مەسسي كاتار الەم چەمپيوناتىنىڭ شەشۋشى جارىسى ونىڭ ەڭ سوڭعى رەت الەم چەمپيوناتىنىڭ جارىسىنا قاتىناسۋى بولاتىنىن راستادى
2022.12.16 15:26 كەلۋ قاينارى : شينجياڭ گازەتى
 |
سۋرەتتە: 12 – ايدىڭ 13 – كۇنى، مەسسي جارىستا. شينحۋا اگەنتتىگىنىڭ ءتىلشىسى لي گا فوتوسى
|
كاتار الەم چەمپيوناتىنىڭ شەشۋشى جارىسى مەسسيدىڭ الەم چەمپيوناتىنىڭ جارىسىنا ەڭ سوڭعى رەت قاتىناسۋى بولىپ قالماقشى، ارگەنتينالىق فۋتبول جۇلدىزى 12 – ايدىڭ 14 – كۇنى سول ەلدىڭ اقپارات قۇرالدارىنىڭ سۇحباتىن قابىلداعاندا وسى اقپاراتتى راستادى.
جەرگىلىكتى ۋاقىت بويىنشا 12 – ايدىڭ 13 – كۇنى وتكىزىلگەن الەم چەمپيوناتىنىڭ جارتىلاي شەشۋشى جارىسىندا، مەسسي ءبىر ۇپايلى پاس بەرۋدەن سىرت، ءوزى ءبىر ۇپايعا يە بولىپ، ارگەنتينا كومانداسىنىڭ 0:3 ۇپايمەن حورۆاتيا كومانداسىن جەڭۋىنە ۇلەس قوستى، «پامپاس قىراندارى» اراعا سەگىز جىل ۋاقىت سالىپ، الەم چەمپيوناتىنىڭ شەشۋشى جارىسىنان قايتادان بوي كورسەتىپ، الەم فۋتبول ساحناسىنداعى ەڭ زور داڭققا قاراي جورىق دابىلىن قاقتى.
مەسسي سۇحباتتى قابىلداعان كەزدە: «مەن وسىنداي نىساناعا جەتكەنىمە توتەنشە قۋانىشتىمىن، ءبىر رەتكى شەشۋشى جارىس ارقىلى ءوزىمنىڭ الەم چەمپيوناتىنداعى ساپارىمدى اياقتاتپاقپىن. كەلەسى رەتكى الەم چەمپيوناتىنا تاعى بىرنەشە جىل بار، مەن ول كەزدە تاعى وسىنداي ناتيجەگە جەتە الامىن دەپ قارامايمىن، وسىلاي اياقتاتۋ ەڭ جاقسى ناتيجە بولادى»، — دەگەن.
جارتىلاي شەشۋشى جارىستا جەڭىسكە جەتكەن سوڭ، 35 جاستاعى مەسسي ءبىرقىدىرۋ رەكوردتاردى جاڭالادى — ول كاتار الەم چەمپيوناتىندا قازىرگە دەيىن 5 ۇپايعا يە بولدى، وسىعان بايلانىستى، ونىڭ الەم چەمپيوناتىنىڭ شەشۋشى جارىس كەزەڭىندە قول جەتكىزگەن جالپى ۇپاي سانى 11 گە جەتىپ، باتستۋتادان اسىپ، ارگەنتينانىڭ الەم چەمپيوناتىنداعى سۇر مەرگەنىنە اينالدى؛ ول الەم چەمپيوناتىنىڭ شەشۋشى جارىس كەزەڭىندەگى 25 رەتكى جارىسىنا قاتىناسىپ، گەرمانيانىڭ اڭىزعا اينالعان فۋتبول جۇلدىزى ماتتاۋسپەن قاتار الەم چەمپيوناتىنىڭ جارىسىنا ەڭ كوپ قاتىناسقان فۋتبولشى بولدى، شەشۋشى جارىستا مەسسي تەك الاڭعا شىقسا بولعانى، بۇل رەكورد جاڭالانادى.
مەسسي: «بۇل رەكوردتاردىڭ بارلىعى دا تاماشا، الايدا، ونان دا ماڭىزدىسى، بۇكىل كوماندانىڭ نىساناسىن ىسكە اسىرۋ، قازىر ءبىزدىڭ اعا جۇلدەگەر بولۋىمىزعا تەك ءبىر قادام عانا قالدى، جاپالى جارىستاردى باستان كەشىردىك، ءبىز وسى نىسانانى ىسكە اسىرۋ ءۇشىن بار قايراتىمىزدى سالامىز»،— دەيدى.
جەرگىلىكتى ۋاقىت بويىنشا 12 – ايدىڭ 18 – كۇنى، كاتار الەم چەمپيوناتىنىڭ شەشۋشى جارىسى وتكىزىلەدى، ارگەنتينا كومانداسى فرانسيا كومانداسىمەن بەلدەسەدى.
كەلۋ قاينارى: حالىق تورابى
 |
سۋرەتتە: 12 – ايدىڭ 13 – كۇنى، حورۆاتيانىڭ قاقپاشىسى ليۆاكوۆيچ (تومەندە) جارىستا مەسسي تەپكەن دوپتى ۇستاي المادى. شينحۋا اگەنتتىگىنىڭ ءتىلشىسى شۇي زىجيان فوتوسى
|
 |
سۋرەتتە: 12 – ايدىڭ 13 – كۇنى، مەسسي (جوعارىدا) جارىستا كورەرمەندەرگە قۇرمەت بىلدىرۋدە. شينحۋا اگەنتتىگىنىڭ ءتىلشىسى شياۋ يجيۋ فوتوسى
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
