مۇشە ۋەي چيڭسۇڭ –
امالياتتى تياناق ەتىپ، اقىل - كەڭەس بەردى (ۋاكىلدەردىڭ، مۇشەلەردىڭ مىندەت وتەۋ حيكاياسى)
«حالىق گازەتىنىڭ» ءتىلشىسى باي گۋاڭدي
2023.02.20 16:04 كەلۋ قاينارى : حالىق تورابى
تۇستەن كەيىن ساعات 3 تە ۋەي چيڭسۇڭ قولىنداعى دەلو ارحيۆىن قويىپ، قۇجات سومكەسىن الىپ جاڭبىرعا قاراماي جاڭا كەزەكتى «سۋشين ساباقحاناسىنىڭ» قيمىل ورنىنا كەلدى. بۇگىنگى نەگىزگى لەكسيا جاساۋشى رەتىندە ول كوپشىلىكپەن ءبىلىم مەنشىك ۇقىعىن قورعاۋ جاعىنداعى بىلىمدەردى بولىسپەك. «ۋەي قوعام باستىعى، قانداي زاڭدىق شارا تەحنيكتەرىمىزدىڭ جاڭالىق اشۋ، زەرتتەۋ - اشۋ جەتىستىكتەرىنىڭ زاڭدى ۇقىق - مۇددەسىن اناعۇرلىم ويداعىداي قامتاماسىز ەتەدى؟» جياڭسۋ ولكەسىنىڭ جاڭا قوعامدىق جىك قايراتكەرلەرى بىرلەسپە دوستىق قوعامىنىڭ مۇشەسى كۇدىكپەن سۇراۋ قويدى. مىنبەدە قوعام باستىعى جاۋاپ قايتارىپ، ساباقحاناداعىلار وي جۇگىرتىپ، كوپشىلىك اۋىس - كۇيىس بارىسىندا قاتىستى زاڭ بىلىمدەرى جونىندە اناعۇرلىم تەرەڭ تۇسىنىككە يە بولدى.
ۋەي چيڭسۇڭ − زاڭ ادامى، نانجيڭ حۇييە ادۆوكاتتار باسقارماسىنىڭ مەڭگەرۋشىسى، جايشىلىقتا ادۆوكاتتار باسقارماسىنىڭ ۇلكەندى - كىشىلى دەلولارىن ءبىر جاقتى ەتەدى. ساياسي كەڭەستىڭ مۇشەسى رەتىندە، ول جياڭسۋ ولكەسىنىڭ جاڭا قوعامدىق جىك قايراتكەرلەرى بىرلەسپە دوستىق قوعامىنىڭ باستىعى بولىپ، جاڭا قوعامدى ماڭىزدى دانەكەر ەتىپ، ءار سالا، ءار كاسىپتىڭ تىلەگىن كەڭىنەن توپتاپ، قوعام جاعدايىن، حالىق رايىن اناعۇرلىم دۇرىس ءارى كوپتەپ يگەردى. «مەن كوپشىلىكتىڭ ماعان ءتۇرلى جاعدايلار مەن ينفورماتسيالاردى اڭىس ەتۋىن قۋانا قارسى الامىن ءارى قاتىستى ماسەلەلەردى شەشۋدى ۇسىنىس جوبا فورماسىمەن ىلگەرىلەتۋدى ءۇمىت ەتەمىن». جاڭا قوعامدىق جىكتەگى قايراتكەرلەرگە اقىسىز زاڭدىق كەڭەس بەرۋدەن سىرت، ۋەي چيڭسۇڭ ۋاكىلدىك سيپاتقا يە زاڭ ىستەرىن ۇسىنىس جوبا ەتىپ دايىنداۋعا باسا ءمان بەرىپ، زاڭمەن باسقارۋدىڭ العا باسۋىن ىلگەرىلەتىپ، حالىق تۇرمىسىنداعى قيىن ماسەلەلەردى شەشۋدى ءۇمىت ەتتى. وسىدان بۇرىن ۋەي چيڭسۇڭ ءبىلىم مەنشىك ۇقىعىن قورعاۋدى كۇشەيتۋگە قاتىستى ۇسىنىس جوبا جازعان ءارى ونى قاتىستى تاراۋلار پايدالانعان بولاتىن.
مەملەكەتتىك ەكى ءماجىلىس اشىلۋ الدىندا تۇر، ۋەي چيڭسۇڭ بيىلعى ۇسىنىس جوبالارعا نازار اۋدارۋ ءتۇيىنىن ساۋدا قۇپيالىعىن قورعاۋ جاعىنا قويدى. تاياۋ جىلداردان بەرى عىلىم-تەحنيكانىڭ جەدەل دامۋىنا ىلەسە، ساۋدا قۇپيالىعىنىڭ ءبىلىم مەنشىك ۇقىعىن قورعاۋداعى ماڭىزدىلىعى بارعان سايىن كورنەكتىلەنە ءتۇستى، اسىرەسە، جوعارى، جاڭا تەحنيكا سالاسىندا كاسىپورىنداردىڭ ساۋدا قۇپيالىعىنا ءمان بەرۋ دارەجەسى دە ۇزدىكسىز جوعارىلادى. كاسىپورىن دامۋىنىڭ حاۋىپسىزدىگىن قالاي جوعارىلاتۋعا، كاسىپورىنداردىڭ زاڭدى ۇقىق - مۇددەسىن قايتكەندە اناعۇرلىم ويداعىداي قورعاۋعا بولادى دەگەن ماسەلە ۋەي چيڭسۇڭ تاياۋدا ەڭ كوپ ەستىگەن سۇراۋ بولدى.
ۋەي چيڭسۇڭنىڭ كىتاپ ۇستەلىنە زاڭ جيناعى مەن ۇسىنىس جوبا قويىلعان، ءبىر جاعى زاڭ، ەندى ءبىر جاعى حالىق اۋانى، ول وزىنە قاي - قاشان دا بىلاي دەپ ەسكەرتتى: زاڭدا رەالدىقتان قول ۇزۋگە بولمايدى، ءسوز جوق، امالياتتى تياناق ەتكەندە عانا، مىندەتىن اناعۇرلىم ويداعىداي اتقارىپ، جاۋاپكەرلىكتى ادا ەتىپ، ۇتىمدى اقىل - كەڭەس بەرۋگە بولادى.
بۇقارا قاي جەردە بولسا، سول جەردە قىزمەت ىستەۋ كەرەك (ءتىلشى ەستەلىگى)
ماسەلە بولسا، كەز كەلگەن ۋاقىتتا، كەز كەلگەن جەردە جاۋاپ بەرۋ كەرەك، بۇل ايتۋعا وڭاي بولعانىمەن، ىستەۋ وڭاي ەمەس. 5 جىلدا ۋەي چيڭسۇڭ اتىز باسىنا، سەحتارعا، زاۆودتارعا بارىپ، نەگىزگى ساتىداعى زاڭدىق ماسەلەلەردى جيناپ، دۇرىس كوزقاراس قالىپتاستىرىپ، زاڭ جۇيەسىن ۇزدىكسىز كەمەلدەندىرۋگە ءوز ۇلەسىن قوستى.
قازىر كوپتەگەن ادام قىزمەت بارىسىندا زاڭدىق ماسەلەلەرگە تاپ بولىپ وتىر. ۋەي چيڭسۇڭ بۇقاراعا زاڭدىق اقىل - كەڭەس بەرۋ، كومەك بەرۋ ارناسىن ازىرلەپ بەردى، سونداي - اق كوپشىلىكتىڭ تىلەگىن شوعىرلاندىرىپ، باعالى ۇسىنىس جوبا ماتەريالىن دايىندادى.
«بۇقارا قايدا بولسا، سول جەردە قىزمەت ىستەيمىز». ۋەي چيڭسۇڭ بۇقارانىڭ مۇڭ - مۇقتاجىن قاي - قاشان دا كوكەيىندە ساقتاپ، ساياسي كەڭەس مۇشەسىنىڭ مىندەتى مەن بورىشىن شىن مانىندە ويداعىداي اتقارۋعا قۇلشىنۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
