13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 39 - ءماجىلىسى بەيجيڭدە وتكىزىلدى

2023.02.24 16:20   كەلۋ قاينارى : حالىق تورابى

　　مەملەكەتتىك حالىق قۇرىلتايى تۇراقتى كوميتەتى قىزمەت بايانداماسىنىڭ نۇسقاسى سياقتىلاردى قارادى

　　14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسىن اشۋعا دايىندىق كوردى

　　لي جانشۋ ءماجىلىستى باسقاردى

　　«حالىق گازەتى»، 2 - ايدىڭ 23 – كۇنى، بەيجيڭ (ءتىلشى ۋاڭ بيشۋە). 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 39 - رەتكى ءماجىلىسى 2 - ايدىڭ 23 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى ءماجىلىسىن وتكىزدى. كوميتەت باستىعى لي جانشۋ ءماجىلىستى باسقاردى.

　　تۇراقتى كوميتەت قۇرامىنداعىلاردان 162 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　ءماجىلىس ورتالىق اسكەري ىستەر كوميتەتىنىڭ ارميانىڭ سوعىس كەزىندە قىلمىستىق ىستەر ارىز - شاعىم زاڭىنىڭ ءىشىنارا بەلگىلەمەلەرىن رەتتەپ پايدالانۋ جونىندەگى قاۋلى جوباسىن قاراۋعا ۇسىنۋ جونىندەگى كەڭەس جوباسىن قارادى. ورتالىق اسكەري ىستەر كوميتەتىنىڭ تاپسىرۋىمەن ورتالىق اسكەري ىستەر كوميتەتى ساياسي - زاڭ كوميتەتىنىڭ شۋجيى ۋاڭ رىنحۋا تۇسىنىك جاسادى.

　　بۇل رەتكى تۇراقتى كوميتەت ءماجىلىسىنىڭ ماڭىزدى ءبىر مىندەتى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسىن اشۋعا دايىندىق كورۋ بولدى. سوندىقتان ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ نۇسقاسىن قارادى، كوميتەت باستىقتارى ءماجىلىسىنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ كەڭەستىك ءتارتىپ جوباسى، ءتوراعالار القاسى مەن باس حاتشىنىڭ ەسىمدىگى جوباسى، سىرتتاي قاتىناسۋشىلاردىڭ ەسىمدىگى جوباسىن قاراۋعا ۇسىنۋ جونىندەگى كەڭەستىك جوبا سياقتىلاردى قارادى.

　　ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن – ۋ جاساعان مەملەكەتتىك حالىق قۇرىلتايى تۇراقتى كوميتەتى كەڭسەسىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ قىزمەتىنىڭ جاعدايى جونىندەگى بايانداماسىن تىڭدادى. باياندامادا مىنالار اتاپ كورسەتىلدى: 14 - كەزەكتى مەملەكەتتىك حالىق قۇرىلتايى ۋاكىلدەرىن سايلاۋ قىزمەتىندە جۇڭگو كوممۋنيستىك پارتياسىنىڭ باسشىلىعىندا، حالىقتىڭ وزىنە - ءوزى قوجايىن بولۋىندا، ءىستى زاڭ بويىنشا قاتاڭ ىستەۋدە، كەزەك اۋىستىرۋ ءتارتىبىن قاتايتۋدا تاباندى بولىپ، ءساتتى جۇرگىزدىك. 14 - كەزەكتى مەملەكەتتىك حالىق قۇرىلتايىنىڭ ۋاكىلدەرى جيىنى 2977 ادام. جالپى العاندا، 14 - كەزەكتى مەملەكەتتىك حالىق قۇرىلتايىنىڭ ۋاكىلدەرى كەڭ كولەمدى ۋاكىلدىك سيپاتقا يە بولدى، جەر - جەردەن، ءار ۇلتتان، ءارقايسى جاقتان لايىقتى ساندا ۋاكىل بولۋ تالابىنا كەپىلدىك ەتتىك.

　　ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ۋ يۇيلياڭ جاساعان 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ ۋاكىلدىك تولىمدىلىعى جونىندەگى تەكسەرۋ بايانداماسىن قارادى. سايلاۋ زاڭى مەن مەملەكەتتىك حالىق قۇرىلتايىنىڭ ۇيىمدىق زاڭىنداعى بەلگىلەمەلەرگە ساي، ۋاكىلدەردىڭ تولىمدىلىعىن تەكسەرۋ كوميسسياسى سايلانعان ۋاكىلدەردىڭ نەگىزگى زاڭدا، زاڭداردا بەلگىلەنگەن ۋاكىلدەردىڭ نەگىزگى شارتتارىنا ۇيلەسەتىن - ۇيلەسپەيتىنىن، سايلاۋدىڭ زاڭدا بەلگىلەنگەن تارتىپتەرگە ۇيلەسەتىن - ۇيلەسپەيتىنىن، سونداي - اق سايلاۋدى بۇلدىرەتىن جانە باسقا دا سايلانۋ كۇشكە يە بولمايتىن زاڭعا قايشى ارەكەتتەردىڭ بار - جوقتىعىن تەكسەردى. تەكسەرۋ ارقىلى 35 سايلاۋ ورنىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋى زاڭداعى بەلگىلەمەلەرگە ۇيلەسەتىنى تۇراقتاندى، 14 - كەزەكتى مەملەكەتتىك حالىق قۇرىلتايىنىڭ 2977 ۋاكىلىنىڭ ۋاكىلدىك تولىمدىلىعى كۇشكە يە بولىپ، مەملەكەتتىك حالىق قۇرىلتايى تۇراقتى كوميتەتىنىڭ تۇراقتاندىرۋىنا جانە ۋاكىلدەردىڭ ەسىمدىگىن جاريالاۋىنا ۇسىنىلدى.

　　ءماجىلىس ۋ يۇيلياڭ جاساعان 13 - كەزەكتى مەملەكەتتىك حالىق قۇرىلتايىنىڭ ءىشىنارا ۋاكىلدەرىنىڭ ۋاكىلدىك تولىمدىلىعى جونىندەگى بايانداماسىن تىڭدادى.

　　ءماجىلىس تاعى مىندەتكە تاعايىنداۋعا، مىندەتتەن قالدىرۋعا قاتىستى ىستەردى قاراپ شىقتى.

　　مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ى - شياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا ماجىلىسكە قاتىناستى.

　　مەملەكەتتىك كەڭەستىڭ مۇشەسى شياۋ جيە، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك باقىلاۋ - تەكسەرۋ كوميتەتىندەگى قاتىستى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك (اۆتونوميالى رايوندىق، توتە قاراستى قالالىق) حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالارداعى ءبىر ءبولىم نەگىزگى جاۋاپتى جولداستار، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

　　كەلۋ قاينارى: حالىق تورابى