شينجياڭداعى 6 ءتۇيىندى تاس جول نىسانىندا شوعىرلى جۇمىس باستالدى
2022.12.12 16:25 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 12 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، تاياۋدا G219 جەلىسى موڭعۇلكۇرە - ونسۋ تاس جولى قۇرىلىسى نىسانىن قامتىعان شينجياڭداعى 6 ءتۇيىندى تاس جول نىسانىندا شوعىرلى جۇمىس باستالعان، نىسان جوعارى قارقىندى تاس جول، مەملەكەت - ولكە نەگىزگى جەلىسى، جاڭالاۋ ينجەنەرياسىن ساپالىلاندىرۋ سياقتى سالالارعا سايادى ەكەن.
G219 جەلىسى موڭعۇلكۇرە - ونسۋ تاس جولى قۇرىلىسى نىسانى جەلىسىنىڭ جالپى ۇزىندىعى 474. 121 كيلومەتر، 1 - دارەجەلى جانە 2 - دارەجەلى تاس جول تەحنيكا ولشەمى بويىنشا سالىنادى، G219 جەلىسىنىڭ شينجياڭ شەكاراسى ىشىندەگى شەشۋشى قۇرامداس بولىگى، تيانشان تاۋىن ەندەي ءوتىپ، وڭتۇستىك، سولتۇستىك شينجياڭنىڭ قاتىناس نەگىزگى جەلىسىن تۇتاستىرىپ، وڭتۇستىك، سولتۇستىك باعىتتا ىلە قازاق اۆتونوميالى وبلىسى مەن اقسۋ ايماعىن تۇتاستىرىپ، شينجياڭنىڭ باتىس بولىگىندە وڭتۇستىك، سولتۇستىك شينجياڭدى تۇتاستىراتىن ماڭىزدى ارنا قالىپتاستىرادى.
مۇنان سىرت، 5 نىساننىڭ دا اياق الىسى ءساتتى بولدى. G315 جەلىسى توپا − تورعايتى شەكارا وتكەلى نىسانى جەلىسىنىڭ جالپى ۇزىندىعى 112 كيلومەتر، قوس باعىتتا 4 اۆتوكولىك جولى 1 - دارەجەلى تاس جول ولشەمى بويىنشا قۇرىلىس جۇرگىزەدى، ول ەلىمىزدىڭ باتىس بولىگىنەن ورتا ازياعا، باتىس ازياعا، اۋەلى، ەۆروپاعا تۇتاساتىن ماڭىزدى تاسىمال ارناسىنا اينالادى؛ G680 جەلىسى تايكەشكەن − شاكۇرتى نىسانى جەلىسىنىڭ جالپى ۇزىندىعى شامامەن 102. 122 كيلومەتر، 1 - دارەجەلى تاس جول تەحنيكا ولشەمى بويىنشا قۇرىلىس جۇرگىزەدى، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ، شەكارا وتكەلىنىڭ ۇلاستىرۋ، وڭىرلىك قاتىناس - تاسىمال شارت - جاعدايىن جاقسارتۋدى ىلگەرىلەتۋ سياقتىلار جونىنەن ماڭىزدى رولعا يە؛ G3012 جەلىسى كۇشار - اقسۋ جوعارى قارقىندى تاس جولىن جاڭالاپ، كەڭەيتىپ سالۋ نىسانى جەلىسىنىڭ جالپى ۇزىندىعى 259.99 كيلومەتر، باستىسى، بۇرىنعى جوعارى قارقىندى تاس جولدىڭ اۆتوكولىك قاتىناۋ جولى جانە قاتتى جول جيەگىن كەڭەيتىپ، جاڭالاپ سالادى، سونداي - اق جەلى بويىنداعى قىزمەت وتەۋ اۋماقتارىندا ەلەكترلەۋ تۇعىرى سياقتىلاردى كوبەيتىپ ورناتادى؛ G218 جەلىسى يانجي - باعراش (5A كورىنىس ءوڭىرى) نىسانى جەلىسىنىڭ جالپى ۇزىندىعى 255. 18 كيلومەتر، 1 - دارەجەلى تاس جول ولشەمى بويىنشا سالىنادى، نىسان تۇتاس G218 جەلىسىن بايلانىستىراتىن ماڭىزدى قۇرامداس بولىك رەتىندە، يانجي، باعراش سياقتى جەرلەردى تەز ارادا تۇتاستىراتىن بولادى؛ S235 جەلىسى لوپنۇر - چارقىلىق نىسان جەلىسىنىڭ جالپى ۇزىندىعى 77.296 كيلومەتر، نىسان قۇرىلىسى قازىرگى بار تاس جولدىڭ تەحنيكالىق جاعدايىنىڭ ناشار، كىنارات كوپ تۋىلۋ سياقتى ماسەلەلەردى شەشۋ، ستراتەگيالىق ارنانىڭ دامۋىن تەزدەتۋ، جەلى بويىنداعى بايلىقتاردى اشۋ، شىعىس شينجياڭ مەن وڭتۇستىك شينجياڭ ءوڭىرىنىڭ اۋىس - كۇيىس جاساۋىن جەبەۋ سياقتىلار جونىنەن ماڭىزدى رولعا يە.
بيىل جىل باسىنان بەرى، اۆتونوميالى رايوننىڭ قاتىناس - تاسىمال جۇيەسى ىندەتتىڭ ءتيىمسىز ىقپالىن قۇلشىنا جەڭىپ، قاتىناس قۇرىلىسىن كۇش سالا ىلگەرىلەتتى ءارى مەردىگەر شاقىرۋ، مەردىگەرلىككە الۋ ۇلگىسىندە جاڭالىق اشىپ، ينتەرنەتتە تەكسەرىپ بەكىتۋ، وزگە جەردە ولشەمدى باعالاۋ سياقتى تاسىلدەرمەن جاڭادان سالىناتىن نىسانداردىڭ جۇمىس باستاۋىن جۇزەگە اسىرۋدى ىلگەرىلەتىپ، ءتۇيىندى تاس جول نىساندارىنىڭ جۇمىس باستاپ، قۇرىلىس جۇرگىزۋىنە نەگىز قالادى.
”كەلەر قادامدا، ءبىز نىسانداردىڭ قىس ماۋسىمىندا قۇرىلىس جۇرگىزۋىن ءتارتىپتى ىلگەرىلەتەمىز. سونىمەن بىرگە، كەلەر جىلعى جانە ’14 - بەسجىلدىقتىڭ‘سوڭىنداعى نىسانداردىڭ ىلگەرىلەۋىن تەزدەتىپ، نىسانداردىڭ ەرتە تياناقتانۋىنا، ەرتە جۇمىس باستاۋىنا، ەرتە قۇرىلىس جۇرگىزۋىنە شىنايى كەپىلدىك ەتەمىز“، - دەدى اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
