«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيانى جاپپاي قاتاڭ جونگە سالۋدا پارتيانىڭ وزىنە توڭكەرىس جاساۋىنا سۇيەنىپ تاريحي پەريودتان اتتاپ شىعۋدىڭ ءساتتى جولىن قاراستىرۋ كەرەك
2023.02.01 16:27 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 31 - كۇنى، بەيجيڭ، 2 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 3 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانى جاپپاي قاتاڭ جونگە سالۋدا پارتيانىڭ وزىنە توڭكەرىس جاساۋىنا سۇيەنىپ تاريحي پەريودتان اتتاپ شىعۋدىڭ ءساتتى جولىن قاراستىرۋ كەرەك» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: پارتيانىڭ 18 - قۇرىلتايىنان بەرى پارتيا ورتالىق كوميتەتى پارتيانى جاپپاي قاتاڭ جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن بۇرىن بولماعان باتىلدىقپەن جانە تاباندىلىقپەن ىلگەرىلەتىپ، تالاي جىلدان بەرى تيىلماعان بۇرىس ستيل، تەرىس پيعىلداردى تيىپ، ۇزاق ۋاقىتتان بەرى شەشىلمەي كەلگەن كوپتەگەن ەسكىلىكتى دەرتتى تازارتىپ، پارتيانىڭ، مەملەكەتتىڭ، ارميانىڭ ىشكى جاعىندا ورىن تەپكەن اۋىر كومەسكى حاۋىپتەردى الاستادى، پارتيانى باسقارۋ، پارتيانى جونگە سالۋداعى كەڭ، بوس، ءالسىز بولۋ جاعدايى تۇبىرىنەن وڭالدى. پارتيانى جاپپاي قاتاڭ جونگە سالۋ تاريحي، جاسامپازدىق سيپاتتى تابىستارعا قول جەتكىزىپ، جان - جاقتى، تەرەڭ ىقپال تۋدىردى، وندا، ءسوز جوق، ۇزاق ۋاقىت تاباندى بولۋ، ۇزدىكسىز العا باسۋ كەرەك.
ماقالادا مىنالار اتاپ كورسەتىلدى: مەن تاريحي پەريودتان اتتاپ شىعۋ ماسەلەسىن ۇنەمى ايتىپ كەلەمىن، بۇل − پارتيانىڭ ماڭگىلىك ۇلى ىسىنە ساياتىن كەلەلى ماسەلە، پارتيانىڭ ءومىر ءسۇرۋى مەن قۇرىپ - جوعالۋىنا سايادى، ەلىمىزدىڭ سوتسياليستىك ءتۇزىمىنىڭ گۇلدەنۋى مەن قۇلدىراۋىنا، ءساتتى - ءساتسىز بولۋىنا سايادى. تاريحي پەريودتان قالاي اتتاپ شىعۋعا بولادى؟ پارتيا باستان - اياق وي جۇگىرتىپ، ىزدەنىس جاساپ كەلەدى. ماۋ زىدۇڭ جولداس بۇعان يان - انداعى جەر تولەدە تۇڭعىش جاۋابىن بەرگەن بولاتىن، بۇل «حالىققا ۇكىمەتتى باقىلاتۋ» بولاتىن؛ 100 جىلدىق كۇرەس، اسىرەسە، پارتيانىڭ 18 - قۇرىلتايىنان بەرگى جاڭا اماليات ارقىلى پارتيا تاعى ەكىنشى جاۋاپتى بەردى، بۇل وزىنە توڭكەرىس جاساۋ ەدى. وزىنە توڭكەرىس جاساۋ دەگەنىمىز كالتسيدى تولىقتاپ، سۇيەكتى قۋاتتاندىرىپ، ۋىتتى ايداپ، باكتەريانى جويىپ، باتىل كەسىم جاساپ، شىرىگەن بۇلشىق ەتتى سىلىپ تاستاپ، پارتيانىڭ اقاۋسىز دەنەسىن شىرىتەتىن ۆيرۋستاردى ۇزدىكسىز الاستاپ، ءوزىنىڭ يممۋنيتەتتىك قۋاتىن ۇزدىكسىز جوعارىلاتىپ، حالىقتىڭ زيانكەستىككە ۇشىراۋىنان ساقتانۋ بولىپ تابىلادى. وزىنە توڭكەرىس جاساۋعا باتىل بولۋ مەن حالىقتىڭ باقىلاۋىن قابىلداۋدىڭ ىشكى بىرلىگى پارتيانىڭ اۋەلگى ماقساتى مەن بورىشىنان باستاۋ الادى. 100 جىلدان بەرى پارتيا سىرتقى جاقتا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، ىشكى جاقتا پارتيانى جاپپاي قاتاڭ جونگە سالۋعا سۇيەنىپ، وزىنە توڭكەرىس جاساۋدى ىلگەرىلەتىپ، اقيقاتتا تاباندى بولۋعا، قاتەلىكتى تۇزەتۋگە باتىل بولىپ، پىشاقتىڭ ءجۇزىن ىشكە قاراتىپ، سۇيەكتى قىرىپ، ۋىتتى ايداپ، پارتيانىڭ ماڭگى كوركەيۋىنە، ۇزدىكسىز دامىپ - زورايۋىنا كەپىلدىك ەتتى.
ماقالادا مىنالار اتاپ كورسەتىلدى: پارتيانى جاپپاي قاتاڭ جونگە سالۋ − جاڭا داۋىردەگى پارتيانىڭ وزىنە توڭكەرىس جاساۋىنىڭ ۇلى امالياتى، بۇل عاسىرلىق ۇلكەن پارتيانىڭ وزىنە توڭكەرىس جاساۋىنىڭ جاڭا ءورىسىن اشتى. ءبىرىنشى، پارتيانىڭ ساياسي قۇرىلىسىن ءبىر تۇتاس باسشىلىققا الۋدا تاباندى بولىپ، وزىنە توڭكەرىس جاساۋدىڭ ءتۇبىرلى ساياسي بەتالىسىنان جازباۋ كەرەك. ەكىنشى، يدەيالىق قۇرىلىستى پارتيانىڭ نەگىزدىك قۇرىلىسى ەتۋدە تاباندى بولىپ، وزىنە توڭكەرىس جاساۋدىڭ وتكىر يدەيالىق قارۋىن شىڭداۋ كەرەك. ءۇشىنشى، ورتالىقتىڭ «8 ءتۇرلى بەلگىلەمەسىنىڭ» رۋحىن باتىل تياناقتاندىرىپ، قاتاڭ تارتىپپەن ستيلدى وڭاپ، وزىنە توڭكەرىس جاساۋدىڭ ءونىمدى جولىن بايىتۋ كەرەك. ءتورتىنشى، ءىرىپ - شىرۋگە قارسى تۇرىپ، سۇرقيالىقتى قاتاڭ جازالاۋدا تاباندى بولىپ، وزىنە توڭكەرىس جاساۋدان قامال الۋ شايقاسىن، ۇزاققا سوزىلاتىن شايقاستى ويداعىداي جۇرگىزۋ كەرەك. بەسىنشى، پارتيا ۇيىمىنىڭ ساياسي فۋنكتسياسى مەن ۇيىمدىق قۋاتىن كۇشەيتۋدە تاباندى بولىپ، كۇرەس جۇرگىزۋگە شەبەر، وزىنە توڭكەرىس جاساۋعا باتىل كادرلار قوسىنىن سومداۋ كەرەك. التىنشى، ءوزىن كىرشىكسىزدەندىرەتىن، ءوزىن كەمەلدەندىرەتىن، ءوزىن جاڭارتاتىن، ءوزىن جوعارىلاتاتىن تۇزىمدىك ارناعا ءتۇسىرۋ جۇيەسىن ورناتۋدا تاباندى بولىپ، وزىنە - ءوزى ۇلى توڭكەرىس جاساۋدى ىلگەرىلەتۋگە تۇزىمدىك كەپىلدىك ازىرلەۋ كەرەك.
ماقالادا مىنالار اتاپ كورسەتىلدى: پارتيانىڭ 18 - قۇرىلتايىنان بەرى ءبىز ماركسيزمنىڭ پارتيا قۇرۋ ىلىمىنە مۇراگەرلىك ەتىپ جانە ونى دامىتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن قورىتىندىلاپ جانە قولدانىپ، پارتيانى باسقارۋ، پارتيانى جونگە سالۋ امالياتىندا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ىشكەرىلەي ىلگەرىلەتىپ، قانداي ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ جونىندەگى زاڭدىلىق تانىمىن تىڭ دەڭگەيگە كوتەردىك. (1) پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولۋ كەرەك. (2) پارتيانى پارتيا باسقارۋدا، پارتيانى جاپپاي قاتاڭ جونگە سالۋدا تاباندى بولىپ، وزىنە ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ كەرەك. (3) پارتيانىڭ ساياسي قۇرىلىسىن ءبىر تۇتاس باسشىلىققا الۋدا تاباندى بولىپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا كەپىلدىك ەتۋ كەرەك. (4) قاتاڭ نەگىزگى اۋەننەن اۋىتقىماۋدا تاباندى بولىپ، ءتارتىپ قۇرىلىسىنىڭ ساياسي، داۋىرلىك، باعىتتامالىلىق سيپاتىن كۇشەيتۋ كەرەك. (5) شەگە قاعۋ رۋحىن ساۋلەلەندىرۋدە تاباندى بولىپ، ستيل قۇرىلىسىن كۇشەيتىپ، تاماشا پارتيا ستيلى ارقىلى قوعامدىق ستيلدىڭ، حالىقتىق ستيلدىڭ العا باسۋىنا، ىزگىلىككە تالپىنۋىنا جەتەكشىلىك ەتۋ كەرەك. (6) شىرىكتەسۋگە استە جول بەرمەۋ پوزيتسياسىمەن شىرىكتەسكەندەردى جازالاۋدا تاباندى بولىپ، شىرىكتەسۋگە قارسى جۇڭگوشا جولمەن بۇلجىماي ءجۇرۋ كەرەك. (7) بۇقارانىڭ مۇددەسىنە زيان جەتكىزەتىن شىرىكتەسۋدى جانە بۇرىس ستيلدەردى تۇزەتۋدە تاباندى بولىپ، حالىق بۇقاراسىنا ادىلدىك پەن ادىلەتتىلىكتىڭ جانىمىزدا ەكەنىن سەزىندىرۋ كەرەك. (8) «شەشۋشى ازشىلىقتى» مىقتى يگەرۋ ارقىلى تومەنگە جەتەكشىلىك ەتۋدە تاباندى بولىپ، پارتيانى جاپپاي قاتاڭ جونگە سالۋدىڭ ساياسي جاۋاپكەرلىگىن قاتايتۋ، ناقتىلاندىرۋ كەرەك. (9) پارتيا مەن مەملەكەتتىڭ باقىلاۋ ءتۇزىمىن كەمەلدەندىرۋدە تاباندى بولىپ، جاپپاي قامتىعان، ۇنەمىلىك، باياندى باقىلاۋ بىرىككەن كۇشىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
