قونىس جاڭالاپ جاقسى تۇرمىسقا قول جەتكىزدىك
□ بايىنعولين وبلىستىق توعىسپالى مەديا ورتالىعى چىن يانچياڭ، شۋ شىلۇڭ
2023.01.31 16:00 كەلۋ قاينارى : شينجياڭ گازەتى
”مال شارۋاشىلىق قىستاعى شاعىن بولعانىمەن، وزگەرىسى زور“!
قىس باسى، لەي يۇيجين قىستاقتىڭ شەتىندە تۇرىپ، اۋىل اراسىنداعى تەگىس جولعا، رەتتى دە تازا شارۋالار اۋلاسىنا قاراپ، ىشتەي كوڭىلى تولقىپ تۇر. 10 جىلدىڭ الدىندا ءوزى تۇرعان وسى جەر قۇلازىعان قاعىر دالا بولاتىن.
چارقىلىق اۋدانى ساياسي كەڭەس ورگانىنىڭ تىكەنلىك قالاشىعى يىڭسۋ مال شارۋاشىلىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لەي يۇيجين وسى وزگەرىستەردى پارتيانىڭ ابزال ساياساتىنىڭ جەتەكشىلىگىندە، قىزمەت اترەتى مەن قىستاق ”ەكى كوميتەتىنىڭ“ قىستاق تۇرعىندارىن باستاپ قاجىماي - تالماي كۇرەس جۇرگىزگەندىگىنىڭ جەمىسى دەپ قورىتىندىلادى.
پارتيا 20 - قۇرىلتايىنىڭ بايانداماسىندا: ”ءبىز دامىلسىز كۇرەس جۇرگىزۋ ارقىلى جۇڭحۋا ۇلتىنىڭ دوڭگەلەك داۋلەتتىلىككە جەتۋ سىندى مىڭ جىلدىق ارمانىن جۇزەگە اسىرىپ، ەلىمىزدىڭ دامۋى اناعۇرلىم بيىك تاريحي باستاماعا تابان تىرەدى“ دەپ العا قويىلدى، وسى تۋرالى 74 جاسقا كەلگەن قىستاق تۇرعىنى ءومار ءباردى: ”پارتيانىڭ ابزال ساياساتى بولعاندىقتان، بۇگىنگىدەي جاقسى تۇرمىسقا كەنەلىپ وتىرمىز“، - دەدى تەرەڭ اسەرلەنىپ.
2012 - جىلى چارقىلىق اۋدانىنان 98 مالشى وتباسى قونىس جاڭالاعان بولاتىن، مۇنىڭ ىشىندە 44 مالشى وتباسى مال شارۋاشىلىق وڭىرىنەن يىڭسۋ مال شارۋاشىلىق قىستاعىنا كەلىپ قونىستانعان. 10 جىلدان كەيىن كەڭ دە جارىق قوناق بولمەسىندە وتىرعان ءومار تەبىرەنىپ: ”قازىر كوپشىلىكتىڭ تۇرمىسى گۇلدەي جايناپ كەتتى، كوپتەگەن قىستاق تۇرعىندارىنىڭ بارىندە ءوز ساۋداسى مەن جۇمىسى بار“، - دەدى.
قىستاق تۇرعىنى ءمامتىمىن تۇردىنىڭ ەسىگىنىڭ الدىنداعى ”يىڭسۋلىقتار“ دەگەن جازۋ كوزگە ەرەكشە تۇسەدى. مال شارۋاشىلىق قىستاعىندا 40 جىلدان استام ۋاقىت تۇرمىس كەشىرىپ كەلگەن ءمامتىمىن قونىس جاڭالاپ بىرەر جىل وتكەننەن كەيىن، شارۋالار شاتتىعى ساياجايىن اشۋمەن بىرگە، 150 قوي باعىپ، 20 مۋ جەردى كوتەرمەگە الىپ شىلان، شامعۇر سياقتى ەكونوميكالىق داقىلدار ەگىپ، جىلدىق كىرىسىن 150 مىڭ يۋانعا جەتكىزدى. ”بۇرىن مال شارۋاشىلىق وڭىرىندە جىلدىق كىرىسىمىز ىشكەن - جەگەنىمىزدەن اسپايتىن، قازىرگىمەن سالىستىرساق شىنىمەن جەر مەن كوكتەي پارىق بار“، - دەدى ءمامتىمىننىڭ ايەلى ءورنيسا وسمان جارقىلداي سويلەپ.
وسىدان كوپ جىل بۇرىن مال شارۋاشىلىق وڭىرىندە ەسەك قاتىناس كولىگى بولعان جاعداي ءمامتىمىننىڭ ءالى ەسىندە، ”شارشاپ - شالدىعىپ ءبىر كۇن جۇرگەندە، باسقان جولىڭ ماندىمايتىن. قازىر اۆتوكولىگىمىز بار، قايدا بارعىمىز كەلسە سوندا بارامىز“، - دەدى.
قىستاق تۇرعىنى ابىلەز راحمانداعى ەڭ ۇلكەن وزگەرىس نان جابۋدى ۇيرەنىپ العاندىعى بولدى. 54 جاسقا كەلگەن ابىلەز اشىق - جارقىن، قالجىڭباس كىسى. قىستاققا كوشىپ كەلگەننەن كەيىن، ءوزىنىڭ قوي باققاننان باسقا قولىنان ەشتەڭە دە كەلمەيتىنىن بايقايدى. ”ايەلىم نان جابۋدى بىلەدى ەكەن، مەن سودان ۇيرەندىم“، - دەيدى ابىلەز ازىلدەپ.
”ءار كۇنى 200نان جابامىز، كۇنىنە 400 يۋان كىرىس كىرگىزەمىز، ءبىر قىستاق تۇرعىنىن جالداپ ساۋدا بازارلارى مەن ەرەن بازارلارعا نان جەتكىزىپ تۇرامىز“، ابىلەز قولى بوساي قالسا بولدى، بۇگىنگى باقىتتى تۇرمىستى انگە قوسىپ شىرقاي جونەلەتىندىگىن ايتتى.
51 جاستاعى قىستاق تۇرعىنى قوجابىلا تۇرسۇن مال شارۋاشىلىق قىستاعىنا كوشىپ كەلگەننەن كەيىن، ۇزاق جىل مال باققان تاجىريبەسىنە سۇيەنىپ باعىمشىلىقپەن اينالىسادى، سونداي - اق شىلان ەگۋ تەحنيكاسىن بەلسەنە ۇيرەنەدى. بەلگىلى دارەجەدە قور توپتاپ العاننان كەيىن، ول 10 مۋ تولىق جەمىستەنۋ مەزگىلىندەگى شىلان باعىن كوتەرمەگە الىپ، قالتاسى جىلدان - جىلعا قامپيا تۇسەدى. 3 جىلدىڭ الدىندا ول 7 سەمينتال سيىرىن ساتىپ العان ەدى، قازىر 28گە جەتتى.
”قازىر جىلىنا، كەم دەگەندە، 150 مىڭ يۋان كىرىس كىرگىزەمىز، الدا سيىر باعىمشىلىعى كولەمىن كەڭەيتسەك، كىرىسىمىز مۇنان دا كوبەيەدى“. قوجابىلا بىلاي دەدى: ”2018 - جىلى مەن داڭقپەن جۇڭگو كوممۋنيستىك پارتياسىنا مۇشە بولدىم، پارتيانىڭ ابزال ساياساتى مەنى جاقسى تۇرمىسقا كەنەلتتى، پارتيا مۇشەسى رەتىندە، اناعۇرلىم كوپ اۋىلداستارىمنىڭ كىرىستەرىن ارتتىرىپ، اۋقاتتانۋىنا جەتەكشىلىك ەتەمىن“.
3 داشۋە وقۋشىسىن تاربيەلەپ جەتىلدىرگەن قىستاق تۇرعىنى ورگۇل روزىنىڭ مال شارۋاشىلىق وڭىرىندە تۇرعان كەزدەگى تۇرمىسى ءالى ەسىندە، ”قىستا جەر ۇيدە، جازدا ءشوپ كۇركەدە تۇرامىز، جاعاتىنىمىز كارەسىن شام، 3 تاستان وشاق جاساپ سۋ قايناتىپ، تاماق پىسىرامىز، جەمىس، كوكونىس دەگەندى جىل بويى كورمەيمىز“، - دەيدى.
”2 ۇلىم قوعام حاۋىپسىزدىگى مەكەمەسىندە قىزمەت ىستەيدى، ءبىر ۇلىم شيپاگەر، بارىنە ءدان ريزامىن، قازىرگى تۇرمىسىمىز بالدان دا ءتاتتى“! - دەدى ورگۇل باقىتتى سەزىممەن.
”ءبىز’كوشۋدى، ورنىعۋدى، ىستەيتىن جۇمىس بولۋدى، اۋقاتتانا الۋدى‘ ورىندادىق، قازىر قىستاق تۇرعىندارىنىڭ جىلدىق جان باسىندىق ورتاشا كىرىسى 32 مىڭ يۋانعا جەتتى“. قىستاق پارتيا ياچەيكاسىنىڭ شۋجيى ءلالا روزى بىلاي دەدى: مال شارۋاشىلىق قىستاعى پارتيا 20 - قۇرىلتايىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، بەلسەنە ىسكەرلىك كورسەتىپ، نازاردى قونىس ورتاسىن وڭاۋعا، كاسىپ سالاسىن دامىتۋعا شوعىرلاندىرىپ، الەۋمەتتىك قۇرىلعى قۇرىلىسى، قىستاق كوللەكتيۆ شارۋاشىلىعىن دامىتۋ، زورايتۋ سياقتى جاقتارعا كۇش توپتاپ، قىستاق كوللەكتيۆى مەن قىستاق تۇرعىندارىنىڭ كىرىسىن ۇزدىكسىز جوعارىلاتادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
