ورنىقتىلىق بارىسىندا ىلگەرىلەپ، شىنايى يگەرىپ، ناقتى ىستەپ، شينجياڭنىڭ جوعارى ساپالى دامۋىنىڭ تىڭ تاراۋىن جازامىز
− ورتالىقتىڭ ەكونوميكالىق قىزمەت ءماجىلىسى رايونىمىزدا قىزۋ اڭىس قوزعادى
2022.12.19 14:06 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى
ەندى عانا اياقتاعان ورتالىقتىڭ ەكونوميكالىق قىزمەت ءماجىلىسى بيىلعى ەكونوميكالىق قىزمەتتى مۇقيات قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، كەلەر جىلعى ەكونوميكالىق قىزمەتكە جاپپاي ورنالاستىرۋ جاسادى. بۇل پارتيا 20 - قۇرىلتايىنان كەيىن ورتالىق كوميتەت اشقان ءبىر رەتكى اسا ماڭىزدى ءماجىلىس بولىپ، رايونىمىزداعى ءار ۇلت كادرلارى مەن بۇقارا اراسىندا قىزۋ اڭىس قوزعادى.
كوپشىلىك مىنالاردى ءبىلدىردى: باس شۋجي شي جينپيڭنىڭ ماجىلىستە سويلەگەن ماڭىزدى ءسوزى بەتالىستى ايقىن كورسەتىپ، سەنىمگە دەم بەرىپ، ەكپىندەي ىلگەرىلەۋگە جىگەرلەندىردى. يدەيا مەن ارەكەتتى پارتيا 20 - قۇرىلتايىنىڭ رۋحىمەن جانە پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ورنىقتىلىقتى الدىڭعى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، سەنىمدى بەكەمدەپ، شىنايى يگەرىپ، ناقتى ىستەپ، ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداپ، شينجياڭنىڭ جوعارى ساپالى دامۋىن كۇش سالا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاۋعا، قادامدى جاقسى باسۋعا كۇش قوسامىز.
ناتيجە وڭاي - وسپاق قولعا كەلگەن جوق، دامۋ سەنىمىن بەكەمدەيمىز
2022 - جىلى اساۋ تولقىندى حالىقارالىق ورتا جانە جاپالى دا ماشاقاتتى ەل ءىشىنىڭ رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىققا قارسى اتتانىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتادى.
”ءبىز وسى جىلعى ناتيجەنىڭ وڭاي - وسپاق كەلمەگەندىگىن، بارىنشا قاستەرلەۋگە تاتيتىندىعىن تەرەڭ سەزىندىك“. اقسۋ ايماقتىق پارتكومنىڭ شۋجيى ۋاڭ گاڭ بىلاي دەدى: بيىل اقسۋ ايماعى اۋىل - قىستاقتى گۇلدەندىرۋ، ساۋداگەر شاقىرىپ قارجى ەنگىزۋ، نىسان قۇرىلىسى سياقتى جاقتاردا تىڭ سەرپىلىس جاساپ، جوعارى ساپالى دامۋ جولىندا بەلگىلى ناتيجەگە قول جەتكىزدى، تۇپتەپ كەلگەندە، بۇل باس شۋجي شي جينپيڭنىڭ جول باستاپ، رول ۇستاۋىنىڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى.
بيىل جىل باسىنان بەرى، بۇكىل رايون جوعارىدان تومەنگە دەيىن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ءتۇرلى حاۋىپ - قاتەرلەر مەن سىن - سايىستارعا بەلسەنە توتەپ بەرىپ، استىق، ماقتا، كوكونىس سياقتى ماڭىزدى اۋىل شارۋاشىلىعى ونىمدەرىنەن تاعى دا مول ءونىم الدى. اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى كەڭسەسىنىڭ ارناۋلى مىندەتتەگى ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ بىلاي دەدى: ورتالىقتىڭ ەكونوميكالىق قىزمەت ءماجىلىسىنىڭ تالابى بويىنشا، استىق حاۋىپسىزدىگىن قامتاماسىز ەتۋ جانە كولەمدى قايتا كەدەيلەسۋدىڭ تۋىلماۋى سىندى ”ەكى تومەنگى شەكتى“ مىقتاپ ساقتاپ، استىق ءوندىرىسى قۇرىلىمىن ساپالىلاندىرىپ، استىق جيناۋ، ساقتاۋ، رەتتەۋ - مەڭگەرۋ قابىلەتىن جوعارىلاتىپ، مەملەكەتتىڭ استىق حاۋىپسىزدىگىنە كوبىرەك ۇلەس قوسامىز.
جاڭا داۋىردەگى 10 جىلدا شينجياڭ مۇلدەم كەدەيلىك ماسەلەسىن تاريحي سيپاتتى شەشىپ، بۇكىل ەلمەن بىرگە دەر كەزىندە جاپپاي دوڭگەلەك داۋلەتتى قوعام ورناتتى. ”اماليات پەن ناتيجە مىنانى تولىق ايگىلەدى: ءبىز، ءسوز جوق، ’ەكىنى تۇراقتاندىرۋدى‘ اناعۇرلىم سانالى تۇردە باتىل قولداپ، ’ەكىنى قورعاۋدى‘ باتىل ورىنداپ، باستان - اياق باس شۋجي شي جينپيڭ نۇسقاعان بەتالىسپەن ەرلىكپەن العا باسۋىمىز كەرەك“، - دەدى التاي ايماقتىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى ۋاڭ شياۋجين.
كەزەكتە ەلىمىز ەكونوميكاسىنىڭ قالپىنا كەلۋى ءدوپ كەلىپ وتىرعان ءۇش قابات قىسىم ءالى دە ءبىرشاما زور بولعانىمەن، ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى، ءتۇرلى ساياساتتاردىڭ ونىمدىلىگى ءۇرتىس كورنەكتىلەنىپ كەلەدى، كەلەر جىلعى ەكونوميكالىق اينالىمنىڭ جالپى تۇلعالىق جاقتان قايتا ورلەۋىنەن ءۇمىت بار. ءماجىلىس جەتكىزگەن وسى قۋانىشتى حابارلار كوپشىلىكتىڭ سەنىمىن ارتتىردى. اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) ەكونوميكا وقىتۋ - زەرتتەۋ ءبولىمىنىڭ مەڭگەرۋشىسى، پروفەسسور جۋ حۇي مىنالاردى ءبىلدىردى: جەر - جەر دامۋ سەنىمىن بەكەمدەپ، ءماجىلىس رۋحىن شىن مانىندە شينجياڭنىڭ ەكونوميكالىق، قوعامدىق دامۋىنىڭ ءار جاعىندا، جالپى بارىسىندا دايەكتىلەندىرۋى، تياناقتاندىرۋى كەرەك.
ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋگە تاباندى بولامىز
ءماجىلىس ”ارتۋدى ورنىقتىرۋ، جۇمىستاندىرۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە جاقسى ىستەۋدى“ باسا دارىپتەپ، مىنالاردى تالاپ ەتتى: كەلەر جىلى ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ماكرولىق ساياساتتى رەتتەۋ - مەڭگەرۋ تەبىنىن ارتتىرىپ، ءتۇرلى ساياساتتاردىڭ سايكەسۋىن، ۇيلەسۋىن كۇشەيتىپ، جوعارى ساپالى دامۋدى بىرگە جەبەيتىن بىرىككەن كۇش قالىپتاستىرۋ كەرەك.
”ءماجىلىس ارقىلى ’ورنىقتىلىقتىڭ‘ كەلەر جىلعى ەكونوميكالىق قىزمەتتەگى وزەكتى كىندىك ءسوز ەكەندىگىن ايقىن سەزىنە الامىز“. ءۇرىمجى قالالىق ساياسي كەڭەستىڭ تۇراقتى مۇشەسى، جۇڭگو دەموكراتيالىق مەملەكەت قۇرۋ قوعامى ءۇرىمجى قالالىق كوميتەتىنىڭ ورىنباسار مەڭگەرۋشى مۇشەسى ۋاڭ چاڭحۋا بىلاي دەپ قارادى: ءماجىلىس بەلسەندى قازىنا ساياساتىنىڭ ونىمدىلىگىن كۇش سالا جوعارىلاتۋدى، ورنىقتى، اقاۋسىز اقشا ساياساتىنىڭ دالمە - ءدال، پارمەندى بولۋىن ايقىن العا قويدى. مەجەمەن كەيىنگى قازىنا، اقشا، كاسىپ سالاسى، عىلىم - تەحنيكا، قوعامدىق ساياسات سياقتىلارعا ۇزدىكسىز كۇش سالىنادى، ءتۇرلى ساياساتتاردىڭ جەبەۋىندە، كەلەر جىلى ءۇرىمجى قالاسىنىڭ اناعۇرلىم تەز، اناعۇرلىم جاقسى دامۋعا قول جەتكىزەتىندىگىنە سەنەمىن.
”عىلىم - تەحنيكادا جاڭالىق اشۋ − ەكونوميكانىڭ جوعارى ساپالى دامۋىن ىلگەرىلەتۋدىڭ قۇدىرەتتى قوزعالتقىشى“. اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى سۇن يۇڭجيان بىلاي دەدى: ورتالىقتىڭ ەكونوميكالىق قىزمەت ماجىلىسىندە عىلىم - تەحنيكا ساياساتىندا نازاردى ءوز كۇشىنە سۇيەنۋگە، ءوزىن الۋەتتەندىرۋگە شوعىرلاندىرۋ ورتاعا قويىلدى. ءبىز اۆتونوميالى رايون ءتۇيىندى تۇردە جەتىلدىرەتىن ”سەگىز ءىرى كاسىپ سالاسى شوعىرىن“ ارقاۋ ەتىپ، ءبىر توپ كەلەلى عىلىم - تەحنيكا نىساندارىن ورنالاستىرىپ، اتقارىپ، ساياساتتىق سۇيەمەلدەۋ ارقىلى جوعارى، جاڭا تەحنيكا كاسىپورىندارىن، عىلىم - تەحنيكالىق ورتا، شاعىن كاسىپورىنداردى جەتىلدىرۋ تەبىنىن ارتتىرىپ، عىلىم - تەحنيكالىق جەتەكشى كاسىپورىنداردىڭ باستاماشىلدىقپەن جۇيەلىلەنگەن، مىندەت سيپاتتى جاڭالىق اشۋ بىرلەسكەن تۇلعاسىن قۇرۋىنا قولداۋ كورسەتىپ، بۇكىل رايون ەكونوميكاسىنىڭ جوعارى ساپالى دامۋىن ىلگەرىلەتۋگە جاڭا جارىس جولىن اشىپ، جاڭا قوزعاۋشى قۋات ۇستەيمىز.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ شو مىنالاردى ءبىلدىردى: جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى دەڭگەيدە سىرتقا ەسىك اشۋدى ىلگەرىلەتىپ، جوعارى دەڭگەيدە ەسىك اشۋ ارقىلى تەرەڭ قاتپارلى رەفورمانى جەبەۋ دە رايونىمىزدىڭ جوعارى ساپالى دامۋىن جۇزەگە اسىرۋعا دەم بەرۋدىڭ ماڭىزدى جولى سانالادى. كەلەسى قادامدا، ساۋدا فۋنكتسياسىن تياناق ەتىپ، وسى زامانعى اينالىم جۇيەسى قۇرىلىسىن ۇزدىكسىز ىلگەرىلەتىپ، تۇتىنۋدىڭ ەكونوميكانىڭ دامۋىنداعى نەگىزدىك رولىن كۇشەيتىپ، جوعارى دەڭگەيدە سىرتقا ەسىك اشۋدى اناعۇرلىم ىلگەرىلەتىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ كەرەك.
جەمسارى اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اكىم ۋ شينجياڭ بىلاي دەدى: كەلەر جىلى ورنىقتىلىق بارىسىندا ىلگەرىلەپ، قىزمەتتى ويداعىداي يگەرىپ، اۋدان كولەمىندەگى ونەركاسىپ باقشا رايونىنىڭ نەگىزدىك قۇرىلعى قۇرىلىسىن جەدەلدەتىپ، فاكتورلاردىڭ باقشا رايونىنا شوعىرلانۋىن، كاسىپورىنداردىڭ باقشا رايونىنا شوعىرلانۋىن، كاسىپ سالاسىنىڭ باقشا رايونىنا شوعىرلانۋىن ىلگەرىلەتىپ، باقشا رايونىنىڭ ەكونوميكالىق كولەمىن ونان ارى زورايتامىز.
باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، كەلەر جىلعى قىزمەتتەردى ويداعىداي ىستەيمىز
كەلەر جىلعى ەكونوميكالىق قىزمەت كۇردەلى بولادى، كوپشىلىك باتىلدىقپەن جاۋاپكەرشىلىك ارقالاپ، شەبەرلىكپەن ءىس تىندىرىپ، ناقتى جاعدايدى تەكسەرىپ، قىزمەتتەردى ارقاۋدى نەگىز ەتە وتىرىپ ويداعىداي ىستەپ، دايەكتىلەندىرۋدى، تياناقتاندىرۋدى جاسامپازدىقپەن ويداعىداي يگەرەتىندىكتەرىن ءبىلدىردى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ 2 - دارەجەلى شارلاۋشىسى يان جياڭبين مىنالاردى ءبىلدىردى: ءبىز ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، ەكونوميكادا ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن اناعۇرلىم ويداعىداي ءبىر تۇتاس جوسپارلاپ، ەرەكشە باسىمدىققا يە كاسىپ سالالارىنىڭ شوعىرلى دامۋىن قولدايتىن ساياسات - شارالاردى شىعارىپ، ”سەگىز ءىرى كاسىپ سالاسى شوعىرىنىڭ“ دامۋىن، زورايۋىن، ساپالىلانۋىن، كۇشەيۋىن ىلگەرىلەتىپ، كاسىپ سالالارىنىڭ زەردەلىلەنۋ، جاسىلدانۋ، جوعارى دەڭگەيلى دامۋ ورەسىن ۇزدىكسىز جوعارىلاتىپ، شينجياڭ ەرەكشەلىگىنە يە، ءار ۇلت بۇقاراسىنا تيىمدىلىك جەتكىزەتىن، وسىزاماندانعان كاسىپ سالاسى جۇيەسىن جەدەل قۇرامىز.
ءماجىلىس ”ەكىدەن تيتتەي دە اۋىتقىماۋدى“ شىن مانىندە تياناقتاندىرۋ كەرەكتىگىن العا قويدى. بۇل اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى لۋ ۋيدۇڭدى ايرىقشا جەلپىندىردى: ”ءبىز ءماجىلىستىڭ رۋحىن ىشكەرىلەي دايەكتىلەندىرىپ، كاسىپورىنداردىڭ جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا توتەپ بەرۋىنە بەلسەنە كومەكتەسىپ، كاسىپورىنداردىڭ قيىن ماسەلەلەرىن شەشىپ، ناقتى ىستەر ىستەپ، حالىقتىق شارۋاشىلىق پەن حالىقتىق كاسىپورىنداردىڭ دامىپ، زورايۋىنا اناعۇرلىم شابىت بەرىپ، قولداۋ كورسەتەمىز“.
چارقىلىق اۋدانىنىڭ جاڭا ماتەريالدار كاسىپ باقشاسىندا شينجياڭ ەنەرگيا توبىنىڭ جوعارى عىلىم - تەحنيكالىق ساڭلاۋسىز نانومەترلىك ميكرو كريستال ماتەريال نىسانى جەدەل سالىنۋدا. ”ورتالىقتىڭ ەكونوميكالىق قىزمەت ءماجىلىسى ءبىزدىڭ كەلەر جىلعى قىزمەتتەردى ويداعىداي ىستەۋىمىزگە ايقىن بەتالىس كورسەتتى“. چارقىلىق اۋداندىق دامۋ جانە رەفورما كوميتەتىنىڭ مەڭگەرۋشىسى لۋ نيڭحاي مىنالاردى ءبىلدىردى: شىنايى يگەرىپ، ناقتى ىستەپ، اۋدان كولەمىندەگى ونەركاسىپ قۇرىلىس نىساندارىن ۇزدىكسىز ويداعىداي يگەرىپ، تۇتاس اۋدان ەكونوميكاسىنىڭ جوعارى ساپالى دامۋىن ىلگەرىلەتەمىز.
اۆتونوميالى رايوندىق ەنەرگيا حاۋىپسىزدىگىن باقىلاۋ - ولشەۋ ورتالىعى پارتكومىنىڭ شۋجيى جاڭ فىڭ مىنالاردى ءبىلدىردى: ءبىز ءماجىلىس رۋحىن شىنايى تياناقتاندىرىپ، اۆتونوميالى رايوننىڭ ەنەرگيا ۇلكەن ساندى مالىمەت تۇعىرى قۇرىلىسىن جەدەل ىلگەرىلەتىپ، ەنەرگيا ءوندىرىسى، تاسىمال، زاپاس ساقتاۋ، باعا، يمپورت - ەكسپورت، تۇتىنۋ، سونداي - اق جوعارى - تومەن بۋىندارداعى قاتىستى كاسىپتەرگە ساناق جۇرگىزىپ، تالداۋ جاساپ ءارى باقىلاۋ - ولشەۋ، ساقتاندىرۋ جۇرگىزىپ، رايونىمىزدىڭ ەنەرگيا حاۋىپسىزدىگى اينالىمىن قورعايمىز.
مەملەكەتتىك سالىق باس مەكەمەسى بۇراتالا موڭعۇل اۆتونوميالى وبلىستىق سالىق مەكەمەسىنىڭ ورىنباسار باستىعى كۇراش ءابىل مىنالاردى ءبىلدىردى: ءتۇرلى سالىق، اقى جاعىنان قولداۋ ساياساتتارىن ۇزدىكسىز ويداعىداي تياناقتاندىرىپ، سالىق سالاسىنداعى ”ۇقىقتى تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، سالىق ىستەرىن ءبىتىرۋ، اقى تاپسىرۋ قولايلىلىعىن ۇزدىكسىز جوعارىلاتىپ، ءادىل، زاڭمەن باسقارىلاتىن سالىق جيناۋ ورتاسىن بەلسەنە قالىپتاستىرامىز.
(ءتىلشى جاڭ يانفاڭ، جازۋعا قاتىناسقان تىلشىلەر ليۋ ي، دۋ جيانحۇي، ران حۋ، شيە حۇيبيان، حي حۇڭۋي، جاڭ جىلي، شى شين، تويا، ميھىرگۇل ناسىر، جاڭ تيڭ، ەرىكتى ءتىلشى حۋ جۇنشيۋ)
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
