ءىرى نىساندار قارجى قوسۋدى جەبەۋ اۋىر مىندەتىن ارقالادى
انار بۇلت \ شينجياڭ گازەتىنىڭ ءتىلشىسى شى شين
2023.01.10 15:13 كەلۋ قاينارى : شينجياڭ گازەتى
ءونىمدى قارجى قوسۋدى بەلسەنە كەڭەيتۋ − ەكونوميكانى ورنىقتىرۋدىڭ ماڭىزدى تىرەگى.
2022 - جىلى، شينجياڭ ءىرى نىسان قۇرىلىستارى ارقىلى ءونىمدى قارجى قوسۋدى جەتەكتەپ، ءۇرتىس ءتورت ماۋسىم ”جۇمىس باستاۋ دابىلىن“ قاقتى، جەر - جەر نىسانداردى يگەرىپ، قارجى قوسۋدى جەبەپ، ارتۋدى ورنىقتىرىپ، تۇتاس رايوننىڭ ەكونوميكالىق اينالىمىنىڭ ۇيلەسىمدى ارالىقتى ساقتاۋىنا شەشۋشى تىرەك ازىرلەدى.
2022 - جىلى شينجياڭ ەكونوميكاسىنىڭ اجەپتاۋىر بەينەسى سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىمنىڭ سوققىسى الدىندا قارجى قوسۋدى ۇدەتۋ كۇشىنىڭ ءالى دە شينجياڭنىڭ ەكونوميكانى ارتتىرۋداعى ماڭىزدى ىرگە تاسى ەكەندىگىن دالەلدەدى.
ىندەتتەن ساقتانۋ - تىزگىندەۋ ساياساتتارىنىڭ ساپالىلانۋىنا جانە بازار سەنىمىنىڭ كۇشەيۋىنە ىلەسە، 2023 - جىلى ەكونوميكانىڭ قايتا ورلەۋىن ىلگەرىلەتەتىن قوزعالىس قۋاتى توپتالۋ ۇستىندە. ەندى عانا اشىلعان اۆتونوميالى رايوندىق 10 - كەزەكتى پارتكومنىڭ جەتىنشى جالپى ماجىلىسىندە قاتىناس، ەنەرگيا، سۋ يگىلىگى، قالا قۇرىلىسى، جاڭاشا نەگىزدىك قۇرىلعى سياقتى سالالاردى ارقاۋ ەتىپ، ءونىمدى قارجى قوسۋدى بەلسەنە كەڭەيتۋ ايقىن العا قويىلدى.
ارتۋدى ورنىقتىرىپ، نەگىزدى كۇشەيتكەن ءىرى نىساندار قۇرىلىسى نىق قادام تاستادى
1 - ايدىڭ 7 - كۇنى مەملەكەتتىك ءتۇيىندى ينجەنەريا − باتىستىڭ گازىن شىعىسقا جەتكىزۋ 4 - جەلىسى تابيعي گاز قۇبىرى ينجەنەرياسى (تۇرپان − جۇڭۋي) قۇرىلىسىنىڭ جۇمىس باسىندا 500 نەشە قۇرىلىسشى ءبىرىنشى شەپتەن تاپجىلماي، دانەكەرلەۋ، شىرۋدەن ساقتاعىش سۇيىقتىعىن بۇركۋ، قۇبىر شۇڭقىرىن قازۋ سياقتى كوپتەگەن جۇمىس بۋىندارىن ورنىقتى قاداممەن ىلگەرىلەتىپ، وسى جىلى تۇتاستىرۋ نىساناسىن جۇزەگە اسىرۋعا بار كۇشىن سالدى.
سول كۇنى ءۇرىمجى قالاسىنان كوپ الىس بولماعان بوعدا شىڭىنىڭ ەتەگىندە شينجياڭنىڭ تۇڭعىش سۋ شىعارىپ، ەنەرگيا ساقتاۋ ەلەكتر ستانسياسى − مەملەكەت ەلەكتر تورى شينيۋان شينجياڭ فۋكاڭ سۋ شىعارىپ، ەنەرگيا ساقتاۋ ەلەكتر ستانسياسىنىڭ جەر استى قۇرىلىسى جۇمىس باسىندا ماشينا جابدىقتارىنىڭ گۇرىلدەگەن داۋىسىمەن گەنەراتور اگراگاتتارىنىڭ ءتۇيىندى بولشەكتەرى جەدەل ورناتىلىپ جاتتى.
كۇندى تۇنگە جالعاپ، بار كۇشىن سالىپ جۇمىس ىستەدى. تيانشان الابىنداعى دابىرالى قۇرىلىستاردىڭ جۇمىس باسى شينجياڭنىڭ ءىرى نىساندارىنىڭ جەتەكتەۋ رولىن ساۋلەلەندىرىپ، قارجى قوسۋدى ءۇرتىس جەبەۋىنىڭ جالىندى امالياتىن اڭداتتى.
جوعارى دەڭگەيدە ىلگەرىلەتىپ، نىسانداردى قاۋىرت يگەردى، نازاردى تۇيىنگە شوعىرلاندىرىپ ءىرى نىسانداردى يگەردى، فاكتورلاردى قامتاماسىز ەتىپ، نىسانداردى ويداعىداي يگەردى. 2022 - جىلعى شينجياڭ −
حوتان − چارقىلىق تەمىر جولىندا پويەزدىڭ قاتىناۋى دۇنيە جۇزىندەگى قۇمدى ءشولدى اينالىپ وتەتىن تۇڭعىش تەمىر جولدىڭ تۇتاسىپ ىسكە قوسىلعاندىعىن، وڭتۇستىك، سولتۇستىك شينجياڭدا تەمىر جول اينالما جەلىسىنىڭ قالىپتاسىپ عانا قويماي، تەمىر جول وڭتۇستىك ارناسىنىڭ باتىسقا قاراي ۇزارۋىن ايگىلەدى؛
يىتىمبۇلاق − چارقىلىق جوعارى قارقىندى تاس جولىندا اۆتوكولىكتىڭ قاتىناۋىمەن شينجياڭعا كىرىپ - شىعاتىن جوعارى قارقىندى تاس جولدىڭ 3 - ۇلكەن ارناسى قالىپتاستى؛
بيىك ۇستىرتتەگى تۇڭعىش اۋەجاي تاشقورعان حونچيراپ اۋەجايىندا ۇشاق قاتىناپ، وسىمەن ىسكە قوسىلعان اۋەجاي سانى 25كە جەتىپ، بۇكىل ەلدەگى ءارقايسى ولكەلەردە الدىڭعى ورىنعا شىقتى؛
...
ساندى مالىمەتتەردە كورسەتىلۋىنشە، 2022 - جىلى شينجياڭنىڭ ءتۇيىندى نىساندارىنا ناقتى زات قىزمەت مولشەرى بويىنشا جالپى 283 ميلليارد يۋان قارجى قوسىلىپ، وتكەن جىلداعى سايكەس مەزگىلدەگىدەن 39 ميلليارد 400 ميلليون يۋان ارتىپ، جىلدىق قارجى قوسۋ جوسپارىنىڭ ％105ىن ورىنداعان.
وسى مول ونىمدەر ءبىر كۇننىڭ ۇلەسى ەمەس. اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ ورىنباسار باستىعى جاڭ يۇڭلياڭ بىلاي دەپ تانىستىردى: 2022 - جىل ”التى ماڭىزدى ءتىزىم“، ”ون ءىرى مەحانيزم“، ”ءۇش دارەجە بىرگە ارەكەتتەنىپ رەتتەۋ“، ”ءىرى نىسانداردىڭ الدىڭعى مەرزىمدىك قىزمەت بىرىككەن ءماجىلىسى“ سياقتى مەحانيزمدەر اناعۇرلىم جۇيەگە ءتۇستى، كەمەلدەندى، ”ماڭىزدى نىساندارعا ءونىمدى قارجى قوسۋدى سايكەستىرۋ مەحانيزمى“، ”ءىرى نىسانداردىڭ شوعىرلى جۇمىس باستاۋى“، ”قىس ماۋسىمىندا نەگىز قالاۋ“، ”دامۋدى جەبەۋدى تەكسەرۋ - زەرتتەۋ، وعان قىزمەت وتەۋ“ سياقتى نىسان قۇرىلىستارىن ىلگەرىلەتۋ ادىستەرىنىڭ ونىمدىلىگى كورنەكتى بولدى، نىسان قۇرىلىستارىنا پايدالاناتىن جەر، پايدالاناتىن ورمان، پايدالاناتىن ەنەرگيا سياقتى فاكتورلار قامتاماسىزدىعى جەتكىلىكتى بولىپ، تۇتاس رايونداعى نىساندار ەرتە جۇمىس باستاۋدى، ەرتە قۇرىلىس جۇرگىزۋدى، ەرتە وندىرىسكە قوسۋدى، ەرتە ونىمدىلىكتى ايگىلەۋدى جۇزەگە اسىردى.
2022 - جىلى 3 - ايدىڭ 17 - كۇنى، 6 - ايدىڭ 16 - كۇنى، 9 - ايدىڭ 28 - كۇنى، 11 - ايدىڭ 30 - كۇنى اۆتونوميالى رايوندىق پارتيا، ۇكىمەتتەگى نەگىزگى باسشىلار تۇتاس رايوننىڭ ءىرى نىساندارىن رەتتەۋ ءماجىلىسىن 4 رەت باسقارىپ اشىپ، وزدەرى ورنالاستىرىپ، قىزمەتتەردى ورنالاستىرىپ، ءونىمدى قارجى قوسۋدى كۇش سالا كەڭەيتىپ، مەجە بويىنشا جەتەكشىلىك ەتۋدى كۇشەيتتى، دامۋ سەنىمىن سەرپىلتتى.
ەكپىندەي ىلگەرىلەۋ بارىسى جىل بويى ساباقتاستى، تيانشان الابىنا كوز جىبەرسەك، ءىرى نىساندار قۇرىلىسىنىڭ ءۇرتىس ىلگەرىلەتىلۋى شينجياڭنىڭ ەكونوميكالىق دامۋىنىڭ اناعۇرلىم تەبىندى بولۋىنا مۇمكىندىك جاسادى.
قۇرىلىمدى رەتتەۋ، تيبىن جاڭالاۋدى جەبەۋ جوعارى ساپالى دامۋعا قۋات توپتادى
ءونىمدى قارجى قوسۋدى بەلسەنە كەڭەيتۋدىڭ ءتۇيىنى ”ونىمدىلىك جاراتۋدا“.
ءىرى نىساندار قۇرىلىسىن ىلگەرىلەتۋدە شينجياڭ بەيبەرەكەتتىك ىستەۋدەن باتىل تۇردە اۋلاق بولىپ، قايتا ”ورنىقتىلىق“ ۇلى جوباسىن ارقاۋ ەتتى، ”ىلگەرىلەۋدە“ ناقتى ونىمدىلىككە تالپىنۋدى ارقاۋ ەتتى.
2022 - جىلى 6 - ايدىڭ 16 - كۇنى حوتان − چارقىلىق تەمىر جولىنىڭ تۇتاسىپ، ىسكە قوسىلۋى وڭتۇستىك شينجياڭ ءوڭىرىنىڭ قاتىناس بوگەتىن تۇبەگەيلى جويدى، لوپ، شەريا، كەريا، نيە، چەرشەن سىندى 5 اۋداندا پويەز قاتىناماۋ تاريحىن اياقتاتتى، جەلى بويىنداعى بۇقارانىڭ ءجۇرىس - تۇرىس جانە زاتتىق ماتەريالدار تاسىمالىنا بارىنشا قولايلىلىق تۋدىرىپ، وڭتۇستىك شينجياڭ ءوڭىرىنىڭ ەكونوميكالىق دامۋىنىڭ ”جىلدام ارناعا“ تۇسۋىنە دەم بەردى.
چەرشەن اۋدانى قوراملىق اۋىلى جاڭگالساي قىستاعىنىڭ تۇرعىنى ادىل الىم جونىنەن العاندا، بۇل تىپتەن ءۇمىت پەن ارمانعا تولى تەمىر جول بولدى، ”وتباسىم ۋسارىمساق ەگىمشىلىگىمەن شۇعىلداناتىن ءىرى وتباسى، تەمىر جول تۇتاسقاننان كەيىن تاسىمال ۋاقىتىن قىسقارتىپ، تاسىمال وزىندىك قۇنىن بارىنشا تومەندەتتى، ۋسارىمساقتى الىس جەرلەرگە ساتا الاتىن بولدىق“.
ەكونوميكالىق نەگىزدى ورنىقتىرۋمەن بىرگە، ءىرى نىساندار كاسىپ سالاسىنىڭ تيبىن جاڭالاپ، دارەجەسىن ءوسىرۋدى، جوعارى ساپالى دامۋدى ىلگەرىلەتەتىن اۋىر مىندەتتى ارقالادى.
2022 - جىلى 9 - ايدىڭ 28 - كۇنى باركول قازاق اۆتونوميالى اۋدانى سانتاڭحۋ كەن رايونىندا شينجياڭنىڭ ەلەكترىن سىرتقا جەتكىزەتىن 3 - جەلى تۇراقتى ەلەكتر ارناسى − قۇمىل − چۇڭچيڭ 800± كيلوۆولتتىق جوعارى كەرنەۋلى تۇراقتى ەلەكتر جەتكىزۋ ينجەنەرياسىنىڭ سايكەستى كومىر ەلەكتر نىسانى قۇرىلىس جۇمىسىن باستادى.
”جەلى ينجەنەرياسى مەن سايكەستى جاڭا ەنەرگيا نىساندارى دا جوسپار نەگىزىندە ىركەس - تىركەس قۇرىلىس جۇمىسىن باستادى. بۇل ارنادان جەتكىزىلەتىن جاڭا ەنەرگيا ەلەكتر مولشەرىنىڭ ۇستايتىن سالىستىرماسى ％50تەن اسىپ، شينجياڭنىڭ تازا ەنەرگياسىن جوعارى ونىمدىلىكپەن اشۋدى جەبەۋ، بۇكىل ەل كولەمىندە تازا ەنەرگيا تۇتىنۋ مولشەرىن كەڭەيتۋ جونىنەن ماڭىزدى رەال مانگە يە“، - دەدى اۆتونوميالى رايوندىق دامۋ جانە رەفورما كوميتەتى ەلەكتر قۋاتى باسقارماسىنىڭ باستىعى چىن لەي.
1 - ايدىڭ 2 - كۇنى كۇشار قالاسىندا بۇكىل الەمدەگى قازىر سالىنىپ جاتقان ەڭ ۇلكەن جاسىل سۋتەگى نىسانى − جۇڭگو مۇناي حيميا شينجياڭ كۇشار جاسىل سۋتەگى ۇلگى كورسەتۋ نىسانى اياق الىستى تەزدەتىپ، تۇتاس تۇلعالىق قۇرىلىستى ％80 ورىندادى، بۇعان 2 ميلليارد 211 ميلليون يۋان قارجى قوسىلدى، نىسان جوسپار بويىنشا بيىل 6 - ايدىڭ سوڭىندا سالىنىپ ءبىتىپ، وندىرىسكە قوسىلادى. ”بۇل شينجياڭ ونەركاسىبىنىڭ نەگىزدى كۇشەيتىپ، ونىمدىلىگىن ارتتىرۋعا جانە تيبىن جاڭالاپ، دارەجەسىن وسىرۋگە كۇش ۇستەۋ جونىنەن ماڭىزدى ءمان الادى“. جۇڭگو مۇناي حيميا شينشيڭ شينجياڭ جاسىل سۋتەگى جاڭا ەنەرگيا شەكتى سەرىكتەستىگىنىڭ باس ديرەكتورى فان لينسۇڭ بىلاي دەدى: بۇل نىسان ەل ىشىندەگى تۇڭعىش رەتكى كولەمدەنگەن فوتوۆولتتى ەلەكتر تاراتۋدان پايدالانىپ سۋتەگىن تىكە جاساۋ نىسانى بولىپ، سالىنىپ بىتكەننەن كەيىن مەجەمەن ءار جىلى كومىر قىشقىل گازىنىڭ شىعارىلۋىن 485 مىڭ توننا ازايتادى.
”مەملەكەتتىڭ كەلەلى ستراتەگيالىق ورنالاستىرۋلارىن ءتۇيىندى ارقاۋ ەتكەن اۆتونوميالى رايون نازاردى ’14 - بەسجىلدىق‘ جوبادا ورتاعا قويىلعان 102 كەلەلى ينجەنەرياعا شوعىرلاندىرىپ، شارپۋ كولەمى كەڭ، دەم بەرۋ، جەتەكتەۋ قۋاتى كۇشتى، ۇلگى كورسەتۋ رولى زور ءبىر توپ ءىرى نىسانداردى عىلمي جوسپارلاپ، جوعارى ساپالى دامۋعا قۋات توپتاپ، ەنەرگيا ۇستەدى“، - دەدى جاڭ يۇڭلياڭ.
شينجياڭ مەملەكەت تۇراقتاندىرعان ”3 بازا، ءبىر وتكەل“. 2022 - جىلى شينجياڭ جاڭاشا ەلەكتر قۋاتى جۇيەسىنىڭ جوعارى ساپالى دامۋىن اتقارۋ جوباسىن جاساپ، جاريالاپ، جاڭا ەنەرگيانى اشۋ، باسقارۋ جونىندەگى 7 تارماقتى جول كورسەتكىشىن جانە 10 ءىرى مەحانيزمىنىڭ 30 تارماقتى ناقتى شاراسىن كەمەلدەندىردى، جۇمىس باستاعان جاڭا ەنەرگيا گەنەراتورلارى 58 ميلليون كيلوۆاتتان استى.
تىرەكتى كۇشەيتىپ، قوزعاۋشى كۇشتى ارتتىرىپ، ءونىمدى سۇرانىستى ءۇرتىس كەڭەيتتى
اۆتونوميالى رايوندىق 10 - كەزەكتى پارتكومنىڭ جەتىنشى جالپى ماجىلىسىندە مىنالار باسا دارىپتەلدى: بيىلعى ەكونوميكالىق قىزمەتتى ويداعىداي ىستەۋ سەنىمىن بەكەمدەپ، اۋىل شارۋاشىلىعى، اۋىل - قىستاق، شارۋالار قىزمەتىن كۇش سالا ويداعىداي يگەرۋ، ”سەگىز ءىرى كاسىپ سالاسى شوعىرىن“ قۇرۋ، تۇتىنۋدىڭ جاقسارۋىن، قايتا كوتەرىلۋىن ىلگەرىلەتۋ، قارجى قوسۋدىڭ شەشۋشى رولىن ساۋلەلەندىرۋ سياقتى ءتۇيىندى جاقتاردان ءۇرتىس كۇش سالىپ، ەكونوميكا ساپاسىنىڭ ءونىمدى جوعارىلاۋىن جانە ساننىڭ ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك.
بىلايشا ايتقاندا، جاڭا ءبىر جىلداعى ەكونوميكالىق قىزمەتتى ويداعىداي ىستەپ، قارجى قوسۋدىڭ شەشۋشى رولىن ساۋلەلەندىرۋ سىندى وسى كۇش سالۋ ءتۇيىنىن مىقتاپ يگەرۋ نەگىزگى جۇيەنى ورنىقتىرعاندىق، ءتۇيىندى يگەرگەندىك، شەشۋشى ءتۇيىندى يگەرگەندىك سانالادى.
”مەملەكەتتىڭ قارجى قوسۋ، قارجى قۇراۋ ساياساتىنان جەتكىلىكتى، ويداعىداي پايدالانىپ، ۇكىمەتتىك قارجى قوسۋدىڭ جەتەكتەۋ، دەم بەرۋ رولىن جانە كەڭەيتۋ اسەرىن تولىق ساۋلەلەندىرىپ، ءونىمدى قارجى قوسۋدى ىلگەرىلەتەتىن ماڭىزدى نىسانداردى سايكەستىرۋ مەحانيزمىن ءۇرتىس ويداعىداي تياناقتاندىرىپ، ’قارجىنىڭ، فاكتورلاردىڭ نىساندارعا ىلەسە جۇرۋىنە‘ تاباندى بولىپ، نىسانداردىڭ جوسپار سانى مەن زاپاس ساپاسىن اناعۇرلىم زور تەبىنمەن، اناعۇرلىم جوعارى دەڭگەيمەن جوعارىلاتىپ، ساياسات پايداسىن كەلەلى نىساندارعا شىن مانىندە اينالدىرۋ كەرەك“، - دەدى جاڭ يۇڭلياڭ.
چارقىلىق اۋدانىندا چارقىلىق گۇڭتيە بىرلەسىپ تاسىمالداۋ زات اينالىمى باقشاسى (تاس جول پورتى) نىسانى جەدەل قۇرىلىس جۇرگىزدى. بۇل نىسان شينجياڭنىڭ 137 ساياساتتىق اشۋ سيپاتتى فينانس قۇرالدارىنىڭ (قور) قولداۋ كورسەتكەن ءتۇيىندى نىساندارىنىڭ ءبىرى، جالپى 330 ميلليون يۋان قارجى قوسىلعان، مۇنىڭ ىشىندە قوردان 33 ميلليون يۋان قولداۋ كورسەتىلدى.
”قوردان قارجى شىعارىلۋى نىسانداردىڭ قارجى قۇراۋ قيىن بولۋ ماسەلەسىن ءونىمدى شەشىپ، نىسانداردىڭ ءدال كەزىندە سالىنىپ، ىسكە قوسىلۋىنا شىنايى كەپىلدىك ەتۋگە قارجى قامتاماسىزدىعىن ازىرلەدى“، - دەدى بايىنعولين وبلىسى چارقىلىق يۋانشۇن زات اينالىمى ناقتى كاسىپ شەكتى جاۋاپكەرشىلىك سەرىكتەستىگىنىڭ القا باستىعى ۋاڭ جىيۇڭ.
اۆتونوميالى رايوندىق دامۋ جانە رەفورما كوميتەتى تۇراقتى مال - مۇلىككە قارجى قوسۋ باسقارماسىنىڭ باستىعى يان جياڭ بىلاي دەپ تانىستىردى: مەملەكەتتىڭ قارجى قوسۋ ساياساتىنىڭ ”تەرەزەلىك مەزگىلىن“ مىقتى يگەرىپ، 2022 - جىلى اۆتونوميالى رايون مەملەكەتتىڭ ءتۇرلى قارجى قولداۋىنا ەڭ جوعارى شەكتە قول جەتكىزىپ، ورتالىقتىڭ 31 ميلليارد 626 ميلليون يۋاندىق مەجە ەسەپ ىشىندەگى قارجىسىن، ساياساتتىق اشۋ سيپاتتى فينانس قۇرالدارىنىڭ 27 ميلليارد 977 ميلليون يۋان قارجىسىن تياناقتاندىرىپ، قازىنا تاراۋلارىمەن بىرگە جەرگىلىكتىك ۇكىمەتتىڭ ارناۋلى زايومىنان 111 ميلليارد يۋان تاراتتىق، نىسان ءوتىنىشىنىڭ ماقۇلدانۋ سالىستىرماسى، قارجى سوماسىنىڭ تومەنگە ءتۇسىرىلۋ سالىستىرماسى، تياناقتانعان قارجىنى بەرۋ سالىستىرماسى تۇگەلدەي بۇكىل ەلدىڭ الدىڭعى قاتارىنا ءوتتى.
”بيىل ءبىز ورتالىقتىڭ مەجە ەسەپ ىشىندەگى قارجى قوسۋى، جەرگىلىكتى ۇكىمەتتەردىڭ ارناۋلى زايومى، ساياساتتىق اشۋ سيپاتتى فينانس قۇرالدارى، جاساۋ كاسىبىنىڭ ورتا، ۇزاق مەرزىمدىك قارىز اقشاسى، ماڭىزدى سالالاردا جابدىق ساتىپ الۋ جانە جاڭالاۋ، وزگەرتۋ بويىنشا ءوسىمى ۇكىمەت قازىناسىنان كوتەرىلەتىن قارىز اقشا سياقتى 5 ءىرى قارجى ساياساتىن ءبىر تۇتاس جوسپارلاپ ويداعىداي پايدالانىپ، ساياسات جۇيەسىنىڭ شوعىرلانۋىنا باسا ءمان بەرىپ، ۇكىمەت، بانكە، كاسىپورىنداردىڭ تەرەڭدەي ءتۇيىسۋىن كۇشەيتىپ، جۇمىس باستاۋدى يگەرىپ، تولەۋدى يگەرىپ، ناقتى زات قىزمەت مولشەرىن يگەرەمىز“، - دەدى يان جياڭ.
ىشكى سۇرانىستى كەڭەيتىپ، حالىقتىق قارجى قوسۋدىڭ ومىرشەڭدىك كۇشىن مازداتتى. اۆتونوميالى رايوندىق دامۋ جانە رەفورما كوميتەتى حالىقتىق قارجى قوسۋدى جەبەۋدىڭ قاتىستى شارالارىن زەرتتەپ جاساپ، حالىقتىق قارجى قوسۋ مەن رايون سىرتى قارجى قوسۋىنىڭ بەلسەندىلىگىن تولىق جۇمىلدىرىپ، ”سەگىز ءىرى كاسىپ سالاسى شوعىرىن“ دامىتۋ، نەگىزدىك قۇرىلعى، سۋ شىعارىپ، ەنەرگيا توپتاۋ، ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋ سياقتى سالالاردى ءتۇيىندى ارقاۋ ەتىپ، نىسانداردى تانىستىرۋ مەن ساۋداگەر شاقىرىپ قارجى ەنگىزۋ تەبىنىن ارتتىرادى.
”نىسانداردى كوزدەۋ، الدىڭعى مەرزىمدى ىلگەرىلەتۋ، تياناقتاندىرۋدى جەبەۋ قابىلەتى مەن دەڭگەيىن اناعۇرلىم جوعارىلاتۋ كەرەك“. اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى ۋاڭ كۇيران بىلاي دەدى: جەر - جەردىڭ دامۋ جانە رەفورما تاراۋلارىنداعى نەگىزگى جاۋاپتى جولداستار ءارى قولباسشى بولىپ، ءارى جورىققا اتتانىپ، مەملەكەت ساياساتىن دالمە - ءدال ۇشتاستىرىپ، قولداۋ باعدارىن دالمە - ءدال يگەرىپ، بەلسەندى، ىرىقتى تۇردە كەڭەسىپ، ۇشتاستىرىپ، ءوتىنىش ەتىلگەن نىسانداردىڭ تابىستى بولۋ سالىستىرماسىن جوعارىلاتىپ، مەملەكەتتىڭ اناعۇرلىم كوپ قولداۋىنا يە بولۋ كەرەك.
باستامادا العا ۇمتىلىپ، العاشقى قادامدا جىلدامدىقتى تەزدەتۋ كەرەك. جاڭا ءبىر جىلدا كەلەلى نىساندار قۇرىلىسى شينجياڭنىڭ ەكونوميكاسىنا ۇزدىكسىز تاسقىنداعان قوزعاۋشى كۇش ۇستەيتىن بولادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
