شي جينپيڭ فيليپپيننىڭ زۇڭتۇڭى ماركوسپەن كەڭەس وتكىزدى
2023.01.05 19:37 كەلۋ قاينارى : حالىق تورابى
 |
1 - ايدىڭ 4 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن فيليپپيننىڭ زۇڭتۇڭى ماركوسپەن كەڭەس وتكىزدى. كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ماركوستى قارسى الۋ سالتىن وتكىزدى. سۋرەتتە: شي جينپيڭ مەن حانىمى پىڭ لييۋان ماركوسپەن جانە ونىڭ حانىمى ليزامەن بىرگە سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
شينحۋا اگەنتتىگى، 1 - ايدىڭ 4 – كۇنى، بەيجيڭ (ءتىلشى ليۋ حۋا). 1 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەت ىستەرى ساپارىمەن كەلگەن فيليپپيننىڭ زۇڭتۇڭى ماركوسپەن كەڭەس وتكىزدى.
شي جينپيڭ ماركوستىڭ فيليپپيننىڭ زۇڭتۇڭى بولعاننان كەيىن جۇڭگوعا تۇڭعىش رەت ساپارلاي كەلگەنىن قارسى الدى. شي جينپيڭ بىلاي دەپ اتاپ كورسەتتى: بۇل − ءسىزدىڭ شىعىس وڭتۇستىك ازيا ەلدەرى وداعىنان باسقا ەلدەرگە تۇڭعىش رەت رەسمي ساپارلاي كەلۋىڭىز، ءسىز دە بيىل جۇڭگو جاق قابىلداعان تۇڭعىش شەتەل باسشىسىسىز. بۇل جۇڭگو مەن فيليپپين قاتىناسىنىڭ قويۋلىق دارەجەسىن تولىق ايگىلەدى، سونداي - اق ەكى جاقتىڭ ءبىر - ءبىرىنىڭ ديپلوماتيالىق جۇيەسىندە ماڭىزدى ورىن ۇستايتىنىن تۇسىندىرەدى. جۇڭگو مەن فيليپپين − ىرگەلەس كورشىلەر. ەكى ەلدىڭ نەشە مىڭ جىلدىق بارىس - كەلىس تاريحىندا ادالدىقپەن مامىلە جاساۋ، ءبىر - بىرىنە قارايلاسۋ باستان - اياق جۇڭگو - فيليپپين قارىم - قاتىناسىنىڭ نەگىزگى اعىمى ءارى ەكى ەل حالىقتارىنىڭ ورتاق باعالى بايلىعى بولىپ كەلەدى. 48 جىلدىڭ الدىندا ءسىزدىڭ اكەڭىز جۇڭگونىڭ اعا بۋىن باسشىلارىمەن بىرگە جاعدايدى انىق باعامداپ، اۋقىمعا ۇيلەسىپ، جۇڭگو مەن فيليپپيننىڭ ديپلوماتيالىق قارىم - قاتىناس ورناتۋى سىندى تاريحي ۇيعارىمدى بىرگە شىعاردى. وسىدان كەيىنگى جارتى عاسىرعا تاياۋ ۋاقىتتا حالىقارالىق جاعداي مەن فيليپپيننىڭ ەل ىشىندەگى ساياسي جاعدايى قالاي وزگەرسە دە، ءسىز جانە ءسىزدىڭ اۋلەتىڭىز العاشقى تىلەكتەن جازباي، جۇڭگو مەن فيليپپيننىڭ دوستىعىن ىلگەرىلەتۋگە بەل بايلاپ وتىرسىزدار، بۇل سۇيىسپەنشىلىك اسا باعالى. ءسىزدىڭ بۇل رەتكى جۇڭگوعا ساپارىڭىز ەجەلگىنى ەسكە ءتۇسىرۋ ساپارى بولىپ قالماستان، ءتىپتى دە تىڭ باستاما ساپارى بولۋىن ءۇمىت ەتەمىن. جۇڭگو فيليپپيندى باستان - اياق توڭىرەكتىك ديپلوماتيانىڭ الدىڭعى بەتالىسىنا قويىپ، جۇڭگو - فيليپپين قارىم - قاتىناسىنا ستراتەگيالىق جانە جالپى جاعداي تۇرعىسىنان قاراۋدا تاباندى بولادى. مەن سىزبەن ۇنەمىلىك ستراتەگيالىق بايلانىستى ساقتاپ، ەكى جاقتى قارىم - قاتىناستىڭ كەلەسى قادامدا دامۋىن جاپپاي جوبالاپ، ءوزارا كومەكتەسەتىن، ءوزارا قارايلاساتىن جاقسى كورشى، ءوزارا تۇسىنىسەتىن، ءوزارا ەتەنە جاقسى تۋىس، سەلبەسىپ تەڭ يگىلىككە كەنەلەتىن جاقسى سەرىك بولىپ، ەكى ەل حالىقتارىنا ءتىپتى دە كوپ باقىت جاراتىپ، ءوڭىردىڭ بەيبىتشىلىگى مەن ورنىقتىلىعىنا ءتىپتى دە كوپ وڭ ەنەرگيا ۇستەۋدى قالايمىن.
شي جينپيڭ بىلاي دەپ دارىپتەدى: جۇڭگو مەن فيليپپيننىڭ مەملەكەت جاعدايى، ءتۇزىلىسى ءار ءتۇرلى بولعانىمەن، دامۋعا تالپىنۋ جولىنداعى نىسانالارى ۇقساس، جولدارى ۇلاسقان، سەلبەستىك كومەسكى كۇشى زور. ەكى جاق ەكى ەلدىڭ ۇكىمەت تاراۋلارى، زاڭ شىعارۋ قۇرىلىمدارى، ساياسي پارتيالارى اراسىنداعى اۋىس - كۇيىستى، ءوزارا ۇلگى الۋدى كۇشەيتىپ، دامۋ ستراتەگيالارىن ۇشتاستىرۋدى تەرەڭدەتىپ، وزدەرىنىڭ وسىزاماندانۋ ۇردىسىندە توعىسۋدى، ءبىرىن - ءبىرى جەبەۋدى كۇشەيتىپ، ەكى ەلدىڭ دامۋىنا، گۇلدەنۋىنە اناعۇرلىم ويداعىداي دەم بەرۋى كەرەك. ەكى جاق اۋىل شارۋاشىلىعى، نەگىزگى قۇرىلىس، ەنەرگيا، گۋمانيتارلىق سىندى 4 ءىرى ءتۇيىندى سەلبەستىك سالاسىن تۇراقتاندىردى، بۇل جۇڭگو مەن فيليپپيننىڭ جالپى بەتتىك ستراتەگيالىق سەلبەستىك قارىم – قاتىناسىنىڭ ماڭىزدى تىرەگى سانالادى. بارىنشا كۇش سالىپ ارتۋ تۇيىندەرىن جەتىلدىرىپ، جاڭا كورىنەۋ تۇيىندەردى قالىپتاستىرۋ كەرەك. جۇڭگو قازىر اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىندا قۇدىرەتتى ەل قۇرۋدى جەدەلدەتۋدە، فيليپپيننىڭ اۋىل شارۋاشىلىعىن، اۋىل - قىستاقتى دامىتۋىنا دەم بەرىپ، اۋىل شارۋاشىلىق تەحنيكاسى ورتالىعىنىڭ ايگىلى ماركا نىسانىن قالىپتاستىرىپ، تۇقىم جەتىلدىرۋ، ءوندىرۋ، مانەرلەۋ، ساقتاۋ سىندى تۇتاس كاسىپ تىزبەگى سەلبەستىگىن ورىستەتىپ، جۇنساۋ سەلبەستىگىن جەدەل ىلگەرىلەتۋدى قالايدى. نەگىزدىك قۇرىلعىلار مەن ۇلاستىرۋ - تۇتاستىرۋ سالاسىنداعى سەلبەستىكتى تىڭعىلىقتى ىلگەرىلەتىپ، ءتۇيىندى نىساندارداعى قاتتى بولشەك سەلبەستىگىن ويداعىداي تياناقتاندىرىپ، تەلەگراف، ءىرى ساندى مالىمەت، ەلەكتروندىق ساۋدا سياقتى جۇمساق بولشەك سەلبەستىگىن كەڭەيتىپ، فيليپپيننىڭ ەكونوميكاسىنىڭ، قوعامىنىڭ تۇلعالىق دامۋىن جەبەۋ كەرەك. جۇڭگو مەن فيليپپين ءداستۇرلى قازبا ەنەرگيا جانە تازا ەنەرگيا جاعىندا سەلبەستىك ورىستەتۋدە ءبىرىن - ءبىرى تولىقتاۋ ابزالدىعىنا يە. جۇڭگو فيليپپينمەن تەڭىزدەگى ماسەلەلەردى دوستىق كەڭەس تاسىلىمەن ۇزدىكسىز ۇيلەسىمدى ءبىر جاقتى ەتىپ، مۇناي - تابيعي گاز اشۋ كەلىسسوزىن قايتا باستاپ، تالاس - تارتىسقا جاتپايتىن رايونداردا مۇناي - تابيعي گاز اشۋ سەلبەستىگىن ىلگەرىلەتىپ، فوتوۆولت، جەل ەنەرگياسى، جاڭا ەنەرگيالى اۆتوموبيل سياقتى جاسىل ەنەرگيا سەلبەستىگىن ورىستەتۋدى قالايدى. جۇڭگو فيليپپيننىڭ ساپالى اۋىل شارۋاشىلىعى، بالىق شارۋاشىلىعى ونىمدەرىن يمپورت ەتۋدى ۇزدىكسىز كەڭەيتۋدى قالايدى، جۇڭگو كاسىپورىندارىنىڭ فيليپپينگە بارىپ قارجى قوسىپ، شارۋاشىلىقتى گۇلدەندىرۋىن قولدايدى. ەكى جاق گۋمانيتارلىق اۋىس - كۇيىستى جان - جاقتى تەرەڭدەتىپ، نەگىزدىك وقۋ - اعارتۋ، كاسىپتىك وقۋ - اعارتۋ سەلبەستىگىن كەڭەيتىپ، اۋا رايى، عارىش سياقتى سالالارداعى جاڭالىق اشۋ سەلبەستىگى جونىندە ىزدەنىس جاساۋى كەرەك. جۇڭگو فيليپپينمەن ۆاكسينا زەرتتەۋ - اشۋ سەلبەستىگىن ۇزدىكسىز ورىستەتىپ، ءوز جەرلەرىنىڭ كاسىپ ابزالدىعىمەن ۇشتاستىرىپ، ەكى ەلدىڭ ولكە، قالا، رايون، اۋداندارىنىڭ ءوزارا كومەكتەسۋ، سەلبەسۋ جاڭا ۇلگىسىن قالىپتاستىرۋدى قالايدى. جۇڭگو ىندەتتەن ساقتانۋ شارالارىن ىرىقتىلىقپەن ساپالىلاندىرىپ، رەتتەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم عىلمي ءبىر تۇتاس جوسپارلاۋدا، كوپ وتپەي ەكى ەل حالىقتارىنىڭ ىندەتتەن بۇرىنعى قويۋ اۋىس - كۇيىستى، بارىس - كەلىستى قالپىنا كەلتىرە الاتىنىنا سەنەمىن.
شي جينپيڭ بىلاي دەپ دارىپتەدى: جۇڭگو مەن فيليپپين ەكەۋى دە − ازياداعى وركەندەپ كەلە جاتقان ەلدەر، ءبىزدىڭ دامۋىمىز تاتۋ كورشىلىك، دوس توڭىرەكتىك ورتاسىنا تامىر تارتقان، سەلبەسىپ تەڭ يگىلىككە كەنەلەتىن ازيا ۇلى شاڭىراعىنا تامىر تارتقان. جۇڭگو فيليپپينمەن جانە شىعىس وڭتۇستىك ازيا وداعىنداعى باسقا دا ەلدەرمەن بىرگە نازاردى سەلبەستىك پەن دامۋعا شوعىرلاندىرىپ، شىعىس وڭتۇستىك ازيا ەلدەرى وداعىنىڭ وڭىرلىك سەلبەستىكتەگى وزەكتى ورنىن ويداعىداي قورعاپ، «بەس ءىرى مەكەن» قۇرىلىسىن ىلگەرىلەتىپ، ءوز ءوڭىرىنىڭ قىرعي قاباقتىق قاقتىعىستان قۇتىلۋىن ىلگەرىلەتىپ، توپ قۇرىپ قارسىلاسۋدان اۋلاق بولىپ، ۇزدىكسىز دامۋدىڭ، گۇلدەنۋدىڭ بيىك بەلەسىنە اينالۋدى قالايدى. جۇڭگو فيليپپيننىڭ دۇنيە جۇزىلىك دامۋ باستاماسىن جانە دۇنيە جۇزىلىك حاۋىپسىزدىك باستاماسىن قولداعانىن القايدى، فيليپپينمەن بىرگە ءوزارا قولداۋدى كۇشەيتىپ، ەكى ەلدىڭ جانە وركەندەپ كەلە جاتقان ەلدەردىڭ ورتاق مۇددەسىن قورعاپ، بۇكىل ادامزاتتىڭ ورتاق قۇنىن اسقاقتاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، وڭىرلىك جانە دۇنيە جۇزىلىك جونگە سالۋدى كەمەلدەندىرۋگە بەلسەندى ۇلەس قوسۋدى قالايدى.
ماركوس مىنالاردى ءبىلدىردى: ۇزاقتان بەرى اڭساعان جۇڭگوعا ساپارلاي كەلگەنىمە وتە قۋانىشتىمىن، بۇل − مەنىڭ شىعىس وڭتۇستىك ازيا وداعىنان باسقا ەلدەرگە تۇڭعىش رەت مەملەكەتتىك ساپاردا بولۋىم، وسى رەتكى ساپارىم ارقىلى فيليپپين - جۇڭگو قارىم - قاتىناسىنىڭ توتەنشە تاماشا ءارى توتەنشە ماڭىزدى ەكەنىن دۇنيە جۇزىنە دالەلدەۋدى ءۇمىت ەتەمىن، ەكى جاق ءبىر – ءبىرىمەن قارىم - قاتىناسىنا ايرىقشا ءمان بەرەدى، فيليپپين - جۇڭگو قاتىناسىن تىڭ دەڭگەيگە كوتەرۋگە كۇش سالادى. فيليپپين مەن جۇڭگونىڭ ديپلوماتيالىق قارىم - قاتىناس ورناتقانىنا نەبارى 48 جىل بولسا دا، ەكى ەل حالىقتارىنىڭ دوستىعى مىڭ جىلدان استى. كەزىندە فيليپپين مەن جۇڭگونىڭ ديپلوماتيالىق قارىم - قاتىناس ورناتۋ تاريحىنا قاتىناسقانىمدى ماقتانىش ەتەمىن، بۇگىن مەن فيليپپين مەن جۇڭگونىڭ ءداستۇرلى دوستىعىن ۇزدىكسىز ىلگەرىلەتۋ ماڭىزدى جاۋاپكەرلىگىن ارقالايمىن. مەن ءتوراعا شي جينپيڭمەن ءجيى بايلانىستى جالعاستىرىپ، سەلبەستىكتى جان - جاقتى كۇشەيتىپ، فيليپپين مەن جۇڭگونىڭ جان - جاقتى ستراتەگيالىق سەلبەستىك قارىم - قاتىناسىنىڭ جاڭا پاراعىن اشىپ، ەكى ەل بىرگە ءدوپ كەلگەن سىن – سايىس پەن ماسەلەلەردى اناعۇرلىم جاقسى سەلبەسىپ شەشۋدى، ەكى ەل حالىقتارىن اناعۇرلىم جاقسى باقىتقا كەنەلتۋدى، سونداي - اق وسى ءوڭىردىڭ دۇنيە ءجۇزى ەكونوميكاسىنىڭ ماڭىزدى قوزعالتقىشىنا قايتادان اينالۋىن ىلگەرىلەتۋگە تىڭ ۇلەس قوسۋدى ءۇمىت ەتەمىن. فيليپپين جاق جۇڭگو جاقپەن كومەسكى كۇشتەردى اشىپ، ەكى ەل قارىم - قاتىناسىنىڭ مازمۇنىن ۇزدىكسىز بايىتىپ، اۋىل شارۋاشىلىعى، نەگىزگى قۇرىلىس، ەنەرگيا، گۋمانيتارلىق، ساۋدا، قارجى قوسۋ، عىلىم - تەحنيكا، سيفرلى ەكونوميكا سياقتى سالالارداعى سەلبەستىكتى تەرەڭدەتۋدى قالايدى. بۇگىن ءبىز قول قويۋعا بىرگە كۋا بولعان كوپتەگەن سەلبەستىك قۇجاتىنىڭ فيليپپين ەلىنىڭ ەكونوميكالىق دامۋىنا بارىنشا دەم بەرەتىنىنە سەنەمىن. جۇڭگو − فيليپپيننىڭ ەڭ قۋاتتى سەلبەستىك سەرىگى، فيليپپين - جۇڭگو دوستىعىنىڭ جالعاسۋى مەن دامۋىنا ەشقانداي نارسە بوگەت بولا المايدى. فيليپپين ءبىر جۇڭگو ساياساتىندا تاباندى بولادى. فيليپپين جاق تەڭىزدەگى ماسەلەلەردى ۇزدىكسىز دوستىق كەڭەس ارقىلى ۇيلەسىمدى ءبىر جاقتى ەتىپ، جۇڭگو جاقپەن مۇناي، تابيعي گاز اشۋ كەڭەسىن قايتا باستاۋدى قالايدى. جۇڭگو جاقتىڭ فيليپپيننىڭ ىندەتكە قارسى اتتانۋىنا قاستەرلى كومەك كورسەتكەنىنە العىس ايتامىن. ىندەت اياقتالعان سوڭ ءتىپتى دە كوپ جۇڭگو بۇقاراسىنىڭ فيليپپينگە بارىپ ساياحاتتاۋىن جانە ەكى ەل حالىقتارىنىڭ بارىس - كەلىسىن اناعۇرلىم جيىلەتىپ، ەكى ەل قارىم - قاتىناسىنىڭ ۇزاق بولاشاقتىق دامۋىنا اناعۇرلىم بەرىك نەگىز قالاۋىن ءۇمىت ەتەمىن. مەن فيليپپين - جۇڭگو قارىم - قاتىناسىنىڭ دامۋ بولاشاعىنا كامىل سەنەمىن.
كەڭەستەن كەيىن ەكى ەل باسشىلارى «ءبىر بەلدەۋ، ءبىر جول»، اۋىل شارۋاشىلىعى، بالىق شارۋاشىلىعى، نەگىزدىك قۇرىلعى، فينانس، كەدەن، ەلەكتروندى ساۋدا، ساياحات سياقتىلارعا قاتىستى سەلبەستىك قۇجاتتارىنا قول قويۋعا بىرگە كۋا بولدى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ماركوسقا ارناپ قارسى الۋ سالتىن وتكىزدى.
تيان - انمىن الاڭىندا 21 رەت قۇرمەت ساليۋتى اتىلدى، قۇرمەت قاراۋىلى ساپ تۇزەپ قۇرمەت ءبىلدىردى، قوناق قابىلدايتىن كىشى كەرنايشىلار قۇرمەت اۋەنىن ورىندادى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن فيليپپين ەكى ەلدىڭ مەملەكەت گيمنىن ورىندادى. ماركوس شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى قاتارعا ءبولىنىپ پاراتتان ءوتۋدى تاماشالادى.
شي جينپيڭنىڭ حانىمى پىڭ لييۋان مەن ماركوستىڭ حانىمى ليزا قارسى الۋ سالتىنا قاتىناستى.
سول كۇنى كەشتە شي جينپيڭ مەن حانىمى پىڭ لييۋان حالىق سارايىنىڭ التىن ءتۇستى زالىندا ماركوس پەن حانىمى ليزانى قارسى الۋ قوناعاسىن بەردى.
ۋاڭ ي، حى ليفىڭ قاتارلىلار قاتىستى قيمىلدارعا قاتىناستى.
ماركوس جۇڭگودا ساپاردا بولعان كەزدە ەكى جاق تاعى «جۇڭحۋا حالىق رەسپۋبليكاسى مەن فيليپپين رەسپۋبليكاسىنىڭ بىرلەسكەن مالىمدەمەسىن» جاريالايدى.
كەلۋ قاينارى: حالىق تورابى
 |
1 - ايدىڭ 4 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن فيليپپيننىڭ زۇڭتۇڭى ماركوسپەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ماركوستى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
