شينجياڭ قۇلجا اۋدانىندا تۋىلعان التىن كەنى وپىرىلۋ شىرعالاڭىنا ۇشىراعانداردى قۇتقارۋعا قاتىستى ءتۇرلى قىزمەتتەر ورىستەتىلۋدە
2022.12.26 15:34 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى جاۋ گى، گاۋ حان 12 – ايدىڭ 25 – كۇنى ۇرىمجىدەن حابارلايدى. 12 – ايدىڭ 24 – كۇنى، شينجياڭ ۇيعۇر اۆتونوميالى رايونى ىلە قازاق اۆتونوميالى وبلىسى قۇلجا اۋدانىنداعى باتىس ءوڭىر التىن كەنى ىلە شەكتى جاۋاپكەرشىلىك سەرىكتەستىگىنىڭ التىن كەنىندە وپىرىلۋ شىرعالاڭى تۋىلعاننان كەيىن، شينجياڭ ۇيعۇر اۆتونوميالى رايونى قىزمەت ءبولىسى بويىنشا وسى سالانى باسقاراتىن اۆتونوميالى رايون باسشىسى باس جەتەكشى بولعان، باتىس ءوڭىر التىن كەنى ىلە شەكتى جاۋاپكەرشىلىك سەرىكتەستىگىندە 12 – ايدىڭ 24 – كۇنى تۋىلعان وپىرىلۋ شىرعالاڭىنا ۇشىراعانداردى قۇتقارۋعا جەتەكشىلىك ەتۋ ءبولىمىن دەرەۋ قۇرىپ، شىرعالاڭعا ۇشىراعانداردى قۇتقارۋ قىزمەتىن ۇيىمداستىردى ءارى ءبىرتۇتاس جەتەكشىلىك ەتتى. قازىر ءتۇرلى قۇتقارۋ قىزمەتتەرى ورىستەتىلۋدە.
12 – ايدىڭ 25 – كۇنى تاڭ ءسارى ساعات 2 دە، ىلە وبلىستىق كەنگە قاتىستى قۇتقارۋ جۇرگىزۋ بولىمشە اترەتى مەن كەن سەرىكتەستىگىنىڭ قىزمەتكەرلەرى جولدىڭ توسىلۋى، جەل اعىسى، گاز جاعدايى قاتارلىلارعا تەكسەرۋ جۇرگىزگەن. «شىرعالاڭ تۋىلعان جەردەگى بارلاۋعا جانە ادامنىڭ ورنىن تۇراقتاندىرۋ اسپابىنىڭ بەلگى بەرۋىنە قاراعاندا، قازىر كەن قۇدىعىنداعى ادامداردىڭ ناقتى ورنى تۇراقتاندىرىلعان ءارى كەن قۇدىعىندا اۋانىڭ الماسۋىنا كەپىلدىك ەتىلگەن. الايدا، كەن قۇدىعىنداعى جاعداي ءبىرشاما كۇردەلى بولعاندىقتان ءارى شىرعالاڭ تۋىلعان جەردىڭ توڭىرەگىندەگى تاۋ جىنىستارى ورنىقتى بولماعاندىقتان، قۇتقارۋ قىزمەتىنە ءبىرشاما زور قيىنشىلىق تۋدىرعان. قازىر 18 ادام دەرەكسىز كۇيدە»، — دەيدى شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگىنىڭ حاۋىپسىزدىك باس باقىلاۋشىسى لۋ ۋەي.
12 – ايدىڭ 25 – كۇنى تاڭ سارىدە، ءتىلشى ءىس تۋىلعان جەردەگى قۇتقارۋ ورنىندا قۇتقارۋشى قىزمەتكەرلەردىڭ 2500 شارشى مەتر كەلەتىن بۇرعىلاۋ تەكشەسىنەن 3 تەكشەنى ءتۇنى بويى تەگىستەپ بولعانىن ءارى جارىقتاندىرۋعا قاجەتتى ەلەكتر قۋاتى قۇرىلعىلارىن جالعاعانىن، حابارلاسۋ ارنالارىن كەڭەيتكەنىن، 120 نەشە توننا سالەركانى شۇعىل جوتكەپ اكەلگەنىن كورگەن.
شىرعالاڭ تۋىلعان سوڭ، قۇتقارۋ قىزمەتىنە جەتەكشىلىك ەتۋ ءبولىمى ءار دارەجەلى شۇعىل جاعدايعا توتەپ بەرۋ كۇشتەرىنەن 300 نەشە ادامدى، قۇتقارۋ اۆتوموبيلدەرىنەن 80 نەشە اۆتوموبيلدى، ءتۇرلى شۇعىل قۇتقارۋ اسپاپتارىنان 467 داناسىن تۇندەلەتە جوتكەپ اكەلگەن ءارى باتىس ءوڭىر بۇرعىلاۋ سەرىكتەستىگى، جۇڭگو مۇناي – تابيعي گاز توبى شەكتى سەرىكتەستىگى شينجياڭ مۇناي الاڭى بولىمشە سەرىكتەستىگى، اۆتونوميالى رايوندىق گەولوگيالىق كەن ءوندىرىسىن بارلاۋ – اشۋ مەكەمەسى قاتارلى تاراۋلاردان 6 بۇرعىلاۋ ماشيناسى مەن كاسىپتىك قىزمەتكەرلەردەن ۇيىمداسقان اترەتتى قۇتقارۋ قىزمەتى اتقارىلىپ جاتقان ورىنعا شۇعىل جوتكەپ اپارۋعا سايكەسكەن. سونىمەن بىرگە، قۇتقارۋ قىزمەتىنە جەتەكشىلىك ەتۋ ءبولىمى قۇتقارۋ جاعىنداعى مامانداردى، قاتىستى تاراۋلاردىڭ جاۋاپتىلارىن دەرەۋ جيىپ، «باتىس ءوڭىر التىن كەنى ىلە شەكتى سەرىكتەستىگىندە 12 – ايدىڭ 24 – كۇنى تۋىلعان وپىرىلۋ شىرعالاڭىنا قاتىستى قۇتقارۋ جوباسىن» زەرتتەپ بەكىتىپ، جۇمىس ىستەۋ تەكشەسىن قۇرۋ، بۇرعىلاۋ قىزمەتىن ورىستەتۋ، قامالىپ قالعان ادامداردىڭ تىرشىلىك بەلگىلەرىن تۇراقتاندىرۋ ءارى ەمدەۋ – قۇتقارۋ قاتارلى قىزمەتتەردى اتقارۋدىڭ ءتارتىبى مەن قۇتقارۋ شارالارىن ايقىنداپ، قۇتقارۋ قىزمەتىنىڭ عىلىمي، حاۋىپسىز، جوعارى ءونىمدى بولۋىنا كەپىلدىك ەتكەن.
ىلە وبلىسى حابارلاسۋعا كەپىلدىك ەتۋ ماشينالارىن شىرعالاڭ تۋىلعان جەرگە جەتكىزىپ، يدۇڭ، ليانتۇڭ، ديانشين حابارلاسۋ ارنالارىنىڭ سيىمدىلىعىن كەڭەيتىپ، شىرعالاڭ تۋىلعان جەردەگى حابارلاسۋ ينتەرنەتىنىڭ ورنىقتى دا ىركىلىسسىز بولۋىنا كۇش سالا كەپىلدىك ەتكەن، وبلىس پەن اۋدانداعى ەلەكتر قۋاتى سەرىكتەستىگىنىڭ قىزمەتكەرلەرىن ۇيىمداستىرىپ، جارىقتاندىرۋعا قاجەتتى ەلەكتر قۋاتى قۇرىلعىلارىن دەرەۋ جالعاعان. ماقتالى شاتىر، بۇكتەمەلى توسەك، كورپە – جاستىق، ماقتالى قاپتال شاپان، ماقتالى باس كيىم جانە شۇعىل جاعدايدا جارىقتاندىرۋ قۇرىلعىلارى قاتارلى زاتتاردى شۇعىل جوتكەپ اپارعان.
12 – ايدىڭ 24 – كۇنى ساعات 13 تەن 40 مينۋت وتكەندە، شينجياڭ ىلە قازاق اۆتونوميالى وبلىسى قۇلجا اۋدانىنداعى باتىس ءوڭىر التىن كەنى ىلە شەكتى جاۋاپكەرشىلىك سەرىكتەستىگىندە (بۇرىنعى اتى اشى التىن كەنى) ءوندىرىس بارىسىندا كەن قۇدىعى وپىرىلۋ سىندى شىرعالاڭ تۋىلعان، شىرعالاڭ تۋىلعان كەزدە كەن قۇدىعىندا جيىنى 40 ادام جۇمىس ىستەپ جاتقان، ولاردان 22 ادام كەن قۇدىعىنان حاۋىپسىز شىققان، 18 ادام قامالىپ قالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
