شي جينپيڭ انتيگۋا جانە باربۋدانىڭ گۋبەرناتورى ۆيليامسپەن جۇڭگو - انتيگۋا جانە باربۋدانىڭ ديپلوماتيالىق قارىم - قاتىناس ورناتقانىنىڭ 40 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
لي كىچياڭ انتيگۋا جانە باربۋدانىڭ زۇڭليى بروۋنمەن ءوزارا قۇتتىقتاۋ تەلەگرامماسىن جولدادى
2023.01.03 14:21 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 1 - كۇنى، بەيجيڭ. 1 - ايدىڭ 1 - كۇنى مەملەكەت ءتوراعاسى شي جينپيڭ انتيگۋا جانە باربۋدانىڭ گۋبەرناتورى ۆيليامسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 40 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: انتيگۋا جانە باربۋدا − جۇڭگونىڭ كارايب وڭىرىندەگى ماڭىزدى سەلبەستىك سەرىگى. جۇڭگو - انتيگۋا جانە باربۋدا ديپلوماتيالىق قارىم - قاتىناس ورناتقان 40 جىلدان بەرى ەكى ەلدىڭ قارىم - قاتىناسىنىڭ دامۋى ءساتتى بولىپ، ساياسي ءوزارا سەنىمدىلىگى ۋاقىت وتكەن سايىن بەكەمدەلە ءتۇسىپ، ناقتى ىستەر سەلبەستىگىندە مول جەتىستىككە قول جەتكىزىلىپ، حالىقتار دوستىعى كۇن سايىن تەرەڭدەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو - انتيگۋا جانە باربۋدا ءوزارا قارايلاسىپ، قيىندىقتى بىلەك بىرىكتىرە جەڭىپ، ەكى ەلدىڭ دوستىق قارىم - قاتىناسىنىڭ جاڭا تاراۋىن جازدى. مەن جۇڭگو - انتيگۋا جانە باربۋدا قارىم - قاتىناسىنىڭ دامۋىنا ايرىقشا ءمان بەرەمىن، ۆيليامس گۋبەرناتورمەن بىرگە قۇلشىنىس جاساپ، ديپلوماتيالىق قارىم - قاتىناس ورناتقانىمىزدىڭ 40 جىلدىعىن جاڭا باستاما ەتىپ، ءارقايسى سالاداعى سەلبەستىكتى تەرەڭدەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، جۇڭگو - انتيگۋا جانە باربۋدا قارىم - قاتىناسىنىڭ اناعۇرلىم كوركەم بولاشاعىن اشۋدى قالايمىن.
ۆيليامس مىنالاردى ءبىلدىردى: انتيگۋا جانە باربۋدا جاق جۇڭگو جاقپەن ەكى ەلدىڭ ديپلوماتيالىق قارىم - قاتىناس ورناتقانىنىڭ 40 جىلدىعىن بىرگە قۇتتىقتاعانىنا ايرىقشا قۋانادى، بۇل − انتيگۋا جانە باربۋدا - جۇڭگو قارىم - قاتىناسىنداعى ماڭىزدى بەلەس. جۋىق جىلداردان بەرى ءتوراعا شي جينپيڭنىڭ باسشىلىعىندا، ەكى ەلدىڭ قارىم - قاتىناسى اناعۇرلىم ەتەنە بولدى. انتيگۋا جانە باربۋدا جاق ەكى ەل ىستەرىندە ساقتالعان تاماشا قارىم - قاتىناستى قورعاۋعا ءارى كۇشەيتۋگە ۇزدىكسىز كۇش سالادى.
سول كۇنى مەملەكەتتىك كەڭەستىڭ زۇڭليى لي كىچياڭ انتيگۋا جانە باربۋدانىڭ زۇڭليى بروۋنمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو جاق انتيگۋا جانە باربۋدا جاقپەن بىرگە قۇلشىنىس جاساپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 40 جىلدىعىن قۇتتىقتاۋدى وراي ەتىپ، جۇڭگو - انتيگۋا جانە باربۋدا دوستىق سەلبەستىك قارىم - قاتىناسىنىڭ ۇزدىكسىز ىشكەرىلەي دامۋىن ىلگەرىلەتىپ، ەكى ەل حالىقتارىنا اناعۇرلىم زور باقىت جاراتۋدى قالايدى.
بروۋن مىنالاردى ءبىلدىردى: ديپلوماتيالىق قارىم - قاتىناس ورناتقاننان بەرى ەكى ەلدىڭ قارىم - قاتىناسى ۇزدىكسىز تولىسىپ جەتىلدى، انتيگۋا جانە باربۋدا بۇرىننان بەرى ءبىر جۇڭگو ساياساتىن ۇستانىپ كەلدى، جۇڭگو جاق انتيگۋا جانە باربۋدا جاققا جومارتتىقپەن كومەك كورسەتتى، ەكى ەلدىڭ قارىم - قاتىناسى كوپتەگەن بوگەنايلىق جەتىستىككە قول جەتكىزدى. جۇڭگو جاقتىڭ ىندەتتەن كەيىنگى داۋىردە ۇزىكسىز تىڭ تابىسقا جەتۋىن تىلەيمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
