جياڭسۋ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلادى
شي جينپيڭ تولىق داۋىسپەن سايلاندى
2023.01.20 16:56 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 19 – كۇنى، بەيجيڭ. 1 - ايدىڭ 15 - كۇنىنەن 19 - كۇنىنە دەيىن جياڭسۋ ولكەلىك 14 - كەزەكتى حالىق قۇرىلتايىنىڭ 1 - ءماجىلىسى نانجيڭدە اشىلدى، ءماجىلىس 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلادى، جياڭسۋدا سايلاۋعا قاتىناسقان، ورتالىق كوميتەت كورسەتكەن ۋاكىل كانديداتى شي جينپيڭ جولداس تولىق داۋىسپەن 14 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى.
جياڭسۋ ولكەلىك 14 - كەزەكتى حالىق قۇرىلتايىنىڭ 1 - ءماجىلىسى 1 - ايدىڭ 19 - كۇنى تۇستەن بۇرىن ءۇشىنشى جالپى جيىنىن اشىپ، جياڭسۋ ولكەسىنەن 14 - كەزەكتى مەملەكەتتىك حالىق قۇرىلتايىنا قاتىناساتىن 144 ۋاكىلدى سايلادى. ءماجىلىس شي جينپيڭ جولداستىڭ تولىق داۋىسپەن سايلانعانىن جاريالاعان كەزدە بارلىق ۋاكىل ورىندارىنان تۇرىپ شاتىرلاتا شاپالاق سوقتى، شاپالاق ءۇنى زالدى كەرنەپ، ۇزاققا دەيىن تولاستامادى. ۋاكىلدەر شەكسىز تەبىرەنىسپەن وسى تاريحي ساتكە كۋا بولدى.
«حالىق كوسەمى حالىقتىڭ ءۇمىتىن اقتايدى، ميللياردتاعان حالىق كوسەمىن قاستەرلەيدى!» ۋاكىلدەر جابال مىنانى ءبىلدىردى: جاڭا داۋىرگە قادام تاستادىق، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جياڭسۋ ولكەسى باس شۋجي سومداعان «ەكونوميكاسى كۇشتى، حالقى باي، ورتاسى كوركەم، قوعامدىق وركەنيەت دەڭگەيى جوعارى» بولۋ دەگەن ايبىندى جوبا بويىنشا بۇكىل ەل حالقىمەن بىرگە ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ ۇلى امالياتىن بىرگە ىلگەرىلەتەدى. باس شۋجي شي جينپيڭنىڭ تولىق داۋىسپەن مەملەكەتتىك حالىق قۇرىلتايىنىڭ ۋاكىلى بولىپ سايلانۋى − 800 دەن استام جياڭسۋ ولكەلىك حالىق قۇرىلتايى ۋاكىلىنىڭ ورتاق تىلەگى، بۇل 85 ميلليوننان استام جياڭسۋ ۇلاندارىنىڭ شىن جۇرەكتەن قولداۋىن ايگىلەپ، بۇكىل ەلدەگى ءبىر ميلليارد 400 ميلليوننان استام ءار ۇلت حالقىنىڭ ۇلى گۇلدەنۋدىڭ اتويشىسىنا تىعىز ىلەسىپ، كوركەم بولاشاق جاراتۋداعى بەرىك سەنىمىن ۇيىستىردى.
«پارتيا 18 - قۇرىلتايىنان بەرى ءار رەتكى شەشۋشى مەزگىلدە جانە ماڭىزدى ساتتەردە باس شۋجي شي جينپيڭ جياڭسۋعا باعدار كورسەتىپ، 3 رەت جياڭسۋدا قىزمەت تەكسەرىپ، تالاي رەت ماڭىزدى نۇسقاۋ بەرىپ، بەكىتۋ جازدى. وسى رەت جياڭسۋدا سايلاۋعا قاتىناسۋ باس شۋجي مەن پارتيا ورتالىق كوميتەتىنىڭ جياڭسۋداعى كادر - جۇرتشىلىققا دەگەن زور سەنىمى، زور شابىتتاندىرۋى، زور قامقورلىعى دەپ قارايمىز، ءبىز مۇنى وراسان زور داڭق دەپ ساناپ، ايرىقشا جەلپىنىپ، شەكسىز ماقتانىشقا بولەنەمىز». ۋاكىلدەر بىلاي دەپ قارادى: باس شۋجي شي جينپيڭنىڭ جياڭسۋدا سايلاۋعا قاتىناسۋى − پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدىڭ، جاڭا جاعدايداعى پارتيانىڭ ىشكى ساياسي تۇرمىسىن كۇشەيتۋدىڭ جانە ارناعا ءتۇسىرۋدىڭ، جالپى بارىستىق حالىق دەموكراتياسىن دامىتۋدىڭ جاندى امالياتى، بۇل پارتيا ورتالىق كوميتەتىنىڭ چاڭجياڭ ەكونوميكالىق بەلدەۋىنىڭ دامۋى، چاڭجياڭ اتىراۋىنىڭ ءبىر تۇلعالانا دامۋى سياقتى مەملەكەتتىڭ كەلەلى دامۋ ستراتەگيالارىن ىشكەرىلەي ىلگەرىلەتىپ، رەفورمانى توقتاتپاۋدا، ەسىك اشۋدى توقتاتپاۋدا تاباندى بولىپ، جاڭا دامۋ جاعدايىن كۇش سالا ورناتىپ، ساپالى دامۋدى ىلگەرىلەتۋدەگى بەرىك بەكىمىن تولىق ايگىلەدى.
جياڭسۋ ولكەلىك حالىق قۇرىلتايىنىڭ ۋاكىلى، جىنجياڭ قالاسىنىڭ دانياڭ قالاسى ارلين قالاشىعى ىر - چىڭ قىستاعى پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جوۋ جۇڭياڭ اسا قاستەرلى بەلەتتى تاستاعاننان كەيىن كوڭىلى ەرەكشە تولقىدى. ول بىلاي دەدى: «باس شۋجي شي جينپيڭ 2014 - جىلى جياڭسۋدا قىزمەت تەكسەرگەندە تۇڭعىش رەت <پارتيانى جاپپاي قاتاڭ باسقارۋدى> ورتاعا قويدى، ۇزاق بارىستا شىڭدالىپ جەتىلۋ دەگەن وسى، كادرلار مەن جۇرتشىلىقتىڭ قارىم - قاتىناسى اناعۇرلىم نىعايىپ، پارتيا ۇيىمىنىڭ بەدەلى اناعۇرلىم جوعارىلاپ، ءبىزدى كەدەيلىكتەن ارىلتۋدان قامال الۋعا، اۋىل - قىستاقتى گۇلدەندىرۋگە باستاپ، تۇرمىسىمىز بارعان سايىن جاقساردى. اۋىلداستار باس شۋجيگە، پارتيا ورتالىق كوميتەتىنە شىن نيەتىمەن ىلەستى، بولاشاقتا ءتىپتى دە زور دامۋعا قول جەتكىزەمىز!»
«باس شۋجيدىڭ تولىق داۋىسپەن سايلانعانىن ەستىپ ەرەكشە جەلپىندىم». جياڭسۋ ولكەلىك حالىق قۇرىلتايىنىڭ ۋاكىلى، شۇيكۋاڭ توبى جياڭسۋ حۋامەي جىلۋمەن قامداۋ ەلەكتر شەكتى سەرىكتەستىگى ءوندىرىس حاۋىپسىزدىگىن باقىلاۋ ءبولىمىنىڭ تەحنيگى ليۋ لەي بىلاي دەدى: «پارتيا 19 - قۇرىلتايىنان كەيىن باس شۋجي شۇيجوۋعا كەلىپ قىزمەت تەكسەرىپ، ناقتى ەكونوميكانى دامىتۋدى، زورايتۋدى دارىپتەپ، ەڭبەك ۇلگىلەرى، تەحنيكا شەبەرلەرى قاتارلى جۇمىسشى - قىزمەتكەرلەردىڭ ۋاكىلدەرىمەن ىقىلاسپەن امانداسىپ، كوپشىلىكتى جۇڭگو ارمانىن جۇزەگە اسىرۋ كۇرەسى بارىسىندا ناتيجە جاراتۋعا جىگەرلەندىرىپ، بىزگە مەيىر باعىشتاپ، شابىت سيلادى. ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، كۇش - قايراتىمىزدى شوعىرلاندىرىپ جاڭالىق اشىپ، قيىن وتكەلدەردەن قامال الىپ، اناعۇرلىم كوپ تەحنيكادا قامال الۋعا كۇش سالىپ، جۇڭگونىڭ جاساۋ كاسىبىنە كۇش - قۋاتىمىزدى ارنايمىز».
باس شۋجي شي جينپيڭ دايۇن وزەنى مادەنيەت بەلدەۋى قۇرىلىسىنا باستان - اياق كوڭىل ءبولىپ كەلدى، ول: «دايۇن وزەنى − دايۇن وزەنىنىڭ ەكى جاعالاۋىنداعى حالىقتىڭ بايۋ وزەنى، باقىت وزەنى» دەپ اتاپ كورسەتتى. جياڭسۋ ولكەلىك حالىق قۇرىلتايىنىڭ ۋاكىلى، ياڭجوۋ قالالىق مادەنيەت - راديو - تەلەۆيزيا جانە ساياحات مەكەمەسى باستىعىنىڭ ورىنباسارى لي جىڭچىڭ بۇدان تەرەڭ اسەر العانىن ايتا كەلە بىلاي دەدى: «مادەنيەت قىزمەتكەرى، وسى وزەننەن ءنار الىپ ەسەيگەن ياڭجوۋلىق رەتىندە مەن باس شۋجيدىڭ ماڭىزدى نۇسقاۋىن ويداعىداي تياناقتاندىرىپ، تاريحقا مۇراگەرلىك ەتەتىن مادەنيەت مايەگىن ىشكەرىلەي اشىپ، بۇقارانىڭ سۋ بايلىعىن قورعاپ، دايۇن وزەنىنىڭ سۋى تۇنىق، جاعالاۋى جاسىل، تىرشىلىك تىنىسى جالىنداعان كۇيگە ەنۋىنە مۇمكىندىك جاساۋدا جاۋاپكەرلىگىم بار دەپ قارايمىن».
جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسقان جياڭسۋ باس شۋجي شي جينپيڭ جۇكتەگەن «رەفورما جاساۋ، جاڭالىق اشۋ، ساپالى دامۋدى ىلگەرىلەتۋ جاعىندا ونەگە بولۋعا، بۇكىل ەلگە قىزمەت وتەۋ جاعىندا ۇلگى بولۋعا تالپىنىپ، سوتسياليستىك وسىزامانداندىرۋدى الدىمەن جۇزەگە اسىرۋدا الدىڭعى لەكتە ءجۇرۋ» سىندى داڭقتى بورىش ارقالاپ وتىر. ۋاكىلدەر جابال مىنانى ءبىلدىردى: باس شۋجيدىڭ جياڭسۋدا سايلاۋعا قاتىناسقانى ءارى تولىق داۋىسپەن مەملەكەتتىك حالىق قۇرىلتايىنىڭ ۋاكىلى بولىپ سايلانعانى جونىندەگى شات حاباردى ءوز جەرىمىزگە جەتكىزىپ، قالىڭ كادرلار مەن بۇقارانى پارتيا 20 - قۇرىلتايىنىڭ رۋحىن ىشكەرىلەي دايەكتى تياناقتاندىرۋعا، «ەكىنى تۇراقتاندىرۋدىڭ» شەشۋشى ءمانىن تەرەڭ تۇسىنۋگە، «ءتورت تانىمدى» اناعۇرلىم كۇشەيتۋگە، «ءتورت سەنىمدى» بەكەمدەۋگە، «ەكىنى قورعاۋدى» ورىنداۋعا شابىتتاندىرامىز، جۇڭگو ۇلگىسىندەگى وسىزامانداىرۋدا جياڭسۋدىڭ جاڭا امالياتىن جاپپاي ىلگەرىلەتۋدى ارقاۋ ەتىپ، الدا جۇرۋگە، ۇلكەن تىرەك بولۋعا، كوبىرەك ۇلەس قوسۋعا قۇلشىنىپ، ءىس جۇزىندىك ارەكەتىمىز جانە كورنەكتى ناتيجەلەرىمىز ارقىلى جاڭا بورىشتى ارقالاپ، تىڭ داستان جازامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
