جوڭعار ويپاتىنىڭ وڭتۇستىك جيەگىندە
ولار قاقاعان اياز، قارلى دالادا جەر شارىنىڭ تامىر سوعۋىن ”تىڭداۋدا“
□ شينحۋا اگەنتتىگىنىڭ تىلشىلەرى گوۋ ليفىڭ، گۋ يۇي
2023.01.28 17:07 كەلۋ قاينارى : شينجياڭ گازەتى
كوكتەم مەرەكەسى كەزىندە بارلىق وتباسىندا باس قوسۋ بولىپ جاتتى. شينجياڭداعى جوڭعار ويپاتىنىڭ وڭتۇستىك جيەگىندە، نولدەن تومەن ℃26تىق ۇشى - قيىرسىز قارلى دالادا ەگىس اتىزدارىن، ارىق - توعانداردى، ورمان بەلدەۋىن كوكتەي وتكەن قىزىل ءتۇستى سۇلبالار ەرەكشە كوز تارتادى. تىزەدەن كەلەتىن قاردا، جۇڭگو مۇناي توبى دۇڭفاڭ جەر شارى فيزيكالىق بارلاۋ شەكتى جاۋاپكەرشىلىك سەرىكتەستىگى شينجياڭ فيزيكالىق بارلاۋ باسقارماسى بولىمشە سەرىكتەستىگى (قىسقارتىلىپ ”شينجياڭ فيزيكالىق بارلاۋ باسقارماسى“ دەلىندى) 275 - اترەتىنىڭ مۇنايدى فيزيكالىق بارلاۋ جۇمىسشىلارى ماشاقاتپەن العا ءجۇرىپ بارادى.
فيزيكالىق بارلاۋ جۇرگىزۋ ”جەر شارىن CTمەن تەكسەرۋگە“ ۇقسايدى، سىلكىنىسپەن بارلاۋ − مۇنايدى فيزيكالىق بارلاۋ بارىسىنداعى دالدىگى ءبىرشاما جوعارى ءادىس. فيزيكالىق بارلاۋ جۇمىسشىلارى ەلىكتەمەلى سىلكىنىس تۋدىرۋ ارقىلى سىلكىنىس تولقىنى ساندى مالىمەتىن توپتاپ، عىلمي زەرتتەۋ قىزمەتكەرلەرىنىڭ جەر استىنداعى جىنىس قاباتىنىڭ قۇرىلىمىن ”انىق كورۋىنە“، جەر قاباتىنىڭ ”تامىر سوعۋىن“ ”انىق ەستۋىنە“ كومەكتەسەدى، مىنە بۇل مۇنايدى، تابيعي گازدى بارلاۋدىڭ ءبىرىنشى قادامى.
”ءبىزدىڭ مۇناي - تابيعي گاز ىزدەۋىمىز ءتىپتى دە كوپ ادامداردىڭ جىلى ۇيدە مەرەكە وتكىزۋى ءۇشىن عوي“. جۋ كىرگەننەن بەرى كۇن سۋىتىپ كەتتى، شينجياڭ فيزيكالىق بارلاۋ باسقارماسى 275 - اترەتىنىڭ باستىعى لي شۋانگۇي مەن جۇمىسشىلاردىڭ بەتتەرى توڭعاننان قىپ - قىزىل بولىپ كەتىپتى. ول تىلشىگە ۋاقىتتى مىقتى يگەرىپ، اۋا رايى جىلىنعاننان كەيىن فيزيكالىق بارلاۋدىڭ ەگىس اتىزىنا جەتكىزەتىن ىقپالىن بارىنشا ازايتۋ ءۇشىن، كوكتەم مەرەكەسى كەزىندە 400دەن استام فيزيكالىق بارلاۋ جۇمىسشىسىنىڭ قىزمەت ورىندارىنان تاپجىلماي، قاقاعان اياز، قارلى دالادا قاۋىرت جۇمىس جۇرگىزىپ جاتقاندىعىن ايتتى.
”قانشا كوكتەم مەرەكەسىن ۇيدە وتكىزبەگەندىگىمدى ۇمىتىپ تا قالدىم“. 55 جاستاعى لي شۋانگۇيدىڭ كوكتەم مەرەكەسىندە جانۇياسىنداعىلارمەن باس قوسقان رەت - سانى ساۋساقپەن سانارلىقتاي. تيانشان الابىندا ءورلى - قىرلى شاپقىلاۋمەن 35 جىلدى وتكىزگەن ول، تاياۋدا فيزيكالىق بارلاۋ جۇرگىزۋدىڭ ءبىرىنشى شەبىنەن قول ۇزەدى، بۇل ونىڭ جاۋاپتى بولىپ ىستەگەن ەڭ سوڭعى فيزيكالىق بارلاۋ نىسانى، ”جاسىم ەگدەلەپ، دەنساۋلىعىم سىر بەرە باستاعانىمەن، ءبىراق تاعى دا قيا المايدى ەكەنسىڭ“، - دەدى ول.
قۇبا ءتۇزدى باسىپ، قۇمدى شولگە ەنىپ، ورمانداردى ەندەي ءوتىپ، قارلى دالانى كەسىپ، تاۋ اسىپ، تاس باسىپ ءجۇردى... قانشالىق جاپان ءتۇز بولعان سايىن، مول مۇناي - تابيعي گاز بايلىعى جاسىرىنىپ جاتۋى سولعۇرلىم مۇمكىن، ءدال وسىنداي بولعاندىقتان، فيزيكالىق بارلاۋ جۇمىسشىلارى ۇنەمى يەن دالادا، ادام اياعى باسپاعان ەلسىز جەرلەردە نەشە اي بويى تۇرىپ قالادى، قاقاعان اياز، شىلىڭگىر ىستىق، قۇمدى بوران سياقتى سۇركەيلى اۋا رايىنا ۇنەمى ۇشىراپ تۇرادى.
لي شۋانگۇي بىلاي دەدى: يەن دالادا ۇسكىرىك جەل سۇيەكتى قاريدى، سەرىكتەستىك ءاربىر جۇمىسشىعا ءتۇرلى جىلۋ ساقتاۋ، ايازدان ساقتانۋ بۇيىمدارىن تاراتىپ بەرەدى، ءبىراق قارلى دالادا كوپ تۇرعاندا ءبارىبىر قاتتى جاۋرايمىز، ”جۇرت قىزمەتىمىزدىڭ سيپاتى وسىنداي ەكەندىگىن، اۋا رايى جىلىنىپ، قار ەرىگەننەن كەيىن، ءبىزدىڭ جابدىقتارىمىز، اۆتوكولىكتەرىمىز اتىزدارعا مۇلدە كىرە المايتىندىعىن ابدەن تۇسىنەدى“.
جوبالاپ قويعان ءتۇزۋ جولدى بويلاپ، 10 نەشە جىڭ اۋىرلىقتاعى جابدىقتى، سىم ورامدارىن ارقالاپ، نەشە ون سانتيمەترلىك قالىڭ قاسات قاردى ارشىپ، شوي بالعا مەن بولات بۇرعىدان پايدالانىپ دەتەكتورعا سىلكىنىس تولقىنىن قابىلدايتىن ۇياشىق اشىپ بەرەدى... جۇمىسشى پارحات نۇردۇندى كورگەن كەزىمىزدە، ول تاس جولدىڭ جاعاسىنداعى ءبيداي اتىزىندا جوعارىدا ايتىلعان قيمىلداردى قايتالاپ جاتىر ەكەن. ەگىس اتىزى تاستاي بولىپ قاتىپ قالىپتى، تەك بەتىندەگى قاسات قاردى ارشۋدىڭ وزىنە دە كوپ كۇش كەتەدى ەكەن، ۋاقىت ۇزارعان سايىن دومبىققان قولدارى يكەمگە كەلمەي، قولدارىن قايتا - قايتا ىسقىلاپ جىلىتقان سوڭ قايتا جۇمىسقا كىرىسەدى. ۇزاق ۋاقىت دالادا قىزمەت ىستەگەندىكتەن، پارحات نۇردۇن ”اق قاستى باتىرعا“ اينالىپ، قاس - كىرپىكتەرىنە قالىڭ قىراۋ قاتىپ قالىپتى.
”كۇنىنە 10 − 12 كيلومەتر جول جۇرەمىز، ءتۇپ - ءتۇزۋ ءجۇرىپ، الدىمىزدا نە جولىقسا دا كەسىپ وتەمىز“، پارحات نۇردۇن قارلى دالادا قىزمەت ىستەگەندە تىنباي قيمىلداۋ كەرەك ەكەندىگىن، قيمىلداماسا اياقتارى قاتىپ قالاتىندىعىن ايتتى. ول تۇرعان شين - ان جۇمىس بولىگىندە، ءۇش ولشەمدى فيزيكالىق بارلاۋ نىسانى قامتىعان جەر كولەمى 300 شارشى كيلومەتردەن اسادى ەكەن، ”جۇمىس جۇرگىزەتىن ۋاقىت تاپشى بولعاندىقتان، كوپشىلىك تۇگەلدەي ۇستەمەلەپ جۇمىس ىستەيدى“.
كوكتەم مەرەكەسىنە قاراعان ءتۇنى، فيزيكالىق بارلاۋ جۇمىسشىلارى لاگەرلەرىندە تاماق ءتۇرىن مولايتىپ، 8 ءتۇرلى قۋىرماشتان ”كول - كوسىر“ مەرەكەلىك كەشكى اس دايىندادى، ال جۇمىس جۇرگىزۋ اۋماعىندا اۋەلگىدەي كەيبىر ادامدار 24 ساعات بويى توقتاماي جۇمىس ىستەدى. شينجياڭ فيزيكالىق بارلاۋ باسقارماسى 275 - اترەتىنىڭ جەتەكشىسى تاڭ ۋي بىلاي دەدى: فيزيكالىق بارلاۋ جۇمىسىن جۇرگىزۋ بارىسىنداعى ولشەۋ، سىم تارتۋ، سىمدى تەكسەرۋ، سىمدى جيناۋ سياقتى جۇمىس ءتارتىبىنىڭ ءبارىن جۇمىسشىلاردىڭ ورىنداۋىنا تۋرا كەلەدى، ”نىسانعا 40 مىڭنان استام جابدىق، اۆتوكولىك ىستەتىلۋدە، ۋاقىت قىمبات، تيتتەي دە زايا جىبەرۋگە بولمايدى“، - دەدى تاڭ ۋي.
كوكتەم مەرەكەسىنىڭ 1 - كۇنى، شاتىر ىشىندەگى اسحانادا ەرتەمەن تۇشپارا پىسىرىلدى، تالاي جىل ۇيىنە قايتىپ مەرەكە وتكىزبەگەن جۇمىسشى لو لەي تاماقتى قۇشىرلانا جەي وتىرىپ: ”ءبىر ۋاق تۇشپارا جەگەنىمىزدىڭ ءوزى مەرەكە تويلاعاندىق“، - دەدى. سونى ايتتى دا، تۇنگى كەزەكتەگى قىزمەتتەسىنىڭ ورنىنا جۇمىسقا باراتىن ول دەرەۋ جۇمىس ورنىنا باراتىن اۆتوبۋزعا شىقتى.
”مەملەكەتكە مۇناي - تابيعي گاز تاۋىپ بەرىپ، مەملەكەتتىڭ ەنەرگيا ىستەرىنە ۇلەس قوسا السام، 30 نەشە جىلدىق ەڭبەگىمنىڭ تەككە كەتپەگەنى“، - دەپ ءسوزىن تامامداعان لي شۋانگۇي جۇمىسشىلارمەن بىرگە تاعى دا اتتانىپ كەتتى.
(شينحۋا اگەنتتىگىنىڭ 1 - ايدىڭ 26 - كۇنى ۇرىمجىدەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
