شينجياڭنىڭ ماقتا كاسىپ سالاسىن دامىتۋ باسشىلىق گرۋپپاسى 2022 - جىلعى ءۇشىنشى جالپى ءماجىلىسىن اشتى
ماقتا كاسىپ سالاسىنىڭ جوعارى ساپالى دامۋىن تىڭعىلىقتى ىلگەرىلەتۋ كەرەك
2022.12.12 16:22 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 9 - كۇنى ۇرىمجىدەن حابارلايدى. 12 - ايدىڭ 8 - كۇنى تۇستەن بۇرىن اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسى 2022 - جىلعى ءۇشىنشى جالپى ءماجىلىسىن اشىپ، 2022 - جىلعى رايونىمىزدىڭ ماقتا كاسىپ سالاسىن دامىتۋ جاعدايى جونىندەگى مالىمەتتى تىڭداپ، رايونىمىزدىڭ كەلەر جىلعى ماقتا كاسىپ سالاسىن دامىتۋىنداعى ءتۇيىندى قىزمەتتەر جونىندە ورنالاستىرۋ جاسادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: ماقتا مەملەكەت جوسپارى مەن حالىق تۇرمىسىنا ساياتىن ماڭىزدى ستراتەگيالىق زاتتىق ماتەريال. شينجياڭ ەلىمىزدەگى ەڭ ۇلكەن ساپالى تاۋار ماقتا ءوندىرىس بازاسى رەتىندە، بايلىق ارتىقشىلىعىمەن وڭىرلىك ورىن باسىمدىعىن تياناق ەتىپ، ماقتانىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، ەرەكشە باسىمدىققا يە كاسىپ سالالارىن جەتىلدىرۋى، زورايتۋى كەرەك.
ءماجىلىس مىنالاردى باسا دارىپتەدى: شينجياڭنىڭ ماقتا بايلىعىنىڭ ەرەكشە باسىمدىعىن تياناق ەتىپ، شينجياڭنىڭ ماقتا وندىرەتىن نەگىزگى وڭىرلەرىنىڭ ستراتەگيالىق ورنىن ۇزدىكسىز بەكەمدەپ، ماقتا كاسىپ سالاسىنىڭ جوعارى ساپالى دامۋىن جەبەۋ كەرەك. بيىل رايونىمىزدا ماقتا جيناۋ قىزمەتى، نەگىزىنەن، ورىندالىپ بولدى، ماقتانى قامباعا كىرگىزۋ، تەكسەرۋ جانە شينجياڭنان شىعارۋ، تاسىمالداۋ قىزمەتىن تىڭعىلىقتى ىستەپ، ءاربىر بۋىندى اناعۇرلىم ناقتى، ەگجەي - تەگجەيلى يگەرىپ، جاڭا ماقتانى قابىلداۋعا تيىستىلەرىن مۇمكىندىگىنشە قابىلداپ، تەكسەرۋگە تيىستىلەرىن مۇمكىندىگىنشە تەكسەرىپ،ءساتتى ساتىلۋىنا كۇش سالۋ كەرەك. ماقتانىڭ نىسانالى باعا رەفورماسى ساياساتى مەن سايكەستى شارالارىن ۇزدىكسىز كەمەلدەندىرىپ، ماقتا قوسىمشا قاراجاتى جانە ساپانى بايلانىستىرۋ سىناق ءتۇيىنى سىندى قىزمەتتەردى تىڭعىلىقتى ىلگەرىلەتىپ، رايونىمىزدىڭ ماقتا كاسىبىنىڭ ساپاسىن ونان ارى جوعارىلاتىپ، ونىمدىلىگىن ونان ارى ارتتىرۋدى ىلگەرىلەتۋ، شارۋالار كىرىسىنىڭ ۇزدىكسىز ارتۋىن جەبەۋ كەرەك.
ءماجىلىس مىنالاردى اتاپ كورسەتتى: قاتىستى تاراۋلار وزدەرىنىڭ قىزمەت جاۋاپكەرشىلىگى، جۇمىس ءبولىسى بويىنشا پارمەندى شارالار قولدانىپ، بازار جاعدايىنىڭ وزگەرىسىنە بەلسەنە توتەپ بەرىپ، ماقتانىڭ قامبادا باسىلىپ قالۋ قىسىمىن كۇش سالا شەشىپ، ماقتا ەگەتىن شارۋالاردىڭ كىرىسىنە شىنايى كەپىلدىك ەتۋ كەرەك. امەريكانىڭ، باتىستىڭ رايونىمىز ماقتاسىنا قىسىم تۇسىرۋىنەن، جازالاۋىنان ساقتانىپ، ىرىقتىلىقپەن توتەپ بەرىپ، شينجياڭ ماقتاسىندا تاڭداۋلى ماركا جاراتىپ، شينجياڭ ماقتاسىنىڭ اقاۋسىز دامۋىن قولدايتىن بىرىككەن كۇش ۇيىستىرۋ كەرەك. فينانس قۇرىلىمدارى وزدەرىنىڭ فۋنكتسيالىق رولدارىن تولىق ساۋلەلەندىرىپ، ءتۇرلى فينانس قۇرالدارىنان ويداعىداي پايدالانىپ، ماقتا كاسىپورىندارىنىڭ قيىنشىلىعىن شەشۋى ءتيىس. بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، ونان ارى ساياساتتى بىرلىككە كەلتىرىپ، جوبانى بىرلىككە كەلتىرىپ، باقىلاۋ - باسقارۋدى بىرلىككە كەلتىرىپ، بازاردى بىرلىككە كەلتىرىپ، شينجياڭنىڭ ماقتا كاسىبىن بىرگە زورايتۋ، الۋەتتەندىرۋ كەرەك.
ءماجىلىس مىنالاردى تالاپ ەتتى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا، ماقتا جانە توقىماشىلىق، كيىم - كەشەك كاسىپ سالاسى شوعىرى قۇرىلىسى، شينجياڭنىڭ ساپالى ماقتا بازاسى قۇرىلىسى، ماقتا تۇقىم شارۋاشىلىعى جانە ماشينامەن جيناۋ تەحنيكاسىندا جاڭالىق اشۋدان قامال الۋ، ماقتا مانەرلەۋ كاسىبىنىڭ اقاۋسىز دامۋى سياقتى مىندەتتەردى ارقاۋ ەتىپ، قىزمەت شارالارىن ءتىپتى دە اشالاپ، قىزمەت وي جەلىسىن كەڭەيتىپ، رايونىمىزدىڭ ماقتا كاسىپ سالاسىنىڭ باسەكەلىك قۋاتىن ۇزدىكسىز جوعارىلاتۋ كەرەك.
ءيۇسۇپجان مامەت، ماڭلىك سەيىت، حا زىڭيوۋ قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
