14 – كەزەكتى مەملەكەتتىك حالىق قۇرىلتايى ارناۋلى كوميتەتتەن 10 كوميتەت قۇردى
2023.03.06 15:10 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 5 – كۇنى بەيجيڭنەن بەرگەن حابارى. 14 – كەزەكتى مەملەكەتتىك حالىق قۇرىلتايى 1 – ءماجىلىسىنىڭ ءبىرىنشى جالپى ماجىلىسىندە 3 – ايدىڭ 5 – كۇنى قۇرىلتايدىڭ 14 – كەزەكتى مەملەكەتتىك حالىق قۇرىلتايىنىڭ ارناۋلى كوميتەتتەرىن قۇرۋ جونىندەگى قاۋلىسىن داۋىسقا سالىپ ماقۇلداپ، ارناۋلى كوميتەتتەن 10 كوميتەتتى قۇرۋ جونىندە قاۋلى قابىلدادى.
بۇل ارناۋلى 10 كوميتەتى مىنالار: ۇلتتار كوميتەتى، نەگىزگى زاڭ جانە زاڭ كوميتەتى، باقىلاۋ جانە ءادىليا كوميتەتى، قازىنا – ەكونوميكا كوميتەتى، وقۋ – اعارتۋ، عىلىم – تەحنيكا، مادەنيەت، دەنساۋلىق ساقتاۋ كوميتەتى، سىرتقى ىستەر كوميتەتى، حۋاچياۋلار كوميتەتى، قورشاعان ورتا جانە بايلىق قاينارىن قورعاۋ كوميتەتى، اۋىل شارۋاشىلىعى جانە اۋىل – قىستاق كوميتەتى، قوعامدى كوركەيتۋ كوميتەتى. ءارقايسى ارناۋلى كوميتەتتەردىڭ قۇرامىندا مەڭگەرۋشى مۇشە، بىرنەشە ورىنباسار مەڭگەرۋشى مۇشە، ءبىرقانشا مۇشە بولادى.
مەملەكەتتىك حالىق قۇرىلتايىنىڭ كەڭەس تارتىبىندەگى بەلگىلەمەلەرگە ساي، حالىق قۇرىلتايىنىڭ نەگىزگى زاڭ جانە زاڭ كوميتەتى ءماجىلىس مەزگىلىندە زاڭ جاساۋ زاڭىنا وزگەرىس ەنگىزۋ جوباسىن قارايدى، تالقىلايدى، مەملەكەتتىك حالىق قۇرىلتايى قازىنا – ەكونوميكا كوميتەتى ءماجىلىس مەزگىلىندە حالىق شارۋاشىلىعى جانە قوعام دامۋىنىڭ جوسپارىن قارايدى، تەكسەرەدى، ورتالىق پەن جەرگىلىكتى ورىنداردىڭ مەجە ەسەبىن قارايدى، تەكسەرەدى. سول سەبەپتى، 14 – كەزەكتى مەملەكەتتىك حالىق قۇرىلتايى 1 – ءماجىلىسىنىڭ ءبىرىنشى جالپى ءماجىلىسى 3 – ايدىڭ 5 – كۇنى جەكە – جەكە 14 – كەزەكتى حالىق قۇرىلتايىنىڭ نەگىزگى زاڭ جانە زاڭ كوميتەتىنىڭ، قازىنا – ەكونوميكا كوميتەتىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ تىزىمدىگىن داۋىسقا سالىپ ماقۇلدادى.
ءماجىلىستىڭ كۇن ءتارتىبى بويىنشا، 3 – ايدىڭ 12 – كۇنى وتكىزىلەتىن 14 – كەزەكتى مەملەكەتتىك حالىق قۇرىلتايى 1 – ءماجىلىسىنىڭ بەسىنشى جالپى ماجىلىسىندە 14 – كەزەكتى حالىق قۇرىلتايىنىڭ ۇلتتار كوميتەتىنىڭ، باقىلاۋ جانە ءادىليا كوميتەتىنىڭ، وقۋ – اعارتۋ، عىلىم – تەحنيكا، مادەنيەت، دەنساۋلىق ساقتاۋ كوميتەتىنىڭ، سىرتقى ىستەر كوميتەتىنىڭ، حۋاچياۋلار كوميتەتىنىڭ، قورشاعان ورتا جانە بايلىق قاينارىن قورعاۋ كوميتەتىنىڭ، اۋىل شارۋاشىلىعى جانە اۋىل – قىستاق كوميتەتىنىڭ، قوعامدى كوركەيتۋ كوميتەتىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ تىزىمدىگىنىڭ جوباسى داۋىسقا سالىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
