاستىردى.

　　تۇرعىن ءۇي جانە قالا - اۋىل قۇرىلىسى مينيسترلىگى جەر - جەردىڭ بۇقارانىڭ كوزقاراسقا بۇرىلىس جاساۋىنا كۇش سالا جەتەكشىلىك ەتىپ، «بىزگە جاڭالاپ بەرسىن» دەگەندى «ءوزىمىز جاڭالايمىز» دەگەنگە وزگەرتىپ، قوعامنىڭ ءار سالاسى قولدايتىن، بۇقارا بەلسەنە ات سالىساتىن كۇشتى راي قالىپتاستىرۋىنا جەتەكشىلىك ەتتى. ۇكىمەت پەن تۇرعىنداردىڭ، قوعامدىق كۇشتەردىڭ وزگەرتۋ قارجىسىن ۇيلەسىمدى تەڭ ارقالاۋ مەحانيزمىن ورناتىپ، نىسانداردى اتقارۋ تۇلعاسىن ايقىنداپ، سالىقتى، اقىنى ازايتۋ، كەشىرىم ەتۋ ساياساتىن تياناقتاندىردى. شاعىن رايونداعى تۇرعىنداردىڭ تۇرعىن ءۇي الەۋمەتتىك قورىن شىعارىپ الىپ، وزدەرى وتىراتىن ۇيلگەرگە ليفت سالۋعا جۇمساۋىنا قولداۋ كورسەتتى.

　　5 جىلدان بەرى جەر - جەر ارناۋلى تيجارات جۇرگىزەتىن ورىندار، قورا - جاي كاسىپورىندارى، قوجالىق قىزمەت وتەۋ سەرىكتەستىكتەرى، كاسىپتىك قۇرىلىمدار سياقتى قوعامدىق كۇشتەردى قالا – قالاشىقتاعى كونە شاعىن اۋماقتاردى جالپى تۇلعالىق جاقتان جاڭالاۋ، سۋ، ەلەكتر، گاز، جىلۋ، حابارلاسۋ سياقتى ارناۋلى تيجارات قۇرىلعىلارى جەكە تۇرلەر بويىنشا جاڭالاۋ، سونداي - اق زەينەتكەرلىك، قولايلى دۇكەن سياقتى قوعامدىق قىزمەت وتەۋ قۇرىلعىلارىن جاڭالاۋ قۇرىلىسىنا بەلسەنە جۇمىلدىردى. قوعامدىق كۇشتەردى وزگەرتۋ نىساندارىن جوسپارلاۋعا، جوبالاۋعا، قارجى قۇراۋعا، قۇرىلىس جۇرگىزۋگە، اينالىمعا سالۋعا، باسقارۋعا قاتىناسۋعا بەلسەنە باۋرادى.

　　3 جىلدان بەرى تۇرعىن ءۇي جانە قالا - اۋىل قۇرىلىسى مينيسترلىگى 6 توپتا «قالا – قالاشىقتاعى كونە شاعىن رايونداردى وزگەرتىپ سالۋداعى كوبەيتىپ، جالپىلاستىرۋعا بولاتىن ساياساتتىق مەحانيزم تىزىمدىگىن» باسىپ شىعارىپ، جەر - جەردىڭ تۇرعىنداردى ات سالىسۋعا جۇمىلدىرۋ، باياندى باسقارۋدى كۇشەيتۋ، قوعامدىق كۇشتەردى ات سالىسۋعا باۋراۋ، فەينانستىق قولداۋعا قول جەتكىزۋ سياقتى جاقتارداعى 59 پارشا تيپتىك تاجىريبەلەرى مەن جاڭالىق جاراتۋ شارالارىن جالپىلاستىردى.

　　قالا – قالاشىقتاعى كونە شاعىن رايونداردى قايتا قۇرۋ − كەلەلى حالىق تۇرمىسى ينجەنەرياسى جانە دامۋ ينجەنەرياسى. ساندى مالىمەتتە كورسەتىلۋىنشە، 2019 – جىلدان 2022 – جىلعا دەيىن بۇكىل ەل بويىنشا قالا – قالاشىقتاعى 167 مىڭ كونە شاعىن اۋماقتا جاڭادان جۇمىس باستالىپ، 29 ميلليوننان استام وتباسى يگىلىككە كەنەلىپ، 660 ميلليارد يۋاننان استام قارجى قوسىلعان.

　　تۇرعىن ءۇي جانە قالا - اۋىل قۇرىلىسى مينيسترلىگىنىڭ قاتىستى جاۋاپتىسى مىنانى ءبىلدىردى: مەملەكەتتىك ەكى ماجىلىستەگى ۋاكىلدەر مەن مۇشەلەردىڭ كونە شاعىن رايونداردى جاڭالاۋ جونىندەگى پىكىر، ۇسىنىستارىنا بۇرىنعىداي باسا ءمان بەرىپ، تاراۋلارمەن بىرگە الدىمەن اتقارىلاتىن رايوندارداعى قالا – قالاشىقتاعى كونە شاعىن رايونداردى قايتا قۇرۋ بارىسىندا بۇقارانى ات سالىسۋعا جۇمىلدىرۋ، قوعامدىق كۇشتەردى ات سالىسۋعا باۋراۋ، فەينانستىق قولداۋعا قول جەتكىزۋ سياقتى جاقتارداعى كوشىرىپ قولدانۋعا بولاتىن تاجىريبەلەر مەن تيپتىك مىسالداردى ۇزدىكسىز قورىتىندىلاپ، جالپىلاستىرىپ، ساياساتتىق مەحانيزمدى ۇزدىكسىز كەمەلدەندىرىپ، تۇرعىنداردىڭ تۇرعىن ءۇي شارت - جاعدايى مەن تۇرمىس ورتاسىن شىنايى جاقسارتامىز.

　　كەلۋ قاينارى: حالىق تورابى