شينجياڭ ۇيعۇر اۆتونوميالى رايونىنىڭ 2023 – جىلعى «جۇمىستانۋعا كومەكتەسۋ ايى» رەسمي باستالدى
2023.01.11 15:24 كەلۋ قاينارى : حالىق تورابى
سۋرەتتە: 1 – ايدىڭ 10 – كۇنى، اۆتونوميالى رايوننىڭ 2023 – جىلعى «جۇمىستانۋعا كومەكتەسۋ ايى» قيمىلىنىڭ باستالۋ سالتى جانە تۇرپان قالاسىنىڭ ناق مايداندا قىزمەتكە قابىلداۋ ماجىلىسىندە، قىزمەت ىزدەۋشىلەر مەن قىزمەتكەر قابىلداۋشى ورىندار كەڭەسۋدە. اۆتونوميالى رايوندىق الەۋمەتتىك جۇمىستانۋعا قىزمەت وتەۋ ورتالىعى بەرگەن سۋرەت.
انار بۇلت \ شينجياڭ گازەتىنىڭ ءتىلشىسى لي لين، جاۋ شييا حابارلايدى. 1 – ايدىڭ 10 – كۇنى، شينجياڭ ۇيعۇر اۆتونوميالى رايونىنىڭ «جۇمىستانۋعا كومەكتەسۋ ايى» اتتى ارناۋلى قىزمەت وتەۋ قيمىلى باستالدى. قيمىل «كوكتەم سامالىمەن شىن ىقىلاستى جەتكىزىپ، كومەكتەسۋ ارقىلى جۇرتتى مەيىرگە بولەۋ» تاقىرىبىندا ينتەرنەت ارقىلى جانە ينتەرنەتتەن تىس ءبىر ۋاقىتتا ورىستەتىلىپ، جۇمىستانۋى قيىن بولعان ادامدار قاتارلىلارعا ءتۇيىندى تۇردە كومەكتەسەدى.
بۇل رەتكى قيمىلدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، اۆتونوميالى رايوندىق اۋىل – قىستاقتى گۇلدەندىرۋ مەكەمەسى، اۆتونوميالى رايوندىق مۇگەدەكتەر بىرلەستىگى، تۇرپان قالالىق حالىق ۇكىمەتى ۇيىمداستىرعان، تۇرپان قالاسى اۆتونوميالى رايوننىڭ «جۇمىستانۋعا كومەكتەسۋ ايى» قيمىلىنىڭ باستى ءماجىلىس الاڭى رەتىندە، باستالۋ سالتىنان كەيىن ناق مايداندا قىزمەتكەر قابىلداۋ ءماجىلىسىن وتكىزدى. وسى رەتكى قىزمەتكەر قابىلداۋ قيمىلى باستىستى اۋىلىنا قايتقان ديقان جۇمىسكەرلەر، جۇمىستانۋى قيىن بولعاندار، جوعارى مەكتەپتەن وقۋ تاۋىسىپ جۇمىستانباعاندار قاتارلى توپتارعا باعىتتالادى. ساناققا قاراعاندا، سول كۇنى باستى ءماجىلىس الاڭىندا 110 كاسىپورىن ينتەرنەتتە جانە ينتەرنەتتەن تىس قىزمەتكەر قابىلداۋعا قاتىناسىپ، قازىنا ىستەرى، حاتشى، زات ساتۋشى، جوبالاۋشى، جاساۋشى، كۇتۋشى قاتارلى جۇمىس ورىندارىنان 5869 جۇمىس ورنىن ازىرلەگەن. جۇمىس ىزدەۋشىلەر ينتەرنەت ارقىلى جەكەلىك ءومىر بايانىنان 1541 پارشاسىن جولداعان، جۇمىس ورنىنا قاتىستى ينفورماتسيالاردى وقىعانداردىڭ سانى 11015 ادامعا (رەت) جەتكەن. ناق مايداندا قىزمەت ىزدەۋشىلەردىڭ سانى 2500 دەن استام ادام بولىپ، العاشقى قادامدا قالاۋ ءبىلدىرۋ كەلىسىمشارتىن جاساعانداردىڭ سانى 1620 ادام بولعان، ساياساتتى ۇگىتتەۋ ماتەريالدارىنان 8000 نان استام ماتەريال تاراتىلىپ، قيمىلدىڭ تىكە تاراتىلىمىن 850 مىڭنان استام ادام (رەت) كورگەن.
اۆتونوميالى رايوندىق الەۋمەتتىك جۇمىستانۋعا قىزمەت وتەۋ ورتالىعىنىڭ قاتىستى جاۋاپتىسىنىڭ تانىستىرۋىنشا، الداعى 3 ايدا، اۆتونوميالى رايونداعى ءارقايسى ايماق، وبلىستار «كوكتەم سامالى ارەكەتى جانە جۇمىستانۋعا كومەكتەسۋ ايى» ارناۋلى قيمىلىن ىركەس – تىركەس ورىستەتەدى، جالپى بەتتىك ۇيىمداستىرۋ ءارى ءبىر – بىرلەپ تەكسەرۋ، ساياساتتى كەڭ كولەمدە ۇگىتتەۋ، جۇمىستانۋ جانە شارۋاشىلىق قۇرۋ نىساندارىن كۇش سالا ىلگەرىلەتۋ، جۇمىستانۋعا قاتىستى ءتۇرلى قىزمەت وتەۋ تۇرلەرىن دالمە – ءدال ورىستەتۋ، قىزمەتكەر قابىلداۋ قيمىلىن ءجيى ۇيىمداستىرۋ، ءبىرقىدىرۋ مەيىر باعىشتاۋ شارالارىن اتقارۋ ارقىلى ەڭبەككۇشتەردىڭ جۇمىستانۋىنا قولداۋ كورسەتۋگە، كاسىپورىنداردىڭ ادام ىستەتۋىن قامتاماسىزداندىرۋعا كەپىلدىك ەتىپ، بۇقارانىڭ ريزالىق مولشەرىن جوعارىلاتادى. ادام ىستەتۋدى قاجەت ەتەتىن كاسىپورىندار مەن ءىسورىندار، جۇمىس ىزدەۋدى قالايتىن ەڭبەككۇشتەر جۇڭگو شينجياڭ دارىندىلار تورابى (www.xjrc365. com)، شينجياڭ الەۋمەتتىك جۇمىستانۋعا قىزمەت وتەۋ تورابى (http://www.xjggjy.com/) ارقىلى دەر كەزىندە قيمىلعا قاتىناسۋىنا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
