لي كىچياڭ دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ اڭگىمە ءماجىلىسىن باسقارىپ اشتى
ۇكىمەت قىزمەتىنەن بايانداما جونىندەگى پىكىر - ۇسىنىستاردى تىڭدادى
2023.02.14 16:16 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 13 – كۇنى، بەيجيڭ. 2 - ايدىڭ 13 – كۇنى مەملەكەتتىك كەڭەستىڭ زۇڭليى لي كىچياڭ اڭگىمە ءماجىلىسىن باسقارىپ اشىپ، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ «ۇكىمەت قىزمەتىنەن بايانداما (پىكىر الۋ نۇسقاسى)» جونىندەگى ۇسىنىس - پىكىرلەرىن تىڭدادى.
مەملەكەتتىك كەڭەس زۇڭليىنىڭ ورىنباسارى حان جىڭ قاتىناستى.
لي كىچياڭ بىلاي دەدى: دەموكراتيالىق پارتيا – توپتاردى، مەملەكەتتىك ساۋدا – ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى ۇكىمەت قىزمەتىنەن بايانداما جونىندە ۇسىنىس – پىكىر بەرۋگە ۇسىنىس ەتۋ ــ جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىنىڭ ماڭىزدى بەينەلەنۋى، مەملەكەتتىك كەڭەستىڭ دەموكراتيالىق باقىلاۋدى قابىلداۋىنىڭ ماڭىزدى ءتارتىبى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى دۋان ۋىنحۇي ءسوز سويلەپ، وتكەن ءبىر جىلداعى جانە 5 جىلداعى دامۋ جەتىستىكتەرىن تولىق تۇراقتاندىردى ءارى ۇسىنىس - پىكىرلەرىن بەردى.
لي كىچياڭ بىلاي دەدى: كوپشىلىك باستان – اياق ۇكىمەت قىزمەتىنە بەلسەنە اقىل - كەڭەس بەرىپ، عىلمي، دەموكراتيالىق شەشىم جاساۋدا ماڭىزدى رول اتقاردى. ول بىلاي دەدى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ دامۋى تىڭ تابىستارعا قول جەتكىزدى. ەكونوميكالىق اينالىم ىندەت سياقتى مەجەدەن تىسقارى فاكتورلاردىڭ اۋىر سوققىسىنا ۇشىرادى، ءبىز باتىل توتەپ بەرىپ، ساياساتتاردى الدىعا جىلجىتا وتىرىپ اتقارىپ، ەكونوميكانى ورنىقتىرۋداعى ءبىرقىدىرۋ ساياسات، شارالاردى دەر كەزىندە شىعارىپ، مەملەكەتتىك ەكونوميكانىڭ نەگىزگى جاعدايىن ورنىقتىرۋ تەلەۆيزور – تەلەفون ءماجىلىسىن اشىپ، ەكونوميكا قۇلدىراۋ جاعدايىن ءبىرشاما تەز تەجەپ، ماكرولىق ەكونوميكانىڭ نەگىزگى جاعدايىن ورنىقتىردىق. ورتا، شاعىن، ۇساق كاسىپورىندار، جەكە ونەركاسىپشىلەر مەن ساۋداگەرلەر سياقتىلاردىڭ شۇعىل، قيىن، ۋايىمداعان ماسەلەلەرىن قاداعالاپ، سالىق قايتارۋ، سالىقتى كەمەيتۋ، اقىنى تومەندەتۋ سياقتى تاسىلدەر ارقىلى ولاردىڭ جۇمىستانۋدى ورنىقتىرۋ، حالىق تۇرمىسىنا كەپىلدىك ەتۋ نەگىزىن بەكەمدەدىك، تۇتاس جىلدا قالا - قالاشىقتاردا 12 ميلليوننان استام ادام تىڭنان جۇمىستاندى. ساياساتتىق قۇرالداردا جاڭالىق جاراتىپ، قارجى قوسۋدى كەڭەيتىپ، تۇتىنۋدى جەبەپ، سىرتقى ساۋدانى ورنىقتىردىق. استىق ءوندىرىسىن جانە ەنەرگيامەن قامداۋدى مىقتى يگەردىك، دۇنيە ءجۇزى بويىنشا اقشا قۇنسىزدانۋى جوعارى بولعان جاعدايدا ەل ىشىندەگى زات باعاسى ورنىقتى بولىپ، جىل سوڭىندا تۇرعىنداردىڭ تۇتىنۋ باعاسىنىڭ ءوسۋى %1.8 قانا بولدى. ەكونوميكانىڭ ۇيلەسىمدى ارتۋىن جۇزەگە اسىرىپ، اينالىمدى ۇيلەسىمدى ارالىقتا ساقتادىق، ناتيجەگە قول جەتكىزۋ توتەنشە جاپالى، ەرەسەن قيىن بولدى.
لي كىچياڭ بىلاي دەدى: وتكەن 5 جىلدا جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قيىنشىلىقتاردى جەڭىپ، ەكپىندەي ىلگەرىلەپ، ەلىمىزدىڭ دامۋىندا كەلەلى تابىستارعا قول جەتكىزدى. ەكونوميكالىق اينالىم حالىقارادا ساۋدا قورعانىمپازدىعى باس كوتەرۋ، ءۇش جىلدىق ىندەتتىڭ سوققىسى سياقتى قاتاڭ سىندارعا تاپ بولدى، ءبىز جاعدايدىڭ وزگەرىسىنە توتەپ بەرىپ، ماكرولىق تىزگىندەۋدە جاڭالىق جاراتىپ، رەفورما جاساپ، ەسىك اشۋدى ىلگەرىلەتتىك، ەكونوميكا جىلىنا ورتا ەسەپپەن %5.2 ارتتى، قالا - قالاشىقتا جىلىنا 12 ميلليون 700 مىڭنان استام ادام تىڭنان جۇمىستاندى، تۇرعىنداردىڭ تۇتىنۋ باعاسىنىڭ قىمباتتاۋ مولشەرى جىلىنا ورتا ەسەپپەن %2 تىك ءبىرشاما تومەن دەڭگەيدى ساقتادى، كاسىپورىنداردىڭ جانە جەكەشە ونەركاسىپشىلەر مەن ساۋداگەرلەردىڭ سانى زور مولشەردە ارتىپ 160 ميلليونعا جەتتى. 10 جىلدىق ۇزاق پەريودتان قاراعاندا، ەكونوميكانىڭ جىلدىق ورتاشا ارتۋى %6.2 بولىپ، ورتاشا جوعارى ارتۋ قارقىنىن جۇزەگە اسىردى. ءبىز بازار تۇلعالارىنا بەتپە - بەت ماكرولىق ساياسات اتقارىپ، ولاردىڭ اۋىرتپالىعىن جەڭىلدەتۋگە كۇش سالىپ، ارتۋدى، جۇمىستانۋدى ورنىقتىردىق. زات باعاسىن ورنىقتىرۋدى كورنەكتى ورىنعا قويىپ، ماكرولىق رەتتەۋ - مەڭگەرۋدى پارمەندى دە ءونىمدى جۇرگىزىپ، اقشانى بەيپىل تاراتۋدان ساقتاندىق. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز تەرەڭدەتىپ، الەۋمەتتىڭ يگىلىك، جاڭالىق جاراتۋىن ىلگەرىلەتىپ، بازاردىڭ ومىرشەڭدىك قۋاتى مەن قوعامنىڭ جاسامپازدىق قۋاتىن تاسقىنداتتىق. حالىق تۇرمىسىن قامتاماسىزداندىرىپ جانە جاقسارتىپ، نەگىزگى حالىق تۇرمىسىنىڭ تومەنگى شەگىن بەكەمدەدىك. مىنانى دا سەرگەكتىكپەن كورە ءبىلۋىمىز كەرەك: ەلىمىزدىڭ دامۋى ءدوپ كەلىپ وتىرعان سىرتقى ورتا ءالى دە قاتاڭ، ىشكى سۇرانىستى قالپىنا كەلتىرۋ نەگىزى ءالى دە بەرىك ەمەس، ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ قيىنشىلىعى ءبىرشاما كوپ، ەكونوميكانىڭ ورنىقتى اينالىمى ءالى دە كوپتەگەن حاۋىپ - قاتەر مەن سىن - سايىسقا ءدوپ كەلىپ وتىر.
لي كىچياڭ بىلاي دەدى: ەلىمىز ەكونوميكاسى وتكەن جىلدىڭ سوڭىندا ورنىقتى بولىپ، بيىل جىل باسىندا قايتا ورلەپ، كوپ جىلدان بەرى ەكونوميكانىڭ نەگىزگى قوزعاۋشى كۇشىنە اينالعان تۇتىنۋ 1 - ايدا جەدەل ارتتى. تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، قازىرگى ەكونوميكالىق، قوعامدىق دامۋ قىزمەتىن ناقتى، ەگجەي - تەگجەيلى يگەرىپ، ەكونوميكانى ورنىقتىرۋدىڭ ءبىرقىدىرۋ ساياساتتىق شارالارىنىڭ اسەرىن ونان ارى نىعايتىپ، ەكونوميكانىڭ قايتا ورلەۋ جاعدايىن ۇزدىكسىز كەڭەيتۋى كەرەك.
حۋ چۇنحۋا، ليۋ حى، شى تايفىڭ، حى ليفىڭ، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، شاۋ حۇڭ قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
