12 تاراۋ 2023 – جىلعى كوكتەم مەرەكەسى مەزگىلىندە «شارۋا جۇمىسكەرلەردى كوكتەم شۋاعىنا بولەۋ» اتتى قىزمەت وتەۋ قيمىلىن ورىستەتەدى
2022.12.21 15:44 كەلۋ قاينارى : حالىق تورابى
حالىق گازەتىنىڭ ءتىلشىسى يە زى 12 – ايدىڭ 20 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قوعام حاۋىپسىزدىگى مينيسترلىگى، حالىق ىستەرى مينيسترلىگى قاتارلى 12 تاراۋ «2023 – جىلعى كوكتەم مەرەكەسى مەزگىلىندە ‹شارۋا جۇمىسكەرلەردى كوكتەم شۋاعىنا بولەۋ› اتتى قىزمەت وتەۋ ارەكەتىن ورىستەتۋ جونىندەگى ۇقتىرۋدى» باسىپ تاراتىپ، شارۋا جۇمىسكەرلەردىڭ ساپارلاۋى، جۇمىستانۋى، كىرىسى قاتارلى جاقتارعا ساياتىن ءبىرقىدىرۋ مەيىرگە تولى شارالار جونىندە ورنالاستىرۋ جاساعان.
ۇقتىرۋدا مىنالار ايتىلعان: قاتىناس، تەمىر جول قاتارلى تاراۋلار جاسىل ءدالىز اشىپ، شارۋا جۇمىسكەرلەردىڭ اۆتوبۋز بەلەتىن، پويەز بەلەتىن شوعىرلى تۇردە ساتىپ الۋىنا قولايلىلىق جاراتۋى كەرەك. سىرت جەرگە بارىپ جۇمىس ىستەپ كەدەيلىكتەن ارىلعان ادامدارعا بەرىلەتىن قاتىناس قوسىمشا قاراجاتىن بەلگىلەمە بويىنشا تياناقتاندىرۋ كەرەك. ىندەتتەن ساقتانۋ – تىزگىندەۋ تالابىن ءبىرتۇتاس جوسپارلاپ ويلاستىرىپ، مەرەكەنىڭ الدىندا سىرت جەردە جۇمىس ىستەپ جاتقانداردىڭ شوعىرلى تۇردە اۋىلىنا قايتۋىنا، مەرەكەدەن كەيىن جۇمىس ىستەيتىن جەردى تۇراقتاندىرعان سوڭ شوعىرلى تۇردە سىرت جەرگە شىعىپ جۇمىس ىستەيتىن شارۋا جۇمىسكەرلەرگە باعىتتاي وتىرىپ، ءىس جۇزىندىك زارۋلىكتەرىنە قاراي ەكى ورىن اراسىندا تىكەلەي قاتىنايتىن مايعا العان اۆتوموبيلدى جۇرگىزۋ، ارناۋلى پويەزدى (ۆاگون) ىسكە قوسۋ قاتارلى تاسىمال جاعىندا قىزمەت وتەۋ تۇرلەرىن ازىرلەۋ كەرەك.
ۇقتىرۋدا مىنالار تالاپ ەتىلگەن: مەرەكەنىڭ الدىندا مەرزىمىنەن بۇرىن اۋىلىنا قايتاتىن، مەرەكەدەن سوڭ كەشىگىپ جۇمىسقا شىعاتىن شارۋا جۇمىسكەرلەردى باستى ءتۇيىن ەتە وتىرىپ، يكەمدى كۇيدەگى باقىلاۋ مەن تالداۋ جاساۋدى كۇشەيتىپ، شارۋا جۇمىسكەرلەردىڭ جۇمىستانۋىنا قىزمەت وتەۋدى باعىتتامالى تۇردە كۇشەيتۋ كەرەك. كەدەيلىكتەن ارىلعان جان سانىن الدىمەن جۇمىستاندىراتىن كومەكتەسۋ وبيەكتىسى رەتىندە قاراپ، ولاردىڭ تەزىرەك جۇمىستانۋىنا كومەكتەسۋ كەرەك. كوكتەم مەرەكەسى مەزگىلىندەگى دەمالىستان پايدالانىپ، شارۋا جۇمىسكەرلەردىڭ ونەر ۇيرەنۋگە دەگەن تىلەكتەرىن ۇعىسىپ، شارۋا جۇمىسكەرلەردى ءىس جۇزىندىك زارۋلىكتەرگە ساي ينتەرنەت ارقىلى جانە ينتەرنەتتەن تىس تاسىلدەر ارقىلى ونەر ۇيرەنۋ كۋرستارىنا قاتىناسۋعا شابىتتاندىرۋ كەرەك.
ۇقتىرۋدا تاعى دا مىنالار ايتىلعان: جەر – جەردەگى ادام كۇشى بايلىعى جانە قوعامدىق قامتاماسىزداندىرۋ تاراۋلارى كاسىپورىنداردىڭ جۇمىسكەرلەردى زاڭعا، بەلگىلەمەگە ۇيلەسىمدى تۇردە ىستەتۋىنە جەتەكشىلىك ەتۋى، شارۋا جۇمىسكەرلەردىڭ ۇقىقتارىن قامتاماسىزداندىرۋ جولىن ىركىلىسسىزدەندىرۋى، زاڭعا قايشىلىق جاساعانداردى جازالاپ ساقتاندىرۋى كەرەك، شارۋا جۇمىسكەرلەردىڭ ەڭبەكاقىسىنا قاتىستى تالاس – تارتىستارعا «جەدەل دەلو تۇرعىزۋ، جەدەل راقايلاستىرۋ، جەدەل تەكسەرۋ، جەدەل ءبىتىرۋدىڭ» ۇزاق مەرزىمدىك ءونىمدى مەحانيزمىن تياناقتاندىرىپ، شارۋا جۇمىسكەرلەردىڭ ەڭبەكاقىسى قاتارلىلارعا قاتىستى ۇقىق – مۇددەلەرىن ويداعىداي قورعاۋى كەرەك. شارتقا ۇيلەسەتىن شارۋا جۇمىسكەرلەرگە دەر كەزىندە جۇمىسسىزدىققا بايلانىستى قامسىزداندىرۋ قاراجاتىن تاراتىپ، شۇعىل، قيىن جاعدايعا جولىققانداردى سۇيەمەلدەۋدى كۇشەيتىپ، پەرزەنتتەرى سىرت جەرگە كەتكەن قارتتارعا، اتا – اناسى سىرت جەرگە كەتكەن بالالارعا قامقورلىق جاساۋدى، كومەكتەسۋدى ويداعىداي ىستەۋ كەرەك.
ۇقتىرۋدا مىنالار تالاپ ەتىلگەن: ىندەتتەن ساقتانۋ – تىزگىندەۋ جونىندەگى بىلىمدەردى كەڭىنەن ۇگىتتەپ، شارۋا جۇمىسكەرلەردىڭ ۆاكسينا ەكتىرۋىنە قولايلىلىق جاراتىپ، اۋىلىنا قايتقان شارۋا جۇمىسكەرلەردىڭ دەنساۋلىعىن تەكسەرۋ قاتارلى قىزمەتتەردى ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
