”شينجياڭنىڭ ەلەكترىن سىرتقا جەتكىزۋ“ ارنا قۇرىلىسىنىڭ اياق الىسى جەدەلدەدى
انار بۇلت \ شينجياڭ گازەتىنىڭ ءتىلشىسى جاڭ يۇنمەي
2023.02.27 16:57 كەلۋ قاينارى : شينجياڭ گازەتى
كەزەكتە ”شينجياڭنىڭ ەلەكترىن سىرتقا جەتكىزۋ“ 3 - ارنا قۇرىلىسى ناقتى شەشۋشى كەزەڭگە ءوتتى، بۇل شينجياڭدا تۇراتىن مەملەكەتتىك ساياسي كەڭەستىڭ مۇشەسى ياڭ جيەنى قاتتى جەلپىندىردى: ”بيىل مەملەكەتتىك ەكى ماجىلىستە، مەن ’شينجياڭنىڭ ەلەكترىن سىرتقا جەتكىزۋگە‘ ۇزدىكسىز نازار اۋدارامىن، ’شينجياڭنىڭ ەلەكترىن سىرتقا جەتكىزۋدىڭ‘ 4 -، 5 - ارنا قۇرىلىسىن مەملەكەتتىڭ قاتىستى جوباسىنا ەنگىزۋدى ۇسىنىس ەتەمىن“.
ياڭ جيە بىلتىر مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىندە ”شينجياڭنىڭ ەلەكترىن سىرتقا جەتكىزۋ 3 - ارناسىندا جۇمىس باستاپ، قۇرىلىس جۇرگىزۋ جونىندەگى ۇسىنىس جوبانى“ تاپسىردى، مەملەكەتتىڭ ”شينجياڭنىڭ ەلەكترىن سىرتقا جەتكىزۋ“ 3 - ارنا جەلىسى ينجەنەرياسىن سالىستىرىپ بەكىتۋ جانە ەلەكتر قاينارى بازاسىن جوبالاۋ، تەكسەرىپ بەكىتۋ قىزمەتى اياق الىسىن جەدەلدەتۋىن ءارى سوڭعى كەزدەگى ەلەكتر قاينارى نىسانىن تەكسەرىپ بەكىتۋگە زور كۇشپەن قولداۋ كورسەتىپ، ارنا جانە ەلەكتر قاينارى نىسانىنىڭ جاپپاي قۇرىلىس باستاۋىن ىلگەرىلەتۋىن ۇسىنىس ەتتى.
ول تاعى مەملەكەتتىڭ قاتىستى مينيستىرلىك - كوميتەتتەرىنىڭ قۇمىلدىڭ جىبەك جولى ەكونوميكالىق بەلدەۋىنىڭ ءتۇيىندى بۋىنىنداعى قالا سىندى وڭىرلىك ورىن - قاتىناس باسىمدىعىن، ەنەرگيانىڭ مول، شوعىرلى بولۋ جانە بىرلەسىپ اشۋ شارت - جاعدايى باسىمدىعىن تولىق ويلاستىرىپ، قۇمىلدىڭ ”شينجياڭنىڭ ەلەكترىن سىرتقا جەتكىزۋ“ 4 - ارناسىنىڭ الدىڭعى مەرزىمدىك قىزمەتتەرىن ورىستەتۋىن قولداپ، ”شينجياڭنىڭ ەلەكترىن سىرتقا جەتكىزۋ“ 4 - ارناسىنىڭ قۇمىلدا تياناقتانىپ، قۇرىلىس جۇرگىزۋىنە قول جەتكىزۋىن ۇسىنىس ەتتى.
”مەملەكەتتىك ەنەرگيا مەكەمەسى شينجياڭنىڭ ەلەكتر قۋاتىن دامىتۋ قىزمەتىنە وسكەلەڭ ءمان بەرىپ، ەلەكتر قۋاتى جوبا قۇرىلىسىن قولداۋ تەبىنىن ۇزدىكسىز كۇشەيتتى“. ياڭ جيە بىلاي دەدى: ”بىلتىر مەن تاپسىرعان ۇسىنىس جوبا قازىر اتقارىلۋ كەزەڭىنە ءوتتى“.
كەزەكتە، شينجياڭ ەلەكتر تورى جۇندۇڭ − ۋاننان، قۇمىلدىڭ وڭتۇستىگى − جىڭجوۋ قوس تۇيىق تىزبەكتى ەرەكشە جوعارى كەرنەۋلى تۇراقتى توك جەتكىزۋ ينجەنەرياسى قۇرىلىپ بولدى، مۇندا ءۇرىمجىنى وزەك ەتكەن، شىعىسى قۇمىلعا دەيىن، باتىسى بۇراتالا موڭعۇل اۆتونوميالى وبلىسى مەن ىلە قازاق اۆتونوميالى وبلىسىنا دەيىن، وڭتۇستىگى قاشقار، حوتان ايماقتارىنا سوزىلعان، سولتۇستىگى التاي ايماعىنا جالعاسقان 750 كيلوۆولتتىق تۇلعالىق جەلى قۇرىلىمى سالىنىپ بولدى. شىعىستا قۇمىلدان وتەتىن 750 كيلوۆولتتىق قۇمىل − دۇنحۋاڭ، ياندۇن − شاجوۋ قوس ارناسىن باسادى، شينجياڭنىڭ ەلەكتر تورى باتىس سولتۇستىك ەلەكتر تورىمەن تۇتاسىپ، ”شينجياڭنىڭ ەلەكترىن سىرتقا جەتكىزۋ“ جالپى قۋاتى 25 ميلليون كيلوۆولتقا جەتتى.
مەملەكەتتىك ەنەرگيا مەكەمەسى تاعى مەملەكەتتىك دامۋ جانە رەفورما كوميتەتىمەن بىرگە شينجياڭنىڭ ەلەكتر تاراتۋىنا الدىمەن ءمان بەرۋ جوسپارىن ءبىر تۇتاس جوسپارلاپ ورنالاستىرىپ، شينجياڭ ەلەكترىنىڭ ورتا، ۇزاق مەرزىمدىك ساۋداسىن ۇيىمداستىردى، بىلتىر ”شينجياڭنىڭ ەلەكترىن سىرتقا جەتكىزۋ“ بويىنشا جەتكىزىلگەن ەلەكتر مولشەرى 100 ميلليارد كيلوۆات ساعاتتان استى، مۇنىڭ شينجياڭنىڭ ەنەرگيا بايلىعى باسىمدىعىن ەكونوميكالىق باسىمدىققا اينالدىرۋعا، شينجياڭ ءوڭىرىنىڭ ەكونوميكاسىنىڭ، قوعامىنىڭ جوعارى ساپالى دامۋىن اناعۇرلىم جەدەلدەتۋگە سەپتىگى تيەدى.
مەملەكەتتىك ەنەرگيا مەكەمەسى جاۋاپ قايتارعاندا مىنالاردى ءبىلدىردى: شينجياڭ − ەلىمىزدىڭ ماڭىزدى جالپىلىق ەنەرگيا بازاسى، ”شينجياڭنىڭ ەلەكترىن سىرتقا جەتكىزۋدىڭ“ جاڭادان ارتقان ەلەكتر جەتكىزۋ ارناسى جوباسىن زەرتتەۋ قىزمەتىن بەلسەنە ىلگەرىلەتەدى. قازىر الدىڭعى مەرزىمدىك زەرتتەۋگە ۇشتاستىرىپ، مەملەكەتتىك ەنەرگيا مەكەمەسى مەملەكەتتىڭ ”14 - بەسجىلدىق“ ەلەكتر قۋاتىن دامىتۋ جوباسىندا ”شينجياڭنىڭ ەلەكترىن سىرتقا جەتكىزۋ“ 4 - ارناسىن زەرتتەۋ، دالەلدەۋ تۇرىندەگى ءتۇيىندى ەلەكتر جەتكىزۋ ينجەنەرياسىنا ەنگىزەدى.
كەلەسى قادامدا، مەملەكەتتىك ەنەرگيا مەكەمەسى شينجياڭنىڭ ەلەكتر قۋاتىن دامىتۋ جاعدايىنا باسا ءمان بەرىپ، قازىر بار جانە مەملەكەتتىك جوبادا ايقىندالعان ەلەكتر جەتكىزۋ ارناسىنىڭ رولىن تولىق، ويداعىداي پايدالانۋ نەگىزىندە، ءىرى تۇرپاتتى جەل ەلەكتر، فوتوۆولت بازاسى جوباسى، جۇيەنىڭ رەتتەۋ - تىرەك بولۋ دەڭگەيى، قابىلداۋ ۇشىنداعى بازاردىڭ ەلەكتردى سيعىزۋ اياسى سياقتى فاكتورلارعا بىرلەستىرىپ، ”شينجياڭنىڭ ەلەكترىن سىرتقا جەتكىزۋدىڭ“ 4 - ارناسىنىڭ ەلەكتر جەتكىزۋ جوباسىن ىشكەرىلەي دالەلدەپ، قاتىستى قىزمەتتەردى ىلگەرىلەتۋدى ءبىر تۇتاس ورنالاستىرىپ، شينجياڭنىڭ ەنەرگيا بايلىق باسىمدىعىن ەكونوميكالىق باسىمدىققا اينالدىرۋدى ۇزدىكسىز ىلگەرىلەتۋگە مىعىم تىرەك ازىرلەيدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
