شينجياڭنىڭ تەمىر جول زات تاسىمال مولشەرى 200 ميلليون توننادان استى −
زات تاسىمالىنىڭ ساپاسىن جوعارىلاتىپ، مولشەرىن ارتتىرۋدىڭ جاڭا جاۋاپناماسىن جازدى
□ انار بۇلت \ شينجياڭ گازەتىنىڭ ءتىلشىسى لۋ فىڭباۋ
2022.12.26 16:32 كەلۋ قاينارى : شينجياڭ گازەتى
رەداكتوردان
2022 - جىلدىڭ وزگەشە مانگە يە جىل ەكەنى داۋسىز. وسى ءبىر جىل پارتيا 20 - قۇرىلتايى اشىلعان جىل، ”14 - بەسجىلدىق“ جوبانىڭ اتقارىلۋىنداعى شەشۋشى جىل؛ وسى جىلى باس شۋجي شي جينپيڭ تاعى دا كەلىپ شينجياڭدى كوزدەن كەشىردى، شينجياڭداعى قالىڭ كادرلار مەن بۇقارا كوسەمنىڭ تاپسىرماسىن ەستە بەرىك ساقتاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا كورىكتى شينجياڭ قۇرۋعا قۇلشىندى.
جىل سوڭىندا انار بۇلت \ شينجياڭ گازەتى ”شينجياڭ ەكونوميكاسىنداعى جارقىن تۇيىندەرگە نازار. 2022 - جىلعا قايىرىلا قاراۋ“ اتتى جالپى مەديا حابارلارىن شىعارىپ، كەستە، جارياناما كەسكىن سياقتى جالپى مەديا فورماسىمەن 2022 - جىلى شينجياڭ ەكونوميكا سالاسىندا قول جەتكىزگەن ماڭىزدى ناتيجەلەردى اداقتاپ، حاۋىپ - قاتەر، سىن - سايىستارعا توتەپ بەرۋ بارىسىندا قول جەتكىزگەن تابىستى تاجىريبەلەردى سالالاپ، شينجياڭ ەكونوميكاسىنىڭ جوعارى ساپالى دامىعان جاندى امالياتىن ايگىلەيدى. نازار سالعايسىزدار.
2022 - جىل − شينجياڭنىڭ تەمىر جول زات تاسىمالىندا مول ءونىمدى جىل بولدى.
بيىل جىل باسىنان بەرى، شينجياڭنىڭ تەمىر جول تاراۋلارى بازار ورايىن مىقتى يگەرىپ، نەگىزدىك قۇرىلعى دەڭگەيىن جوعارىلاتىپ، تاسىمالدىڭ كومەسكى كۇشىن ىسكە قوسىپ، زات تاسىمال مولشەرى ورنىقتى جوعارىلادى، 12 - ايدىڭ 23 - كۇنىنە دەيىن شينجياڭنىڭ تەمىر جول جىلدىق زات تاسىمال مولشەرى تۇڭعىش رەت 200 ميلليون توننادان اسىپ، تۇتاس جىلدىق نىسانا - مىندەتىن مەرزىمىنەن بۇرىن ورىندادى.
”تەمىر جول زات تاسىمال مولشەرىنىڭ ارتۋى شينجياڭ ەكونوميكاسىنىڭ دامۋىنا قۋاتتى قوزعاۋشى كۇش ۇستەدى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى زات تاسىمالى ءبولىمىنىڭ ورىنباسار مەڭگەرۋشىسى لي شيڭ. كورنەكتى ساندى مالىمەتتىڭ استارىندا، شينجياڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعىنىڭ پايداسىن تولىق شىعارعانى ايگىلەندى.
سۇرانىس كوبەيىپ، كومىردىڭ تاسىمال مولشەرى قاۋىرت ارتتى
”كومىر بازارىنىڭ سۇرانىسى مول بولىپ، ءوندىرىس قۋاتى جىلدام ارتىپ، تەمىر جول تاسىمالىنا ءبىرشاما جاقسى وراي ازىرلەندى“، - دەدى لي شيڭ.
12 - ايدىڭ 23 - كۇنى تۇستەن بۇرىن حۇڭليۋحى - نوم تەمىر جولى بايشىحۋ شىعىس بەكەتىنىڭ شىعىس اينالما جەلىسىندە پويەز باياۋ جىلجىپ، قامباداعى كومىر توبەسى اشىق ۆاگونعا ۇزدىكسىز تيەلىپ، ءبىر جارىم ساعات ۋاقىتتا تولتىرا كومىر تيەگەن پويەز جولعا شىعىپ، شينجياڭ سىرتىنداعى بازارعا بەتتەدى.
”ءبىز پاروۆوز ىستەرى، ماشينا ىستەرى، ۆاگون سياقتى تاراۋلارمەن تىعىز سايكەسىپ، تيەۋ - ءتۇسىرۋ اۆتوكولىگىن ۇيىمداستىرۋ قىزمەتىن كۇشەيتىپ، حۇڭليۋحى − جوماۋحۋ تيجارات ءبولىمى ءار كۇنى كومىر تيەيتىن پويەز سانىن 8دەن جۋىق مەزگىلدەگى 12دەن 14كە دەيىن كوبەيتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قۇمىل زات تاسىمالى ورتالىعى جوماۋحۋ تيجارات ءبولىمى پارتيا ياچەيكاسىنىڭ شۋجيى ما شياۋلەي.
بيىل جىل باسىنان بەرى، شينجياڭ شينجياڭ ىشىندەگى قامداۋدى قامتاماسىز ەتۋ مەن شينجياڭ سىرتىنداعى بازار سۇرانىسىن ءبىر تۇتاس جوسپارلاپ، باۋىرلاس ولكە، رايون، قالالاردىڭ كومىر پايدالانۋ سۇرانىسىنا قولداۋ كورسەتىپ، مەملەكەتتىڭ ەنەرگيا حاۋىپسىزدىگىن قامداۋدى قامتاماسىز ەتۋدىڭ كەلەلى جاعدايىنا قىزمەت وتەپ، كومىر ءوندىرۋ - ساتۋ جۇمىسى قاۋىرت بولدى.
جۇندۇڭ، جياڭجۇنمياۋ، قۇمىل سياقتى كومىر بايلىعى مول شوعىرلى وڭىرلەردە شينجياڭ تەمىر جول تاراۋلارى شينجياڭ ىشىندەگى 87 كاسىپورىندى كومىرمەن قامداۋدى ويداعىداي ىستەۋمەن قاتار، مەملەكەتتىك تەمىر جول توبىنىڭ ماڭىزدى قىزمەت ورنالاستىرۋ تالابىن تياناقتاندىرىپ، شينجياڭنىڭ كومىرىن سىرتقا تاسىمالداۋ سەرپىنىن ارتتىرىپ، توبەسى اشىق ۆاگونداردى، كومىر تاسيتىن توبەسى اشىق ارناۋلى پويەزداردى قاتىناتۋ سانىن مولايتىپ، حىشي كاريدورى، سىچۋان، چۇڭچيڭ سياقتى جەرلەرگە كومىر تاسۋ ءۇشىن جاسىل ارنا اشتى.
قۇمىل زات تاسىمال ورتالىعى حۋايۋانزى، ليۋشۋچۋان، جوماۋحۋ سياقتى 3 كومىر تيەۋ، تاسىمالداۋ نەگىزگى بەكەت تۇيىنىندە جۇمىسشىلار سانىن كوبەيتىپ، پويەزگە تيەۋ - ءتۇسىرۋ سياقتى ءارقايسى بۋىنداعى ۇيىمداستىرۋ، سايكەستىرۋدى كۇشەيتىپ، ءار كۇنى حىشي كاريدورى، يۇننان − گۇيجوۋ، سىچۋان سياقتى باعىتتا كومىر تاسيتىن ارناۋلى پويەز سانى 22گە جەتتى.
كەزەكتە شينجياڭ تەمىر جول تاراۋلارىنىڭ ءار كۇنى تۇتاستاي كومىر تاسيتىن 53 زات تاسىمال كەزەكشى پويەزى شينجياڭنىڭ كومىرىن سىرتقا تاسۋدا پويەزعا كومىر تيەيتىن 28 تۇيىننەن گانسۋ، سىچۋان، چۇڭچيڭ، يۇننان، چيڭحاي سياقتى جەرلەرگە اتتانادى، 12 - ايدىڭ 23 - كۇنىنە دەيىن شينجياڭنىڭ سىرتقا تاسىمالدانعان كومىرى 52 ميلليون 330 مىڭ توننا بولىپ، سايكەس مەزگىلدەگىدەن ％45.7 ارتتى. شينجياڭ تەمىر جولىنىڭ شينجياڭنىڭ كومىرىن تاسىمالداۋ بويىنشا قىزمەت وتەۋ كولەمى ۇزدىكسىز كەڭەيىپ، بۇرىنعى حىشي كاريدورىنان گانسۋ - چيڭحاي، سىچۋان - چۇڭچيڭ، يۇننان - گۇيجوۋ وڭىرىنەن بىرتىندەپ بۇكىل ەلدەگى 10 نەشە ولكە (رايون)، قالاعا دەيىن كەڭەيدى.
يقۋاتىن كەڭەيتىپ، تاسىمال قۋاتىن كورنەكتى جوعارىلاتتى
زات قاينارى جەتكىلىكتى، شينجياڭ تەمىر جول تاراۋلارى نەگىزدىك قۇرىلعى دەڭگەيىن زور كۇشپەن جوعارىلاتىپ، جەلى تاسىمالى مەن بەكەت تۇيىندەرىنىڭ قابىلداۋ - جونەلتۋ قۋاتىن ارتتىردى.
12 - ايدىڭ 23 - كۇنى تۇستەن كەيىن، 5000 توننا كومىر تيەلگەن پويەز ءۇرىمجى سولتۇستىك ۆوگزالىنان، جياڭجۇنمياۋ تەمىر جولى جۇندۇڭ ۆوگزالىنان شىعىپ، لانجوۋ - شينجياڭ تەمىر جولى ارقىلى سىچۋاننىڭ چىڭدۋىنا جەتكىزىلەدى.
ءۇرىمجى - جياڭجۇنمياۋ تەمىر جولىنىڭ جالپى ۇزىندىعى شامامەن 257 كيلومەتر، ءۇرىمجى سولتۇستىك ۆوگزالى مەن جۇندۇڭ كومىر الابىنىڭ جياڭجۇنمياۋ كەن رايونىن تۇتاستىرادى. جۋىق جىلداردان بەرى شينجياڭ تەمىر جول تاراۋلارى شينجياڭداعى باستاماشى كاسىپورىندار مەن ەلەكتر ستانسيالارىنىڭ ءوندىرۋ، ەلەكترمەن قامداۋداعى كومىرگە بولعان قاجەتىنە بار كۇشپەن قىزمەت وتەپ، ءۇرىمجى - جياڭجۇنمياۋ تەمىر جولىنىڭ يقۋاتىن كەڭەيتۋ، جاڭالاۋ ينجەنەرياسىن ۇزدىكسىز ىلگەرىلەتتى.
بيىل شينجياڭ تەمىر جول تاراۋلارى ىندەتتەن ساقتانۋدى، قۇرىلىس جۇرگىزۋدى جانە تاسىمالدى ءبىر تۇتاس جوسپارلاپ، ءۇرىمجى - جياڭجۇنمياۋ تەمىر جولىنىڭ يقۋاتىن كەڭەيتۋدى، جاڭالاۋدى جەدەل اتقاردى، 8 - ايدىڭ 15 - كۇنى ءۇرىمجىنىڭ سولتۇستىگىنەن گانچۋانپۋعا دەيىنگى تەمىر جولدىڭ يقۋاتىن كەڭەيتۋ، جاڭالاۋ جۇمىسى اياقتادى؛ 8 - ايدىڭ 26 - كۇنى ءۇرىمجى − جياڭجۇنمياۋ تەمىر جولىنىڭ قوس جەلىسى اشىلىپ، ىسكە قوسىلىپ، شينجياڭنىڭ كومىر تاسىمالىنداعى نەگىزگى ارنالاردىڭ قۋاتى زور دارەجەدە جوعارىلادى؛ 10 - ايدىڭ 3 - كۇنى ءۇرىمجىنىڭ سولتۇستىگىنەن گانچۋانپۋعا دەيىنگى بولىگىن ەلەكترلەندىرۋ - جاڭالاۋ ينجەنەرياسى ءساتتى اشىلىپ، شينجياڭنىڭ كومىر تاسىمالىنىڭ نەگىزگى ارنا قۋاتى ونان ارى ىسكە قوسىلدى؛ 11 - ايدىڭ 30 - كۇنى 2 جىلعا تاياۋ ۋاقىت جالعاسقان ءۇرىمجى - جياڭجۇنمياۋ تەمىر جولىنىڭ قوس جەلىلى ەلەكترلەندىرۋ يقۋاتىن كەڭەيتۋ، جاڭالاۋ ينجەنەرياسى دەرلىك اياقتادى.
ءۇرىمجى - جياڭجۇنمياۋ تەمىر جولىنىڭ يقۋاتىن كەڭەيتۋ، جاڭالاۋ جۇمىسى اياقتاعاننان كەيىن، ءار كۇنى قابىلداناتىن - جولعا شىعاتىن كەزەكشى پويەزدىڭ جۇپ سانى جالاڭ جەلى كەزىندەگى ەڭ جوعارى 55 جۇپتان 90 جۇپقا جوعارىلادى، قازىر ەڭ جوعارى بولعاندا 92 جۇپقا جەتتى.
ءۇرىمجى باتىس ۆوگزالى مەن ءۇرىمجى - جياڭجۇنمياۋ تەمىر جولى تۇتاسىپ، ءۇرىمجى − جياڭجۇنمياۋ تەمىر جولىن جاڭالاۋ ينجەنەرياسى اياقتاعاننان كەيىن، ماڭىزدى ورتالىق ۆوگزال رەتىندە، ءۇرىمجى باتىس ۆوگزالىنىڭ وتكىزۋ قابىلەتى دە وسىعان ىلەسە جوعارىلادى.
ءۇرىمجى باتىس ۆوگزالى شينجياڭ تەمىر جولىنىڭ قازىرگى ەڭ ۇلكەن قۇراستىرۋ پۋنكتى، نەگىزىنەن لانجوۋ - شينجياڭ لەنياسى، سولتۇستىك شينجياڭ لەنياسى، ءۇرىمجى - جياڭجۇنمياۋ لەنياسى باعىتىنداعى جۇك كەزەكشى پويەزدارىن قابىلداۋ - جونەلتۋ، قۇراما جاساقتاۋ، ءبولۋ جانە وزگەرتىپ قۇرۋ جۇمىستارىن ۇستىنە الادى. 2021 - جىلى كۇنىنە ورتا ەسەپپەن 16 مىڭ 641 جولاۋشى - جۇك جونەلتىپ، كۇنىنە ورتا ەسەپپەن 156 جۇپ پويەز جونەلتتى؛ 2022 - جىلدىڭ العاشقى جارتىسىندا كۇنىنە ورتا ەسەپپەن 17 مىڭ 913 جولاۋشى - جۇك جونەلتىپ، كۇنىنە ورتا ەسەپپەن 171 جۇپ پويەز جونەلتتى.
5 - ايدىڭ 17 - كۇنى ءۇرىمجى باتىس ۆوگزالىنىڭ يقۋاتىن كەڭەيتۋ، جاڭالاۋ ينجەنەرياسى جاپپاي باستالدى. 8 - ايدىڭ 31 - كۇنى ءۇرىمجى باتىس ۆوگزالىنىڭ يقۋاتىن كەڭەيتۋ، جاڭالاۋ ينجەنەرياسى ورىندالىپ، ءۇرىمجى باتىس ۆوگزالىنىڭ تاسىمال قۋاتى كۇنىنە ورتا ەسەپپەن 170 جۇپ پويەزدان 200 جۇپ پويەزعا جەتتى.
ءونىمدى ورنالاستىرىپ، تاسىمالدىڭ كومەسكى كۇشىن شىعاردى
”ءبىز پاراللەل تيەۋ ءادىسىن جالپىلاستىرۋ، تيەۋ ۋاقىتىن قىسقارتۋ ارقىلى جۇمىس ونىمدىلىگىن جوعارىلاتىپ، 24 ساعاتتىق جۇك تيەۋدى توقتاتپاۋعا كەپىلدىك ەتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى جۇك تاسىمال ورتالىعى ورنالاستىرۋ - قولباسشىلىق ەتۋ ورتالىعىنىڭ ورىنباسار مەڭگەرۋشىسى ۋاڭ لەي.
ءۇرىمجى زات تاسىمال ورتالىعى جۇمىس ءتارتىبىن ساپالىلاندىرىپ، تيەۋ الدىندا پويەز تەكسەرۋ − تيەۋ − تيەۋ سوڭىنان تەكسەرۋ سىندى ”تىزبەكتى ۇلاسپالى“ ءداستۇرلى جۇمىس ءادىسىن وزگەرتىپ، ”ىقشامداۋ“ ءارى ۇلاسپالى پاراللەل جۇمىس جۇرگىزۋدى قولداندى، ياعني پويەزعا تيەۋ اۋماعىندا پويەزعا تيەگەن كەزدە، كەيىنگى كەزەكشى پويەز ۇقساس ۋاقىتتا تيەۋدەن بۇرىن تەكسەرىلەدى؛ تيەۋ اۋماعىنان پويەز شىعىپ، تيەۋدەن كەيىنگى تەكسەرىلگەندە كەيىنگى پويەز تيەۋ اۋماعىنا كىرىپ، تيەۋ جۇمىسى جۇرىلەدى؛ 3 - كەزەكشى پويەز تيەۋدى كۇتۋ اۋماعىنا كىرىپ تەكسەرىلەدى، وسىلايشا اينالما جەلىنىڭ كۇندىك تيەۋ سانى كورنەكتى جوعارىلايدى.
شينجياڭ تەمىر جول تارماقتارى تاسىمال جاسىرىن كۇشىن كادەگە جاراتىپ، پويەزدىڭ قاتىناۋ جوباسىن ساپالىلاندىرىپ، ورنالاستىرۋ، تاسىمال، ماشينا ىستەرى، جۇك تاسىمالى قاتارلى تاراۋلار تىعىز سەلبەسىپ، كۇندەلىكتى كەزەكشى پويەز جوسپارىن ورىنداۋدى وزەك ەتىپ، جوسپار جاساۋ ساپاسىن جوعارىلاتىپ، كومىر، حيميا ونەركاسىبى قاتارلى ءتۇيىندى زاتتاردىڭ قاتىناۋ احۋالىن قاداعالاي مەڭگەرىپ، اۆتوموبيلدەردىڭ ورنالاستىرىلۋى، قىسقا تاسىمال قاتارلى جاقتاردا ساقتالعان ماسەلەلەردى ۋاعىندا سايكەستىرىپ، پويەزعا جۇك تيەۋگە ۇيىمداستىرۋدى ۇيلەسىمدى تەڭەستىرىپ، ءۇرىمجى - جياڭجۇنمياۋ تەمىر جولىنىڭ 6 اينالما جەلىسىندەگى پويەزعا جۇك تيەۋگە ۇيىمداستىرۋدى كۇشەيتىپ، ۆاگونداردىڭ اينالىمىن تەزدەتىپ، ءتىپتى دە كوپ تاسىمال كۇشىن ىسكە قوستى.
”تەمىر جول تاسىمالى وزىندىك قۇنى تومەن، قارقىنى تەز، تاسىمال قۋاتى زور، كۇنى - ءتۇنى جۇمىس ىستەيتىن باسىمدىققا يە، اسىرەسە، بيىل شينجياڭ تەمىر جولى باسىمدىعىن تولىق ساۋلەلەندىرىپ، تاسىمال ەكونوميكاسىن قالپىنا كەلتىرۋ بارىسىندا ماڭىزدى رول اتقاردى“، - دەدى لي شيڭ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
