”دۇنيە جۇزىندەگى تانىمال ءىسلام ءدىنى قايراتكەرلەرى جانە وقىمىستىلار ۋاكىلدەر ۇيىرمەسى“ التايدا ەكسكۋرسيادا، ساپاردا بولدى
اسقار تاۋلار مەن اساۋ وزەندەردەن ءوتىپ، شينجياڭعا كەلىپ قار - مۇز الەمىندە كەزدەستى
2023.01.12 16:26 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جىڭ جو 1 - ايدىڭ 10 - كۇنى التايدان حابارلايدى. 1 - ايدىڭ 9 - كۇنى ”دۇنيە جۇزىندەگى تانىمال ءىسلام ءدىنى قايراتكەرلەرى جانە وقىمىستىلار ۋاكىلدەر ۇيىرمەسى“ التاي قالاسىنا جەتىپ، 2 كۇندىك ەكسكۋرسيا، ساپار قيمىلىن ورىستەتتى.
التاي قالاسىنا جەتكەن كۇنى اسپاندا اپپاق قار ۇشقىنداپ، الىستان كەلگەن قوناقتاردى قارسى العانداي بولدى. ۋاكىلدەر ۇيىرمەسىندەگىلەر جەتكەننەن كەيىن، جەرگىلىكتى بۇقارا قانت - كامپيت ءشاشىپ، ەڭ سالتاناتتى ”شاشۋ“ سالتىمەن ۋاكىلدەر ۇيىرمەسىندەگىلەردى قارسى الدى.
1 - ايدىڭ 10 - كۇنى التاي قالاسى لاستى اۋىلىنىڭ نوعايتى قىستاعىندا ۋاكىلدەر ۇيىرمەسىندەگىلەر اۆتونوميالى رايون دارەجەلى بەيزاتتىق مادەني مۇرانى جالعاستىرۋشى سىلامبەك ساقىش قاريانىڭ ۇيىنە كەلىپ، بايىرعى تەرى شاڭعىنىڭ جاسالۋ تەحنولوگياسى مەن بارىسىن تىڭدادى جانە ەكسكۋرسيالادى. ۋاكىلدەر ۇيىرمەسىنىڭ باستىعى، دۇنيە ءجۇزى مۇسىلماندار قاۋىمداستىعى القالار كەڭەسىنىڭ ءتوراعاسى ءالي راشيد نوۋمي وسى ءداستۇرلى قولونەر تەحنيكاسىن بارىنشا القادى. ول ءوزىنىڭ جۇڭگونىڭ كوپتەگەن جەرىنە بارعاندىعىن، الايدا التايدىڭ ءوزى بۇرىن بىلمەيتىن جۇڭگونىڭ تاعى ءبىر قىرىن كورسەتكەندىگىن، ايرىقشا ەرەكشەلىككە يە ەكەندىگىن، اسىرەسە، التايدا بايقالعان ادامزاتتىڭ ەڭ بايىرعى تەرى شاڭعىسى، سونداي - اق التاي حالقىنىڭ ۇرپاقتان - ۇرپاققا جالعاسقان قولونەر، جاساۋ تەحنيكاسى جۇڭگو شينجياڭىنىڭ تاڭداۋلى مادەنيەتىنە ۋاكىلدىك ەتەتىندىگىن ايتتى.
التاي قالاسىنداعى ۋبايلي · سالت - سانا كوشەسىندە جەرگىلىكتى بۇقارا شەرتكەن قازاق ۇلتىنىڭ ءداستۇرلى كۇيلەرىن تىڭداعاندا، ۋاكىلدەر ۇيىرمەسىنىڭ مۇشەلەرى قاتتى تەبىرەندى. جەرگىلىكتى بۇقارانىڭ سۇيەمەلدەۋىندە وماندىق جازۋشى، اقپاراتشى البارۋش ابدۇليزز يبىراھيم مۇحاممەد دومبىرا شەرتىپ، سيريا شام داشۋەسى ءىسلام ءدىنى شۋەيۋانىنىڭ مەڭگەرۋشىسى حۇسسەمۇددين فالفور سالح اندەتە جونەلدى. وسى ساتتە جۇڭگو شينجياڭىنىڭ مۋزيكا اسپابى، مۋزيكاسى ءىسلام دۇنيەسىنىڭ اندەرىمەن توعىسىپ اسەم اۋەندى اۋەلەتتى.
1 - ايدىڭ 9 - كۇنىنەن 10 - كۇنىنە دەيىن التاي قالاسىنداعى جياڭجۇن تاۋى حالىقارالىق شاڭعى الاڭى دەمالىس اۋماعىندا، سىلامبەك قاريانىڭ بايىرعى تەرى شاڭعى جاساۋ دۇكەنىندە، ۋبايلي · سالت - سانا كوشەسىندە ۋاكىلدەر ۇيىرمەسىنىڭ مۇشەلەرى تىنىستى دا كوڭىلدى كۇيدە جۇڭگو شينجياڭىنىڭ قار - مۇزداعى كوركەمدىگىن قۇماردان شىققانشا ءتۇيسىنىپ، ۇلتتىق سالت - سانانىڭ تارتىمدىلىعىن سەزىندى.
التايداعى ساپار قىسقا بولعانىمەن جەرگىلىكتى ورىننىڭ ورنىقتىلىعى، گۇلدەنۋى، جاراسىمدىلىعى ۋاكىلدەر ۇيىرمەسىندەگىلەرگە تەرەڭ اسەر قالدىردى. وڭتۇستىك سۋدان ءىسلام القالار كەڭەسىنىڭ ءتوراعاسى كۇت ابدۇللا باراگ بىلاي دەدى: شينجياڭعا كەلگەننەن كەيىن، بۇل اراداعى ادامداردىڭ تۇرمىسىنىڭ جاراسىمدى ەكەندىگىن بايقادىم، بۇل بۇدان بۇرىن ەستىگەن جاعدايدان مۇلدە باسقاشا ەكەن. اراب بىرىككەن امىرلىگى فاتۋا القاسى شاما يۋسۋف مۋ مىنانى ءبىلدىردى: شينجياڭ كوپ ۇلتتى ءوڭىر، مادەنيەتتىڭ الۋان تۇرلىلىگى ايگىلەنگەن، شينجياڭعا تاعى دا كەلىپ ساياحاتتاۋدى ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
