بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بيىل شينجياڭ تىڭنان 740 كيلومەتر جوعارى قارقىندى (1 - دارەجەلى) تاس جول سالۋدى جوسپارلادى

2023.02.13 15:54     كەلۋ قاينارى : حالىق تورابى

  انار بۇلت - شينجياڭ گازەتىنىڭ (ءتىلشى ما ينيڭ) 2 - ايدىڭ 10 - كۇنى ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايونىنىڭ قاتىناس - تاسىمال قىزمەتى جونىندەگى بەينە ەكران ماجىلىسىنەن ۇعىسۋىنشا، بيىل شينجياڭ تىڭنان 740 كيلومەتر جوعارى قارقىندى (1 - دارەجەلى) تاس جول سالىپ، تۇتاس شينجياڭدا جوعارى قارقىندى (1 - دارەجەلى) تاس جول قاتىناعان اۋدان - قالاعا جاڭادان ۇشەۋىن (تولى اۋدانى، اۋات اۋدانى، باي اۋدانى) قوسىپ، جالپى سانى 98 گە جەتىپ، سالىستىرماسى %90 تەن اسادى؛ 3A دارەجەلى جانە ودان جوعارى دارەجەلى كورىنىس ءوڭىرىن جوعارى قارقىندى (1 - دارەجەلى) تاس جولمەن قامتۋ مولشەرى %91 تەن اسادى. اشىلعان 13 قۇرلىقتىق شەكارا وتكەلىنىڭ 12 سىندە 2 - دارەجەلى جانە ودان جوعارى تاس جول قاتىنايدى.

  بيىل شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسى G0711 لەنياسىنىڭ ءۇرىمجى − لوپنۇر بولىگى، G3003 لەنياسىنىڭ ءۇرىمجى قالاسى باتىس اينالما جولى، G218 لەنياسىنىڭ نارات ‐− بالعىنتاي بولىگى سياقتى سالىنۋ ۇستىندەگى 54 نىسان قۇرىلىسىن ءتۇيىندى تۇردە مىقتى يگەرەدى؛ بيىلعى جىل ىشىندە G580 لەنياسىنىڭ اقسۋ −‐ اۋات، G579 لەنياسىنىڭ كۇشار −‐ باي −‐ يۇلعۇن، G335 لەنياسىنىڭ تاچاكۋ −‐ تولى ‐− باقتى شەكارا وتكەلىنە دەيىنگى بولىگى سياقتى 22 نىساننىڭ جۇمىسىن وتكىزىپ بەرىپ، اۆتوكولىك قاتىناۋدى جۇزەگە اسىرادى؛ 8 - ايدىڭ سوڭىنان بۇرىن شيڭشيڭشيا −‐ تۇيىق بولىگىن وزگەرتىپ كەڭەيتىپ سالۋ ينجەنەرياسى، G3013 لەنياسىنىڭ ۇلۇقشات −‐ كەڭسۋ بولىگى، G577 لەنياسىنىڭ موڭعۇلكۇرە ‐− مۇزارت شەكارا وتكەلىنە دەيىنگى بولىگى سياقتى جاڭادان اشىلعان 10 نىساننىڭ قۇرىلىسى باستالادى؛ G571 لەنياسىنىڭ لاپەيچۋان ‐− باشقورعان، G3033 لەنياسىنىڭ كۇيتۇن ‐− مايتاۋ −‐ كۇشار جوعارى قارقىندى تاس جول سياقتى نىسانداردىڭ الدىڭعى مەرزىمدىك قىزمەتى جەدەل ىلگەرىلەتىلەدى.

  سونىمەن بىرگە قاتىناس جاعىندا قۇدىرەتتى ەل قۇرۋدى تۇيىندە سىناق ەتۋدىڭ تىرەكتىك نىساندارىن اتقارۋدى كۇش سالا ويداعىداي يگەرەدى. ءۇرىمجى قالاسىنىڭ، بيڭتۋان 12 - شىسىنىڭ حالىقارالىق ۇلگىدەگى كەشەندى قاتىناس تورابىن بىرگە قۇرۋىن ىلگەرىلەتىپ، قاشقار، قۇلجا، كورلا مەملەكەتتىك كەشەندى قاتىناس تورابى قۇرىلىسىن جەدەل ءبىرتۇتاس جوسپارلايدى. G0711 لەنياسىنىڭ ءۇرىمجى −‐ لوپنۇر، G219 لەنياسىنىڭ موڭعۇلكۇرە ‐− ونسۋ، اراسان ‐− قورعاس بولىگى، G218 لەنياسىنىڭ نارات ‐ بالعىنتاي بولىگى سياقتى نىسانداردى سۇيەنىش ەتىپ، وزىق تەحنيكالىق جابدىقتاردى جالپىلاستىرۋدى، قولدانۋدى كۇشەيتىپ، قاتىناس پەن ساياحاتتى توعىستىرۋعا قاتىستى كاسىپ كۇيىن دامىتۋ ۇلگىسىن زەرتتەيدى. بيىلعى جىل ىشىندە G0711 لەنياسىنىڭ ءۇرىمجى ‐− لوپنۇر نىسانى تيانشان جەڭىس تۋنەلى ورتاڭعى جول اشۋ ۇڭگىرىنىڭ جالپى لەنياسىن تۇتاستىرۋدى جۇزەگە اسىرىپ، قاتىناس جاعىندا قۇدىرەتتى ەل قۇرۋدىڭ شينجياڭ ماركاسىن جاراتادى.

  2022 - جىلى شينجياڭدا مەملەكەتتىك، ولكەلىك نەگىزگى لەنيا نىساندارىنان 6 سى سالىنىپ، اۆتوكولىك قاتىنادى، جوعارى قارقىندى (1 - دارەجەلى) تاس جولدىڭ جالپى ۇزىندىعى 11 مىڭ كيلومەترگە جەتتى. تۇتاس جىلدا تاس جول قاتىناس تۇراقتى مۇلكىنە قوسىلعان قارجى 74 ميلليارد 867 ميلليون يۋانعا جەتىپ، سايكەس مەزگىلدەگىدەن %8.4 ارتىپ، 2018 - جىلدان بەرگى ەڭ جوعارى دەڭگەيدى جاراتتى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار