توراپتا تاراعان «قۇبىر سۋى بولىمدى بولۋ» دەگەنگە جاۋاپ قايتاردى!
2022.12.26 14:20 كەلۋ قاينارى : حالىق تورابى
تاياۋدا ءمالىم ۋيچات تەكشەسىندە جاريالانعان، شىندىققا جاناسپايتىن «ءبىزدىڭ ءۇيدىڭ قۇبىر سۋى نەلىكتەن بولىمدى بولىپ شىقتى؟» دەگەن حاباردى جۇرت جابىلا وقىپ، ءوزارا تاراتتى. بەيجيڭ قالالىق قۇبىر سۋ توبى «قۇبىر سۋى بولىمدى بولدى» دەگەننىڭ جالعان ينفورماتسيا ەكەندىگىن، كوپشىلىكتىڭ سەنبەۋىن ەسكەرتتى.
وسى الەۋمەتتىك ۋيچات تەكشەسىنىڭ ماقالاسىندا ايتىلۋىنشا، الدىمەن انتيگەن تەكسەرۋ قالبىرىنداعى تامشىلاتقىش تۇتىكشەنى قۇبىر سۋىنا سالىپ، ونان سوڭ ونى انتيگەن سىناق تاقتاسىنا تامىزعان، تەكسەرۋ ناتيجەسىندە ەكى سىزىق پايدا بولعان، سوندىقتان قۇبىر سۋى بولىمدى بولدى دەگەن قورتىندى شىعارعان.
بەيجيڭ قالالىق قۇبىر سۋ توبى بىلاي دەدى: ءىس جۇزىندە، قۇبىر سۋى، كوكا - كولا، اپەلسين شىرىنى سياقتى باسقا سۇيىقتىقتار ادام دەنەسىنە مۇلدە ۇقسامايدى، ونى سىناق سۇيىقتىعىنا قۇيسا، انتيگەندەگى سىناق سۇيىقتىعىنىڭ قۇرامىن بۇلدىرەدى. تاعى دا سىناققا سالۋ تەسىگىندەگى رەاكسيادان كەيىن تۋىلعان ءارقانداي ءتۇس وزگەرىسىنىڭ ناتيجەسىن پايدالانۋعا بولمايدى.
تانىستىرۋعا قاراعاندا، وسىدان بۇرىن كوپتەگەن بەدەلدى ماماندار ءارقانداي ءونىمنىڭ تۇسىندىرمەسى بويىنشا تەكسەرىلمەگەن انتيگەننىڭ ناتيجەسى كۇشكە يە ەمەس ەكەندىگىن، انتيگەن ارقىلى قۇبىر سۋى، كوكا - كولا سياقتى ادام دەنەسىنە جاتپايتىن ۇلگىلەردى تەكسەرۋ، مۇنداي تاجىريبەلەر سىناق قالبىرىنىڭ سەنىمدى - سەنىمسىزدىگىنە تۇجىرىم جاساي المايتىندىعىن ءارى قۇبىر سۋىنىڭ حاۋىپتى – حاۋىپسىزدىگىنە تۇجىرىم جاساي المايتىندىعىن بىلدىرگەن.
بەيجيڭ قالالىق قۇبىر سۋ توبى بىلاي دەدى: جاڭا تيپتى ايدارشا ۆيرۋسى وتە ءالسىز. قۇبىر سۋىن زاۆودتان شىعارۋدان بۇرىن حلور قوسىپ ديزەنفەكسيالايدى، ونىڭ ۇستىنە زاۆودتان شىققان سۋدا بەلگىلى قالدىق حلور مولشەرىن ساقتاپ، باكتەريا مەن ۆيرۋستى ۇزدىكسىز جويىپ، قۇبىر سۋىنىڭ حاۋىپسىز، سەنىمدى بولۋىنا كەپىلدىك ەتەدى. مەملەكەتتىڭ تۇرمىستىق اۋىز سۋدىڭ تازالىق ولشەمىندەگى بەلگىلەمەگە نەگىزدەلگەندە، قۇبىر سۋى زاۆودىنان شىعاتىن سۋداعى قالدىق حلور ليترىنە 0.3 تە 4 ميلليگرام ارالىعىندا بولادى؛ قازىر بەيجيڭ قالالىق قۇبىر سۋ توبىنىڭ سۋ زاۆودتارىنان شىققان سۋداعى قالدىق حلور ليترىنە 0.4 تە 0.9 ميلليگرام ارالىعىندا، مەملەكەت ولشەمىندە بەلگىلەنگەن كولەمدە تىزگىندەلگەن. بەيجيڭ قالاسىنىڭ قۇبىر سۋ توبى وندىرگەن قۇبىر سۋى حاۋىپسىز، سەنىمدى بولىپ، كوپشىلىكتىڭ الاڭسىز تۇتىنۋىنا بولاتىندىعىن ايتتى.
حاۋىپسىز ولشەمگە جەتكەن قۇبىر سۋى جاڭا تيپتى ايدارشا ۆيرۋسىنىڭ تارالۋ جولىنا اينالمايدى. بەيجيڭ قالالىق قۇبىر سۋ توبى عىلىمي تانىمدى تەرەڭدەتىپ، جالعان ينفورماتسيالارعا الدانىپ جاڭساقتىق تۋدىرماۋدى، سۋدى عىلىمي، حاۋىپسىز پايدالانۋعا كەپىلدىك ەتۋدى، سونىمەن بىرگە وسەك - اياڭ تاراتپاۋدى، وسەك - اياڭعا سەنبەۋدى باتىل ورىنداۋدى ەسكەرتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
