ا ق ش زۇڭتۇڭى بايدەن كيەۆكە توساتتان ساپارلاي باردى
ۋكرايناعا اسكەري كومەك بەرۋدى ارتتىراتىنىن جاريالادى
2023.02.21 14:31 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي ميڭ، لي دۇڭشۇي 2 – ايدىڭ 20 – كۇنى كيەۆتەن حابارلايدى. ا ق ش استاناسى ۋاشينگتوندا سوعىسقا قارسىلىق ءبىلدىرىپ كەڭ كولەمدى ەرەۋىل وتكىزىلىپ جاتقان كەزدە ا ق ش زۇڭتۇڭى بايدەن 2 – ايدىڭ 20 – كۇنى ۋكراينا استاناسى كيەۆكە توساتتان ساپارلاي بارىپ، ۋكراينا زۇڭتۇڭى زەلەنسكيمەن كەڭەس وتكىزىپ، ا ق ش – نىڭ ۋكرايناعا قۇنى 500 ميلليون ا ق ش دوللارىنا تۋرا كەلەتىن جاڭا كەزەكتى اسكەري كومەك بەرەتىنىن جاريالادى.
ۋكراينا مەملەكەتتىك اقپارات اگەنتتىگىنىڭ حابارلاۋىنشا، بايدەن سول كۇنى زەلەنسكيمەن كەڭەس وتكىزگەن سوڭ بىرلەسكەن اقپار جاريالاۋ ماجىلىسىنە قاتىناسقان، اقپار جاريالاۋ ماجىلىسىندە ا ق ش – نىڭ جانە ونىڭ باتىستاعى وداقتاستارىنىڭ ۋكرايناعا 700 تانكى، نەشە مىڭداعان ساۋىتتى اۆتوموبيل، 1000 زەڭبىرەك، ەكى ميلليون دانادان استام زەڭبىرەك وعى، الىس ارالىقتان اتاتىن 50 نەشە زەڭبىرەك، سونداي – اق، كەمە اتۋ قۇرىلعىلارى جانە اۋە شابۋىلىنان ساقتانۋ جۇيەسى قاتارلى قارۋ – جاراقتار مەن جابدىقتاردى بەرگەنىن ايتقان. سونىمەن بىرگە، ا ق ش – نىڭ ۋكرايناعا حايمارس كوپ تۇتىكتى زىمىران زەڭبىرەگى مەن «نايزا» اتتى تانكىگە قارسى باسقارىلمالى بومبىنىڭ وق – ءدارىسى قاتارلىلاردى قامتىعان قۇنى 500 ميلليون ا ق ش دوللارىنا تۋرا كەلەتىن جاڭا كەزەكتى اسكەري كومەكتى بەرەتىنىن دە جاريالاعان. اقسارايدىڭ تىلشىلەر ۇجىمىنىڭ حابارلاۋىنشا، وسى رەتكى اسكەري كومەككە قاتىستى اناعۇرلىم ەگجەي – تەگجەيلى مازمۇندار الداعى بىرنەشە كۇن ىشىندە جاريالانادى.
زەلەنسكي بىرلەسكەن تىلشىلەردى قابىلداۋ ماجىلىسىندە بىلاي دەگەن: رەسەي – ۋكراينا قاقتىعىسى، ءسوزسىز، ۋكراينا تەرريتورياسىنىڭ تۇتاس قالپىنا كەلۋى جانە ۋكراينانىڭ حاۋىپسىزدىگىنە كەپىلدىك ەتۋ جونىندەگى قۇجاتقا قول قويۋمەن اقىرلاسۋى كەرەك.
وسى ايدىڭ باسىندا ا ق ش – نىڭ قورعانىس مينيسترلىگى مالىمدەمە جاريالاپ، ۋكرايناعا ەكى ميلليارد 175 ا ق ش دوللارىندىق جاڭا كەزەكتى اسكەري كومەك بەرەتىنىن، مۇندا ۋكرايناعا تۇڭعىش رەت بەرىلەتىن، اتۋ ارالىعى 150 كيلومەترگە جەتەتىن الىس ارالىقتى زىمىران وعى قامتىلاتىنىن جاريالاعان. ا ق ش بىرلەسكەن اگەنتتىگىنىڭ حابارلاۋىنشا، ا ق ش – نىڭ ۋكرايناعا بەرگەن اسكەري كومەك سوماسى جيىنى 50 ميلليارد ا ق ش دوللارىنان اسقان.
جۋىردا جۇرت اۋانىنا جۇرگىزىلگەن تەكسەرۋگە قاراعاندا، ۋكرايناعا قارۋ جاراق جانە تىكەلەي ەكونوميكالىق كومەك بەرۋدى قولدامايتىن ا ق ش ازاماتتارى بارعان سايىن كوبەيگەن. 2 – ايدىڭ 19 – كۇنى تۇستەن كەيىن، ا ق ش – ندا سوعىسقا قارسىلىق بىلدىرگەن مىڭنان استام قايراتكەر ا ق ش استاناسى ۋاشينگتونداعى لينكولن ەسكەرتكىش سارايىنىڭ الدىندا جينالىس وتكىزگەن. ۇيىمداستىرۋشىنىڭ ايتۋىنشا، بۇل يراق سوعىسىنان بەرى ا ق ش - ندا سوعىسقا قارسىلىق ءبىلدىرىپ وتكىزىلگەن ەڭ زور ەرەۋىل سانالادى، قارسىلىق بىلدىرۋشىلەر ا ق ش – نان رەسەي مەن ۋكراينانى قاقتىعىسقا جەلىكتىرۋدى توقتاتۋدى تالاپ ەتىپ، ا ق ش - نى ەكى جاقتىڭ كەلىسسوز وتكىزۋىن ىلگەرىلەتۋگە قۋزاپ، ناتو ۇيىمىن تاراتۋ، ا ق ش – نىڭ اسكەري قاراجاتىن ازايتۋ قاتارلىلارعا ۇندەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
