مۇشە چاي شوۋشي −
نازاردى ءونىمدى ارتتىرىپ، جەردى تەرەڭ جىرتۋعا شوعىرلاندىردى (ۋاكىلدەردىڭ، مۇشەلەردىڭ مىندەت وتەۋ حيكاياسى)
«حالىق گازەتىنىڭ» ءتىلشىسى ۋاڭ جينتاۋ
2023.02.13 16:45 كەلۋ قاينارى : حالىق تورابى
تۇستەن بۇرىن قار جاۋدى، ۇسىنىس جوبا دايىنداۋمەن قاربالاس بولعان چاي شوۋشي سىرتقا شىقپاق بولعاندا عانا دالانى قار باسىپ قالعانىن بايقادى. ول: «قار − مولشىلىقتىڭ نىشانى! اس − ادامنىڭ ارقاۋى، استىق جەردى نەگىز ەتەدى» دەدى. ال اتىزدى قۇنارلاندىرۋ ونىڭ زەرتتەۋ قىزمەتى، ءارى ۇسىنىس جوباسىنىڭ باعىتى ەدى.
مەملەكەتتىك ساياسي كەڭەستىڭ مۇشەسى رەتىندە، گانسۋ اۋىل شارۋاشىلىق داشۋەسىنىڭ پروفەسسورى چاي شوۋشيدىڭ سولتۇستىكتەگى ءشول ەگىس رايونىندا استىق ءونىمىن ارتتىرۋمەن شۇعىلدانعانىنا 40 جىل بولدى. «ەگىستىك جەر − اۋىل شارۋاشىلىعى ءوندىرىسىنىڭ جان تامىرى، استىقتان جوعارى ءتۇسىمدى، ورنىقتى ءونىم الۋ ءۇشىن، ءسوز جوق، اتىزدى قۇنارلاندىرۋ كەرەك». چاي شوۋشي بىلاي دەدى: ۇكىمەت ىسىنە ارالاسۋ، ۇكىمەت ءىسىن كەڭەسۋ قابىلەتىن جوعارىلاتۋدا، ءسوز جوق، داۋىرگە ىلەسىپ، رەالدىققا نازار اۋدارۋ كەرەك.
كوپ جىلدىڭ الدىندا چاي شوۋشي عىلمي زەرتتەۋ جۇرگىزىپ، استىق ءونىمىن ارتتىرۋ ماسەلەسىن شەشە باستادى ءارى ءبيدايدى نەگىزگى قامال الۋ وبيەكتىسى ەتتى. «جاقسى اۋىل شارۋاشىلىق تەحنيكاسى جەرگىلىكتى جاعدايعا ۇيلەسىپ، بۇقارانىڭ قارسى الۋىنا يە بولدى». چاي شوۋشي بىلاي دەدى: باتىس سولتۇستىكتەگى ورتا، تومەن ءتۇسىمدى اتىزداردىڭ سالىستىرماسى ءبىرشاما جوعارى، بۇدان بىلاي ەلىمىزدىڭ استىقتى ارتتىرۋداعى نەگىزگى كومەسكى كۇش بەلدەۋى سانالادى. ەگىستىك جەردىڭ ساپاسىن جوعارىلاتۋ ءۇشىن، الدىمەن سابان - توپاندى اتىزعا قايتارۋدان، جەردى تەرەڭ جىرتىپ، توپىراقتى قۇنارلاندىرۋدان، ورتا، تومەن ءونىمدى اتىزداردى قۇنارلاندىرۋدان باستاپ كىرىسىپ، ءونىمدى ارتتىرۋ جانە وڭىرلىك استىقپەن ءوزىن - ءوزى قامداۋ قۋاتىن جوعارىلاتۋ نەگىزىندە، اۋىل شارۋاشىلىعىنىڭ جاسىلدانۋ، كاسىپ سالالانۋ بەتالىسىنا قاراي دامۋىن ىلگەرىلەتىپ، بايلىقتان جوعارى ءونىمدى پايدالانۋدى جۇزەگە اسىرۋ كەرەك.
تاياۋ جىلداردان بەرى چاي شوۋشي عىلمي زەرتتەۋ ۇيىرمەسىن باستاپ، باتىس سولتۇستىكتەگى قۇرعاق، قۇنارسىز بولۋ، سۋ، جىلۋ تاپشى بولۋ سياقتى كەدەرگىلەردىڭ شەكتەمەسىنە باعىتتاي وتىرىپ، سابان - توپانمەن اتىزدى بەلدەۋلەپ جابۋ ءوندىرىس تەحنيكاسىن زەرتتەپ جاساپ، ءداستۇرلى ەگۋ تاسىلىنە قاراعاندا ءونىمدى %30 تەن استام ارتتىردى. بۇل تەحنيكانىڭ ءونىمدى ارتتىرىپ، دىمقىلدىقتى ساقتاۋ ونىمدىلىگى كورنەكتى بولىپ قالماستان، ونىڭ ۇستىنە سابان - توپان اتىزدى تىڭايتقاننان كەيىن جەردى قۇنارلاندىرىپ، حيميالىق تىڭايتقىشتىڭ ىستەتىلۋ مولشەرىن ازايتىپ، توپىراقتىڭ قۇرىلىمىن جاقسارتىپ، جىرتىلاتىن قاباتتاعى سۋدىڭ، تىڭايتقىشتىڭ، گازدىڭ، جىلۋدىڭ جاعدايىن جاقسارتادى. «بۇل كوپ مولشەردەگى ارتىق سابان - توپاننان جوعارى ءونىمدى، اينالمالى پايدالانۋدى جۇزەگە اسىرىپ، سۋلياۋ جارعاقتىڭ لاستاۋىنان جانە سابان - توپاندى ورتەۋدەن تۋىلاتىن لاستانۋدان ساقتايدى، باتىس سولتۇستىكتەگى قۋاڭشىلىق وڭىرلەردە سۋلياۋ جارعاق پەن حيميالىق تىڭايتقىش ماسەلەسىنە شەكتەن تىس يەك سۇيەۋدى باسەيتىپ، وزىندىك قۇندى ۇنەمدەپ، شىعىندى تومەندەتىپ، ونىمدىلىكتى ارتتىرادى» دەدى چاي شوۋشي.
چاي شوۋشي بىلاي دەدى: اۋىل شارۋاشىلىعىن عىلمي زەرتتەۋ قىزمەتكەرى، مەملەكەتتىك ساياسي كەڭەستىڭ مۇشەسى رەتىندە، ءسوز جوق، مەملەكەتتىڭ كەلەلى ىستەرىن ويلاپ، اۋىل شارۋاشىلىعىنىڭ كاسىپ سالاسى جۇيەسى تۇرعىسىنان، سورتتى تۇقىم مەن تاماشا ءادىستى ۇشتاستىرىپ، اۋىل شارۋاشىلىعى ماشينالارى مەن تەحنيكانى ۇشتاستىرىپ، ەگىستىك جەردىڭ ساپاسىن جوعارىلاتىپ، حيميالىق تىڭايتقىش، اۋىل شارۋاشىلىعى دارىلەرى سياقتىلاردىڭ قالىپتان تىس پايدالانىلۋىن تىزگىندەپ، توپىراق پەن اۋىل شارۋاشىلىعى ونىمدەرىنىڭ لاستانۋىن جەڭىلدەتىپ، قۇنارلى اتىزدا ءبيدايدىڭ قاۋلاي وسۋىنە مۇمكىندىك جاساپ، استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ، تەحنيكاعا سۇيەنە وتىرىپ ەگۋ نىساناسىن جۇزەگە اسىرۋۋعا قۇلشىنامىز.
ءتىلشى ەستەلىگى
جۇمىستى تىڭعىلىقتى ىستەپ، دەن قويا زەرتتەۋ جۇرگىزدى
چاي شوۋشيمەن اڭگىمەلەسۋ بارىسىندا مىنانى سەزىندىك: كوپتەگەن ماسەلەگە وي جۇگىرتكەندە، ول اۋىل شارۋاشىلىعى تۇرعىسىن ەسكەرۋگە داعدىلانعان، مىسالى، ساپالى ءبىر ۇسىنىس جوبا جازۋ، بەينە جوعارى ءونىمدى ءبيداي ەككەندەي بولادى ەكەن.
ەگىن ەككەن سياقتى ۇسىنىس جوبا جازۋدا جەردى تەرەڭ جىرتىپ، پايدانى كوزدەمەۋ، مايسانى جۇلىپ وسىرمەۋ، ءوز ورنىن تاۋىپ مىندەت وتەۋ تانىمى مەن جاۋاپكەرلىك ارقالاۋ رۋحى بولۋ كەرەك. ءارى كاسىپتىك تۇرعىدان سويلەۋ، شىنايى اقىل - كەڭەس بەرۋگە شەبەر بولۋ، ءارى تىڭعىلىقتى بولۋ، نەگىز قالاۋ، ناقتى ءىس ىستەۋ كەرەك. كوكتەمگى ەگىس، جازعى ەگىس، كۇزگى جيىن – تەرىن، شارۋالار وسىلايشا ءبىر - بىرلەپ جۇمىسقا كىرىسەدى، سول سياقتى، ءبىر - بىرلەپ زەرتتەۋ جۇرگىزىپ، مۇقيات وي جۇگىرتىپ، جاقسى جوبا ازىرلەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
