بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ج ك پ ورتالىق كوميتەتى ساياسي بيۋروسىنىڭ 2 - رەتكى توپتىق ۇيرەنۋىندە مىنانى دارىپتەدى

جاڭا دامۋ جاعدايىن جەدەل قالىپتاستىرىپ، دامۋدىڭ ىرىقتىلىق ۇقىعىن نىعايتۋ كەرەك

2023.02.02 16:32     كەلۋ قاينارى : حالىق تورابى

  ■ جاڭا دامۋ جۇلگەسىن جەدەل قالىپتاستىرۋ − ەكىنشى 100 جىلدىق كۇرەس نىساناسىن جۇزەگە اسىرۋدى تياناق ەتىپ، دامۋ مەن حاۋىپسىزدىكتى ءبىر تۇتاس جوسپارلاپ جاساعان ستراتەگيالىق شەشىم، بولاشاق دامۋدىڭ ىرىقتىلىق ۇقىعىن يگەرۋدەگى ستراتەگيالىق ورنالاستىرۋ. جاڭا دامۋ ارناسىن جەدەل قالىپتاستىرعاندا عانا ەلىمىز ەكونوميكاسى دامۋىنىڭ نەگىزىن بەكەمدەۋگە، دامۋدىڭ حاۋىپسىزدىگىن، ورنىقتىلىعىن كۇشەيتۋگە، بولجاۋعا بولاتىن جانە بولجاۋ قيىن بولىپ وتىرعان ءتۇرلى سۇراپىل داۋىل، بوران - شاشىن، اساۋ تولقىنداردا ەلىمىزدىڭ ءومىر ءسۇرۋ قۋاتىن، باسەكەلىك قۋاتىن، دامۋ قۋاتىن، باياندىلىق قۋاتىن ارتتىرىپ، جۇڭحۋا ۇلتىنىڭ ۇلى گۇلدەنۋ اياق الىسىنىڭ كەشەۋىلدەمەۋىنە، ءتىپتى، ءۇزىلىپ قالماۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن جەڭىسپەن جۇزەگە اسىرۋعا بولادى

  ■ تاياۋ جىلداردان بەرى جاڭا دامۋ جاعدايىن قالىپتاستىرۋ تىڭعىلىقتى ىلگەرىلەتىلىپ، كەيبىر تابىستارعا قول جەتتى، يدەيالىق ورتاق تانىم ۇزدىكسىز شوعىرلانىپ، قىزمەت نەگىزى ۇزدىكسىز بەكەمدەلىپ، ساياسات، ءتۇزىم ۇزدىكسىز كەمەلدەندى، الايدا جاپپاي جاڭا دامۋ جاعدايىن قالىپتاستىرۋدىڭ مىندەتى اۋىر، جولى ۇزاق. ماسەلەنى باعدار ەتۋدە جانە جۇيەلى كوزقاراستا تاباندى بولىپ، جاڭا دامۋ ارناسىن جەدەل قالىپتاستىرۋعا تۇساۋ بولاتىن باستى قايشىلىقتار مەن ماسەلەلەردى كۇش سالا الاستاپ، رەفورمانى جاپپاي تەرەڭدەتىپ، امالياتتا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، ابزالدىقتى ۇزدىكسىز ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتۋ كەرەك

  ■ ىشكى سۇرانىستى ءبىر تۇتاس جوسپارلاۋدى، ۇلعايتۋدى جانە قامداۋ جاعىنداعى قۇرىلىمدىق رەفورمانى تەرەڭدەتۋدى جاقسى ىستەپ، سۇرانىس قامداۋدى جەتەكتەيتىن، قامداۋ سۇرانىس تۋدىراتىن اناعۇرلىم جوعارى ورەدەگى اۋقىمدىق تەپە - تەڭدىكتى قالىپتاستىرىپ، حالىق شارۋاشىلىعىنىڭ ۇتىمدى اينالىمىن جۇزەگە اسىرۋ كەرەك. عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ اياق الىسىن جەدەلدەتىپ، شەتەلگە يەك سۇيەۋ ماسەلەسىن شەشۋ كەرەك. جاڭا دامۋ جۇيەسى وسىزاماندانعان كاسىپ جۇيەسىن نەگىز ەتەدى، ەكونوميكالىق اينالىمنىڭ ىركىلىسسىزدىگى كاسىپ سالالارىنىڭ ءتارتىپتى ۇشتاسۋىن، جوعارى ءونىمدى، ىركىلىسسىز بولۋىن قاجەت ەتەدى. ەكونوميكانى دامىتۋدىڭ كۇش سالۋ ءتۇيىنىن ۇزدىكسىز ناقتى ەكونوميكاعا اۋدارىپ، جاڭاشا ونەركاسىپتەندىرۋدى تىڭعىلىقتى ىلگەرىلەتىپ، جاساۋ كاسىبىندە قۋاتتى ەل، ساپادا قۋاتتى ەل، ينتەرنەتتە قۋاتتى ەل، سيفرلى جۇڭگو قۇرۋدى جەدەلدەتىپ، حالىقارالىق باسەكەلىك قۋاتقا يە سيفرلى كاسىپ شوعىرىن قالىپتاستىرۋ كەرەك. قالا مەن اۋىلدىڭ، وڭىرلەردىڭ سايكەستى دامۋىن جاپپاي ىلگەرىلەتىپ، ەل ىشىندەگى ۇلكەن اينالىمنىڭ قامتۋ كولەمىن كەڭەيتۋ كەرەك. رەفورما جاساپ، ەسىك اشۋدى ونان ارى تەرەڭدەتىپ، ەل ءىشى - سىرتىنداعى زور اينالىمنىڭ قوزعاۋشى كۇشى مەن ومىرشەڭدىك كۇشىن ارتتىرۋ كەرەك

  شينحۋا اگەنتتىگى، 2 - ايدىڭ 1 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 1 - ايدىڭ 31 – كۇنى تۇستەن كەيىن جاڭا دامۋ جاعدايىن جەدەل قالىپتاستىرۋ جونىندە 2 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعان كەزدە مىنالاردى دارىپتەدى: جاڭا دامۋ جۇلگەسىن جەدەل قالىپتاستىرۋ − ەكىنشى 100 جىلدىق كۇرەس نىساناسىن جۇزەگە اسىرۋدى تياناق ەتىپ، دامۋ مەن حاۋىپسىزدىكتى ءبىر تۇتاس جوسپارلاپ جاساعان ستراتەگيالىق شەشىم، بولاشاق دامۋدىڭ ىرىقتىلىق ۇقىعىن يگەرۋدەگى ستراتەگيالىق ورنالاستىرۋ. جاڭا دامۋ ارناسىن جەدەل قالىپتاستىرعاندا عانا ەلىمىز ەكونوميكاسى دامۋىنىڭ نەگىزىن بەكەمدەۋگە، دامۋدىڭ حاۋىپسىزدىگىن، ورنىقتىلىعىن كۇشەيتۋگە، بولجاۋعا بولاتىن جانە بولجاۋ قيىن بولىپ وتىرعان ءتۇرلى سۇراپىل داۋىل، بوران - شاشىن، اساۋ تولقىنداردا ەلىمىزدىڭ ءومىر ءسۇرۋ قۋاتىن، باسەكەلىك قۋاتىن، دامۋ قۋاتىن، باياندىلىق قۋاتىن ارتتىرىپ، جۇڭحۋا ۇلتىنىڭ ۇلى گۇلدەنۋ اياق الىسىنىڭ كەشەۋىلدەمەۋىنە، ءتىپتى، ءۇزىلىپ قالماۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىن جەڭىسپەن جۇزەگە اسىرۋعا بولادى.

  ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىگىنەن ۇيرەندى ءارى قىزمەت اسەرلەرىن ورتاعا سالدى، يىن لي، ليۋ گوجۇڭ، حى ليفىڭ، جاڭ گوچيڭ، چىن جينيڭ، حۋاڭ كۇنميڭ جولداستار وزدەرى باسقاراتىن سالالارمەن جانە جەرگىلىكتى ورىنداردىڭ قىزمەتىمەن ۇشتاستىرىپ ءسوز سويلەدى، كوپشىلىك پىكىر اۋىستىردى.

  شي جينپيڭ ۇيرەنۋدى باسقارعان كەزدە ماڭىزدى ءسوز سويلەدى. ول بىلاي دەپ اتاپ كورسەتتى: تاياۋ جىلداردان بەرى جاڭا دامۋ جاعدايىن قالىپتاستىرۋ تىڭعىلىقتى ىلگەرىلەتىلىپ، كەيبىر تابىستارعا قول جەتتى، يدەيالىق ورتاق تانىم ۇزدىكسىز شوعىرلانىپ، قىزمەت نەگىزى ۇزدىكسىز بەكەمدەلىپ، ساياسات، ءتۇزىم ۇزدىكسىز كەمەلدەندى، الايدا جاپپاي جاڭا دامۋ جاعدايىن قالىپتاستىرۋدىڭ مىندەتى اۋىر، جولى ۇزاق. ماسەلەنى باعدار ەتۋدە جانە جۇيەلى كوزقاراستا تاباندى بولىپ، جاڭا دامۋ ارناسىن جەدەل قالىپتاستىرۋعا تۇساۋ بولاتىن باستى قايشىلىقتار مەن ماسەلەلەردى كۇش سالا الاستاپ، رەفورمانى جاپپاي تەرەڭدەتىپ، امالياتتا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، ابزالدىقتى ۇزدىكسىز ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتۋ كەرەك.

  شي جينپيڭ بىلاي دەپ دارىپتەدى: ىشكى سۇرانىستى ءبىر تۇتاس جوسپارلاۋدى، ۇلعايتۋدى جانە قامداۋ جاعىنداعى قۇرىلىمدىق رەفورمانى تەرەڭدەتۋدى جاقسى ىستەپ، سۇرانىس قامداۋدى جەتەكتەيتىن، قامداۋ سۇرانىس تۋدىراتىن اناعۇرلىم جوعارى ورەدەگى اۋقىمدىق تەپە - تەڭدىكتى قالىپتاستىرىپ، حالىق شارۋاشىلىعىنىڭ ۇتىمدى اينالىمىن جۇزەگە اسىرۋ كەرەك. ىشكى سۇرانىمدى ۇلعايتۋ ستراتەگيالىق پلانى باعدارلاماسىن باتىل دايەكتى تياناقتاندىرىپ، كەمەلدى ىشكى سۇرانىم جۇيەسىن تەز ارادا قالىپتاستىرىپ، كىرىس تىرەگى بار تۇتىنۋ سۇرانىمىن، ۇيلەسىمدى قارىمجىسى بار قارجى قوسۋ سۇرانىمىن، نەگىزگى سوماسى مەن قارىز تەجەمى بار فينانس سۇرانىمىن كۇش سالا كەڭەيتۋ كەرەك. تۇرعىنداردىڭ تۇتىنۋىن كەڭەيتۋدىڭ باياندى مەحانيزمىن ورناتىپ جانە كەمەلدەندىرىپ، تۇرعىنداردىڭ ورنىقتى كىرىس ارقىلى تۇتىنۋىنا، الاڭداۋشىلىق جوق جاعدايدا باتىلدىقپەن تۇتىنۋىنا، جاقسى تۇتىنۋ ورتاسىندا ريزاشىلىقپەن تۇتىنۋىنا مۇمكىندىك جاساۋ كەرەك. قارجى قوسۋ مەحانيزمىن كەمەلدەندىرىپ، كەڭەيتىپ، ءونىمدى قارجى قوسۋ ءورىسىن كەڭەيتىپ، جاڭاشا نەگىزدىك قۇرىلعىلار قۇرىلىسىن ۇيلەسىمدى الدىن الا ورنالاستىرىپ، جوعارى تەحنيكالى كاسىپتەر مەن ستراتەگيالىق جاڭادان گۇلدەنگەن كاسىپتەرگە قارجى قوسۋدى كەڭەيتىپ، حالىقتىق قارجى قوسۋدىڭ ومىرشەڭدىك كۇشىن ۇزدىكسىز تاسقىنداتۋ كەرەك. قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، عىلىم - تەحنيكادا جاڭالىق اشۋدى، تۇزىمدە جاڭالىق اشۋدى ۇزدىكسىز ىلگەرىلەتىپ، قامداۋ تەجەمىنىڭ بوگەتتەرىن، كەدەرگىلەرىن، السىزدىكتەرىن بۇزىپ، كاسىپ تىزبەگى مەن قامداۋ تىزبەگىنىڭ باسەكەلىك قۋاتىن جانە حاۋىپسىزدىگىن كۇشەيتىپ، ءوزىن - ءوزى مەڭگەرەتىن، جوعارى ساپالى قامداۋ ارقىلى قازىرگى سۇرانىستى قاناعاتتاندىرىپ، جاڭا سۇرانىس جاراتۋ ءارى وعان جەتەكشىلىك ەتۋ كەرەك.

  شي جينپيڭ بىلاي دەپ اتاپ كورسەتتى: عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ اياق الىسىن جەدەلدەتىپ، شەتەلگە يەك سۇيەۋ ماسەلەسىن شەشۋ كەرەك. مەملەكەت بويىنشا جۇمىلۋ سىندى جاڭاشا ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم - تەحنيكا قۋاتىن كۇشەيتىپ، جاڭالىق اشۋ بايلىعىن ساپالى ورنالاستىرىپ، ەلىمىزدىڭ ماڭىزدى عىلىم - تەحنيكا سالالارىندا دۇنيە ءجۇزىنىڭ سەركەسى بولۋىنا، الدىڭعى لەكتەگى ايقاسپالى سالالاردا ءورىس اشۋشى بولۋىنا مۇمكىندىك جاساپ، دۇنيە جۇزىندەگى نەگىزگى عىلىم ورتالىعى جانە جاڭالىق اشۋ بيىگى بولۋعا كۇش سالۋ كەرەك. مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىنىڭ، مەملەكەتتى دارىندىلارمەن قۇدىرەتتەندىرۋ ستراتەگياسىنىڭ، دامۋدى جاڭالىق اشۋ ارقىلى جەبەۋ ستراتەگياسىنىڭ ءونىمدى ىقپالداستىعىن جۇزەگە اسىرىپ، وقۋ - اعارتۋدى دامىتۋدى، عىلىم - تەحنيكادا جاڭالىق اشۋدى، دارىندىلاردى تاربيەلەۋدى ءبىر تۇلعالاندىرىپ ىلگەرىلەتۋدە تاباندى بولىپ، تاماشا اينالىم قالىپتاستىرۋ؛ ءتول تۋما جاڭالىق اشۋدى، شوعىرلى جاڭالىق اشۋدى، اشىق جاڭالىق اشۋدى ءبىر تۇلعالاندىرىپ جوبالاۋدا تاباندى بولىپ، ءونىمدى تۇتاستىرۋدى جۇزەگە اسىرۋ؛ جاڭالىق اشۋ تىزبەگىنىڭ، كاسىپ تىزبەگىنىڭ، دارىندىلار تىزبەگىنىڭ ءبىر تۇلعالانىپ ورنالاستىرىلۋىندا تاباندى بولىپ، ىشكەرىلەي توعىسۋدى ىلگەرىلەتۋ كەرەك.

  شي جينپيڭ بىلاي دەپ دارىپتەدى: جاڭا دامۋ جۇيەسى وسىزاماندانعان كاسىپ جۇيەسىن نەگىز ەتەدى، ەكونوميكالىق اينالىمنىڭ ىركىلىسسىزدىگى كاسىپ سالالارىنىڭ ءتارتىپتى ۇشتاسۋىن، جوعارى ءونىمدى، ىركىلىسسىز بولۋىن قاجەت ەتەدى. ەكونوميكانى دامىتۋدىڭ كۇش سالۋ ءتۇيىنىن ۇزدىكسىز ناقتى ەكونوميكاعا اۋدارىپ، جاڭاشا ونەركاسىپتەندىرۋدى تىڭعىلىقتى ىلگەرىلەتىپ، جاساۋ كاسىبىندە قۋاتتى ەل، ساپادا قۋاتتى ەل، ينتەرنەتتە قۋاتتى ەل، سيفرلى جۇڭگو قۇرۋدى جەدەلدەتىپ، حالىقارالىق باسەكەلىك قۋاتقا يە سيفرلى كاسىپ شوعىرىن قالىپتاستىرۋ كەرەك. كاسىپ سالاسىنىڭ دامۋ اۋقىمىنا سايكەسىپ، ولقى كاسىپ سالاسىن تولىقتاۋدى، ابزال كاسىپ سالاسىن ۇزارتۋدى ىلگەرىلەتىپ، ءداستۇرلى كاسىپ سالاسىنىڭ دارەجەسىن جوعارىلاتىپ، جاڭادان گۇلدەنگەن كاسىپ سالاسىنددا تىزبەك قالىپتاستىرىپ، كاسىپ سالاسى دامۋىنىڭ ۇلاسپالىلىعى مەن باسەكەلىك قۋاتىن كۇشەيتۋ كەرەك. وندىرگىش كۇشتەردىڭ ورنالاسۋىن ساپالىلاندىرىپ، ءتۇيىندى كاسىپتەردىڭ ەل ءىشى - سىرتىندا ءتارتىپتى تۇردە اۋىسۋىن ىلگەرىلەتىپ، كاسىپورىنداردىڭ دۇنيە جۇزىلىك كاسىپتەردىڭ جۇمىس ءبولىسى مەن سەلبەستىگىنە ىشكەرىلەي ات سالىسۋىنا قولداۋ كورسەتىپ، ىشكى - سىرتقى كاسىپتەردىڭ ىشكەرىلەي توعىسۋىن جەبەپ، دەربەس مەڭگەرۋگە بولاتىن، حاۋىپسىز دە سەنىمدى، باسەكەلىك قۋاتى كۇشتى وسىزاماندانعان كاسىپ جۇيەسىن قالىپتاستىرۋ كەرەك.

  شي جينپيڭ بىلاي دەپ اتاپ كورسەتتى: قالا مەن اۋىلدىڭ، وڭىرلەردىڭ سايكەستى دامۋىن جاپپاي ىلگەرىلەتىپ، ەل ىشىندەگى ۇلكەن اينالىمنىڭ قامتۋ كولەمىن كەڭەيتۋ كەرەك. اۋىل - قىستاقتىڭ تۇتىنۋ بازارى مەن فاكتور بازارى رەتىندەگى ماڭىزدى رولىن تولىق ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋدان ورتالىعىن ماڭىزدى دانەكەر ەتكەن قالا - قالاشىقتاندىرۋ قۇرىلىسىن ىلگەرىلەتىپ، قالا مەن اۋىلدىڭ توعىسپالى دامۋىن ىلگەرىلەتىپ، قالا مەن اۋىلدىڭ ەكونوميكالىق بايلانىسىن كۇشەيتىپ، قالا مەن اۋىلدىڭ ەكونوميكالىق اينالىمىن ىركىلىسسىزدەندىرۋ كەرەك. جەر - جەردىڭ شاعىن اينالىم قالىپتاسستىرۋىنان ساقتانىپ، وڭىرلىك قورعاندى جويىپ، بۇكىل ەل بويىنشا بىرلىككە كەلگەن ءىرى بازاردى شىن مانىندە قالىپتاستىرۋ كەرەك. وڭىرلىك سايكەستى دامۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق رايون ستراتەگياسى سياقتىلاردىڭ ىشكەرىلەي توعىسۋىن ىلگەرىلەتىپ، كەلەلى وندىرگىش كۇشتەردىڭ ورنالاسۋىن ساپالىلاندىرىپ، ءتۇرلى فاكتورلاردىڭ ۇيلەسىمدى اۋىسۋى مەن جوعارى ءونىمدى شوعىرلانۋىن جەبەپ، ەل ىشىندەگى زور اينالىمدى ىركىلىسسىزدەندىرۋ كەرەك.

  شي جينپيڭ بىلاي دەپ دارىپتەدى: رەفورما جاساپ، ەسىك اشۋدى ونان ارى تەرەڭدەتىپ، ەل ءىشى - سىرتىنداعى زور اينالىمنىڭ قوزعاۋشى كۇشى مەن ومىرشەڭدىك كۇشىن ارتتىرۋ كەرەك. ماڭىزدى فاكتورلاردى بازارلاندىرۋ رەفورماسىن تەرەڭدەتىپ، جوعارى ولشەمدى بازار جۇيەسىن ورناتىپ، بۇكىل ەل بويىنشا بىرلىككە كەلگەن ءىرى بازاردى جەدەل قۇرۋ كەرەك. مال - مۇلىك ۇقىعىن قورعاۋ، بازارعا كىرۋگە رۇقسات ەتۋ، ءادىل باسەكە، قوعامدىق سەنىمدىلىك سياقتى بازار ەكونوميكاسى ءتۇزىمىن كەمەلدەندىرىپ، مونوپوليالاۋعا جانە جوسىقسىز باسەكەگە قارسى تۇرۋدى كۇشەيتىپ، كاپيتالدىڭ اقاۋسىز دامۋىن زاڭ بويىنشا ارناعا ءتۇسىرىپ جانە وعان جەتەكشىلىك ەتىپ، ءتۇرلى تيجارات تۇلعالارىنىڭ قارجى قوسىپ، يگىلىك جاراتۋىنا تاماشا ورتا ازىرلەپ، ءتۇرلى تيجارات تۇلعالارىنىڭ ومىرشەڭدىك كۇشىن تاسقىنداتۋ كەرەك. جوعارى دەڭگەيدە سىرتقا ەسىك اشۋدى ىلگەرىلەتىپ، ەرەجە، بەلگىلەمە، باسقارۋ، ولشەم سياقتى تۇزىمدىك ەسىك اشۋدى ورنىقتى ىلگەرىلەتىپ، حالىقارالىق ۇلكەن اينالىمداعى سويلەۋ ۇقىعىن كۇشەيتۋ كەرەك. «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتىپ، حالىقارالىق ەكونوميكا - ساۋدا ەرەجەسى كەلىسسوزىنە بەلسەنە قاتىناسىپ، دۇنيە ءجۇزىنىڭ اشىق، كوپ نەگىزدى، ورنىقتى ەكونوميكالىق ءتارتىبىنىڭ قالىپتاسۋىن ىلگەرىلەتىپ، ەل ءىشى جانە حالىقارا سىندى ەكى بازار، ەكى ءتۇرلى بايلىقتىڭ بىرلەسە ارەكەتتەنىپ اينالىم جاساۋىن جۇزەگە اسىرۋعا شارت - جاعداي ازىرلەۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار