شاڭعى تەۋىپ مەرەكەنى تويلاپ، اشەكەيلى شام تاماشالاپ جاڭا جىلدى قۇتتىقتاپ، مەرەكە ساۋىعىمەن جاڭا كوكتەمدى قارسى الدى
شينجياڭنىڭ كوكتەم مەرەكەسى دەمالىسىنداعى ساياحات بازارىندا جارقىن تۇيىندەر كوپتەپ جارىققا شىقتى
□ انار بۇلت \ شينجياڭ گازەتىنىڭ ءتىلشىسى ياۋ گاڭ
2023.01.31 16:00 كەلۋ قاينارى : شينجياڭ گازەتى
كوكتەم مەرەكەسى دەمالىسىندا، ىندەتتەن ساقتانۋ - تىزگىندەۋ شارالارىنىڭ ساپالىلانىپ رەتتەلۋىنە ىلەسە، رايونىمىزدىڭ ساياحات بازارى نىق قاداممەن قالپىنا كەلىپ، جارقىن تۇيىندەر كوپتەپ جارىققا شىقتى.
”بيىل شاڭعى تەبۋگە كەلگەندەر شىنىمەن كوپ ەكەن“! - دەدى ءۇرىمجى قالاسىنىڭ تۇرعىنى ياڭ حىڭ. كوكتەم مەرەكەسىنىڭ 7 كۇندىك دەمالىسىندا ول 4 كۇنىن جىبەك جولى حالىقارالىق شاڭعى تەبۋ، دەمالۋ اۋماعىنىڭ شاڭعى الاڭىندا وتكىزىپتى. كوكتەم مەرەكەسى كەزىندە وسى شاڭعى الاڭىنىڭ كۇندىك ساياحاتشى قابىلداۋ مولشەرى 3500 ادام - رەتتەن استى.
شاڭعى تەبۋ بيىلعى كوكتەم مەرەكەسىندەگى مەرەكەنى تويلاۋدىڭ جاڭا سالتىنا اينالدى. بۇكىل رايونداعى 5S دارەجەلى شاڭعى الاڭدارىندا كوكتەم مەرەكەسى دەمالىسى كەزىندە قابىلدانعان ساياحاتشىلاردىڭ جالپى سانى 121 مىڭ 800 ادام - رەت بولىپ، سايكەس مەزگىلدەگىدەن ％94.4 ارتقان، ساياحات كىرىسى 19 ميلليون 956 مىڭ 500 يۋان بولىپ، سايكەس مەزگىلدەگىدەن ％80.16 ارتقان.
ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، قاشقار ايماعى، تارباعاتاي ايماعى سياقتىلار قار - مۇز ساياحاتىن ارقاۋ ەتە وتىرىپ، قار - مۇز شاتتىق ماۋسىمى، قار - مۇز كارنيۆالى سياقتى جاڭاشا، الۋان ءتۇرلى قار - مۇز ساياحات ونىمدەرىن ۇسىنىپ، ساياحاتشىلاردىڭ ساياحاتقا شىعۋ ىنتاسىن كۇشەيتە ءتۇستى.
”كوكتەم مەرەكەسى دەمالىسىندا شينجياڭنىڭ 5S دارەجەلى شاڭعى الاڭدارى گۋاڭدۇڭ، چۇڭچيڭ، سىچۋان، جىجياڭ، شاڭحاي سياقتى ولكەلەر، قالالاردىڭ ساياحاتشىلارىن جالداما ۇشاقپەن، ارناۋلى پويەزبەن نەمەسە ءوز كولىگىمەن كەلىپ شاڭعى تەبۋگە باۋراپ، حالىقتىق تۇسەلحانا، قوناق ءۇي، اس - سۋ، كوڭىل اشۋ سياقتى بايلانىستى كاسىپ سالالارىنىڭ قايتا جاقسارۋىنا تۇرتكى بولدى“، - دەدى اۆتونوميالى رايوندىق مادەنيەت جانە ساياحات مەڭگەرمەسى بازار باسقارۋ باسقارماسىنىڭ ورىنباسار باستىعى ساۋ جىحۇي.
2023 - جىلعى ورتالىق تەلەۆيزياسىنىڭ كوكتەم مەرەكەسى ساۋىق كەشىندەگى «قامقا كەستە» اتتى ءبي نومىرىندەگى جاسامپازدىق شابىتى شينجياڭ مۇراجايىندا ساقتالعان مەملەكەتتىك 1 - دارەجەلى مادەني مۇرا سانالاتىن ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋى بار قامقا بىلەكقاپتان تۋىنداعان. وسى دەمالىستا كوپتەگەن كورەرمەن شينجياڭ مۇراجايىنا كىرىپ، شينجياڭ مۇراجايى باستىعىنىڭ ”’بەس جۇلدىز شىعىستان كوتەرىلسە جۇڭگوعا قۇت‘ دەگەن جازۋى بار قامقا بىلەكقاپ“ حيكاياسىن تىڭدادى، ينتەرنەت ارقىلى تىكە تاراتۋدى كورۋشىلەر سانى 13 ميلليون 302 مىڭ 300 ادام - رەتكە جەتتى.
كوكتەم مەرەكەسى دەمالىسىندا ادامدار تۇس - تۇستان شينجياڭ مۇراجايىنا، مادەنيەت سارايىنا كەلىپ تاريحي مادەنيەتتىڭ كەرەمەتىن سەزىندى. بۇكىل رايونداعى ءار دارەجەلى، ءار ءتۇرلى مۇراجايلار، ەسكەرتكىش سارايلارى ينتەرنەت جەلىسىندە جانە جەلىدەن تىس تاسىلدەر ارقىلى ”مۇراجايدا كوكتەم مەرەكەسىن تويلاۋ“ نەگىزگى تاقىرىبىندا 177 رەت قيمىل وتكىزدى، قابىلدانعان كورەرمەندەر سانى 74 مىڭ 237 ادام - رەت بولىپ، سايكەس مەزگىلدەگىدەن ％63.15 ارتتى.
بۇكىل رايونىمىزدىڭ جەر - جەرى، كورىنىس وڭىرلەرى تاعى ءار ءتۇرلى قيمىلدار ۇسىنىپ ەگىنشىلىك كالەندارىنداعى جاڭا جىلدى قۇتتىقتادى. موڭعۇلكۇرە اۋدانىنداعى مادەنيەت الاڭى، ساياباق، ەرەكشە كوشە اۋماعى سياقتىلارداعى جاڭاشا فورماداعى اشەكەيلى شامدار وزگەشە بەينەمەن كوزگە ءتۇسىپ، لازەرلى قۇرىلعى، ەلەكترلى قۇرىلعى سياقتى قۇرىلعىلارمەن سايكەستىرىلىپ، ساياحاتشىلاردىڭ القاۋىنا بولەندى؛ باعراش اۋدانىنىڭ باعراش كولى داحىكوۋ كورىنىس ءوڭىرى 30 نەشە ءتۇرلى قار - مۇزدا كوڭىل اشۋ ءتۇرىن شىعارىپ، ەل ءىشى نەگىزگى اعىمدىق ەلەكتروندىق مۋزيكا فەستيۆالى، كولەمدى جارقىلداقتار شوۋ سياقتى قيمىلداردى وتكىزدى؛ لوپ اۋدانىندا ايداعار ءبيى، ارىستان ءبيى، ياڭگى ءبيى، اعاش اياق ويىنى سياقتى مەرەكەلىك ويىن نومىرلەرى ساياحاتشىلارعا قويۋ مەرەكەلىك لەپتى سەزىندىردى.
ءۇرىمجى قالاسى، سانجى حۇيزۋ اۆتونوميالى وبلىسى، ىلە قازاق اۆتونوميالى وبلىسى، قاشقار ايماعى، قىزىلسۋ قىرعىز اۆتونوميالى وبلىسى سياقتى جەرلەر بىرلەسىپ بەيزاتتىق مادەنيەت مۇرالارى جارمەڭكەسى، بەيزاتتىق مادەنيەت مۇرالارى قاعاز ويما كورمەسى، بەيزاتتىق مادەنيەت مۇرالارى فوتوسۋرەتتەرى جانە مەرەكەلىك سۋرەت كورمەسى سياقتى قيمىلدار وتكىزدى، بۇكىل رايون 1724 رەت ءار ءتۇرلى مادەني قيمىل وتكىزىپ، تىنىش كۇيدە كورمەلەۋ جانە ىقپالداسىپ سەزىندىرۋ ارقىلى ەرەكشە مادەنيەتتى اسقاقتاتتى.
ساۋ جىحۇي بىلاي دەپ تانىستىردى: كوكتەم مەرەكەسى دەمالىسىندا جەر - جەردىڭ مادەنيەت - ساياحات تاراۋلارى تىنىعىپ ساياحاتتاۋ، قىسقا مەرزىمدى دەمالىس سياقتى توڭىرەكتىك ساياحات ونىمدەرىن ۇسىنىپ، كورىنىس ءوڭىرى، دەمالىس ءوڭىرى، تىنىعۋ كوشە اۋماعى سياقتىلاردىڭ بىرلەسىپ قيمىلداۋىن ىلگەرىلەتىپ، ساياحات مازمۇنىن مولايتىپ، قىسقى ەرەكشەلىككە يە تىنىعۋ، سەزىنۋ نىساندارىن ۇسىنىپ، مول مازمۇندى، الۋان ءتۇرلى ساياحاتتىق تىنىعۋ جانە سالت - سانا قيمىلدارىن ورىستەتىپ، حالىق بۇقاراسىنىڭ تىنىعىپ كوڭىل اشۋ، باس قوسىپ مەرەكە تويلاۋ قاجەتىن قاناعاتتاندىردى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
