جۇڭگو ادىلەت پارتياسىنىڭ مەملەكەتتىك 16 - قۇرىلتايى اشىلدى
لي شي ج ك پ ورتالىق كوميتەتى اتىنان قۇتتىقتاۋ ءسوزىن سويلەدى
2022.12.13 14:30 كەلۋ قاينارى : حالىق تورابى
«حالىق گازەتى»، 12 - ايدىڭ 12 - كۇنى، بەيجيڭ. جۇڭگو ادىلەت پارتياسىنىڭ مەملەكەتتىك 16 - قۇرىلتايى 12 - ايدىڭ 12 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي اشىلۋ سالتىنا قاتىناستى ءارى ج ك پ ورتالىق كوميتەتى اتىنان قۇتتىقتاۋ ءسوزىن سويلەدى (قۇتتىقتاۋ ءسوزىنىڭ تولىق مازمۇنىن «حالىق گازەتىنىڭ» 4 - بەتىنەن وقي الاسىزدار).
قۇتتىقتاۋ سوزىندە بىلاي دەپ اتاپ كورسەتىلدى: وتكەن 5 جىل وتە ەرەكشە، توتەنشە وزگەشە 5 جىل بولدى. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە دۇنيە ءجۇزىن جالت قاراتقان كەلەلى تابىستارعا قول جەتكىزدىك، بىرلىكساپ پەن كوپ پارتيا سەلبەستىگى ىستەرىندە قارىشتاپ دامىعان تاماشا جاعداي جارىققا شىقتى. 5 جىلدان بەرى ادىلەت پارتياسى ج ك پ ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن تىعىز بايلانىستىرىپ، «قوس اينالمالى ءتۇيىن بولۋ رولىن ساۋلەلەندىرىپ، ەكونوميكانىڭ ساپالى دامۋىن جەبەۋ»، «وسى زامانعى ەنەرگيا جۇيەسىن ورناتىپ، كومىر قىشقىل گازىنىڭ شىعارىلۋىن جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى ءبىر تۇتاس جوسپارلاپ ىلگەرىلەتۋ» سياقتى كەلەلى تاقىرىپتار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، سىچۋاننىڭ كەدەيلىكتەن ارىلتۋدان قامال الۋىنا باعىتتالعان دەموكراتيالىق باقىلاۋدى جانە انحۇيدىڭ چاڭجياڭ وزەنىنىڭ ەكولوگيالىق ورتاسىن قورعاۋىن سالالار بويىنشا دەموكراتيالىق باقىلاۋدى مۇقيات ورىستەتتى، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، شەتەلمەن بايلانىس جاساۋ، جاڭا تيپتى ايدارشا ۆيرۋس وكپە قابىنۋ ىندەتى سياقتى جاقتاردا بەلسەندى ۇلەس قوستى.
قۇتتىقتاۋ سوزىندە مىنالار دارىپتەلدى: جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − ۇلى دا جاپالى ءىس، بىرلىكساپ مۇشەلەرىن قامتىعان بۇكىل ەلدەگى ءار ۇلت حالقىنىڭ بىرگە ىنتىماقتاسا كۇرەس جۇرگىزۋىن قاجەت ەتەدى. جۇڭگو كوممۋنيستىك پارتياسى پارتيا 20 - قۇرىلتايىنىڭ رۋحى بويىنشا حالىق دەموكراتياسىن باتىل مىزعىماي دامىتىپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي ءماسىليحات كەڭەسى تۇزىمىندە تاباندى بولىپ جانە ونى كەمەلدەندىرىپ، پارتيانىڭ باسشىلىعىن، بىرلىكساپتى، كەڭەس دەموكراتياسىن ورگانيكالى ۇشتاستىرۋدا تاباندى بولىپ، ۇزاق ۋاقىت بىرگە ءومىر ءسۇرۋ، ءوزارا باقىلاۋ، ءبىر - بىرىنە شىن ادال بولۋ، جاقسى مەن جاماندى بىرگە كورۋ باعىتىن دايەكتىلەندىرىپ، دەموكراتيالىق پارتيا - توپتاردىڭ جۇڭگوشا سوتسياليستىك ساياسي پارتيانىڭ تالابى بويىنشا وزىندىك قۇرىلىستى كۇشەيتىپ، فۋنكتسيانى اناعۇرلىم ويداعىداي اتقارىپ، كوپ پارتيا سەلبەستىگى ىستەرىن ۇزدىكسىز العا ىلگەرىلەتىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، ۇلتتىڭ گۇلدەنۋىنە بىرگە قۇلشىناتىن قۇدىرەتتى كۇش - قۋات ۇيىستىرۋىن قولدايدى.
قۇتتىقتاۋ سوزىندە بىلاي دەپ اتاپ كورسەتىلدى: جاڭا ءداۋىر، جاڭا جورىق بىرلىكساپ مۇشەلەرىنىڭ قابىلەتىن ايگىلەۋىنە، رولىن ساۋلەلەندىرۋىنە اناعۇرلىم جاقسى وراي جاراتتى، اناعۇرلىم ۇلكەن ساحنا ازىرلەدى. ادىلەت پارتياسىنىڭ ج ك پ 20 - قۇرىلتايىنىڭ رۋحىن، سونداي - اق ورتالىقتىڭ بىرلىكساپ قىزمەتى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن جاقسى ىستەۋ جونىندەگى ماڭىزدى يدەياسىن مۇقيات دايەكتىلەندىرىپ، مۇھاجىرلار جانە شەتەلدەردەگى جۇڭگولىقتار قىزمەتىن ىستەۋ ەرەكشەلىگىن تولىق ساۋلەلەندىرىپ، «جالپى ءۇشىن قىزمەت ەتۋ» داستۇرىنە مۇراگەرلىك ەتىپ، «مۇھاجىرلار، شەتەلدەردەگى جۇڭگولىقتار وتانعا قارىمجى قايتارۋ» بورىشىن باتىلدىقپەن ارقالاپ، جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن اناعۇرلىم كوپ اقىل - پاراسات جانە كۇش - قۋات قوسۋىن ءۇمىت ەتەمىز. ج ك پ ورتالىق كوميتەتى ادىلەت پارتياسى جاڭا كەزەكتى ورتالىق كوميتەتىنىڭ باسشىلىق قۇرىلىمىنىڭ، ءسوز جوق، قالىڭ مۇشەلەردى ىنتىماقتاستىرىپ جانە باستاپ، جاڭا ءداۋىر، جاڭا جورىقتا جۇڭگوشا سوتسياليستىك ۇكىمەت ىسىنە قاتىناسۋشى پارتيانىڭ بورىشى مەن مىندەتىن ارقالاپ، تاڭداۋلى ءداستۇردى ساۋلەلەندىرىپ، ساياسي تاپسىرىپ بەرۋ - تاپسىرىپ الۋدى تەرەڭدەتىپ، مىندەتىن مۇقيات اتقارىپ، جاۋاپكەرلىكتى ادا ەتىپ، ادىلەت پارتياسىنىڭ تاريحي تىڭ داستانىن جازاتىنىنا سەنەدى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ دەموكراتيالىق پارتيا - توپتاردىڭ ورتالىق كوميتەتتەرى مەن مەملەكەتتىك ساۋدا - ونەركاسىپشىلەر بىرلەستىگى اتىنان قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەلىندى: ادىلەت پارتياسىنىڭ 15 - قۇرىلتايىنان بەرى ءتۇرلى قىزمەتتەردە كورنەكتى ىلگەرىلەۋشىلىكتەر بولدى، مەملەكەت پەن حالىق ءۇشىن تىڭ ۇلەستەر قوسىلدى، قوعامنىڭ ءار سالاسىنداعىلاردىڭ جاپپاي القاۋىنا بولەندى. جاڭا جورىقتا دەموكراتيالىق پارتيا - توپتار مەن ساۋدا - ونەركاسىپشىلەر بىرلەستىگى شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اناعۇرلىم تاسقىنداعان رۋحاني كۇيمەن وزىندىك قۇرىلىستى جاپپاي كۇشەيتىپ، ۇكىمەت ىسىنە ارالاساتىن پارتيا فۋنكتسياسىن جاپپاي اتقارىپ، ەلىمىزدىڭ ءتۇرلى ىستەرىنىڭ دامۋىنا تىڭ دا اناعۇرلىم زور ۇلەس قوسادى.
جۇڭگو مۇھاجىرلار بىرلەستىگىنىڭ پارتگرۋپپا شۋجيى، ءتوراعاسى ۋان ليجۇن مەملەكەتتىك حالىق قۇرىلتايى مۇھاجىرلار كوميتەتى، مەملەكەتتىك كەڭەس مۇھاجىرلار كەڭسەسى، مەملەكەتتىك ساياسي كەڭەس شياڭگاڭ، اۋمىن، تايۋان مۇھاجىرلار كوميتەتى جانە جۇڭگو مۇھاجىرلار بىرلەستىگى اتىنان قۇتتىقتاۋ ءسوزىن سويلەدى.
قۇرىلتاي ءتوراعالار القاسىنىڭ تۇراقتى ءتوراعاسى ۋان گاڭ جۇڭگو ادىلەت پارتياسى 15 - كەزەكتى ورتالىق كوميتەتى اتىنان قىزمەتتەن بايانداما جاسادى. باياندامادا ادىلەت پارتياسىنىڭ وتكەن 5 جىلداعى جانە جاڭا داۋىردەگى 10 جىلدان بەرگى باستى قىزمەتتەرى مەن نەگىزگى تاجىريبەلەرى ەسكە الىنىپ، قورىتىندىلانعاننان كەيىن مىنالار ورتاعا قويىلدى: جۇڭگو ادىلەت پارتياسى جۇڭگوشا سوتسياليزم ۇلى تۋىن بيىك كوتەرىپ، ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ۇزدىكسىز جول اشىپ جاڭالىق جاراتىپ، جاۋاپكەرلىگىن شىنايى وتەپ، وزىندىك قۇرىلىستى جاپپاي ىلگەرىلەتىپ، ادىلەت پارتياسىن ساياسي جاقتان بەرىك، ۇيىمدىق جاقتان مىعىم، مىندەتىن اتقارۋى پارمەندى، ستيلى جاقسى، ءتۇزىمى اقاۋسىز جۇڭگوشا سوتسياليستىك ۇكىمەت ىسىنە قاتىناسۋشى پارتيا ەتىپ قۇرىپ شىعىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ەرلىكپەن كۇرەس جۇرگىزەدى.
شى تايفىڭ، ۋاڭ دۇڭميڭ، ۋەي فىڭحى، لۋ جانگۇڭ ءماجىلىستىڭ اشىلۋ سالتىنا قاتىناستى، جياڭ زوجۇن اشىلۋ سالتىن باسقاردى.
بۇل رەتكى قۇرىلتاي ادىلەت پارتياسى 15 - كەزەكتى ورتالىق كوميتەتىنىڭ قىزمەت بايانداماسىن تىڭدايدى جانە قارايدى، «جۇڭگو ادىلەت پارتياسىنىڭ ۋستاۆىن (وزگەرىس ەنگىزىلگەن نۇسقا)» قاراپ ماقۇلدايدى، ادىلەت پارتياسى 16 - كەزەكتى ورتالىق كوميتەتىن سايلايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
