«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
20 - كەزەكتى ورتالىق كوميتەت ساياسي بيۋروسىنىڭ ءبىرىنشى رەتكى توپتىق ۇيرەنۋىندە سويلەنگەن ءسوز
2023.01.16 17:11 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 15 - كۇنى، بەيجيڭ. 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى − «20 - كەزەكتى ورتالىق كوميتەت ساياسي بيۋروسىنىڭ ءبىرىنشى رەتكى توپتىق ۇيرەنۋىندە سويلەنگەن ءسوز» جاريالانادى.
ماقالادا مىنالار دارىپتەلدى: پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − بۇكىل پارتيانىڭ، بۇكىل ەلدىڭ قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەتى. پارتيانىڭ 20 - قۇرىلتايى ساياسي، نازاريا، اماليات جاقتارىندا ءبىرقىدىرۋ كەلەلى تابىسقا قول جەتكىزدى. ورتالىق كوميتەتتىڭ ساياسي بيۋروسى باستاماشىلدىقپەن بۇكىل پارتيادا، بۇكىل ەلدە پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ويداعىداي مىقتى يگەرىپ، قالىڭ كادرلار مەن بۇقارانىڭ پارتيا 20 - قۇرىلتايىنىڭ رۋحىن كەڭ كولەمدە، ىشكەرىلەي ءتۇسىنۋىن جانە يگەرۋىن ىلگەرىلەتۋى كەرەك. پارتيا ورتالىق كوميتەتى ءار جولى كەلەلى شەشىمدەر مەن ورنالاستىرۋلار جاساعان سايىن، ءبىز بۇكىل پارتياداعى جولداستاردى ۇيرەنۋدى كۇشەيتىپ، بۇكىل پارتيانىڭ يدەياسى مەن ارەكەتىن بىرلىككە كەلتىرىپ، قيىندىقتاردى جەڭىپ، ىنتىماقتاسا العا ۇمتىلاتىن قۇدىرەتتى كۇش توپتاۋعا ۇندەيمىز. بۇل − پارتيانىڭ تابىستى تاجىريبەسى.
ماقالادا مىنالار اتاپ كورسەتىلدى: جاپپاي ۇيرەنۋ جاعىنا كۇش سالۋ كەرەك. تەك جاپپاي، جۇيەلى، ىشكەرىلەي ۇيرەنگەندە عانا پارتيا 20 - قۇرىلتايىنىڭ رۋحىن تولىق، دالمە - ءدال، جان - جاقتى ءتۇسىنىپ، بۇل نە، نە ىستەۋ كەرەك، قالاي ىستەۋ كەرەك دەگەندەردى انىق ءتۇسىنىپ، دايەكتىلەندىرۋگە، تياناقتاندىرۋعا بەرىك نەگىز قالاۋعا بولادى. ەڭ اۋەلى ءتۇپ نۇسقانى وقىپ، قاعيدانى ءتۇسىنۋ كەرەك. پارتيا 20 - قۇرىلتايىنىڭ بايانداماسىن قاز - قالپىندا ۇيرەنۋ كەرەك، سونىمەن بىرگە، قۇرىلتايدىڭ بايانداماسىن ۇيرەنۋدى قۇرىلتايدا سويلەنگەن جەلىلەس سوزدەردى جانە قاتىستى قۇجاتتاردى ۇيرەنۋمەن ءوزارا ۇشتاستىرىپ، پارتيا 18 - قۇرىلتايى بايانداماسىنىڭ، 19 - قۇرىلتايى بايانداماسىنىڭ رۋحىن ۇيرەنۋمەن ءوزارا ۇشتاستىرىپ، بايلانىستىرىپ ۇيرەنۋ كەرەك. ۇيرەنۋدە كەيبىر ۇعىمدار مەن ايتىلىمداردى ەستە بەرىك ساقتاۋمەن عانا توقتاپ قالۋعا بولمايدى. پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكىزگەن تاريحي تابىستارمەن، تۋىلعان تاريحي وزگەرىستەرمەن تىعىز بايلانىستىرىپ، وسىناۋ جىلدارى ءبىز باسىپ وتكەن اسا وزگەشە، ايرىقشا ەرەكشە بارىستارمەن بايلانىستىرىپ، ءبىزدىڭ رەفورما جاساۋ، ەسىك اشۋدى تەرەڭدەتۋدەگى، ساپالى دامۋدى ىلگەرىلەتۋدەگى، ەلەۋلى حاۋىپ - قاتەر مەن سىن - سايىسقا ءونىمدى توتەپ بەرۋدەگى ناقتى امالياتتارىمىزبەن بايلانىستىرىپ، حالىقارالىق ورتاداعى تەرەڭ وزگەرىستەرمەن بايلانىستىرىپ، پارتيا 20 - قۇرىلتايىنداعى پارتيا مەن مەملەكەت ىستەرىنىڭ دامۋى جونىندەگى كەلەلى باعىت - ساياساتتار مەن ستراتەگيالىق ورنالاستىرۋلاردىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ىشكەرىلەي ءتۇسىنۋ كەرەك.
ماقالادا مىنالار اتاپ كورسەتىلدى: جاپپاي يگەرۋگە كۇش سالۋ كەرەك. پارتيا 20 - قۇرىلتايى رۋحىنىڭ مازمۇنى توتەنشە باي، ءارى ساياسي جاقتاعى كورەگەندىك جانە نازاريالىق جاقتاعى تەرەڭ تولعانىس بار، ءارى نىسانا جاعىنداعى عىلمي ۇيعارىم جانە قىزمەت جاعىنداعى ستراتەگيالىق ورنالاستىرۋ بار، بۇلار ءوزارا بايلانىسقان، ورگانيكالىق بىرلىگى بار. تەك تاريح پەن رەالدىقتى، نازاريا مەن امالياتتى، حالىقارا مەن ەل ءىشىن ءوزارا ۇشتاستىرۋ ادىسىندە تاباندى بولىپ، تۇتاس تۇلعادان ءىشىنارالىققا دەيىن، ونان تاعى ءىشىنارالىقتان تۇتاس تۇلعاعا دەيىن قايتا - قايتا وي جۇگىرتە بىلگەندە عانا، پارتيا 20 - قۇرىلتايىنىڭ رۋحىن جاپپاي يگەرىپ، شالا - شارپى بىلۋدەن، سولاي بولاتىنىن ءبىلىپ، ءبىراق نەلىكتەن سولاي بولاتىنىن بىلمەۋدەن ساقتانۋعا بولادى. مىسالى، جاڭا داۋىردەگى جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى؛ جاڭا ءداۋىردىڭ 10 جىلىنداعى ۇلى وزگەرىستەردىڭ ىشكى ءمان - ماعىناسىن جانە كەلەلى ءمانىن؛ جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە ءسوزسىز مىقتى يگەرۋگە ءتيىستى كەلەلى پرينسيبىن؛ پارتيا 20 - قۇرىلتايىندا ورتاعا قويىلعان ءتۇرلى ستراتەگيالىق ورنالاستىرۋلاردى جاپپاي يگەرۋ كەرەك.
ماقالادا مىنالار اتاپ كورسەتىلدى: جاپپاي تياناقتاندىرۋ جاعىنا كۇش سالۋ كەرەك. پارتيا 20 - قۇرىلتايىنىڭ رۋحىن دايەكتىلەندىرۋدە، تياناقتاندىرۋدا جوسپار بولۋى، ورنالاستىرۋ بولۋى كەرەك، باس نىسانانى، باس باعداردى، باس تالاپتى يگەرۋ العى شارتىندا ءتۇرلى نىسانالار مەن مىندەتتەردى اشالاپ، تياناقتاندىرۋدىڭ ناقتى جوباسىن باعىتتامالى تۇردە الىپ شىعىپ، ايقىن ۋاقىت كەستەسىن، قۇرىلىس چەرتوجىن جاساپ، تىڭعىلىقتى تۇردە العا قاراي ىلگەرىلەتۋ كەرەك. جەڭىلى مەن اۋىرىن، ادەتتەگىسى مەن شۇعىلىن ايقىن ايىرۋ كەرەك، ءارى جاپپاي ىلگەرىلەتۋ، ءارى ءتۇيىندى كورنەكتىلەندىرۋ كەرەك؛ ءارى قازىرگىنى مىقتى يگەرۋ، ءارى ۇزاق بولاشاققا كوز جىبەرۋ، نەگىز قالايتىن، ۇزاق بولاشاققا پايدالى ىستەردى كوبىرەك ىستەۋ، فورماشىلدىق، تورەشىلدىك ىستەۋدەن ساقتانۋ كەرەك. قىزمەتتىڭ ۇلاسپالىلىعىن ساقتاۋ كەرەك. وڭىرلەر، تاراۋلار وزدەرىنىڭ ءىس جۇزىندىك جاعدايىمەن ۇشتاستىرىپ، پارتيا ورتالىق كوميتەتى العا قويعان ستراتەگيالىق ورنالاستىرۋلاردى ءوز ءوڭىرىنىڭ، ءوز تاراۋىنىڭ قىزمەت مىندەتىنە اينالدىرۋى كەرەك. بۇكىل مەملەكەت ءبىر تۇتاس جۇيە يدەياسىن بەرىك ورناتىپ، ءبىر ءوڭىردىڭ داڭقىن اسىرۋمەن قاتار، جالپى جاعدايدى ارلەندىرۋ كەرەك.
ماقالادا مىنالار دارىپتەلدى: ءبىز سياقتى ۇلكەن پارتيانى، ۇلكەن ەلدى جونگە سالۋدا، ەگەر پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى بولماسا، بۇكىل پارتيانىڭ، بۇكىل ەلدىڭ يدەياسى بىرلىككە كەلمەسە، اياق الىسى بىركەلكى بولماسا، ەشقانداي ءىستى تىندىرۋعا بولمايدى. كۇرەس رۋحىن ساۋلەلەندىرىپ، ءتۇرلى حاۋىپ - قاتەر مەن سىن - سايىسقا باتىلدىقپەن توتەپ بەرىپ، ءتۇرلى قيىنشىلىقتاردى باتىلدىقپەن جەڭىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن ناقتاپ تياناقتاندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
