شينجياڭ ۇيعۇر اۆتونوميالى رايونىنىڭ ورتالىق كاسىپورىندارىنىڭ شينجياڭعا كومەكتەسۋ قىزمەتىنە قىزمەت وتەۋ باسشىلىق گرۋپپاسىنىڭ ءماجىلىسى اشىلدى
شينجياڭعا كومەكتەسۋ باسىمدىعىن دامۋ باسىمدىعىنا ۇزدىكسىز اينالدىرۋ كەرەك
2022.12.29 16:18 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 12 - ايدىڭ 26 - كۇنى ۇرىمجىدەن حابارلايدى. 12 - ايدىڭ 26 - كۇنى اۆتونوميالى رايوننىڭ ورتالىق كاسىپورىندارىنىڭ شينجياڭعا كومەكتەسۋ قىزمەتىنە قىزمەت وتەۋ باسشىلىق گرۋپپاسىنىڭ ءماجىلىسى اشىلدى، ءماجىلىس قاتىستى جاعدايلار جونىندەگى مالىمەتتى تىڭداپ، كەلەسى قادامداعى قىزمەتتەردى اقىلداسىپ ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
بيىل 3 - ايدا اۆتونوميالى رايون مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىمەن بىرگە 23 ورتالىق كاسىپورىنمەن كاسىپ سالاسى ارقىلى شينجياڭدى گۇلدەندىرۋ جونىندە بۇكپەسىز اڭگىمە ءماجىلىس وتكىزدى ءارى 11 ورتالىق كاسىپورىنىمەن 38 نىسانعا قول قويدى. بۇكپەسىز اڭگىمە ماجىلىسىنەن بەرى، ورتالىق كاسىپورىندارىنىڭ شينجياڭعا كومەكتەسۋ، شينجياڭدى دامىتۋ، شينجياڭدى گۇلدەندىرۋ قىزمەتىندە سەرپىلىستىك ىلگەرىلەۋشىلىككە جانە كورنەكتى ناتيجەلەرگە قول جەتىپ، شينجياڭنىڭ بايلىق باسىمدىعىنىڭ ەكونوميكالىق باسىمدىققا اينالۋىن پارمەندى جەبەپ، رايونىمىزدىڭ جوعارى ساپالى دامۋىن جانە حالىق تۇرمىسىن جاقسارتۋدى ىلگەرىلەتۋگە ماڭىزدى ۇلەس قوستى.
ءماجىلىس مىنالاردى اتاپ كورسەتتى: پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، يدەيالىق تانىمدى ونان ارى بىرلىككە كەلتىرىپ، ساياسي دەڭگەيدى جوعارىلاتىپ، شىنايى يگەرىپ، ناقتى ىستەۋدەي پارمەندى شارا ارقىلى ورتالىق كاسىپورىندارىنىڭ شينجياڭعا كومەكتەسۋ قىزمەتى ءماجىلىسىنىڭ، سونداي - اق بۇكپەسىز اڭگىمە ءماجىلىسىنىڭ جەتىستىكتەرىن تياناقتاندىرۋدى، ورىنداۋدى جەدەل ىلگەرىلەتىپ، شينجياڭعا كومەكتەسۋ باسىمدىعىن دامۋ باسىمدىعىنا ۇزدىكسىز اينالدىرۋ كەرەك. كەزەكتە ماكرولىق ساياساتتىڭ اسەرى بىرتىندەپ جارىققا شىعىپ، ىندەتتەن ساقتانۋ - تىزگىندەۋ شارالارى ۇزدىكسىز ساپالىلانىپ، ورتالىقتىڭ شينجياڭدى قولداۋ تەبىنى ارتىپ، شارۋاشىلىق - ساۋدا ورتاسى ۇزدىكسىز جاقسارىپ، ورتالىق پەن جەرگىلىكتى ورىننىڭ سەلبەستىك مەحانيزمى اناعۇرلىم اقاۋسىزدانىپ، ورتالىق كاسىپورىندارىنىڭ شينجياڭدا دامۋىنا ماڭىزدى ستراتەگيالىق وراي مەزگىلىن جانە تەرەڭ سەلبەستىك ورايىن ازىرلەدى. ورتالىق كاسىپورىندارىنىڭ ورايدى مىقتى يگەرىپ، قولايلى ساتتەن پايدالانىپ العا ۇمتىلىپ، اۆتونوميالى رايوننىڭ جوعارى ساپالى دامۋدى ىلگەرىلەتۋ ستراتەگيالىق ورنالاستىرۋىن ارقاۋ ەتىپ، شينجياڭعا كومەكتەسۋ، شينجياڭدى دامىتۋ، شينجياڭدى گۇلدەندىرۋ تەبىنىن ۇزدىكسىز ارتتىرىپ، شينجياڭ ەكونوميكاسىنىڭ دامۋىنا قۋات بەرىپ، كۇش ۇستەۋىن ءۇمىت ەتەمىز.
ءماجىلىس مىنالاردى باسا دارىپتەدى: كاسىپ سالاسى شوعىرىن قالىپتاستىرۋ، وسى زامانعى كاسىپ سالاسى جۇيەسىن ورناتۋ جاعىندا سەلبەستىكتى ونان ارى تەرەڭدەتىپ، شينجياڭنىڭ باسىمدىعىن، ورتالىق كاسىپورىندارىنىڭ ەرەكشەلىگىن شوعىرلاندىرىپ، اۆتونوميالى رايوندىق پارتكوم ءتۇيىندى تۇردە ىلگەرىلەتكەن ”سەگىز ءىرى كاسىپ سالاسى شوعىرى“ قۇرىلىسىن ارقاۋ ەتىپ، ورتالىق كاسىپورىندارىمەن كاسىپ سالاسى تىزبەگى، قامداۋ تىزبەگى، جاڭالىق اشۋ تىزبەگى جاعىنداعى سەلبەستىكتى تەرەڭدەتىپ، ەرەكشە، باسىمدىققا يە كاسىپ سالالارىن ۇلعايتىپ، كۇشەيتىپ، جاڭادان گۇلدەنگەن كاسىپ سالالارىن جەتىلدىرىپ، شينجياڭنىڭ كاسىپ سالالارىنىڭ تيبىن جاڭالاپ، دارەجەسىن جوعارىلاتۋىن ىلگەرىلەتۋ كەرەك. جىبەك جولى ەكونوميكالىق بەلدەۋى وزەكتى رايونى قۇرىلىسىن جوعارى ساپامەن ىلگەرىلەتۋ جاعىندا سەلبەستىكتى ونان ارى تەرەڭدەتىپ، ورتالىق كاسىپورىندارىنىڭ وزەكتى رايون قۇرىلىسىنا دەم بەرۋىن قولداپ جانە وعان جەتەكشىلىك ەتىپ، ورتالىق كاسىپورىندارىن شينجياڭ كاسىپورىندارىن بىرلەسىپ شەكارا سىرتىنداعى نىسان قۇرىلىسىنا جانە قارجى قوسىپ وركەندەتۋگە ات سالىسۋعا جەتەلەۋگە شابىتتاندىرىپ، شينجياڭنىڭ ىشكە، سىرتقا ەسىك اشۋ جاعدايى مەن دەڭگەيىن ونان ارى جوعارىلاتۋ كەرەك. ورتالىق پەن جەرگىلىكتى ورىننىڭ باسىمدىقتار ارقىلى ءبىرىن - ءبىرى تولىقتاۋىن، ءوزارا پايدا جەتكىزىپ، تەڭ يگىلىككە كەنەلۋىن ىلگەرىلەتۋ جاعىندا سەلبەستىكتى ونان ارى تەرەڭدەتۋ كەرەك، شينجياڭداعى مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار سايكەسۋ ءتۇيىنىن ءدال تاۋىپ، ورتالىق كاسىپورىندارىمەن جان - جاقتى، كوپ سالالى، تەرەڭ قاتپارلى سەلبەستىك ورىستەتۋى، ورتالىق كاسىپورىندارى شينجياڭ كاسىپورىندارىنىڭ ۇزاق بولاشاقتىق دامۋىنا قولداۋ كورسەتۋى كەرەك. تاماشا دامۋ ورتاسىن قالىپتاستىرۋ جاعىندا سەلبەستىكتى اناعۇرلىم تەرەڭدەتىپ، ساياساتتىق قولداۋدى دالمە - ءدال ويداعىداي ىستەپ، قىزمەت وتەۋدى سايكەستىرۋدى ىرىقتىلىقپەن ويداعىداي ىستەپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ۇكىمەت پەن ساۋداگەرلەردىڭ ەتەنە، پاك قاتىناسىن ورناتىپ، شىن مانىندە كاسىپورىنداردىڭ دامۋ سەنىمىن ارتتىرىپ، اۋىرتپالىعىن جەڭىلدەتىپ، ومىرشەڭدىك كۇشىن تاسقىنداتۋ كەرەك.
ءماجىلىس مىنالاردى تالاپ ەتتى: اۆتونوميالى رايوننىڭ ورتالىق كاسىپورىندارىنىڭ شينجياڭعا كومەكتەسۋ قىزمەتىنە قىزمەت وتەۋ باسشىلىق گرۋپپاسى باسشىلىق جاۋاپكەرشىلىگىن مۇقيات اتقارىپ، جوعارى دەڭگەيدە جوبالاۋدى جانە زەرتتەۋ - ورنالاستىرۋدى كۇشەيتىپ، ءتۇرلى قىزمەتتەردى ءبىر تۇتاس جوسپارلاۋدى ويداعىداي ىستەۋى كەرەك. باسشىلىق گرۋپپاسى كەڭسەسى كاسىپورىندارمەن ىرىقتىلىقپەن بايلانىس جاساپ، بايلانىس جاساۋدى، ۇشتاسۋدى كۇشەيتىپ، ورىن تەپكەن قيىنشىلىقتار مەن ماسەلەلەردى شەشۋدى دەر كەزىندە ىلگەرىلەتۋى كەرەك. ەكونوميكانىڭ، دامۋدىڭ تەتىگىن يگەرگەن كاسىپتىك كادرلار قوسىنىن كۇش سالا جەتىلدىرىپ، ماسەلەنى شەشۋ، ورتالىق كاسىپورىندارىنا قىزمەت وتەۋ قابىلەتى مەن دەڭگەيىن شىنايى جوعارىلاتۋ كەرەك.
ءماجىلىس «اۆتونوميالى رايوننىڭ ورتالىق كاسىپورىندارىنىڭ شينجياڭعا كومەكتەسۋ قىزمەتىنە قىزمەت وتەۋ باسشىلىق گرۋپپاسىنىڭ كەڭەس ەرەجەسىن» قارادى ءارى العاشقى جوبانى دايىنداۋعا قاتىستى تۇسىندىرمەنى تىڭدادى.
جاڭ جۋ، چىن ۋيجۇن، ەلزات احمەتجان قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
