قوعام حاۋىپسىزدىگى مينيسترلىگىنىڭ ماڭىزدى ەسكەرتۋى
2023.01.17 15:20 كەلۋ قاينارى : حالىق تورابى
شاعان تاسىمالى باستالعاننان بەرى حاۋىپسىزدىك كومەسكى قاتەرى ارتتى، قوعام حاۋىپسىزدىگى مينيسترلىگى حاۋىپسىزدىك ەسكەرتۋىن جاريالادى
2023 – جىلعى شاعان تاسمالى باستالعاننان بەرى قاراي، جەر-جەردىڭ قاتىناس اعىمى مولشەرى، اسىرەسە، نەگىزگى تاس جولدارداعى كولىكتەردىڭ اعىلۋ مولشەرى زور مولشەردە ارتىپ، قاتىناس حاۋىپسىزدىگىنىڭ كومەسكى قاتەرى دە ارتا ءتۇستى. قوعام حاۋىپسىزدىگى مينيسترلىگى بارشا كولىك جۇرگىزۋشىلەرگە كولىك جۇرگىزگەندە قاتىناس حاۋىپسىزدىگىنە كوڭىل ءبولۋدى، زەيىن-زەردەنى شوعىرلاندىرىپ، شارشاعاندا دەر كەزىندە دەمالۋدى ەسكەرتتى.
قازىر مەرەكەدەن بۇرىن اۋىلىنا قايتاتىندار سانى كوبەيىپ، جولدا قاتىنايتىن كولىك سانى زور مولشەردە ارتتى. جاقىندا نيڭشيا، يۇننان، فۋجيان، انحۇي، چۇڭچيڭ، شانشي قاتارلى ورىنداردا ءۇش ادامنان ارتىق ادام قازا بولعان قاتىناس شىرعالاڭى ارت-ارتىنان ءجۇز بەردى. قوعام حاۋىپسىزدىگى مينيسترلىگى بارشا كولىك جۇرگىزۋشىلەرگە الدىن الا جول جاعدايىن مەڭگەرىپ، اۋا رايى بولجامىن ەسكەرىپ، ءوزىنىڭ بارىپ-قايتار جولى مەن ۋاقىتىن ۇيلەسىمدى جوسپارلاپ، كەپتەلىس پەن تۇماندى كۇن، قارلى بوراندى ناشار اۋا رايىندا جولعا شىعۋدان ساقتانىپ، ناشار اۋا رايىندا جول جۇرگەندە، ءسوز جوق، كولىك قارقىنىن تەجەپ، ارالىق ساقتاۋعا كوڭىل ءبولۋدى ەسكەرتتى.
كولىك جۇرگىزۋشى ءوز دەنساۋلىق جاعدايىن باعامداپ، دەنساۋلىعىندا جايسىزدانۋ جاعدايى بايقالسا، ءسوز جوق، جولعا شىعۋدى ۋاقىتشا كەشەۋىلدەتۋى كەرەك. كولىكتى جۇرگىزگەندە زەيىن - زەردەنى شوعىرلاندىرىپ، قالىپتان تىس تەز جۇرمەۋ، كوڭىلدى باسقاعا اۋدارماۋ، قول تەلەفون ويناماۋ، باسقالاردىڭ جولعا ءتۇسىپ قالعان زاتىن تەرمەۋ كەرەك. كەپتەلىسكە جولىققاندا باياۋ جۇرەتىن جول بولەكتەرىندە رەتى بويىنشا قاتارعا تۇرىپ ءوتۋ، جولعا تالاسىپ، ٴتارتىپتىڭ بىلىعۋىنان، ءوزارا سۇيكەلىپ، كەپتەلىستىڭ كوبەيۋىنەن ساقتانۋ كەرەك. كولىك جۇرگىزگەندە باستان – اياق حاۋىپسىزدىك بەلبەۋىن تاعۋ، كولىك جۇرگىزۋ ۋاقىتى 4 ساعاتتان اسپاۋ، ءار رەتكى توقتاپ دەمالۋ ۋاقىتى 20 مينۋتتان كەم بولماۋ، جول ورتادا شارشاپ قالجىراعاندا دەر كەزىندە توقتاپ دەمالۋ كەرەك.
شاعان مەرەكەسى كەزىندە تۋىس - تۋعان، دوس - جاراندارمەن باس قوسقاندا، «كولىك ايداعاندا اراق ىشپەۋ، اراق ىشكەندە كولىك ايداماۋدى» ءارقاشان ەستە بەرىك ساقتاۋ كەرەك. جولاۋشىلار اۆتوكولىگى، جۇك اۆتوكولىگى سياقتى تيجارات اۆتوكولىكتەرىنىڭ شوفەرلەرى مەن تاسىمال كاسىپورىندارىنىڭ ونىمدىلىكپەن عانا ساناسىپ، حاۋىپسىزدىككە نەمقۇرايدى قاراۋىنا، قارقىندى ۇدەتۋىنە، ارتىق جۇك تيەۋىنە، ارتىق ادام وتىرعىزۋىنا، شارشاپ كولىك جۇرگىزۋىنە بولمايدى ءارى اۋىر قاتىناس شىرعالاڭىنىڭ تۋىلۋىنان قاتاڭ ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
