ەڭ جوعارى حالىق سوتى مەكەمەسى قۇجات جاريالاپ، ۇيدە قىزمەت ىستەۋ نەمەسە يكەمدى قىزمەت ىستەۋ مەزگىلىندەگى ەڭبەكاقى ولشەمىنە قاتىستى ماسەلەلەردى ايقىندادى
2022.12.28 15:38 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى چي چي، لوشا 12 – ايدىڭ 27 – كۇنى بەيجيڭنەن حابارلايدى. ەڭ جوعارى حالىق سوتى مەكەمەسى 12 – ايدىڭ 27 – كۇنى ورنىقتى جۇمىستاندىرۋعا ءادىليالىق جاقتان قىزمەت وتەۋ جانە ونى قامتاماسىزداندىرۋ جونىندەگى پىكىردى جاريالادى. پىكىردە مىنالار ايقىندالعان: زاڭ بويىنشا كەڭەسۋ ءتارتىبى ارقىلى ەڭبەكاقىنى تومەندەتۋدەن سىرت، ادام ىستەتۋشى ەڭبەكشىنى ۇيدە قىزمەت ىستەۋ نەمەسە يكەمدى قىزمەت ىستەۋ ءتاسىلى ارقىلى قالىپتى ەڭبەك ىستەۋگە ورنالاستىرسا، ەڭبەكشى قالىپتى ەڭبەكاقى ولشەمى بويىنشا ەڭبەكاقى تولەۋدى تالاپ ەتكەن بولسا، حالىق سوتى مەكەمەسى زاڭ بويىنشا قولداۋى كەرەك.
ۇعىسۋعا قاراعاندا، پىكىردە جۇمىستاندىرۋدى باستى ورىنعا قويۋ ساياساتىن تياناقتاندىرۋ، قوعامدىق قامسىزداندىرۋ جاعىنداعى داۋ – شارلار، ءۇيدى مايعا الۋ – مايعا بەرۋ توقتامىنا قاتىستى داۋ – شارلار، فينانستىق قارىز الۋ توقتامىنا قاتىستى داۋ – شارلار قاتارلى دەلولاردى ۇيلەسىمدى تەكسەرۋدى ىلگەرىلەتۋ؛ كەدەيلىكتەن ارىلعان جان سانىنىڭ ورنىقتى جۇمىستانۋىنا زاڭ بويىنشا قولداۋ كورسەتۋ، اۋىل – قىستاقتاعى ەڭبەككۇشتەردى باسقا سالاعا ويىستىرىپ جۇمىستاندىرۋدى ىلگەرىلەتۋ؛ ادىلدىكپەن جۇمىستانۋ ۇقىعىنا ساياتىن داۋ – شار دەلولارىن ۇيلەسىمدى تەكسەرۋ، ادام ىستەتۋشى ورىننىڭ جىنىسقا، وڭىرگە قاراي كەمسىتۋ ارەكەتىن باتىل تۇزەتىپ، جوعارى مەكتەپتەن وقۋ تاۋىسقانداردىڭ ءتۇرلى ارنالار ارقىلى يكەمدى كاسىپتەنۋىنە قولداۋ كورسەتۋ ايتىلعان.
پىكىردە مىنالار ايقىندالعان: جوعارى مەكتەپتەن وقۋ تاۋىسقان ستۋدەنت سىناق رەتىندە قىزمەتكە قاتىناسۋ مەزگىلىندە ىندەتتىڭ ىقپالى سەبەبىنەن جۇمىس ورنىنا كەلە الماعان جاعدايدا، ادام ىستەتۋشى ورىندى سىناق رەتىندە قىزمەتكە قاتىناستىرىپ باقىلاۋ ءتاسىلىن يكەمدى قولدانۋ ارقىلى ستۋدەنتتىڭ قىزمەتكە قابىلداۋ شارتىنا تولاتىن – تولمايتىنىن باعالاۋعا جەتەلەۋگە بولادى؛ يكەمدى باقىلاۋ ءتاسىلىن قولدانۋ ارقىلى سىناق رەتىندە قىزمەتكە قاتىناستىرىپ باعالاۋ ماقساتىنا جەتۋگە مۇمكىندىك بولماعان جاعدايدا، يكەمدى باقىلاۋ ءتاسىلىن قولدانۋ ارقىلى سىناق رەتىندە قىزمەتكە قاتىناستىرىپ باعالاۋ ماقساتىنا جەتۋگە مۇمكىندىك بولماعان مەرزىمدى ءاسىلى بەلگىلەنگەن سىناق رەتىندە قىزمەتكە قاتىناستىرۋ مەرزىمىنىڭ كولەمىنە قوسىپ ەسەپتەمەۋ جونىندە كەڭەسۋگە بولادى، ادام ىستەتۋشى ورىن سىناق رەتىندە قىزمەتكە قاتىناستىرۋ ۋاقىتىن سوزۋ ارقىلى زاڭدا بەلگىلەنگەن سىناق رەتىندە قىزمەتكە قاتىناستىرۋ مەرزىمىنىڭ جوعارعى شەگىن ءتۇرى وزگەرگەن فورمادا بۇزعان بولسا، حالىق سوتى مەكەمەسى قولدامايدى.
سونىمەن بىرگە، ەڭبەككە قاتىستى تالاس – تارتىس دەلولارىن ۇيلەسىمدى ءبىرجاقتى ەتۋ كەرەك، مەملەكەتتىڭ جۇمىستانۋعا، وندىرىسكە كەپىلدىك ەتۋ، جۇمىستى، ءوندىرىستى قالپىنا كەلتىرۋ قاتارلى ساياساتتارىن دايەكتى تياناقتاندىرىپ، جاڭا كەزەڭدەگى ىندەتتەن ساقتانۋ – تىزگىندەۋ جاعىنداعى ءتۇرلى شارالاردى دۇرىس مەڭگەرىپ، ىندەتكە ساياتىن ەڭبەككە قاتىستى تالاس – تارتىستاردى بايسالدىلىقپەن ءبىر جاقتى ەتىپ، ادام ىستەتۋشى ورىندار مەن ەڭبەكشىلەردىڭ ۇقىق – مۇددەلەرىن زاڭ بويىنشا قامتاماسىزداندىرۋ كەرەك؛ ەڭبەكشىلەردىڭ ۇيدە قىزمەت ىستەگەن نەمەسە يكەمدى قىزمەت ىستەگەن مەزگىلدەگى ەڭبەكاقىسىن تولەۋگە قاتىستى ماسەلەلەردى زاڭ بويىنشا جۇيەگە ءتۇسىرۋ قاجەت؛ ادام ىستەتۋشى ورىندار مەن ەڭبەكشىلەردى زاڭ بويىنشا كەڭەسۋگە بەلسەندى جەتەلەۋ ءارى وسىعان قولداۋ كورسەتۋ، قاتىستى شارالاردى قولدانىپ، قىزمەت ورنىن ورنىقتىرىپ، جاراسىمدى ەڭبەك قارىم – قاتىناسىن قالىپتاستىرۋدى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
