شينجياڭ 2023 - جىلعى پارتيا گازەتتەرىن، پارتيا جۋرنالدارىن تاراتۋ قىزمەتىن ىشكەرىلەي ورنالاستىردى
تاراتۋ مىندەتىنىڭ جاپپاي تياناقتانۋىنا شىنايى كەپىلدىك ەتۋ كەرەك
2022.12.14 16:32 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ شياڭ 12 - ايدىڭ 11 - كۇنى ۇرىمجىدەن حابارلايدى. 12 - ايدىڭ 10 - كۇنى اۆتونوميالى رايون 2023 - جىلعى پارتيا گازەتتەرىن، پارتيا جۋرنالدارىن تاراتۋ قىزمەتى جونىندە بەينە ەكران ءماجىلىسىن اشىپ، پارتيا گازەتتەرىن، پارتيا جۋرنالدارىن تاراتۋ قىزمەتىن ويداعىداي ىستەۋ جونىندە قايتالاي ورنالاستىرۋ جاساپ، تاراتىلىمىنىڭ ورنىقتىلىعىن ساقتاۋعا، تاراتۋ مىندەتىنىڭ جاپپاي تياناقتانۋىنا شىنايى كەپىلدىك ەتۋدى تالاپ ەتتى. اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: پارتيا گازەتى، پارتيا جۋرنالى − پارتيانىڭ ءۇنىن جەتكىزەتىن، بۇكىل پارتيانىڭ جانە بۇكىل ەلدىڭ قىزمەتىنە جەتەكشىلىك ەتەتىن ماڭىزدى ۇگىت، قوعامدىق پىكىر شەبى، پارتيانىڭ يدەولوگيا قىزمەتىنىڭ نەگىزگى شەبى، ەل باسقارۋداعى ماڭىزدى بايلىق جانە ماڭىزدى ءتاسىل، پارتيانىڭ بۇقارامەن تىعىز بايلانىس جاساۋىنىڭ ماڭىزدى دانەكەرى، پارتيانىڭ باعىت - ساياساتىن ۇگىتتەۋ، وزىق مادەنيەتكە جەتەكشىلىك ەتۋ، قوعامدىق دۇرىس سالتتى ساۋلەلەندىرۋ، قوعامدىق كۇشتەردى ۇيىستىرۋ رولىن ارقالاپ وتىر. جەر - جەر، تاراۋلار ساياسي دەڭگەيدى شىنايى جوعارىلاتىپ، جاڭا جاعدايدا پارتيا گازەتتەرىن، پارتيا جۋرنالدارىن تاراتۋ قىزمەتىن ويداعىداي ىستەۋدىڭ ماڭىزدى ءمانىن جەتە تانىپ، ورتالىق پەن اۆتونوميالى رايوننىڭ ءتۇيىندى پارتيا گازەتتەرىن، پارتيا جۋرنالدارىن تاراتۋ قىزمەتىن ماڭىزدى ساياسي مىندەت رەتىندە مىقتى، ناقتى، ويداعىداي يگەرۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار قىزمەت نىساناسىن ايقىنداپ، شارالاردىڭ ناقتىلانۋىن، تياناقتانۋىن كۇشەيتىپ، پارتيا گازەتتەرىن، پارتيا جۋرنالدارىن تاراتۋ قىزمەتىنىڭ ورنىقتى، ءتارتىپتى بولۋىنا شىنايى كەپىلدىك ەتۋى كەرەك. جىلدىق جازىلۋ مىندەتىن تاباندىلىقپەن، باتىلدىقپەن تياناقتاندىرىپ، ايقىن بەلگىلەنگەن جازىلۋ كولەمى بويىنشا جازىلۋ تالابىن تياناقتاندىرىپ، 2023 - جىلعى پارتيا گازەتتەرىنىڭ، پارتيا جۋرنالدارىنىڭ تاراتىلىمىنىڭ 2022 - جىلعىدان تومەن بولماۋىن ساقتاۋ كەرەك. ءبىر تۇتاس جوسپارلاپ ورنالاستىرۋدى ويداعىداي ىستەپ، بەلسەندى دە ءونىمدى شارالار قولدانىپ، «حالىق گازەتى»، «ىزدەنۋ» جۋرنالى سياقتى پارتيا گازەتتەرىنە، پارتيا جۋرنالدارىنا جازىلۋ قىزمەتىنىڭ ناقتاپ تياناقتانۋىنا كەپىلدىك ەتۋ كەرەك. تاراتۋ ءتارتىبىن قاتاڭ ارناعا ءتۇسىرىپ، جازىلۋ بەلگىلەمەسىن قاتاڭ اتقارىپ، گازەت - جۋرنال تاراتۋ ءتارتىبىن رەتتەۋ - وڭاۋ قىزمەتىن ۇزدىكسىز ويداعىداي ىستەپ، باقىلاۋدى، جاۋاپقا تارتۋدى كۇشەيتۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار ۇيىمدىق باسشىلىقتى كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، قىزمەت جاۋاپكەرشىلىگىن قاتايتىپ، ناقتىلاندىرىپ، 2023 - جىلعى پارتيا گازەتتەرىن، پارتيا جۋرنالدارىن تاراتۋ مىندەتىن ۋاعىندا ورىنداۋى كەرەك. «شينجياڭ گازەتى»، «بۇگىنگى شينجياڭ» جۋرنالى جانە ايماقتاردىڭ (وبلىس، قالا) پارتيا گازەتتەرى پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، سارا تۋىندى تانىمىن بەرىك ورناتىپ، اقپارات مەديالارىنىڭ تەرەڭدەي توعىسا دامۋىن جەدەل ىلگەرىلەتىپ، گازەت شىعارۋ، جۋرنال شىعارۋ ساپاسى مەن دەڭگەيىن ۇزدىكسىز جوعارىلاتۋى كەرەك. شينجياڭ پوچتا جۇيەسى تاراتۋ تورابى مەن ينفورماتسيالاندىرۋ قۇرىلىسىن كۇشەيتىپ، وقىرمانداردىڭ گازەتتى دەر كەزىندە تاپسىرىپ الۋىنا، گازەتتى ويداعىداي وقۋىنا، گازەتتەن ويداعىداي پايدالانۋىنا مۇمكىندىك جاساۋى كەرەك. ءار دارەجەلى پارتيا ۇيىمدارى باسشى كادرلاردىڭ ۇلگى كورسەتۋ، جەتەكتەۋ رولىن ساۋلەلەندىرىپ، پارتيا مۇشەلەرىن، كادرلاردى شوعىرلى كىتاپ وقۋعا، ۇيرەنۋگە ۇيىمداستىرىپ، جازىلۋ، ۇيرەنۋ، قولدانۋ جاعىندا ۇتىمدى ىقپالداستىق مەحانيزمىن قالىپتاستىرۋدى ىلگەرىلەتىپ، پارتيا گازەتتەرىنىڭ، پارتيا جۋرنالدارىنىڭ وقىلۋ مولشەرى مەن قولدانىلۋ مولشەرىن جوعارىلاتىپ، قالىڭ پارتيا مۇشەلەرىنىڭ، كادرلاردىڭ يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە اۆتونوميالى رايوندىق پارتكومنىڭ قىزمەت ورنالاستىرۋلارىمەن اناعۇرلىم ويداعىداي بىرلىككە كەلتىرىپ، ءتۇرلى قىزمەتتەردىڭ ىشكەرىلەي ورىستەتىلۋىن بەلسەنە ىلگەرىلەتۋى كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
