شينجياڭ بيىل 5 قالادا ۇكىمەت قاراستىلىعىنداعى بالالار باقشاسىن وقىتۋعا بەرەدى
2023.02.16 16:32 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 15 – كۇنى ۇرىمجىدەن بەرگەن حابارى. 2 – ايدىڭ 15 – كۇنى شينجياڭ ۇيعۇر اۆتونوميالى رايونىنىڭ 2023 – جىلعى حالىق تۇرمىسىنا قاتىستى 10 ءتۇرلى ناقتى ءىسى جونىندە اشىلعان اقپار جاريالاۋ ماجىلىسىندە، شينجياڭ ۇيعۇر اۆتونوميالى رايوندىق وقۋ – اعارتۋ تاراۋلارىنىڭ قاتىستى جاۋاپتىسى بيىل شينجياڭ ورتالىقتىڭ مەكتەپكە دەيىنگى تاربيەنى دامىتۋ قارجىسىنىڭ قولداۋىمەن 182 ميلليون يۋان قارجى قوسىپ، ءۇرىمجى، كورلا قاتارلى 5 قالادا جاڭادان ۇكىمەت قاراستىلىعىنداعى 11 بالالار باقشاسىن سالادى، جاڭادان از دەگەندە 4000 وقۋ ورنىن ازىرلەيدى دەگەندى ءبىلدىردى.
شينجياڭ ۇيعۇر اۆتونوميالى رايوندىق حالىق ۇكىمەتىنىڭ وقىتۋدى قاداعالاۋشىسى، اۆتونوميالى رايوندىق وقۋ – اعارتۋ مەڭگەرمەسىنىڭ ءبىرىنشى دارەجەلى باقىلاۋشىسى حان چۇنشي بىلاي دەدى: 2021 – جىلدىڭ سوڭىندا وقۋ – اعارتۋ مينيسترلىگى قاتارلى 9 مينيسترلىك بىرلەسىپ جاريالاعان «‹14 – بەسجىلدىق› كەزىندەگى مەكتەپكە دەيىنگى تاربيەنى دامىتۋ، جوعارىلاتۋ ارەكەت جوباسىنا» نەگىزدەلگەندە، مەكتەپكە دەيىنگى تاربيەنى جالپىلاستىرۋ دەڭگەيىن جوعارىلاتىپ، مەملەكەت قاراستىلىعىنداعى بالالار باقشاسىنىڭ مولشەرى جالپى بالالار باقشاسىنىڭ %50 ىن ۇستاۋى كەرەك. قازىر، اۆتونوميالى رايون كولەمىندەگى مەكتەپكە دەيىنگى تاربيەدەگى باقشاعا ءتۇسۋ مولشەرى، تيىمدىلىك سيپاتىنداعى بالالار باقشاسىنىڭ جالپىلاسۋ مولشەرى، ۇكىمەت قاراستىلىعىنداعى بالالار باقشاسىنىڭ جالپى بالالار باقشاسىنداعى ۇستايتىن سالىستىرماسى سياقتى ماڭىزدى كورسەتكىشتەر نەگىزىنەن ءار ۇلت بۇقاراسىنىڭ قاجەتىن قاناعاتتاندىرادى، ءبىراق ادام سانى سالىستىرمالى ٴجيى ورنالاسقان ءۇرىمجى قالاسى، قۇمىل قالاسى يجوۋ رايونى، سانجى قالاسى، كورلا قالاسى، قۇلجا قالاسى سياقتى 5 قالاداعى ۇكىمەت قاراستىلىعىنداعى بالالار باقشاسىنىڭ وقۋ ورنىنىڭ سالىستىرمالى جەتىسپەۋ جاعدايى ۇقساماعان دارەجەدە ءومىر ءسۇرىپ وتىر.
حالىق بۇقاراسى كوڭىل ءبولىپ وتىرعان بۇل ماسەلەنى شەشۋ ءۇشىن، اۆتونوميالى رايون «ۇكىمەت قاراستىلىعىنداعى بالالار باقشاسىنىڭ وقۋ ورنىن كوبەيتۋدى» اۆتونوميالى رايونىنىڭ حالىق تۇرمىسىنا قاتىستى 10 ءتۇرلى ناقتى ءىستىڭ ءبىرى ەتىپ بەلگىلەپ، قالاداعى ۇكىمەت قاراستىلىعىىنداعى بالالار باقشاسىنىڭ وقۋ ورنى جەتىسپەۋ جانە ساپالى وقىتۋ بايلىق قاينارىنىڭ بىركەلكى بولماۋى، تولىق بولماۋى سياقتى قيىن ماسەلەسىن بىرتىندەپ شەشپەكشى.
بيىل 1 – ايدا، شينجياڭ ۇيعۇر اۆتونوميالى رايوندىق حالىق ۇكىمەتى توراپ تەكشەسىن اشىپ، 2023 – جىلعى حالىق تۇرمىسىنا قاتىستى ناقتى ىستەر جونىندە بۇقارانىڭ پىكىرىن قابىلداعان بولاتىن، مۇندا جيىنى 907 ۇسىنىس تاپسىرىپ العان، بۇلاردىڭ ىشىندە وقۋ –اعارتۋ، ەمدەۋ تۇرىندەگى ۇسىنىس %12.57 ىن ۇستاعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
