بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەستىڭ جالپى ءماجىلىسىن باسقارىپ اشتى

«ۇكىمەت قىزمەتىنەن باياندامانى (پىكىر الۋ نۇسقاسى)» تالقىلادى

حان جىڭ قاتارلىلار قاتىناستى

2023.02.06 17:43     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 3 - كۇنى، بەيجيڭ. 2 - ايدىڭ 3 - كۇنى مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەستىڭ 8 - رەتكى جالپى ءماجىلىسىن باسقارىپ اشىپ، 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا ۇسىنىلاتىن ۇكىمەت قىزمەتىنەن باياندامانى تالقىلاپ، «ۇكىمەت قىزمەتىنەن باياندامانى (پىكىر الۋ نۇسقاسى)» ولكەلەرگە (اۆتونوميالى رايون، توتە قاراستى قالا) جانە ورتالىقتاعى مەملەكەت ورگاندارىنىڭ قاتىستى تاراۋلارىنا، ورىندارىنا تاراتىپ پىكىر الۋدى ۇيعاردى.

  لي كىچياڭ بىلاي دەدى: مەملەكەتتىك كەڭەستىڭ مەملەكەتتىك حالىق قۇرىلتايىنا قىزمەتىنەن بايانداما جاساۋى − نەگىزگى زاڭدا بەلگىلەنگەن ماڭىزدى مىندەت ءارى حالىقتىڭ باقىلاۋىن قابىلداعاندىق. كەڭ كولەمدە پىكىر الىپ، ءار جاقتىڭ اقىل - پاراساتىن شوعىرلاندىرىپ، ۇكىمەت قىزمەتىنەن باياندامانىڭ قىزمەتتىڭ ءىس جۇزىندىگى مەن جاعدايدىڭ تالابىن اناعۇرلىم ويداعىداي بەينەلەۋىنە مۇمكىندىك جاساۋ كەرەك.

  لي كىچياڭ بىلاي دەدى: وتكەن ءبىر جىلدا توتەنشە كۇردەلى دە قاتاڭ حالىقارا جانە ەل ءىشى ورتاسى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىنشىلىقتان تايسالماي العا ۇمتىلىپ، ەلىمىزدىڭ دامۋىن ىلگەرىلەتۋدە وڭاي - وسپاق قولعا كەلمەيتىن تىڭ تابىستارعا قول جەتكىزدى. ىندەت سياقتى كوپ ءتۇرلى بولجاۋسىز فاكتور ەكونوميكالىق اينالىمعا اۋىر سوققى جاسادى، ءبىز باتىل توتەپ بەرىپ، الدىن الا بەلگىلەنگەن ساياساتتىق شارالاردى الدىڭعى شەپتە اتقارىپ، قامداۋ جاعىنداعى قۇرىلىمدىق رەفورمانى ۇزدىكسىز ىلگەرىلەتىپ، ەكونوميكانى ورنىقتىرۋ جونىندەگى ءبىرقىدىرۋ ساياساتتار مەن شارالاردى دەر كەزىندە شىعارىپ، كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ تيجارات قيىنشىلىعىنا باعىتتاي وتىرىپ، سۇيەمەلدەۋ تەبىنىن ارتتىردىق، ءونىمدى سۇرانىم جەتكىلىكسىز بولعان كورنەكتى قايشىلىقتارعا باعىتتاي وتىرىپ كوپ ءتۇرلى شارانى قاتار قولدانىپ، قارجى قوسۋدى كەڭەيتىپ، تۇتىنۋدى جەبەپ، سىرتقى ساۋدانى ورنىقتىردىق، جۇمىستانۋ قىسىمى كورنەكتى بولۋ جاعدايىنا باعىتتاي وتىرىپ، جۇمىس ورنىن ورنىقتىرىپ، جۇمىستانۋدى كەڭەيتۋ ساياساتى جاعىنان قولداۋدى كورنەكتى تۇردە كۇشەيتتىك، اقشانىڭ قۇنسىزدانۋ قىسىمىنا قاراتا استىق پەن ەنەرگيانى ماڭىزدى ءتۇيىن ەتىپ، قامداۋعا كەپىلدىك ەتۋ، باعانى ورنىقتىرۋ قىزمەتىن ويداعىداي ىستەدىك. جاپالى قۇلشىنىس جاساۋ ارقىلى ەكونوميكانىڭ جالپى جاعدايى ورنىقتىرىلدى، تۇتاس جىلدا قالا - قالاشىقتاردا 12 ميلليوننان استام ادام تىڭنان جۇمىستاندى، جىل سوڭىندا قالا - قالاشىقتاردا تەكسەرىلگەن جۇمىسسىزدىق شاماسى %5.5 كە تومەندەدى، تۇرعىنداردىڭ تۇتىنۋ باعاسىنىڭ جوعارىلاۋ مولشەرى %2 قانا بولدى، زات يمپورت - ەكسپورتى %7.7 ارتتى، حالىقارالىق كىرىس - شىعىس نەگىزىنەن تەپە - تەڭ بولدى، ەكونوميكالىق اينالىم ۇيلەسىمدى ارالىقتى ساقتادى.

  لي كىچياڭ بىلاي دەدى: وتكەن 5 جىل وتە ەرەكشە، توتەنشە وزگەشە 5 جىل بولدى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، بۇكىل ەل بويىنشا جوعارىدان تومەنگە دەيىن ۇدەرە العا تارتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا جورىعىن باستادى. ەكونوميكالىق قۋات تاعى دا تىڭ ساتىعا كوتەرىلىپ، ىشكى ءوندىرىستىڭ جالپى قۇنى جىلىنا ورتا ەسەپپەن %5.2 ارتتى، قالا - قالاشىقتاردا جىلىنا ورتا ەسەپپەن 12 ميلليون 700 مىڭنان استام ادام تىڭنان جۇمىستاندى، جاڭا شارۋاشىلىق، جاڭا كاسىپ كۇيى، جاڭا ۇلگى جەدەل دامىپ، حالىقتىڭ تۇرمىس ورەسى ۇزدىكسىز جوعارىلادى. ءبىز جاڭا دامۋ ۇستانىمىن دايەكتىلەندىرىپ، حاۋىپ - قاتەر مەن سىن - سايىسقا ءونىمدى توتەپ بەرىپ، ءوڭىر ارالىق رەتتەۋ - مەڭگەرۋدى، باعىتتامالى رەتتەۋ - مەڭگەرۋدى، جاعدايعا قاراي رەتتەۋ - مەڭگەرۋدى كۇشەيتىپ، «التىنى ورنىقتىرۋ»، «التىنى قامتاماسىز ەتۋ» قىزمەتىن ۇزدىكسىز ويداعىداي ىستەدىك. ماكرولىق ساياساتتى اتقارۋ تاسىلىندە جاڭالىق اشىپ، قازىنالىق قىزىل سيفردىڭ كولەمىن ۋاقىتقا، جاعدايعا قاراي يگەرىپ، كاسىپورىندار، ساۋداگەرلەر قاتارلىلاردىڭ سۇرانىستارىن ارقاۋ ەتىپ، كولەمدىك سالىق قايتارۋ، اقىنى تومەندەتۋ شارالارىن اتقارىپ، اقشانىڭ جالپى مولشەرى مەن قۇرىلىمدىق قۇرالداردان ۇيلەسىمدى پايدالانىپ، فينانستىڭ ناقتى ەكونوميكانى ءونىمدى قولداۋىن كۇشەيتىپ، بازار تۇلعالارىن ورنىقتىرۋ ارقىلى جۇمىستانۋدى ورنىقتىرىپ، حالىق تۇرمىسىن قامتاماسىز ەتتىك. وسى بارىستا قىزىل سيفر ۇزدىكسىز زور مولشەردە ارتقان جوق، ارتىق تاراتىلعان اقشا دا بولعان جوق، بۇل زات باعاسىنىڭ ورنىقتىلىعىنا ماكرولىق شارت - جاعداي ازىرلەدى. رەفورما جاساپ، ەسىك اشۋدى تاباندىلىقپەن ىلگەرىلەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن اناعۇرلىم ارتتىردىق. سونىمەن بىرگە، جاڭالىق اشۋ ارقىلى دامۋعا دەم بەرۋدى ىلگەرىلەتىپ، ەل ىشىندەگى ءونىمدى سۇرانىستى كەڭەيتىپ، ەكولوگيالىق ورتانى قورعاۋدى كۇشەيتىپ، حالىق تۇرمىسىن قامتاماسىز ەتتىك جانە جاقسارتتىق. ءبىز مىنانى سەرگەكتىكپەن كورە ءبىلۋىمىز كەرەك: قازىر سىرتقى ورتانىڭ تۇراقسىزدىعى كۇشەيدى، ەل ىشىندە ارتۋدى ورنىقتىرۋ، جۇمىستانۋدى ورنىقتىرۋ سياقتى مىندەتتەر جاپالى، كەيبىر قۇرىلىمدىق قايشىلىقتار كورنەكتىلەنۋدە، دامۋ ءالى دە كوپتەگەن قيىنشىلىقتار مەن سىن - سايىسقا ءدوپ كەلىپ وتىر.

  لي كىچياڭ بىلاي دەدى: ەكونوميكانى ورنىقتىرۋدىڭ ءبىرقىدىرۋ ساياساتتىق شارالارىنىڭ ونىمدىلىگىنىڭ ۇزدىكسىز ساۋلەلەنۋىنە جانە ىندەتتەن ساقتانۋ - تىزگىندەۋ شارالارىن ساپالىلاندىرۋ، رەتتەۋ شارالارىنىڭ تياناقتانۋىنا بايلانىستى قازىر ەكونوميكالىق اينالىم قايتا ورلەۋدە. تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، مىندەتىن بۇلجىتپاي اتقارىپ، قازىرگى ەكونوميكالىق، قوعامدىق دامۋ قىزمەتىن ۇزدىكسىز ويداعىداي يگەرىپ، ەكونوميكالىق اينالىمنىڭ قايتا ورلەۋ جاعدايىن بەكەمدەۋى جانە كەڭەيتۋى كەرەك.

  مەملەكەتتىك كەڭەس زۇڭليىنىڭ ورىنباسارلارى حان جىڭ، سۇن چۇنلان، حۋ چۇنحۋا، ليۋ حى جانە مەملەكەتتىك كەڭەستىڭ مۇشەلەرى ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى قاتارلىلار ماجىلىسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار