ناقتى، ەگجەي - تەگجەيلى تياناقتاندىرىپ، جۇمىستاندىرۋدى الدىمەن ورنىقتىردى (سەنىمدى بەكەمدەپ، باستاماعا قادام تاستاۋ)
«حالىق گازەتىنىڭ» تىلشىلەرى لي شينپيڭ، جۋ لەي، چيۋ چاۋ – ي، بي جيڭجين
2023.01.30 14:19 كەلۋ قاينارى : حالىق تورابى
كوكتەم مەرەكەسىنىڭ 4 - كۇنى تۇستەن كەيىن ساعات 5 تە ۇلكەن مينۋستار TCL اۋا رەتتەگىشى جۇڭشان 2 – زاۆودىنا ارت - ارتىنان كىرىپ جاتتى، زاۆود باستىعى شياڭ مينجۇن قولىنداعى دىبىس زورايتقىشتى كوتەرىپ: «گۋاڭشيدىڭ ۋجوۋ قالاسىنان قايتىپ كەلگەن دوستار، سىزدەردى قارسى الامىز!» دەپ جاتتى.
بۇل − گۋاڭدۇڭ ولكەسىنىڭ ۇكىمەت جاعىنان ۇيىمداستىرۋىمەن تۇڭعىش رەت قىزمەت ورنىنا قايتقان ارناۋلى اۆتوبۋزدار، ونىمەن جيىنى 200 دەي تەحنيك جۇمىسشى جۇمىس ورنىنا قايتىپ كەلدى. «قىزمەتكەرلەردىڭ جۇمىس ورنىنا دەر كەزىندە ورالۋى جۇمىستىڭ باستالۋىنا بەرىك نەگىز قالادى». جۇڭشان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قاتىستى جاۋاپتىسى تانىستىرىپ بىلاي دەدى: جۇڭشان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى 200 دەن استام ءتۇيىندى كاسىپورىنمەن ۇشتاستى، ارناۋلى ۇشاق، ارناۋلى پويەز، ارناۋلى اۆتوبۋز شىعارۋ، بەلەتكە قوسىمشا قاراجات تاراتۋ سياقتى تاسىلدەر ارقىلى مەجەمەن 6 مىڭنان استام جۇمىسشى – قىزمەتكەر قايتىپ كەلدى.
جۇمىستانۋ − ەڭ نەگىزگى حالىق تۇرمىسى. باس شۋجي شي جينپيڭ بىلاي دەپ دارىپتەگەن بولاتىن: «جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىستانۋدى جەبەۋ مەحانيزمىن اقاۋسىزداندىرىپ، ساپالى، تولىق جۇمىستاندىرۋدى جەبەۋ كەرەك». ورتالىقتىڭ ەكونوميكالىق قىزمەت ماجىلىسىندە بىلاي دەپ اتاپ كورسەتىلدى: «ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە ويداعىداي ىستەۋ كەرەك».
ولكە اتتاپ قىزمەتكەر قابىلداۋ دابىرالى ورىستەتىلىپ، ساياساتتىق قولداۋ ۇزدىكسىز دەم بەرىپ، ءتۇرلى كاسىپورىندار تالاسا - تارماسا العا باستى... جاڭا جىل باستالىسىمەن جەر - جەر، تاراۋلار بەلسەنە اتتانىسقا كەلىپ، بار كۇشپەن جۇمىستانۋدى ورنىقتىردى، جۇمىستانۋعا كەپىلدىك ەتتى.
امالىن تاۋىپ كاسىپورىندارعا كومەكتەستى
جان - جاقتى كۇش سالىپ، جۇمىس ورنىن ورنىقتىردى
«بۇل رەتكى قيمىل وتە ماڭىزدى بولدى». شياڭ مينجۇن تانىستىرىپ بىلاي دەدى: شەتەلدىكتەر زاتتى بىرنەشە كەزەك تالاسىپ ساتىپ العاننان كەيىن، ءبىرىنشى توقساندا TCL اۋا رەتتەگىشىنە تاپسىرىس بەرۋ مولشەرى سايكەس مەزگىلدەگىدەن %17 ارتىپ، ەڭبەككۇشتى شۇعىل تولىقتاۋعا تۋرا كەلدى، «وسى تەحنيكالىق دارىندىلاردىڭ قايتا ورالۋى زاۆودتاعى ءوندىرىس جونىنەن وتە ماڭىزدى». بيىل TCL توبى جۇمىس باستاۋ كۇنىن الدىن الا كوكتەم مەرەكەسىنىڭ 4 - كۇنىنە وزگەرتتى، العاشقى كۇنى قىزمەت ورنىنا قايتۋ مولشەرى %70 تەن استى.
بازار تۇلعاسى − جۇمىستاندىرۋداعى نەگىزگى نەگىزگى قابىلداۋشى كۇش. جۇمىستانۋدى ورنىقتىرۋدىڭ تەتىگى بازار تۇلعالارىن ورنىقتىرۋدا. قازىر جەر - جەر، تاراۋلار كاسىپورىندارعا كومەكتەسىپ، قيىنشىلىعىن شەشۋ، جۇمىس ورنىن ورنىقتىرىپ، جۇمىس ورنىن كەڭەيتۋ جاعىنداعى ءتۇرلى شارالاردى بار كۇشپەن تياناقتاندىرىپ، كاسىپورىندارعا كومەكتەسىپ، جۇمىس ورنىن ورنىقتىرۋعا جان - جاقتى كۇش سالدى.
كاسىپورىندارعا تيىمدىلىك جاساۋ ساياساتى لەزدە تياناقتانىپ، قىزمەت ورنىن ورنىقتىرۋدىڭ پايداسى ۇزدىكسىز جارىققا شىقتى.
«بۇل ساياسات وتە زور دەمەۋ بولدى». بىرنەشە كۇننىڭ الدىندا دافەيزەنيۋس - سكابي (نانچاڭ) ەمدەۋ جابدىقتارى شەكتى سەرىكتەستىگى جۇمىسسىزدىقتى قامسىزداندىرۋ، جۇمىس ورنىن ورنىقتىرۋ بويىنشا قايتارىلعان 400 مىڭ يۋاننان استام اقشانى تاپسىرىپ الدى، بۇعان سەرىكتەستىكتىڭ ادام كۇشى بايلىعى ارناۋلى قىزمەتكەرى ۋاڭ تيانجياۋ قاتتى اسەرلەندى.
ءوتىنىش بەرۋدىڭ، كەستە تولتىرۋدىڭ، جۇگىرۋدىڭ قاجەتى جوق، قوسىمشا قاراجات سەرىكتەستىكتىڭ ەسەبىنە تىكە جەتكىزىلەدى، ۋاڭ تيانجياۋ بىلاي دەدى: «مۇنداي ساياسات ەڭ ءتيىمدى ساياسات. 400 مىڭ يۋاننان استام قوسىمشا قاراجات سەرىكتەستىكتەگى 840 قىزمەتكەرگە تيىمدىلىك جەتكىزىپ، قىسىمعا توتەپ بەرۋىمىزگە كومەكتەسىپ، سەرىكتەستىگىمىزدىڭ تاماشا اينالىمىنا قولداۋ بولدى».
بىلتىر بازار تۇلعالارىنىڭ قيىنشىلىقتى جەڭىلدەتىپ، قىسىمدى ازايتۋىنا، جۇمىس ورىندارىن ورنىقتىرىپ، كەڭەيتۋىنە اناعۇرلىم ويداعىداي قولداۋ كورسەتۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى «تومەندەتۋ، كەشەۋىلدەتۋ، قايتارۋ، تولىقتاۋ» جەلىلەس ساياساتتارىن جاپپاي اتقاردى. بيىل قاتىستى ساياساتتار ۇزدىكسىز ساپالىلاندىرىلىپ، رەتتەلدى، اسىرەسە، جۇمىستانۋ مولشەرى جوعارى قىزمەت وتەۋ كاسىپورنى، شاعىن، ۇساق كاسىپورىندار، جەكەشە ونەركاسىپشىلەر مەن ساۋداگەرلەر جونىنەن جۇمىس ورنىن ورنىقتىرۋ، كەڭەيتۋ جاعىنداعى قولداۋ تەبىنى اناعۇرلىم ارتتىرىلادى.
ۇكىمەت پەن كاسىپورىن ۇشتاسىپ جوعارى ءونىمدى قىزمەت وتەپ، جۇمىسشى ىستەتۋدى قامتاماسىز ەتۋدىڭ ونىمدىلىگى كورنەكتى بولدى.
كوكتەم مەرەكەسىنىڭ 6 - كۇنى جياڭشي جاۋچى كريستالدى ەكران شەكتى سەرىكتەستىگىنىڭ نانچاڭ بازاسىندا قۇلتەمىر ارلى - بەرلى قايشالىسىپ، جۇمىسشىلار اسپاپتاردى تارتىپپەن مەڭگەرۋدە. «ىلگەرىدەگى ينجەنەرلەر ەنگىزۋدىڭ ارقاسىندا بيىل دامۋ سەنىمىمىز ارتا ءتۇستى» دەدى سەرىكتەستىكتىڭ كادرلار مەڭگەرۋشىسى لۇي چۇنحۋا.
بىلتىر 11 - ايدا بۇل بازا رەسمي وندىرىسكە قوسىلدى. كاسىپورىن كەڭ كولەمدە ىستەۋگە دايىندالىپ جاتقان كەزدە، ينجەنەرلەردىڭ تاپشى بولۋى سىندى قيىن ماسەلەگە ءدوپ كەلدى. «شەشۋشى ساتتە رايوندىق جۇمىستاندىرۋ، يگىلىك جاراتۋ ورتالىعى كومەك قولىن سوزدى». لۇي چۇنحۋا بىلاي دەدى: ءبىر جاعىنان، الەۋمەتتىك اۋماقتىڭ جۇمىستانۋعا جەتەكشىلىك ەتۋ پۋنكتى قىزمەتكەر قابىلداۋ ينكۇيىن جاريالاۋىمىزعا كومەكتەسىپ، تىلدەسۋ ارناسى قالىپتاستىردى، ەندى ءبىر جاعىنان، «ءبىر بەكەتتىك قىزمەتكەر قابىلداۋ تورابى» ارقىلى كاسىپورنىمىزعا باعىتتامالى تۇردە قىزمەتكەر قابىلداۋعا كىرىستىك. جارىم ايعا جەتپەيتىن ۋاقىتتا كاسىپورنىمىزعا جوعارى ماعلۇماتقا يە 19 چيپ ينجەنەرىن قابىلدادىق. كوكتەم مەرەكەسى دەمالىسىندا ينجەنەرلەر ءوندىرىستى كەڭەيتۋدىڭ جاڭا جابدىقتارىن ۇستەمەلەپ سىناق ەتىپ، كاسىپورنىمىزدىڭ كوكتەم مەرەكەسىنىڭ 5 - كۇنى رەسمي جۇمىستى قالپىنا كەلتىرۋىنە، كوكتەم مەرەكەسىنىڭ 6 - كۇنى جاپپاي ءوندىرىستى قالپىنا كەلتىرۋىنە مۇمكىندىك جاسادى.
كاسىپورىنداردىڭ جۇمىسشى ىستەتۋىنە قىزمەت وتەۋدى كۇشەيتۋ كاسىپورىنداردىڭ ءوندىرىس، تيجاراتىن قولداۋدا، جۇمىستانۋ جاعدايىنىڭ ورنىقتىلىعىن ساقتاۋدا ماڭىزدى رول اتقارادى. ىشكى موڭعۇلدىڭ باۋتوۋ قالاسى كاسىپورىنداردىڭ جۇمىسشى ىستەتۋىن قامتاماسىز ەتۋدى كۇندەلىكتى رەتتەپ وتىرۋ مەحانيزمىن اتقارىپ، الەۋمەتتىك جۇمىستاندىرۋعا قىزمەت وتەۋ قۇرىلىمدارىنىڭ ءتۇيىندى نىساندارمەن، ءتۇيىندى كاسىپورىندارمەن ۇشتاسۋىن ىلگەرىلەتتى؛ شانشيدىڭ ۋەينان قالاسى ءتۇيىندى كاسىپورىنداردىڭ جۇمىسشى ىستەتۋىن قامتاماسىز ەتۋدىڭ «1233» ورنالاستىرۋ مەحانيزمىن ورناتتى... ادام كۇشى بايلىعى جانە قوعامدىق قامتاماسىزداندىرۋ مينيسترلىگى ءتۇيىندى كاسىپورىنداردىڭ جۇمىسشى ىستەتۋىنە قاراتىلعان ۇدايىلانعان قىزمەت وتەۋ مەحانيزمىن ورنىقتى ىلگەرىلەتىپ، ءتۇيىندى كاسىپورىنداردى جان - جاقتى، كوپ ارنالى، ۇدايىلانعان جۇمىسشى ىستەتۋ قىزمەت وتەۋىمەن قامداپ، جەتەكشىلىك ەتۋگە كۇش سالۋدا.
كوكتەم مەرەكەسىنىڭ 5 - كۇنى جەر - جەردەگى ادام كۇشى بايلىعى جانە قوعامدىق قامتاماسىزداندىرۋ تاراۋلارى ناق مايداندا قىزمەتكەر قابىلداۋ جينالىسى، توردا قىزمەتكەر قابىلداۋ جينالىسى، تىكە تارالىمدا جۇمىس ورنىن تانىستىرۋ سياقتى قيمىلداردى ىركەس - تىركەس جۇرگىزىپ، كاسىپورىنداردىڭ جۇمىسشى ىستەتۋ قاجەتىن جاريالاپ، قىزمەت ورنىن ىرگەگە دەيىن تانىستىرىپ، دارىندىلاردى كاسىپورىندارعا جەتكىزدى.
بار ىنتا - پەيىلىمەن كومەكتەستى
ءتۇيىندى قاۋىمدى ويداعىداي قامتاماسىز ەتتى
جۇمىستانۋدى ورنىقتىرۋدىڭ تەتىگى ءتۇيىندى قاۋىم سىندى تەتىكتى مىقتى يگەرۋدە. جۇڭگو تەمىر جولى جينان مەكەمەسى جينان باتىس پويەز ىستەرى بولىمشەسىنىڭ تەكسەرۋ - جوندەۋ سەحىندا جاۋ جۇڭحاۋ حاۋىپسىزدىك قالپاعىن كيىپ، قول پروجەكتردى الىپ، پويەزدىڭ استىڭعى جاعىنا كىرىپ، جەل تۇتىگى سياقتى پويەز جابدىقتارىن مۇقيات تەكسەرىپ - جوندەدى. قىزمەت جاپالى بولعانىمەن، جاۋ جۇڭحاۋ مۇنى ەرەكشە قاستەرلەيدى.
جاۋ جۇڭحاۋ شاندۇڭ كاسىپتىك شۋەيۋانىنان 2022 - جىلى وقۋ بىتىرگەن، الدىڭعى ءبىر مەزگىلدە ونىڭ جۇمىس ىزدەۋ جولى ونشا ىركىلىسسىز بولمادى. شۋەيۋان جاۋاپتىسى باستاماشىلدىقپەن كاسىپورىنمەن بايلانىس جاساپ، ونىڭ جۇمىستانۋىنا جاڭا وراي اكەلدى.
«شۋەيۋان باسشىلارىنىڭ، مۇعالىمدەرىمنىڭ كومەگىندە بەتپە - بەت ەمتيحانىنىڭ سانىنا يە بولدىم». جاۋ جۇڭحاۋ بىلاي دەدى: شۋەيۋاننىڭ قۇلشىنۋىندا جۇڭگو تەمىر جولى جينان مەكەمەسى، بەيجيڭ مەكەمەسى، نانچاڭ مەكەمەسى قاتارلىلار ىركەس - تىركەس مەكتەپكە كەلىپ قىزمەتكەر قابىلداۋ جينالىسىن وتكىزدى، شۋەيۋاننىڭ جۇمىستاندىرۋ كەڭسەسى ەتەنە قىزمەت وتەدى، تىزىمدەلۋدەن تارتىپ بەتپە - بەت ەمتيحانعا دەيىن، ونان دەنساۋلىق تەكسەرۋگە دەيىن، تۇتاس بارىسقا جەتەكشىلىك ەتىپ، جۇمىستانۋدىڭ ءساتتى بولۋ مولشەرىن ءونىمدى جوعارىلاتتى.
جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋى حالىق تۇرمىسىنىڭ باقىتىنا، ەكونوميكانىڭ دامۋىنا جانە مەملەكەتتىڭ بولاشاعىنا سايادى. قازىر 2022 - جىلى مەكتەپتەن قول ءۇزىپ، جۇمىستانباعان وقۋشىلار مەن 2023 - جىلى جوعارى مەكتەپ بىتىرگەن وقۋشىلار قىزمەت ىزدەۋ كەزەڭىندە تۇر. ءجۇز كۇندە ون ميلليون ادامدى توراپتا قىزمەتكە قابىلداۋ قيمىلىن ىشكەرىلەي اتقارىپ، مەكتەپتەن قول ءۇزىپ، جۇمىستانباعان جوعارى مەكتەپ بىتىرگەن وقۋشىلارعا قىزمەت وتەۋدەن قامال الۋ قيمىلىن ىشكەرىلەي جۇرگىزىپ، جاستاردىڭ ارناۋلى تەحنيكالىق تاربيەلەۋ جوسپارىن ۇزدىكسىز اتقارىپ، ميلليونداعان پراكتيكا ورىندارىن جيناۋ جوسپارىن ىلگەرىلەتىپ، جەر - جەر، تاراۋلار تاجىريبەلەردى ويداعىداي قورىتىندىلاپ، جاڭا ءادىس تاۋىپ، جوعارى مەكتەپ بىتىرگەن وقۋشىلاردىڭ كوپ ارنامەن جۇمىستانۋىن بار كۇشپەن جەبەۋ كەرەك.
ەگەر جوعارى مەكتەپ بىتىرگەن وقۋشىلاردى جۇمىستانۋدىڭ «بويلىق سىزىعى» دەسەك، وندا شارۋا جۇمىسكەرلەر جۇمىستانۋدىڭ «ەندىك سىزىعى» ەسەپتەلەدى، بويلىق، ەندىك سىزىعىن مىقتاپ توقىعاندا عانا تۇتاس تۇلعالىق جۇمىستانۋ جاعدايى ورنىقتى بولادى.
جياڭشيدىڭ بايتاق دالاسىندا كوكتەم مەرەكەسى دەمالىسى كەزىندە قۇرىلىس قاربالاس بولدى، نانچاڭ – جيڭدىجىن - حۋاڭشان جوعارى قارقىندىق تەمىر جولىندا قۇرىلىس قاۋىرت جۇرگىزىلدى. «جوعارى قارقىندىق تەمىر جول ىرگەمىزگە دەيىن سالىندى، قىزمەت ورنى دا ىرگەمىزگە دەيىن جەتكىزىلدى». جياڭشي ولكەسى شاڭراۋ قالاسى پانياڭ اۋدانى فۋلين قىستاعىنىڭ تۇرعىنى حۋ گىنحۋا بىلاي دەدى: جوعارى قارقىندىق تەمىر جول قۇرىلىسى قىستاقتى 200 دەن استام قىزمەت ورنىمەن قامدادى، قىستاق اۋزىنداعى اسحانا، شاعىن ەرەن بازار سياقتىلاردىڭ ساۋداسى بارعان سايىن كۇسەت بولۋدا.
حۋناننىڭ بايتاق دالاسىندا كوكتەم مەرەكەسىنىڭ 5 - كۇنى جۇمىستى قالپىنا كەلتىرۋدىڭ قاربالاستىعىنا ءتۇستى، جۇمىستانۋ ورنىقتى بولسا، كىرىس ەسەلەپ ارتادى. «شاي تاۋىنىڭ بوكتەرىندە جۇمىس ىستەپ اقشا تابامىن، ونىڭ سىرتىندا ءوز شايىمىز بار، ەكەۋىن قوسقاندا، جىلدىق كىرىسىم 30 مىڭ يۋان بولادى». تاياۋ جىلداردان بەرى حۋنان ولكەسى لەيياڭ قالاسى سانجيا ءمالى باسقارماسى سايفىڭ قىستاعى ي - ياڭ شىنجيانشان شاي مايى عىلىم - تەحنيكا شەكتى سەرىكتەستىگىن ەنگىزدى، قىستاق تۇرعىنى لياڭ شيرىن جۇمىسشى بولىپ ىستەپ، ايتارلىقتاي تابىس تاپتى.شارۋا جۇمىسكەرلەردىڭ جۇمىستانۋىن، يگىلىك جاراتۋىن ونان ارى قولداۋ جونىندەگى اتقارۋ پىكىرى شىعارىلىپ، ەڭبەككۇش ماركاسى قۇرىلىسى كۇشەيتىلىپ، جىلۋ ورنىنا جۇمىس بەرۋ كۇش سالا اتقارىلدى، شارۋا جۇمىسكەرلەر قاۋىمىنىڭ جۇمىستانۋىنىڭ تۇراقتىلىعى تومەندەۋ ماسەلەسىنە قاراتا جەر - جەر، تاراۋلار شارادا جاڭالىق جاراتىپ، جۇمىس كولەمىن ورنىقتىردى.
قامتاماسىزداندىرۋ مەحانيزمىن اقاۋسىزداندىردى
جۇمىستانۋ اياسىن كەڭەيتتى
«مەن جيناۋ قىزمەتكەرىمىن، ساعاتىنا 300 يۋان ەڭبەكاقى الامىن، جەلىدە تالون قابىلدايمىن، تالون قابىلداۋ مولشەرى ءوز كۇيىمە قاراي بەلگىلەنەدى». 95 – جىلداردىڭ تۇلەگى جيا يان جاڭا كاسىپپەن شۇعىلدانۋدا، جۇمىستانۋ ءتاسىلى وتە يكەمدى.
تاياۋ جىلداردان بەرى ينتەرنەت تەحنيكاسىنىڭ دامۋىنا ىلەسە، جۇمىستانۋدىڭ جاڭا كۇيىن تاڭداعان ادام بارعان سايىن كوبەيدى. 2021 – جىلدىڭ سوڭىنا دەيىن ەلىمىزدە يكەمدى كاسىپتەنگەندەردىڭ سانى 200 ميلليونعا جەتتى. جاڭا جاعدايدا قامتاماسىزداندىرۋ مەحانيزمىن اقاۋسىزداندىرىپ، يكەمدى جۇمىستانۋدىڭ كەڭ ايا بولۋ رولىن اناعۇرلىم ويداعىداي ساۋلەلەندىرۋدىڭ ءمانى كورنەكتىلەندى.
ۇساق - تۇيەك جۇمىس بازارى قۇرىلىسىن كۇشەيتىپ، يكەمدى جۇمىستانۋدى جەبەدى.
كوكتەم مەرەكەسىنىڭ 4 - كۇنى حىنان ولكەسى جوۋكوۋ قالاسى شيحۋا اۋدانىنىڭ ۇساق - تۇيەك جۇمىس بازارى دۋمانعا بولەندى.
جۇمىس ورنىنا ەرتە كەلىپ، تازالىق ىستەپ، سۋ قايناتقىشتى اشتى، ءبىر قىزمەتكەر قاربالاس جۇمىس ىستەي ءجۇرىپ تىلشىگە: «كوكتەم مەرەكەسىنىڭ 3 – كۇنى ءوتتى، سىرتقا شىقپاعان ادام جاڭا ءبىر جىلدىڭ ەسەبىن جاساۋعا ءتيىس، سوندىقتان ۇساق جۇمىس بازارى جۇمىستى 3 كۇن بۇرىن باستادى» دەدى.
«ۇيدە قارتتار، بالالار بار، سىرتقا شىعىپ جۇمىس ىستەۋگە قولايسىز. تاياۋدان بەرى ۇساق - تۇيەك جۇمىس ىستەپ، ءۇي شارۋاسىنا قوسىمشا قاراجات ازىرلەپ جاتىرمىن». بازار اشىلىسىمەن شيحۋا اۋدانىنىڭ چىڭگۋان ءىس باسقارماسى شيەجۋاڭ الەۋمەتتىك اۋماعىندا تۇراتىن ليۋ يانشيا ءدال ۋاعىندا جۇمىسىنا كەلدى.
ليۋ يانشيانىڭ كوڭىلدەنەتىنى، 2 - كۇنى ول جەرگىلىكتى ورىنداعى ءبىر ەلەكترون زاۆودىنىڭ بەتپە - بەت ەمتيحان الۋ ۇقتىرۋىن تاپسىرىپ الادى، كاسىپورىن ۋاقىتشا جۇمىسشى قابىلداپ، تاپسىرىستىڭ قاۋىرت مەزگىلىنە توتەپ بەرەدى. ەلەكترون زاۆودىندا كوپ جىل قىزمەت ىستەۋ تاجىريبەسى بار ول تاباندا جۇمىسقا قابىلدانىپ، 3 - كۇنى زاۆودقا جۇمىسقا ورنالاسادى.
«قالا - قالاشىقتانۋ اياق الىسىنىڭ تەزدەۋىنە ىلەسە، شيحۋا اۋدانىنىڭ جەرگىلىكتى ۋاقىتتىق جۇمىسشى ىستەتۋ قاجەتى جىل سايىن ارتتى. سوندىقتان اۋدان شيحۋا اۋداندىق ادام كۇشى بايلىعى بازارىنىڭ 1 - قاباتىن بوساتىپ، ۋاقىتتىق جۇمىسشىلار بازارىن قۇرىپ، ۋاقىتتىق جۇمىسشىلارعا <وتاۋ> ازىرلەدى، سونىمەن بىرگە، باقىلاپ باسقارۋدى كۇشەيتىپ، داۋ - شاردان ساقتانىپ وتىردى» دەدى شيحۋا اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قاتىستى جاۋاپتىسى.
ءداستۇرلى «كوشپەلى بازاردان» جۇيەگە تۇسكەن «ۇساق - تۇيەك جۇمىس بازارىنا» اينالىپ، جاي عانا الاڭمەن قامداۋدان ولشەمدى توقتاممەن قامداۋعا دەيىن، جالاڭ دانەكەر ورىننان تەحنيكالىق قىزمەت وتەۋدى ارتتىرۋعا دەيىن، جەر - جەر بازار ءتارتىبىن، الاڭ قۇرىلعىلارىن كەمەلدەندىرۋ، كوپ نەگىزدى قامداۋ ارقىلى كوپ ارنامەن يكەمدى جۇمىستانۋعا اناعۇرلىم ويداعىداي قولداۋ كورسەتىپ، ۇساق - تۇيەك جۇمىسكەرلەردىڭ جۇمىستانۋىن جەبەۋدە.ۇقىق - مۇددەنى قامتاماسىز ەتۋدەگى ولقىلىقتاردى تولىقتاپ، ۋايىمنان ارىلتتى.
«بيىل ادام كۇشى بايلىعى جانە قوعامدىق قامتاماسىزداندىرۋ تاراۋلارى جاڭا جۇمىستانۋ كۇيىندەگى ەڭبەكشىلەردىڭ ۇقىق - مۇددەسىن قامتاماسىز ەتۋ ساياساتىن اناعۇرلىم تياناقتاندىرىپ، كاسىپتىك زاقىمدالۋدى قامتاماسىز ەتۋدى تۇيىندە سىناق ەتۋدى ۇزدىكسىز ىلگەرىلەتەدى». بىرنەشە كۇننىڭ الدىندا نازار اۋدارىپ وتىرعان جاڭا جۇمىستانۋ كۇيىندەگى ەڭبەكشىلەردىڭ ۇقىق - مۇددەسىن قامتاماسىزداندىرۋ ماسەلەسىنە قاراتا ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى ۋاڭ شياۋپيڭ وسىلاي دەدى.
بىلتىر ادام كۇشى بايلىعى جانە قوعامدىق قامتاماسىزداندىرۋ مينيسترلىگى بەيجيڭ، حاينان قاتارلى 7 ولكەدە جانە 7 ينتەرنەت تۇعىرى كاسىپورىندارىندا جاڭادان جۇمىستانعان ادامداردىڭ كاسىپتىك زاقىمدالۋىن قامتاماسىزداندىرۋدى تۇيىندە سىناق ەتىپ، تاماق تاسۋشىلاردى دا جۇمىس ۇستىندە جارالانۋ قامسىزداندىرۋىنا قاتىناستىردى.
«ءبىزدىڭ بۇل كاسىبىمىز دە قامتاماسىز ەتىلدى. ءبىر جولى تاماق جەتكىزىپ بەرۋ بارىسىندا قاتىناس شىرعالاڭىنا ۇشىرادىم، جۇمىس ۇستىندە جارالانعانداردى قامسىزداندىرۋ مەنىڭ كوپ ءبولىم ەمدەلۋ قاراجاتىمنىڭ ەسەپتەن كوتەرىلۋىنە مۇمكىندىك جاراتتى» دەدى شاندۇڭ ولكەسى دۇڭيىڭ قالاسى حىكوۋ رايونىندات تۇراتىن تاماق تاسۋشى جوۋ شۋجيە.
بۇل عانا ەمەس، ينتەرنەتتە ۋادەلەسكەن اۆتوموبيل شوفەرى، ينتەرنەتتە تاراتۋشى سياقتى جاڭا جۇمىستانۋ كۇيىندەگى ەڭبەكشىلەر دە جۇمىسشى - قىزمەتكەرلەردىڭ نەمەسە تۇرعىنداردىڭ قوعامدىق قامسىزداندىرۋىنا قاتىناسۋدى ەركىن تاڭداۋىنا بولادى.
«قازىر يكەمدى جۇمىستاندىرۋدى جانە جاڭا جۇمىستاندىرۋ كۇيىندەگى ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتۋ شارالارى ىركەس - تىركەس تياناقتانۋدا، بۇل جاڭا جۇمىستاندىرۋ كۇيىنىڭ دامۋىن اناعۇرلىم قولداپ جانە ارناعا ءتۇسىرىپ، جۇمىستاندىرۋ اياسىن كەڭەيتەدى» دەدى استانا ەكونوميكا - ساۋدا داشۋەسى جۇڭگو جاڭا جۇمىستانۋ كۇيىن زەرتتەۋ ورتالىعىنىڭ مەڭگەرۋشىسى جاڭ چىڭگاڭ.
ناقتى ىستەۋ ارقىلى تىڭ ىسكەرلىك كورسەتىپ، ناقتى ىستەۋ ارقىلى جاڭا جاۋاپ قايتاردى. جەر - جەردىڭ، تاراۋلاردىڭ بىرىككەن كۇش توپتاپ، ومىرشەڭدىك كۇشتى قاۋلاتىپ، ونىمدىلىكتى جوعارىلاتىپ، جۇمىستاندىرۋ ساياساتىن تياناقتاندىرۋىنا ىلەسە جۇمىستاندىرۋ جالپى جاعدايى ورنىقتىلىقتى ساقتاپ، تۇتاس جىلدا ەكونوميكانى دامىتۋدا جاقسى باستاما باستاپ، جاقسى قادام تاستاۋعا بەرىك نەگىز قالاندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
