شىنجىندا ”شينجياڭ جاقسى جەر“ اتىنداعى تانىستىرۋ ءماجىلىسى وتكىزىلدى
ماجىلىستە 12 ميلليارد 400 ميلليون يۋاندىق 3 نىسانعا قول قويىلدى
2022.12.30 16:22 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى ءابيبا، گاۋ شۇي 12 - ايدىڭ 28 - كۇنى شىنجىننان حابارلايدى. 12 - ايدىڭ 28 - كۇنى تۇستەن بۇرىن ”شينجياڭ جاقسى جەر“ اتىنداعى مادەنيەت جانە ساياحات كاسىپ سالاسى نىساندارىنا ساۋداگەر شاقىرۋ، قارجى ەنگىزۋ بويىنشا ارناۋلى تانىستىرۋ ءماجىلىسى شىنجىن قالاسىندا وتكىزىلدى، ماجىلىستە 3 نىسانعا قول قويىلدى، قول قويىلعان سوما شامامەن 12 ميلليارد 400 ميلليون يۋانعا جەتتى.
وسى رەتكى تانىستىرۋ ءماجىلىسىن اۆتونوميالى رايوندىق مادەنيەت جانە ساياحات مەڭگەرمەسى، شىنجىن قالاسى شينجياڭعا باعىتتامالى كومەكتەسۋ قىزمەتى الدىڭعى جاق قولباسشىلىق شتابى ۇيىمداستىرىپ وتكىزدى، بۇكىل ەلدىڭ جەر - جەرىنەن كەلگەن مادەنيەت جانە ساياحات ورىندارىنىڭ، كاسىپورىنداردىڭ ۋاكىلدەرىنەن 100 نەشە ادام قاتىناستى.
جۇڭگوداعى قار - مۇز جاراتىلىستىق بايلىعى مول وڭىرلەردىڭ ءبىرى بولعان شينجياڭ مول قار - مۇز بايلىعىنا سۇيەنىپ، ”سۋىق بايلىقتى“ ”ىستىق ونىمدىلىككە“ اينالدىردى. ”جۇڭگونىڭ قار قالاسى“ التايدىڭ قالىڭ ورمان، قارلى دالاسىنان، ءموپ - ءمولدىر، جارقىراعان قايىڭ قىراۋىنان ىلەنىڭ ناراتىنداعى كوز جەتكىسىز قارلى القاپقا، تۇپ - تۇنىق سايرام كولىنە دەيىن؛ شاۋەشەك قالاسى شاشا قالاشىعىنىڭ تۇڭعىش كەزەكتى اۋىل - قىستاق قار - مۇز سپورت جارىسىنان وڭتۇستىك شينجياڭنىڭ قۇمدى ءشول جيەگىندەگى شاڭعى الاڭىنا دەيىن، قويۋ مەرەكەلىك تۇسكە يە قۇمىل باركول قار - مۇز ۇلكەن وتتىقتى قازانىنان كىسىنى وزىنە باۋرايتىن ۇلىڭگىر كولىندەگى بۋرىلتوعايدا قىسقى بالىق اۋلاۋعا، قار تاماشالاپ، بالىق ىزدەۋگە دەيىن... شينجياڭنىڭ بارلىق جەرىنەن قار - مۇز سپورتىنىڭ قىزۋ ورلەۋىن كورۋگە بولادى، سونىمەن بىرگە وسىنىڭ بارلىعى ىزعارلى قىستى ”مەيىرلى، قىزۋ مەرەيگە تولى، دۋماندى“ ەتىپ، قار - مۇز بايلىق باسىمدىعىن كاسىپ سالاسى باسىمدىعىنا، ەكونوميكالىق باسىمدىققا اينالدىردى.
تانىستىرۋ ماجىلىسىندە ماناس اۋدانى ۋداۋيا كورىنىس ءوڭىرىنىڭ ساياحاتتى اشۋ، وركەندەتۋ نىسانى، اقسۋ كينو كاسىپ سالاسى باقشاسى، تەكەس اۋدانى قاراجون حالىقارالىق شاڭعى دەمالىس اۋماعى سياقتى قارجى قوسۋ كومەسكى كۇشى جاقسى، قارجى قوسۋ كولەمى زور، جەتەكتەۋ قۋاتى كۇشتى 6 مادەنيەت - ساياحات كاسىپ سالاسى نىسانى ناق مايداندا تانىستىرىلدى، سانجى حۇيزۋ اۆتونوميالى وبلىسىنىڭ تيانشان بوعدا حالىقارالىق مادەنيەت - ساياحات قالاسى نىسانىنا، تاشقورعان تاجىك اۆتونوميالى اۋدانىنىڭ حونچيراپ مەملەكەت قاقپاسى (4A دارەجەلى) كورىنىس ءوڭىرى قىزىل ساياحات اشۋ، وركەندەتۋ نىسانىنا، قارامايلى قالاسى مايتاۋ رايونى مايتاۋ - كۇشار ۇلكەن لاگەرى ساياحات كەشەندى تۇلعاسىن اشۋ، وركەندەتۋ نىسانىنا ناق مايداندا قول قويىلدى، قول قويىلعان سوما جالپى 12 ميلليارد 400 ميلليون يۋان بولدى.
”وسى رەتكى تانىستىرۋ ءماجىلىسى شىنجىن مادەنيەت كورمەسى تۇعىرىنا سۇيەنىپ، ابزال كاپيتالدى شينجياڭنىڭ مادەنيەت جانە ساياحات كاسىپ سالاسىنا قارجى قوسۋعا اناعۇرلىم جەتەكتەپ، بايلىقتان بىرگە يگىلىكتەنۋدى، باسىمدىقتارمەن ءوزارا تولىقتاۋدى، حاريدارلاردى ءوزارا جەتكىزۋدى، ماركانى بىرگە قۇرۋدى، جەلىنى تۇتاستىرۋدى جۇزەگە اسىرۋدى ىلگەرىلەتتى“. اۆتونوميالى رايوندىق مادەنيەت جانە ساياحات مەڭگەرمەسىنىڭ 2 - دارەجەلى شارلاۋشىسى لياڭ جيان بىلاي دەدى: ”بۇدان كەيىن مادەنيەت، ساياحات نەگىزدىك قىزمەت وتەۋ قۇرىلعىلارى مەن جاڭا كاسىپ كۇيىنە قارجى قوسۋ تەبىنىن ۇزدىكسىز ارتتىرىپ، باي مادەنيەت، ساياحات بايلىعى باسىمدىعىن ءونىم باسىمدىعىنا، كاسىپ سالاسى باسىمدىعىنا اينالدىرىپ، شينجياڭنىڭ مادەنيەت جانە ساياحات كاسىپ سالاسىنىڭ جوعارى ساپالى دامۋىن ىلگەرىلەتۋگە پارمەندى تىرەك ازىرلەيمىز“.
قول قويۋشى جاقتىڭ ءبىرى شياڭگاڭ بۇرانلوۋ جارنامەن مەڭگەرىلەتىن شەكتى سەرىكتەستىگى توبىنىڭ ۇنەمىلىك ىستەرگە جاۋاپتى ورىنباسار القا باستىعى، قوسىمشا مادەنيەت، ساياحات كاسىپ سالاسىنىڭ اتقارۋشى القا باستىعى لاۋ تۇڭسى مىنالاردى ءبىلدىردى: شينجياڭنىڭ جاراتىلىستىق بايلىعى مول، دامۋ كومەسكى كۇشى زور، ەرەكشە وڭىرلىك باسىمدىعى، كۇن سايىن نىعايعان كاسىپ سالاسى نەگىزى جانە ساۋداگەر شاقىرىپ قارجى ەنگىزۋدەگى ”ءبىر قىدىرۋ“ ءتيىمدى ساياساتتارى بار، الداعى جەردە سەلبەستىكتىڭ تەرەڭدىگى مەن كەڭدىگىن كەڭەيتەتىن اناعۇرلىم كوپ وراي بولۋىن ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
