ءتورتىنشى ماۋسىمداعى بۇكىل شينجياڭنىڭ ءىرى نىساندارىن ورنالاستىرۋ ءماجىلىسى وتكىزىلدى
لانجوۋ - شينجياڭ تەمىر جولىنىڭ جىڭنان الاتاۋ ساعاسىنا دەيىنگى قوسىپ سالىناتىن 2 - جەلىسى سياقتى نىسانداردا جۇمىس باستالدى
ما شيڭرۇي، ليۋ جىنفاڭ، ەركىن تۇنياز قاتىناستى
2022.12.12 16:21 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 10 - كۇنى ۇرىمجىدەن حابارلايدى. تاياۋدا لانجوۋ - شينجياڭ تەمىر جولىنىڭ جىڭنان الاتاۋ ساعاسىنا دەيىنگى قوسىپ سالىناتىن 2 - جەلىسىندە جۇمىس باستاۋ جانە ءتورتىنشى ماۋسىمداعى بۇكىل رايوننىڭ ءىرى نىساندارىن ورنالاستىرۋ ءماجىلىسى ۇرىمجىدە بەينە ەكران تاسىلىندە وتكىزىلدى.
اۆتونوميالى رايوندىق پارتكومنىڭ شۋجيى ما شيڭرۇي نىساننىڭ جۇمىس باستاعاندىعىن جاريالادى، جۇڭگو مەملەكەت تەمىر جول توبى شەكتى سەرىكتەستىگىنىڭ باسالقاسى، پارتيا باسشىلىق گرۋپپاسىنىڭ شۋجيى ليۋ جىنفاڭ بەينە ەكراندا ارناۋ ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بەينە ەكراندا ارناۋ ءسوز سويلەدى ءارى ورنالاستىرۋ ماجىلىسىندە ءسوز سويلەدى.
لانجوۋ - شينجياڭ تەمىر جولىنىڭ جىڭنان الاتاۋ ساعاسىنا دەيىنگى قوسىپ سالىناتىن 2 - جەلىسى نىسانى بۇراتالا موڭعۇل اۆتونوميالى وبلىسىنىڭ شەكاراسى ىشىنە ورنالاسقان، جەلى جىڭ ۆوگزالىنان باستالىپ، جىڭ اۋدانىن، بۇراتالا قالاسىن، الاتاۋ قالاسىن باسىپ ءوتىپ، الاتاۋ ساعاسى ۆوگزالىنا تۇتاسادى. نەگىزگى جەلىنىڭ جالپى ۇزىندىعى مولشەرمەن 70 كيلومەتر، جوبالانعان ساعاتتىق جىلدامدىعى 120 كيلومەتر، مەملەكەت تەمىر جولىنىڭ 1 - دارەجەلى ەلەكترلەندىرىلگەن تەمىر جولى، قۇرىلىس مەرزىمى 2 جىل.
ليۋ جىنفاڭ مەملەكەت تەمىر جول توبى اتىنان لانجوۋ - شينجياڭ تەمىر جولىنىڭ جىڭنان الاتاۋ ساعاسىنا دەيىنگى قوسىپ سالىناتىن 2 - جەلىسىندە جۇمىس باستالعاندىعىن قىزۋ قۇتتىقتادى، ۇزاق ۋاقىتتان بەرى تەمىر جول ىستەرىنىڭ دامۋىنا كوڭىل بولگەن، ونى قولداعان اۆتونوميالى رايوننىڭ ءار دارەجەلى پارتكومدارىنا، ۇكىمەتتەرىنە جانە ءار ۇلت بۇقاراسىنا شىن جۇرەكتەن العىس ايتتى، قۇرىلىسقا قاتىناسقان ورىندار مەن قالىڭ قۇرىلىسشىلارعا ىقىلاستى سالەم جولدادى. ول بىلاي دەدى: لانجوۋ - شينجياڭ تەمىر جولىنىڭ جىڭنان الاتاۋ ساعاسىنا دەيىنگى قوسىپ سالىناتىن 2 - جەلىسى جاڭا ازيا - ەۆروپا قۇرلىق كوپىرى مەن مەملەكەت تەمىر جول تورابى نەگىزگى جۇلگەسىنىڭ ماڭىزدى قۇرامداس بولىگى، جۇڭگو - ەۆروپا كەزەكشى پويەزى ارناسىنىڭ رولىن كۇشەيتۋدەگى، شينجياڭنىڭ جوعارى دەڭگەيدە سىرتقا ەسىك اشۋىن جەبەۋدەگى ماڭىزدى نەگىزدىك قۇرىلعى. قۇرىلىسقا قاتىناسقان ءارقايسى ورىندار مەن قالىڭ قۇرىلىسشىلاردىڭ ”مەملەكەتتىڭ زور ءىسىن“ كوكەيدە ساقتاپ، جاۋاپكەرشىلىك ارقالاۋدى كۇشەيتىپ، نىساندى جوعارى ساپامەن ويداعىداي سالىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا پارمەندى تۇردە قىزمەت وتەپ جانە تىرەك بولىپ، شينجياڭ تەمىر جولىنىڭ جوعارى ساپالى دامۋدى جۇزەگە اسىرۋىن ىلگەرىلەتۋىن ءۇمىت ەتەمىن.
ەركىن تۇنياز اۆتونوميالى رايوندىق پارتكوم مەن ۇكىمەت اتىنان شينجياڭنىڭ ەكونوميكالىق، قوعامدىق دامۋىنا كوڭىل بولگەن جانە قولداۋ كورسەتكەن مەملەكەت تەمىر جول توبىنا جانە قوعامداعى ءار سالا قايراتكەرلەرىنە شىن جۇرەكتەن العىس ايتتى، قالىڭ قۇرىلىسشىلارعا ىقىلاستى سالەم جولدادى. ول بىلاي دەدى: لانجوۋ - شينجياڭ تەمىر جولى جۇڭگو - ەۆروپا كەزەكشى پويەزى باتىس ارناسىنىڭ ماڭىزدى قۇرامداس بولىگى، قوسىپ سالىناتىن نىسان جۇڭگو - ەۆروپا كەزەكشى پويەزدارىنىڭ تاسىمال قۋاتىن بارىنشا ءوسىرۋ، تاسىمالداۋداعى ولقىلىقتاردى تولىقتاۋ، ”ءبىر بەلدەۋ، ءبىر جولدى“ بىرگە قۇرۋدى جانە شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ جونىنەن كەلەلى ماڭىزعا يە. شينجياڭ باس شۋجي شي جينپيڭنىڭ قاتىناستا قۋاتتى ەل قۇرۋ جونىندەگى ماڭىزدى بايىمداۋىن مۇقيات دايەكتىلەندىرىپ، تياناقتاندىرىپ، ”14 - بەسجىلدىقتاعى“ تەمىر جول قۇرىلىسىنىڭ مىندەتىن جوعارى ساپامەن ورىنداپ، رايونىمىزدىڭ ىشكى قۇرلىقتىق ەسىك اشۋ مەن شەكارالىق ەسىك اشۋىنىڭ بيىك بەلەسىن تۇلعالاۋىنا، مەملەكەت حاۋىپسىزدىگىن قامتاماسىز ەتۋدىڭ جاڭا قالتقىسىن بەكەمدەۋىنە، جوعارى ساپالى دامۋدى ىلگەرىلەتۋى مەن حالىق تۇرمىسىن جاقسارتۋىنا اناعۇرلىم زور ۇلەس قوسادى.
ءتورتىنشى ماۋسىمداعى تۇتاس رايوننىڭ ءىرى نىساندارىن ورنالاستىرۋ ماجىلىسىندە تۇتاس رايونداعى قارجى قوسىلعان نىساندار جاعدايىنان جاسالعان مالىمەت تىڭدالدى، G219 جەلىسىنىڭ موڭعۇلكۇرەدەن ونسۋعا دەيىنگى تاس جول نىسانى سياقتى 6 ءىرى تاس جول نىسانىندا قۇرىلىس باستالدى.
ءماجىلىس مىنالاردى اتاپ كورسەتتى: بيىل جىل باسىنان بەرى رايونىمىز ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ەكونوميكانى ورنىقتىرۋدىڭ ءبىر قىدىرۋ ساياسات - شارالارىن تياناقتاندىرىپ، ءىرى نىسان قۇرىلىستارىن مىقتاپ يگەرىپ، ءونىمدى قارجى قوسۋدى بەلسەنە كەڭەيتتى، الدىڭعى 3 ماۋسىمدا تۇتاس رايونداعى قارجى قوسۋ ورنىقتى ارتۋدى ساقتادى. سونىمەن بىرگە جاڭا تيپتى ايدارشا ۆيرۋس وكپە قابىنۋ ىندەتى تۇتاس رايوننىڭ ەكونوميكالىق اينالىمىنا قاتاڭ سىن بولدى. جەر - جەر، تاراۋلار ساياسي جاۋاپكەرشىلىكتى كۇشەيتىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن شىن مانىندە بىرلىككە كەلتىرىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسىنىڭ ورنالاستىرۋى بويىنشا، نىسانانى جەتەكشى ەتۋگە، جۇيەلى ويلاۋعا، ماڭىزدى تۇيىندەردەن قامال الۋعا تاباندى بولىپ، ”ەكىنى ءبىر تۇتاس جوسپارلاۋدى“ ورىنداپ، نىسان قۇرىلىسى سىندى ”بۇيدانى“ مىقتاپ ۇستاپ، ءونىمدى قارجى قوسۋدىڭ شەشۋشى رولىن ساۋلەلەندىرىپ، ەڭ سوڭعى ءبىر اي ۋاقىتتى قولدان جىبەرمەي، ءتورتىنشى ماۋسىمدا ۇمتىلىپ، اياقتاتۋ شايقاسىن ويداعىداي جۇرگىزۋى كەرەك. جاۋاپكەرشىلىك ارقالاۋدى كۇشەيتىپ ءارى ىندەتتەن ساقتانۋ - تىزگىندەۋ قىزمەتىن، اسىرەسە، ”قايتا بەلەڭ بەرۋدەن ساقتانۋ“ قىزمەتىن ويداعىداي ىستەۋ، ءارى ءتۇرلى شارالاردى ەگجەي - تەگجەيلىلەندىرىپ، ءتورتىنشى ماۋسىمداعى ەكونوميكالىق قىزمەتتەردى جان - جاقتى ويداعىداي ىستەۋ كەرەك. نىسانا - مىندەتتەردى كوزدەپ، شەكتى قۇرىلىس ۋاقىتىن مىقتاپ يگەرىپ، نازاردى ءتۇيىندى وڭىرلەرگە، ءتۇيىندى سالالارعا، ءتۇيىندى كاسىپورىندارعا شوعىرلاندىرىپ، اناعۇرلىم كوپ ناقتى قىزمەت مولشەرىن قالىپتاستىرۋعا قۇلشىنۋ كەرەك. سايكەسە بىرلەسىپ قيمىلداۋدى كۇشەيتىپ، ماڭىزدى فاكتورلاردى قامتاماسىز ەتۋدى ويداعىداي يگەرىپ، قىزمەت ورنىن ورنىقتىرىپ، قىزمەتكەرلەردى الىپ قالۋ، ساۋداگەر شاقىرىپ قارجى ەنگىزۋ، ساۋداگەرلەردى الاڭسىز ەتىپ، ساۋدانى ورنىقتىرۋ قىزمەتىن ويداعىداي ىستەپ، حاۋىپسىز دامۋ ۇستانىمىن بەرىك ورناتىپ، بۇقارانىڭ ءومىرىنىڭ، مال - مۇلكىنىڭ حاۋىپسىزدىگىن قورعاۋ كەرەك. نىسان قورىن كۇشەيتىپ، ولقىلىقتاردى، ءالسىز تۇستاردى جەدەل تولىقتاپ، ەرەكشە كۇش پەن ەرەكشە ءتاسىل قولدانىپ، ەكونوميكانى ورنىقتىرۋدىڭ، سەرپىلتۋدىڭ قامال الۋ شايقاسىندا جەڭىسكە باتىل قول جەتكىزىپ، بيىل ەڭ جاقسى جەتىستىكتەرگە جەتۋگە مۇمكىندىگىنشە قۇلشىنۋ كەرەك.
چىن ۋيجۇن جۇمىس باستاۋ سالتىن جانە ورنالاستىرۋ ءماجىلىسىن باسقاردى. ياڭ فاسىن، ءيۇسۇپجان مامەت، قادەن كابەن، جاروللا يسامدين، مەملەكەت تەمىر جول توبىنىڭ باسشىسى ۋاڭ تۇڭجۇن قاتارلىلار قاتىستى قيمىلدارعا قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
